影片
港铁尖沙咀/尖东站 L5 出口, 步行约2分钟
继续阅读
电话号码
23368939
营业时间
今日营业
08:15 - 23:45
星期一至日
08:15 - 23:45
公众假期
08:15 - 23:45
公众假期前夕
08:15 - 23:45
以上资料只供参考，请与餐厅确认详情
💮好耐无食过点心，今日熊妹适逢阿妹一齐放假，又想去尖沙咀行吓🛍️，阿妹话食得西餐太多，今次想试吓食中式点心。特登上网揾到呢间位于汉口道的《乐意点心》多人评价又多人食过，仲要入围《开饭热店2024五十大外卖自取餐厅》🏵️，主要系喺尖沙咀地段点心嘅价钱好抵食，一于去试吓。📌下午茶三点嚟到，原来星期一至五下午茶时间3:00开始到6:00，仲有88折，全日唔收加一，难怪劲多人喺街度排队🚶🏻🚶🏻♀️，攞飞等叫号都等咗大半个钟，咪话唔夸张。📌终于入得啦，一坐低，店员就会问「想饮咩茶？香片、普洱、菊花、白桃乌龙、荔枝玫瑰？」做法好传统点心店，不过引入了新式茶叶品种，装潢又以暗花深绿色的风格，华丽时尙，传统得来又切合尖沙咀的高尙地段，系新一派点心专门店💮。三色小笼包，$35招牌三色小笼包咁吸睛👀，梗系要试吓啦！三色即系原味，川辣同松露。三只颜色真系好吸引，汤汁都几多，就算放凉了一阵都仲有汤汁流出嚟，其中川辣味🌶️味道最为突出，辣汁渗入小笼包肉入面，味道好夹。松露味虽然唔算好出，但味道好特别。蟹籽烧卖，$19一笼烧卖有两粒，大大粒烧卖刚蒸起，咬落好有惊喜，猪肉蒸到好软淋，唔系实的的既猪肉，点埋豉油成粒啪真系好正。香茜牛肉肠粉，$28两条肠粉各切三份，有六大件，肠粉滑嘟嘟，蒸到熟度刚刚好，软绵绵，入面有牛肉饀带点芫茜味🌱，冇谂过肠粉都可以做蒸到咁滑溜，唔错。百酱蒸凤爪，$23充满浓郁酱汁的凤爪啜入口好入味，凤爪大大只好饱满，下面仲有萝卜索埋酱汁，成笼酱汁凤爪系好惹味！笼仔蒜蓉龙虾配带子饭（半只），$110《乐意点心》招牌主打系笼仔蒸饭，笼仔蒸饭当中，龙虾配带子当然系最为名贵！即叫即蒸香味浓郁，一上枱，刚蒸出来的蒜蓉香气四溢♨️，半只龙虾🦞占满大半个笼仔范围，份量十足，加入大量嘅蒜蓉🧄同龙虾一齐蒸，咸香嘅蒜蓉味更出龙虾嘅海鲜味，海鲜嘅用蒸的做法系好出色，仲有两大粒带子，成个笼仔饭铺满蒜蓉味道，完全唔使加额外嘅酱料已经好够味😋，果然系招牌菜，成为全场嘅MVP都当之无愧🎖️！杨枝甘露，$23竟然有西式糖水可以拣，食咁多点心，饮返个甜品真系好爽。杨枝甘露入边有好多西米露同埋啫喱粒，杨枝甘露唔会好稀好水，食完咁多咸野好解渴。茶位，每位$8📌《乐意点心》除了招牌笼仔饭，仲有脆炸小食、蒸笼点心、肠粉、包点、炖汤、蒸海鲜同甜品。📌一间少少嘅点心专门店，仲要喺尖沙咀旺区位置，价钱亲民到极点，难怪今时今日仲见到有人流排队嘅情况啦！
继续阅读
🍴越式米网炸两肠粉 $35肠粉系用个皮包住个脆虾卷，起嚟有啲厚，米香唔算好多，不过比较偏烟靭，啲虾加蔬菜好爽口，层次丰富不过偏咸！🍴带子虾菠菜饺 $30个皮带比较偏厚，带子都正常有虾肉同菠菜，味道系比较清新啲嘅？🍴牛肉球 $18都几大粒，咬落去好软滑𠮶种，唔会太重碱水味，都有啲马蹄嘅，OK的。🍴萝卜丝酥 $20几好食㗎佢个酥皮做到香脆嘅效果萝卜丝唔会太苦涩。🍴小笼包$35个皮都做得几薄，有汤汁，就唔算好鲜肉，不过整体嚟讲都唔会太肥腻OK嘅人🍴烧卖 $19食唔到原粒嘅虾啦，猪肉肉好多，味道系比较偏咸添！推荐指数： 7/10网上见到好多游客同韩国人去食，星期日大概中午时分去到都冇人排队，好顺利就入咗，你到就正正常常，同普通手工点心差唔多味，有啲好食有啲就一般，唔会专登去尖沙咀食？但冇中伏嘅。
继续阅读
Lunch 一个人食谂住一个人可以快些有位 结果前面4个都系一人…等左20分钟终于可以坐低 叫左白桃乌龙既茶 味道比较清 食完点心饮唔错平时食蒸饭加饮炖汤 今日比较想食点心芦笋虾饺- 味道唔错 皮薄馅靓 比较少系芦笋做配料 又几特别 点埋辣椒油 好食！蟹籽烧卖- 呢个食落有少少失望 入面既肉比较腍 可以唔洗叫麻辣牛柏叶- 麻辣味道唔错 但略嫌太腍 overcooked 下次都可以唔洗叫荔枝虾球- 好食！外型同荔枝一样 有趣 外面既脆粒够脆味道亦唔错 又大粒 虾球食落阵阵虾味都算弹牙 值得再食！总括来讲 乐意食蒸饭加炖汤餐比较好 点心可以食有虾类既就比较稳阵 如果有时间可以等 值得大家去试！
继续阅读
每次经过汉口道都见到劲多人排队.我好好奇, 究竟有几好食先可以令到有咁多人排队呢？今次我叫咗个绝配套餐再加咗个点心.依度嘅茶都几多选择.有传统嘅香片、普洱、菊花.排咗咁耐就梗系试吓啲特别嘢啦.我拣咗荔枝玫瑰茶.另外嘅白桃乌龙都几多人拣.荔枝玫瑰茶饮落几舒服, 有淡淡嘅荔枝味.啲点心好快就上枱.碧绿叉烧肠粉 (HK$28)个皮唔会好厚, 味道正常.都几多叉烧.绝配套餐 （HK$68): 鲜虾花甲粉丝汤 (+HK$10)都几多材料㗎.不过我就觉得个汤味道偏淡, 同埋啲蚬好似洗得唔系好干净.笼仔土鱿肉饼饭呢个肉饼饭份量都几多.味道都OK嘅.系个肉饼有啲散.奶皇包 （+HK10)个奶皇包系有流心㗎, 好好食.蟹籽烧卖 (HK$19)味道正正常常, 同普通烧卖差唔多.依度嘅点心系几抵食嘅.除咗个汤, 其他点心味道都系唔错.依间餐厅都几多韩国人帮衬, 有冇人话到俾我点解呢？
继续阅读
在本次品尝中，我有幸体验到一系列精致的点心，无论是外观还是口感，都展现了厨师的巧思与工艺。烧卖的外皮薄而韧，包裹著鲜嫩的猪肉与虾仁，口感层次分明，搭配少许的酱油，恰到好处地提升了整体风味。每一颗烧卖都像是精致的艺术品，令人赞不绝口。叉烧包的外皮松软，微微发酵的香气令人垂涎。内馅的叉烧肉经过精心调味，甜中带咸，肉质鲜嫩多汁，令人感到无比满足。巧手制作的精致点心，风姿绰约，撩人心弦，滋味如梦般难以忘怀，回味无穷。
继续阅读