樂天皇朝 (青衣城1)

营业中

休息中

今日嚟食午飯，叫咗一個水煮魚，魚雖然薄但很滑，無骨，芽菜、薯粉和豆腐皮也入味，小辣辣度可以接受。老北京家常花肉豆腐，睇個樣以為會好鹹，食落又OK，五花肉比較少，薄切，豆腐好多，好大塊，都幾飽肚。雪菜肉絲拉麵味道比較淡，配水煮魚同豆腐呢d濃味野黎食啱啱好。拉麵麵質唔算好軟爛，口感OK。桃膠桂圓湯有淡淡紅棗味，仲有雪耳桂圓，幾滋補養顏。但桃膠唔算多，好彩味道亦不會太甜，食落幾好唔滯，不過$42有少少貴。

今天又吃樂天王朝，因為下午茶部份菜式有半價，但小菜是沒有的， 所以沒有吃水煮魚。叫了一碟陳皮牛肉，完全沒有陳皮味，牛肉也沒有什麼味道，不太好吃。擔擔面一貫高水準，拉麵很好吃，比很多中式餐館質素都高，配上淡淡的花生湯底令人吃不停。蒜泥白肉感覺尚可，但太乾，醬汁和肉都完全沒有任何水份，如果又點濕潤會更好吃。醬料夠味，但因為缺少水份所以沒法滲進肉類，令吃的時候有時太濃味有時又太淡。紅油抄手的醬汁惹味，肉有少量肉汁，還可以。小籠包仍然好吃，皮薄，肉汁多，不算太油膩，但記得趁熱吃，不然皮會變硬。

樂天王朝以小籠包出名，但因為上次吃過，所以今次選擇了其他。入座時看到很多桌子都有一個非常大的藍色青花碗，打開菜單發現應該是水煮牛肉或水煮魚，所以點了一個。水煮魚點了小辣，但平常有吃辣椒醬的我也覺得頗辣，不吃辣的家人吃得十分辛苦，所以完全不吃辣的最好就不要挑戰了。不過辣油很香，魚切得很薄，嫩滑但有細骨，碗底有一些芽菜、豆皮和薯粉，能吃辣的會覺得好吃。雪菜肉絲拉麵的湯底好喝，雪菜味濃，拉麵有嚼勁，份量也不少，不錯。桂花酒釀丸子質素一般，賣相不是十分好看，顏色比較淡，味道普通。結帳時還贈送了優惠券，下次光顧兩個人可以減$50 ，會再來。

樂天王朝推出為期半個月的優惠，主餐牌六八折，不設訂座，八時半到達，九時才能入座。點了招牌菜小籠包，小籠包大小一致，皮很薄，有彈性，餡料鮮味微甜，湯汁豐富，非常好吃。擔擔面的拉麵麵質彈牙，好吃。湯汁帶點淡淡花生味，不算十分濃郁，但整體令人滿意。豆沙鍋餅的皮有點厚，炸得不算很好，帶點油膩，普通。另外說一說服務，整體可以，但上菜的方式不是太好，把菜放到桌子邊緣就走，沒有放到中央，要自己放回桌子中間，希望可以改善。

有時食平野真係要夾天時地利人和，想試樂天好耐但價錢都幾貴，但今次8:30pm訂位有半價+再平$25，🤴🏻OT放工去到時間剛剛好！Perfect!🎉🎉叫左5款菜式/1杯飲品，最最期待係八色小籠包，每一個都唔同味道，會比張紙仔你跟佢次序食，當中有驚喜亦有失望，顏色好吸引，每個小籠包都好多汁但皮未去到好薄，適中。先食原味後食絲瓜味帶黎清新，準備出發的口感，但其後芝士、蟹粉味淡左D,黑松露、蒜香味非常之濃🥰🥰，但以川味作尾聲唔夠辣，建議與蒜香交換。之後其他菜式都係麻麻地，竹炭奶黃包質地似蛋糕有少少流心香煎豆沙鍋餅好脆紅豆餡好少木樨肉炒拉麵係上海粗炒但換上炒麵口感怪怪地！成餐最差係上海風味醬鴨又乾又‘鞋’又冇肉😞😞杯蘋果與荔枝茶好飲幾清甜！全餐最好反而係茶水，濃得黎又解渴🤣🤣有D野試過就算啦！可能或者有機會又做半價又夾到時間又念唔到食咩就會有下次囉😆😆

由於疫情嘅關係，同貓生倆口子近近地嚟到青衣城，見到樂天皇朝竟然冇乜人排隊樂天皇朝喺青衣城嘅3樓，環境闊落舒適前菜-芝麻醬油麥菜清新爽脆主菜-招牌原味小籠包皮薄饀靚好Juicy-黃朝話梅骨略嫌瘦咗d，味道ok-雪菜蝦仁炒飯吵得粒粒分明，加咗d雪菜都幾惹味甜品-擂沙湯丸熱辣辣上枱芝麻好香唔講唔知樂天皇朝係星加坡嚟，估唔到做中菜都做得咁出色，服務都唔錯晚市時間爆曬場，侍應都會問你甜品使唔使再分開上、抵讚

很久沒有嘗過上海菜了，家住荃灣，趁著疫情有所舒緩，一家於是到了和荃灣只有一水之隔的青衣城逛逛。看到“樂天皇朝”的名牌，忽然想起了唐朝詩人“白居易”來，居易嘛！好意頭，一行人等便進了這家菜館（我認為它是以上海菜為主的）。原味小籠包：美味多汁。招牌李白醉雞：肉質鮮嫰，酒香四溢，令人回味無窮。四川酸辣湯：料足濃稠，喝一口，精神為之一振。無錫鮮肉鍋貼：皮薄餡料足，口感實在。還有個麻醬油麥菜,也是很有特色的。此外，上海粗炒和上海炒飯則較鹹和油膩，沒有驚喜。整體上，餐廳的環境雅緻，吃得舒適，服務亦可，部份可口菜式份量較少，不合大胃王，而且CP不高，但也可一試。

今晚同爸爸去到青衣城晚餐，最近我們都少了外出用餐。不過間中都會出去relax一下。見到呢間餐廳衛生情況良好，又會在餐廳門外先為食客量體溫，而且又會提供搓手液。今晚主打同爸爸來叫點心食下，因為呢度既點心款式又多，而且都好好味。點了鮮蝦雲吞豬肉湯，雲吞數目都唔少，又大大粒，皮滑又薄身，好好味。一咬開，入面有鮮蝦及豬肉，口感很好，因為鮮蝦好爽口彈牙，而且豬肉又令雲吞更香及濃味。另外我都好鍾意個豬骨湯，咁樣食雲吞個陣仲可以飲埋個湯，好濃好惹味，濕濕地，好滋味。三鮮水餃好好味，好多餡料，雖都係豬肉餡，但口感同食雲吞感覺完全唔同。因為呢個外面是較為乾身，皮會Q彈好多，口感好好，但一咬開入面都係好多汁好惹味，唔會好乾，有種爆汁的感覺。豬肉好濃好香，無得頂。招牌皇牌小籠包當然無得輸呢度出名食小籠包，可以食拼盤款，每款口味有一粒，或專點自己喜歡的口味又可，今次我們只點了原味小籠包。超正。粒粒都皮薄餡靚，熱熱的，小心咬開，先吸入面的湯汁，再慢慢進食。超好味。一啖一粒，食到唔想停，好鍾意個種惹味，滿湯的口感。鍋貼，漲卜卜。好好味。鍋貼是煎的，所吃起來會較為香脆可口，油香惹味。一咬開要小心油會彈出，而且仲好

購買了三款便當分別是A餐豆腐,b餐蒜香骨,C餐咕嚕魚塊,蛋炒飯,乾扁四季豆都超鹹,食了幾啖不能再食,小食春捲及蘿蔔絲酥都可以,其他都一般,整體成個餐都比較鹹,下次唔會再幫襯！

呢排疫情都非常嚴重，但生日飯總係要吃，我哋揀咗間酒樓座位比較闊落，餐廳都安排左我哋比較角落嘅位置，同隔離嘅乘客都有一啲距離，呢一點都做得幾貼心！叫餐牌推介一個叫火焰燒雞，價錢又唔算貴而且個樣都幾吸引，另外我哋仲叫咗一啲點心例如流沙包，上海炒年糕，四季豆等等，餐廳上餸嘅速度非常快，但每一碟餸都係好熱辣辣嘅，份量亦都唔少，最後嘅火焰雞非常犀利，驚你會將隻雞係你面前都用火燒一燒，過程非常有趣，屋企人都大贊呢一間酒樓好唔錯，非常滿意嘅一餐！

星期五晚收工過咗去青衣城「樂天皇朝」食晚餐。餐廳主打上海菜，以八色小籠包最為聞名涼拌黑木耳食上海野又點少得涼拌前菜！黑木耳口感爽脆，加左蒜蓉、酸醋及紅油，好惹味又開胃蒜香日本青瓜青瓜同樣爽脆清甜，配上適量蒜蓉，滋味到停唔到口四川酸辣湯湯裏充滿豐富配料，有雲耳、豆腐、紅蘿蔔絲、冬菇絲等等，以素菜食材為主，夠晒健康！質地濃稠，入口酸酸辣辣的，好好味薺菜黃魚羹黃魚羹口味相對清淡，湯羹裡加入左薺菜、黃魚碎、豆腐粒等等，充滿魚鮮味老田家菜肉雲吞湯菜肉雲吞合共有六粒，每粒都大大隻，雲吞皮薄且嫩滑，菜肉餡料飽滿有肉香，配埋無添加味精湯底，不得了呢原味小籠包皮薄餡靚小籠包，內裏湯汁好豐富，滿有豬肉鮮香，鮮甜而不油膩蟹粉豆腐鮮嫩滑溜豆腐粒配上肥美鮮味蟹粉，完美配搭，叫碗白飯食就正啦！楊州炒飯炒飯粒粒分明，乾身唔油膩，好夠鑊氣。飯裏的配料亦相當充足，有蝦仁、雞蛋、蔥花、菜粒等等，味道同口感都好豐富！個人認為搭配蟹粉豆腐一齊食好正

屋企人生日最好不過就係去酒樓食飯，地方闊落坐得舒服d, 食物又岩老人家口味， 生日當然少不了要叫隻雞慶祝一下架啦， 咁岩見到menu有特別介紹- 火焰燒雞，睇張相就好有氣勢！仲有恨左食好耐既七色小籠包，我自己最鐘意就係芝士味，佢唔算好濃，淡淡的芝士味但又唔會冇左小籠包既精粹！最後當然唔少得我同老豆最鐘意既紅豆沙餡餅最結尾，即叫即整熱喇喇，呀爸呀媽都話好滿意，上菜快食物夠熱，好開心又滿足既一餐生日飯！！！！

呢排日日都係屋企食飯，今日放工唔想煮，決定同老公落樓下搵食， 今日想食上海野，所以決定黎樂天皇朝晚餐。環境座位好寬敞舒適，可以好安心禁食用😅黎食必點李白醉雞，我至愛，肉質滑嫩，酒味香濃，真係超好食！招牌菜，八色小籠包，好色彩繽紛😍每款既湯汁都各有特式，皮薄汁多，個人最喜愛人參，川味，蟹粉 同黑松露 。其實每一款都好好食好特別😋老公就最愛炸物， 叫左個炸饅頭，香脆熱辣辣嘅炸饅頭加煉奶真係絕配！蘿蔔鬚好足料，外炸到好酥脆，加埋入面香甜蘿蔔絲，正！蟹粉炒飯 ， 蟹粉控必食， 香濃蟹粉鋪滿少飯上， 炒飯粒粒分閒， 蟹粉將炒飯嘅香氣同口感提升到另一層次!宮廷驢打滾第一次食，感覺好似日本既甜品🤣口感軟糯，中間卷紅豆蓉，外面再灑上黃豆粉，煙煙unun,好好食！

今晚係青衣附近放工，行咗一圈青衣城，決定喺呢度食晚飯。裝修好乾淨企理，地方闊落。今日忽然好想食小籠包，呢度有好多隻味揀不過我哋最後都係揀咗原味小籠包要新鮮趁熱食，皮薄多汁，一啖一隻好好食我哋要咗醉雞，份量唔算好多。雞肉嫩滑，雞皮爽口，酒味香醇！呢一味係廚師推介嘅上海風味醬鴨，味道咸香十足，鴨肉口感結實。主食點咗蔥油拌麵。蔥油幾香，不過我哋就稍嫌麵質淋咗少少。最後仲叫咗兩個湯。酸辣湯都幾辣！魚湯羹好味，魚味濃郁下午茶時段好啲嘢食五折，好抵

近期疫情持續，大多數都係留喺屋企開餐。今日終於忍唔住出咗街，諗住去公園野餐，順便呼吸下新鮮空氣💨 經過青衣城見到樂天皇朝有個幾吸引嘅外賣便當🍱，食物相當豐富，買嚟野餐就啱晒👍外賣除咗Packing企理之餘，餐廳仲超貼心，買外賣便當送酒精搓手液，可以再Encore~·☆ 御制皇朝商務便當 低至HKD$58起一共有4款套餐以供選擇，我揀左套餐C及D。主菜分別係蒜香排骨及乾燒蝦仁 並且配有3款不同配菜(乾煸肉碎四季豆、揚州糟溜魚片、油燜筍、涼拌青瓜、蘿蔔絲酥餅及花蔬蒸餃)以及蛋炒飯。·📣由即日至3月31日，外賣自取有8折優惠(不包括飲品及酒水) ！··（5粒⭐️為滿分）抵食指數：⭐️⭐️⭐️好味指數：⭐️⭐️⭐️⭐️貼心指數：⭐️⭐️⭐️·📍#樂天皇朝青衣城1期3樓310B號舖☎️ 2177 8777（外賣自取）