樂天皇朝 (青衣城1)

营业中

休息中

樂天皇朝，古色古香的裝潢，一入座服務員便貼心地送上以蠟燭溫著的普洱茶，茶香濃不澀而暖胃。另外還有一碟栗子及花生小吃，栗子和花生軟腍入味，十分開胃。芝麻醬油麥菜外表精緻，青瓜薄片如翡翠般包裹著鮮嫩的油麥菜，簡直像一件藝術品。入口清爽脆嫩，芝麻醬與爽口蔬菜這個配搭，十分新穎。另外，我還選了招牌菜式特色樂天王朝小籠包共有八個，每個味道都不同，每一口都是驚喜。店家的細心體現在每一個細節，用濕布蒸製的小籠包皮薄而不破，湯汁飽滿，一口咬下，鮮美的湯汁在口中迸發，令人回味。小籠包亦不會過於油膩，讓人可以盡情享受美味。蒜香排骨，排骨外皮炸至金黃酥脆，內裡卻依然保持著鮮嫩多汁。炸蒜的香脆與排骨的肉香完美融合，排骨已經去骨，吃起來方便。上海風味醬鴨色澤紅亮，醬香濃郁，充滿了上海風情。鴨肉經過醬油、糖及酒烹調而成。紅油鮮蝦豬肉抄手拌麵的紅油抄手可謂是點睛之筆。紅油辣而不燥，香氣撲鼻。抄手內的鮮蝦爽脆彈牙，豬肉鮮嫩多汁，兩者融合。拌麵吸收了紅油和餡料的精華，再加上蔥及少量炸蒜，口感豐富。

今日跟爸爸來了這間餐廳吃地道的上海菜，餐廳環境十分光猛乾淨，座位數目又多又闊落，坐得十分舒服。平日晚上食客很多，大家都點了一桌滿滿美味的上海點心和小炒，滋味無比。今晚當然少不了點我最喜愛吃的上海地道點心，這裏的點心價錢相宜，而且豐富足料又美味又地道，怎能放過。上海生煎包，一客有三件，生煎包煎得金黃香脆，底部脆卜卜，上層仍然保持包的軟熟口感～相當出色。最欣賞的是生煎包內的餡料，滿滿的豬肉，而且仲有爆多的湯汁，生煎包一咬下時湯汁一湧出，滋味滿滿，又飽肚又滿足必食。另外當然少不了點無錫煎鍋貼，鍋貼大大隻，金黃色的，外皮脆卜卜帶點煙靭口感，當一咬下時湯汁都是一湧而出，十分美味。餡料都是釀了滿滿的豬肉跟美味湯汁。口感味道十分美味。大大粒很滿足。招牌原味小籠包，熱辣辣的，不單止皮薄餡靚，肉質美味多餡，最欣賞小籠包中的湯汁，味道啱啱好，湯汁熱辣辣一咬就會湧出來，相當美味。小籠包能做到皮薄餡靚美味多汁絕不簡單，而且價錢相宜抵食。上海炒年糕，年糕切成了一片片，口感煙煙韌韌的，配上了白菜和肉絲，混和了美味醬汁一同炒，整個配搭非常美味。年糕份量也不少的十分飽肚。

自以為口味西化，但人在外地吃中菜的機會少之又少，偶爾還是會想念家的味道。外出吃飯都盡量選擇亞洲菜或湯麵之類，是日下午在山頂吃了個下午茶，和家人決定享用App半價優惠，九時才吃晚餐。上海媽媽烤麩 $62製作烤麩是心機菜，這兒甜甜的有五香味，加上木耳、筍絲和金針，開胃美味。淮揚春卷 $48/3件可能時間較晚的關係，春卷在我們吃飽了九成後才送上。新鮮炸起熱辣辣，金黃脆口，不過吃下有點油膩。招牌小籠包 $78/6粒雖然這兒的八色小籠包甚有名，但我們還是喜歡原味的樸實；巧手所作的小籠包摺位分明，一口一個，湯汁在口中爆發，好味道。無錫鮮肉鍋貼 $45/3粒鍋貼來到樣子白白的，感覺趕收工火力不足地半煎炸而成，幸好肉汁還是滿滿，若皮能做得更脆更好。紅油抄手 $68/6粒一客六個的菜肉餃裹上帶有花椒香氣的醬油內，外皮滑溜，菜肉內餡清淡。菠蘿咕嚕肉 $118咕嚕肉是我家的最愛，上桌時小小的一碟，如以正價計算有點不划算；肉剛炸起脆身，汁醬酸甜，不過不失。擔擔麵 $75湯底濃稠，帶有滿滿的花生和麻醬的香味。驢打滾 $50煙韌的糯米糰與黃豆粉微甜搭配，包夾紅豆蓉，吃畢一餐濃油赤醬的食物，最後來一點甜來清一清味蕾

餐前小食花生同栗子都整得好入味，軟軟糯糯，幾好味。招牌原味小籠包即叫即蒸，小籠包個皮都幾薄，咬開少少，d湯汁已經爆晒出黎，個湯汁好清甜，入面d肉都好嫩，好juicy京醬肉絲個肉絲好惹味，包埋個皮個味道啱啱好，唔會太咸，個皮都幾煙韌。上海外婆紅燒肉紅燒肉肥瘦分明，食落唔會太肥，入口即溶，而瘦肉果部分，都好淋滑，d醬汁好濃郁，滲晒落d肉入面，唔錯。楊洲炒飯d飯粒粒分明，幾爽身，唔會太油膩，味道唔錯，配料都幾多。

樂天皇朝母親節用餐避坑！母親節當天下午4點多到樂天皇朝，接待處無人值守，收銀員告知「5點15分交枱」。店內空桌多，想入座卻困難重重：收銀員不帶位，工作人員態度敷衍，溝通後才勉強安排。用餐全程無服務，$50服務費未體現價值。菜品更是踩雷，小籠包味道怪，沙拉骨又鹹又硬，豆腐鹹味過重。花六百多吃飯，體驗差勁，不會再來！

必點呢度嘅小籠包！皮薄餡靚，入面充滿湯汁，平時我好鍾意食小籠包，都覺得呢一間嘅小籠包喺香港數一數二中意食辣一定要叫川味水煮美國牛小排，小辣都夠曬辣🥵 入面都好多料，仲有薯粉，牛肉好滑好好味環境同茶樓差唔多，但係就俾好多茶樓乾淨、裝修靚，叫啲嘢大大份，適合一家大細嚟食飯以下是圖中菜式及參考價錢💵・　小食 ($15)・　茶位 ($13@1位)・　招牌原味小籠包 ($78@6粒)・　川味水煮美國牛小排 ($218)・　白飯 ($16@1碗)・　上海外婆紅燒肉 ($118)

由小籠包到炒飯，每一道菜都好味😋首先要讚嘅就係佢哋嘅招牌原味小籠包，皮薄餡靚，湯汁鮮甜，一咬落去，熱辣辣嘅湯汁就湧晒出嚟，真係好味！而且小籠包嘅size 啱啱好，一啖一粒，好滿足！蔥油餅都做得唔錯！外皮酥脆，內裡鬆軟，充滿蔥香！而且一啲都唔油膩，食完都唔會覺得好滯！而清燉雞湯就有清雞湯味！飲落去好清甜，暖笠笠，好舒服！最後揚州炒飯，粒粒飯都炒得乾身分明，而且配料豐富，有蝦仁、叉燒、蛋等等，鑊氣十足！味道啱啱好，唔會太鹹或者太淡，真係唔錯！

樂天專做上海野，好多上海特色菜都有, 今次食完小籠包, 就知道點佢係招牌菜💯🫓招牌原味小籠包（6粒）$78小籠包係呢間餐廳嘅經典菜，皮能夠薄而有韌性，夾起唔會爛，湯汁飽滿唔油膩，咬落去能感受到爆汁！名符其實嘅皮薄餡靚❤️沾埋薑絲紅醋味道更有層次🍗雲吞雞煲 $178雞有半隻，好大隻，雞肉鮮嫩，適合分享。湯頭好濃郁，係奶白色。雲吞有6粒，皮薄，肉餡飽滿👏🏻👏🏻店員仲會幫你分埋雞，好貼心！🫘香煎豆沙窩餅 $63窩餅外皮酥脆、內餡綿密甜而不膩，係好傳統嘅上海甜品🥰

好耐冇過嚟樂天皇朝食飯，岩岩好一年前同呀媽食左😆😆，一年後阿媽放假又帶佢過嚟一齊食飯。揚州炒飯$96個炒飯炒到好乾身，入面有少量叉燒、蝦仁🍤、菜心製作而成，成個飯好香，好夠鑊氣，唔會太鹹。菠蘿咕嚕肉$120咕嚕肉勁大嚿，全部都係肉，完全冇骨，外層炸到好酥脆、酸酸甜甜好開胃🤤。甜品🍮：桂花拉糕$38呢個桂花糕值得推介💯💯💯，個賣相幾靚之外，入口煙煙韌韌，有少少鹹鹹地，配上好香嘅桂花醬，幾好味😙。另外呢個菜式仲係「樂天廚師大賽」的得獎菜式。由即日起去到5月4號堂食得獎菜式有七折。糖水：桃膠紅棗桂圓湯（溫）$46

[✨青衣樂天皇朝 ]#青衣 #樂天皇朝🥢雲吞雞(半隻) $168好有驚喜！店員仲會幫你拆肉，食得方便好有心！半隻雞都好大隻，雞肉意外地完全唔鞋，湯底味道鮮美。吸收左火腿、雞肉嘅精華，勁好飲！雲吞都好大粒，皮薄得嚟又足料，正🤩🥢樂天秘製福花 $90福花炒得好香口惹味，少少辣得嚟加埋鹹肉好開胃！🥢白飯 $16/位🥢餐前小食 + 茶位 $15 + $12/位小食係花生栗子，栗子處理到好軟糯，有驚喜！ ————————♡♡♡♡♡♡————————✨總結餐廳地方夠大，座位舒適，主打中式菜式無論係味道同貌相都好出色好精緻，加上餐廳員工服務態度親切，好適合同一家大細一齊嚟試試！📍樂天皇朝 (青衣城1)🏠青衣青敬路31-33號青衣城1 3樓310B號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #青衣 #青衣美食 #青衣好去處 #青衣食

我同朋友最鍾意食樂天皇朝✨小籠包 ✔️皮薄 ✔️多汁 ✔️肉味鮮甜真係好好味~~😆✔招牌原味小籠包（6粒）我選的是原味肉嫩多汁，咬開瞬間爆漿好吃😋😋小籠包一定要趁熱吃！✔蒜香排骨豬骨湯拉麵豬骨湯口感濃稠，湯底清亮排骨香脆，麵條有口感吃起來清爽美味又不油膩...✔蝦仁酸辣湯拉麵酸辣湯有些辣的，夠酸、夠辣！真的一流！配上冬菇、木耳等好足料沾上湯汁麵條酸辣帶勁🌶️更加美味👌✔肉碎欖菜乾煸四季豆四季豆香口，加上肉碎添加多層次豐富口感香中帶微辣🌶️每次必點！

樂天皇朝都食過幾次，係青衣想同屋企人食間高質嘅滬菜就好自然諗返起佢。呢度環境典雅乾淨，有大玻璃可以望到成個青衣城，座位數目多又闊落，坐得非常舒服。平日晚上食客都唔少，所以我哋6點就去到。😋餐前小食 🍵🌰 一入座，好有禮貌嘅侍應姐姐就點蠟燭同斟普洱茶，另外仲有一碟我最印象深刻嘅栗子同花生，栗子和花生非常軟腍，十分開胃。👍招牌原味小籠包 🥟 招牌原味小籠包，當然熱辣辣嘅，唔單止皮薄餡靚，肉質美味多餡，最重要係小籠包嘅靈魂湯汁夠多，一咬開湯汁就會湧出。下次可以再試下其他味道。😍風味沙拉排骨 🍖 意想唔到嘅沙拉骨，排骨外皮炸至金黃酥脆，內裡卻依然保持著鮮嫩多汁。沙拉醬香甜酸味同香脆排骨嘅肉香完美融合，兩個人食一大碟都無問題。😋雪菜鹹肉炒年糕 🍚 雪菜鹹肉年糕，年糕切成一片片，口感煙韌有嚼勁，配上咗雪菜同肉絲，簡單但美味。😊宮廷驢打滾 🍰 每次必叫嘅驢打滾，入口先感受到溫度凍凍哋，咬落去外層柔軟，然後內陷甜香，入口即化。香貼軟糯嘅糯米皮與黃豆粉微甜搭配，裡面夾著紅豆蓉令人回味無窮。🥰

食過咁多間小籠包，每次食樂天皇朝都覺得佢既小籠包係可以保持到同一水準。每次去食，都會點返佢最原味既小籠包，佢個皮夠晒薄同啲湯汁係會爆出黎。蔥油拌麵除左小籠包外，其實佢既蔥油拌麵都好出色，個蔥油好帶到個香味出黎，個麵仲要煮得岩岩好，唔會好淋。欖菜炒四季豆另外，因為幾個朋友一齊食，我地都有叫佢其他既小食，四季豆真係好岩送飯，所以即刻叫店員加左碗飯賽螃蟹賽螃蟹主要以蛋白模仿蟹肉，而佢今次個調味適中，有鮮嫩爽滑口感及味道。

餐廳位於青衣城商場內, 環境雅緻寬躺舒適, 提供多款經典名菜✨自行掃ǫʀ下單, 圖文並茂、非常方便, 有系統完全沒有漏單情況, 值得一讚, 非常方便我們點了招牌原味小籠包（6粒）建議趁熱食, 小籠包皮薄餡靚、滿滿湯汁很滿足, 有驚喜芝麻醬油麥菜🥬 賣相非常特別, 油麥菜用上薄青瓜片卷起裝盤, 新鮮爽脆, 扎實的口感配上芝麻醬, 非常開胃京醬肉絲 京醬肉絲是一道經典名菜, 鹹甜適中、醬香濃郁風味獨特, 食用時用薄餅包著蔥絲、肉質鮮嫩多汁豬肉, 搭配起來更清爽五香牛肉拉麵🍜 牛肉極為軟嫩、帶有膠質且滑嫩, 融入鮮甜湯底, 香氣撲鼻, 味道不錯甜品香煎豆沙鍋餅🫘 外層帶點脆, 內餡軟綿鬆軟, 香甜細緻的豆沙餡料, 味道香甜怡人, 是飯後甜品的首選😍整體ᴄᴘ值不錯, 頭盤、小菜及甜品款式種類多, 位置舒適開揚, 枱與枱之間有空間感, 服務員細心有禮, 上菜有效率快, 服務非常滿意, 值得再回顧💕

今晚唔想煮飯，想食小籠包，去左青衣城簡單食。次次個前菜都比我食哂，係好淋好入味嘅花生栗子。呢間店嘅服務亦算係我幫襯嘅分店之中最好，主動服務型。鍾意呢度水準keep到皮薄爆汁嘅原味小籠包，但又做到輕易夾頂吊起小籠包而唔會穿。加薑絲同醋好好食。糖醋魚片原來都幾好食，有咕嚕肉嘅酸甜脆皮，魚肉夠厚，可惜份量少左d。雪菜咸肉炒年糕味道清清地之中帶咸香，咸肉味道似金華火腿同午餐肉之間，雪菜咸肉年糕同時入口最好食。