樂天皇朝 (青衣城1)

营业中

休息中

在諾亞方舟完之後去左樂天皇朝。用餐，阿妹想試一試呢度的竹炭流沙包。而我就鐘情於不同餐廳中式的擔擔麵。樂天皇朝一直都是高檔中餐點心標準。現在疫情問題都是測量體溫，隨時檢測食物質量。|皇朝擔擔麵^蔥少左，辣味夠。|生煎包^應該多些少芝麻會更惹味道。|竹炭流沙包^別緻的竹炭。外面鬆軟，雖然咬落去裡面的流沙雖然不夠流，但味道相對於奶黃包黎講都係ok。另外應該蔥油拌麵就顯得普通，或者落麻醬會爽口啲。

家人生日，一直由疑出街食還是在家食，最後壽星還是決定出街食，預早book左樂天皇朝~入座前，店員先為我地探熱，同時比酒精搓手液我地即時消毒雙手，夠衛生值得一讚~呢度係有茶錢，小食，同加一收費。呢碟小食每次同家人或朋友黎食都會個個爭住食既，係煮到好腍好軟糯入味既栗子同花生，好正~李白醉雞 $8整成一個半球狀既醉雞精緻可愛，雞肉嫩，肥瘦適中，陣陣酒香~風味沙拉排骨 $92六大件肉排，炸得金黃香脆，啖啖都是肉，肉入味，配搭的沙拉醬帶點香甜，實在好吃，有驚喜~招牌原味小龍包 $88/10個皮薄餡多的小龍包，每個都充滿湯汁，沾一點醋吃，好味滿足~酸菜魚 $198$198是店舖在做的優惠，睇落好抵食所以也點一份試試~一上枱非常大碗，魚肉嫩滑，咸咸酸酸的味道很討好，吸滿湯汁的粉絲比魚件更是精彩~最後食埋甜品就完滿~

雖然新春未過，但社會氣氛好似只餘下緊張。所以出街食飯都會比較小心。今日選在青衣樂天皇朝用餐入座前職員會建議客人用酒精搓手液消毒雙手，再為每位客人探熱，才安排入座，雖然動作簡單，但客人安心不少。每次食上海菜我都必點嘅醉雞，肉質保持嫩滑，花彫酒香盡入肉內，好食鎮店之作小籠包，我們無點8色，因為女皇終情原味，每個湯汁滿滿，配上少許姜絲，醋，十分暖胃，而且皮薄餡靓。呢個沙拉骨都係我今次比較滿意，排骨嘅肉霖，但絶對無梳打粉醃味，外層炸醬酥脆同沙律醬好夾，一個人食三件都唔覺膩芝麻醬油麥菜--清爽開胃特價酸菜魚，湯味濃郁，魚肉嫩滑，微辣風味為冷風添暖。入座時見隔離枱點左呢杯好吸睛嘅蘋果與荔枝茶，我們都忍唔住叫黎試吓，蘋果味唔係好覺，反而多左股玫瑰花茶嘅香味呢個係女皇推介我食，個名係宮廷驢(乜乜)唔記得，軟糯口感嘅面皮卷起黃豆粉同豆沙嘅口感，唔太甜既香口，幾好豆沙鍋餅，係健康版，所以唔太油膩，相對亦唔夠香口唔夠脆。滿足嘅一餐出外用餐希望大家都做好本分，齊心抗疫 全民健康

呢個8色小籠包成日都係街見到廣告今次終於食到啦‼️8味分別係 原味 人參 鵝肝 黑松露 芝士🧀蟹粉 蒜香🧄 川味我最愛鵝肝同蟹粉🦀 好鮮味 而且好多肉汁 ᴊᴜɪᴄʏ!!!一個價錢可以試到8款味道 可一試啊～.食上海菜我必點蒸饅頭/炸饅頭熱辣辣食 咬落好鬆軟 沾上煉奶 又香又邪惡～.小食點左葱花皮蛋豆腐同麻醬油麥菜🥬油麥菜點麻醬食真係第一次食落好清新 爽口 無乜草青味配上麻醬真係好開胃口皮蛋豆腐好滑溜 呢個單食/配飯都可以～❤️.最後當然係好搶眼既🔥火焰燒雞🐓店員會係你面前燒架!!!之後影完相 就會幫手切靚靚再拎返出黎份量都唔少 3人/以上食會好啲隻雞外脆內軟 肉質唔會好嚡 加左少少辣粉更惹味。依家仲做緊優惠價ʜᴋᴅ 198咋～.本身想食埋酒釀丸子🍡 但太飽食唔落下次一定要食返😭

皇朝小籠包$118八件小籠包鮮艷奪目，晶瑩亮麗的外皮，包裹著熱辣辣的湯汁，令人垂涎三尺! 八色小籠包味道: 鵝肝、黑松露、蟹粉、人參、蒜香、芝士和麻辣，滿足視覺的享受後，我們都爭先選吃最愛的口味。如黑珍珠的黑松露小籠包，外皮薄嫩，我不理燙嘴，大口咬下去，再慢慢吸啜湯汁，濃郁雞湯中沁出黑松露幽香，餡料中還有蘑菇絲，味道香濃吸引。鮑魚炒飯$118鮑魚飯放上原隻鮑魚，賣相豪華，炒飯粒粒分明，好有鑊氣，啖啖夾雜蔥香和蛋香，不太油也不鹹，出色之作 。肉碎乾煸四季豆$85 四季豆經過走油，保持翠綠，入口爽脆香甜，香而不膩，配上欖菜肉碎，特別惹味。蘿蔔絲酥餅$40三隻蘿蔔絲酥餅是必點，即叫即炸，酥皮油香酥脆，空氣感十足，包裹著一絲絲柔滑的蘿蔔絲，真材實料，十分回味。炸饅頭$28三件饅頭上枱時熱呼呼，炸到金黃色，令人垂涎，外皮酥脆，內裡軟綿綿， 沾上蜜甜的煉奶一同吃，令人吮指回味。桂花釀酒釀丸子$36丸子細細粒，煙煙韌韌，浸泡在桂花酒裏，散發陣陣桂花幽香，帶有淡淡的酒香，不太甜之餘，啖啖窩心，是精緻的飯後甜品。

餐廳坐落於青衣城商場， 裝修 雅緻 ，環境舒適， 進入餐廳時 ，侍應細心地，幫我們量度體溫及用消毒手液，幫我們消毒雙手， 十分貼心。麻醬油麥菜$65新鮮翠綠的油麥菜， 被青瓜片捆成一束束， 入口爽脆又清新， 再點上胡麻醬吃，開胃的餐前涼菜小吃。外婆紅燒肉$92紅燒肉是滬菜中必食名菜，體現到上海菜「濃油赤醬」， 豬肉切成方塊粒 ，脹卜卜、層次分明的紅燒肉，豬皮油光亮麗， QQ彈牙 ，皮下帶著一層滑溜的肥膏，入口軟腍鬆化，加上肥瘦適中的五花腩，肥而不膩，令人食指大動，夾一件紅燒肉到碗內，再澆一匙濃醬到紅燒肉上， 無比滋味， 送飯一流。京醬肉絲配麵皮$90麵皮用蒸籠盛上 ， 剛剛蒸起， 麵皮熱呼呼， 將肉絲舖上薄薄而柔軟麵皮上，包起一齊吃， 肉絲的濃甜醬汁， 十分惹味， 別有一番風味。無錫鮮鍋貼$40三隻鍋貼即叫即製， 十分飽滿足料， 鍋貼外皮煙煙韌韌， 底部焦脆， 入口多汁， 確實不錯。原味小籠包$98十件小籠包皮薄餡靚 ， 晶瑩剔透 ，小籠包內有大量湯汁 ，大口咬下去， 湯汁洶湧而出，肉汁四濺 ， 做得出色，加埋陳醋、薑絲， 絕對係最佳拍檔。豬骨湯年糕$78湯底用豬骨用長時間熬製， 呈現

終於食開年午飯，豪少少食樂天皇朝，因為念念不忘佢嘅彩色小籠包😋。8️⃣色8️⃣味道嘅［皇朝小籠包］，一上枱就先呃 like影相，每啖唔同味道，一個人食晒8款先合理😂。我比較重口味，最鍾意蒜香＆川味🌶️，小籠包嘅湯好鮮甜，豬肉肥瘦適中，如果包頂摺少幾摺更完美🥰。「李白醉雞🐓」酒香撲鼻，食入口係淡淡酒味，食多幾舊都唔怕醉🍻。我地仲叫咗［清燉雞湯🐔］滋補一下，雞湯味非常濃郁，而且隔晒油，唔怕肥！［桂花酒釀丸子⚪］仲好豐富足料，食晒啲丸子真係好飽🤣，桂花糖水好甜好甜，感覺好幸福呀🥰。

今晚同個 friend 行青衣城，在樂天皇朝食晚飯，可能因為肺炎疫症關係，在入餐廳時，侍應會幫客人量體温及噴消毒潔手液，好有健康安全意識，值得一贊。食上海菜，我一定會點炒年糕同賽螃蟹，我個friend 係食肉獸，叫咗沙爹炒牛肉，另再要了揚州炒飯同蒜蓉炒菠菜，好豐富的一餐。呢個雪菜鹹肉炒年糕嘅鹹肉大大塊的，唔肥膩幾好食。瑤柱芙蓉賽螃蟹係好考功夫嘅餸，這碟賽螃蟹煮得有水準，我真係感覺到好似食緊蟹肉一樣咁有鮮味。彩椒沙爹炒牛肉，我個friend 至愛，沙爹醬同牛肉係絕配，加埋彩椒色香味齊。食埋呢個揚州炒飯同蒜蓉清炒菠菜，先知道我哋兩個都係勁擦得之人，其實呢度啲餸份量都唔算少，淨女生食可以3-4人食啊！

因為這餐廳會給$50劵，滿$200用（還有其他限制）。火焰雞，餐牌講到材料好，做法好啊，總之給人感覺會特別好味，是限定的呢。原價$288特價后$198,所以試下囉。大家都知香港的雞一般都不會好吃的，所以這次那麼貴的，我是有期待的。是否在我面前點火，火焰效果，我興趣不大，最重要是要好吃。結果是讓我非常失望的。難吃，主要是太鹹，沒什麼雞味，最多雞腿可以吃下，怪不得沒見其他人吃。比酒樓那些餐宴的炸雞好DD，但$198不值囉。本來已經吃得不高興，付款時才知道那$50劵不能用總之，我吃完之後覺得被騙了...想試吃者，三思而行吧，不然就是花錢買氣受這麼差的菜式就不要推出啦這次是看起來可以，但味道不好，變相太不值

臨近新年，中菜客量相對上升，而呢間位於商場中樂天皇朝亦開始多人，大概7點左右已經需要排隊等候。青衣城分店樓底比較高而且夠光猛，氣氛會相對熱鬧。入座後先會送上一壺茶及前菜。前菜—炆花生栗子，炆得軟腍而且入味。特色皇朝小籠包每次去樂天都不得不點呢道8色小籠包，分別有原味、人參、鵝肝、黑松露、芝士、蟹粉、蒜香、川味。顏色吸引，皮薄湯汁多，每款的味道都突出。有圖卡介紹食小籠包的順序，由原味依次食至川味由淡到濃，可以感受到小籠包味道的變化，而充滿玩味特色小籠包不在局限於傳統之中，與時並進，給人新鮮體會。個人挺喜歡人參味同黑松露味～上海風味醬鴨鴨味偏濃，適合用來佐酒。京醬肉絲作為京菜傳統菜式之一，但新式做法亦有另一翻風味。用肉絲替代填鴨配合蔥絲、黃瓜、豆皮等而成，口感比填鴨更濃郁!蟹粉炒飯蟹粉炒飯可以話係每次嚟樂天必點之一。師傅會將蟹粉打芡汁，然後蓋在炒飯面上。飯身炒至粒粒分明再加上鹹香蟹粉汁，愈食愈開胃。清炒白菜苗白菜清甜，最重要不會多油和過咸！素鴨腐皮色澤金黃，豆味香濃。樂天係香港開業至今，都已經成為唔少入中菜首選之地，證明質素有所保證!!

我很喜歡吃上海菜，不論街邊小舖，還是商場出名的品牌，我也會到訪。樂天皇朝有很多分店， 平日多吃晚餐，但今天難得放假，約好一家人進食午餐。招牌原味小籠包 $98/10粒小籠包是王牌菜，不得不試，同樣皮薄餡多汁。刀切炸饅頭 $28/3個炸饅頭外脆內軟，有煉奶供應，比蒸饅頭好吃。宮保腰果雞丁 $98雖然份量比較少，但味道很濃。肉燥欖菜乾偏四季豆 $85我覺得這道菜烹調很有技巧，有時四季豆及欖菜味道會分離，但這道菜很好吃。揚州炒飯 $85意外地炒飯相當好吃，味道很香甜，全家人都很喜歡。京味炸醬拉麵 $65味道有少許辣， 麵質很彈口。松子鮮果桂魚 $238這道菜我和媽媽很喜歡，酸酸甜甜的味道。

每隔一排總會再想黎樂天皇朝食一下中餐，再嚐嚐滋味小籠包。今晚又同爸爸來食晚餐。點了不同款式既菜式，每款都好好味。當然唔少得點一份皇朝小籠包，每一粒都有獨特的口味，顏色又靚，味道又好。仲有張紙條說出如果跟呢個步驟去吃，味覺會更為一絕，因為不怕味道先吃了濃味，而令下一粒的小籠包味道大減，所以我都建議可以按著餐廳吃皇朝小籠包的指引來吃。其實款款小籠包都有不同口味，好多款我都好鍾意，皮薄多汁，惹味。蘿蔔絲酥餅，熱辣辣。而且炸得外皮超脆，仲一絲一絲的脆條，口感滿分。中間有滿滿的蘿蔔絲餡料，每一啖都能同時感受香脆、軟綿綿的複雜口感，真係又特別又滿足。李白醉雞，賣相已砌得十分精美。雞肉雪白肉厚，仲聞到陣陣酒香，啖起雞件酒香撲鼻，冰冰涼涼，而且雞肉多肉，又嫩滑，一吃便停不了，作為前菜極為惹味，必定會令胃口大增。另一款都是可以衝擊味蕾，就是紅油抄手，滿滿紅色的辣油浸著蝦肉、豬肉的餃子，除了餡肉豐富外，另外紅油都是靈魂人物之一，當中的辣度恰到好處，帶點辣帶點刺激，但又不會令人辣的卻步不敢進食，反而這種又辣又刺激的味道會令人愈食愈停不了，正。紅燒外婆肉，賣相已好正，層層分明的肥肉、瘦肉，味道又香又濃味，好吸

又貴水準又一般，不能相信有咁多好評。來之前都睇過食評同食物相，點知全部都係伏，食到我O曬嘴。叫咗成10樣餸菜，蟹粉炒飯，八色小籠包，李白醉雞，炸饅頭，上海外婆紅燒肉，風味沙拉排骨，菠蘿咕嚕肉，皇朝話梅骨，上海風味醬鴨，松子鮮果桂魚。全部份量極小又唔好食，非常失望。相都費事影，實在不值得回味。全家5個人都一直認為食物水準差。求其南小館同翡翠任何一道菜都好食過呢間。就算免費請我再食都唔會考慮，亦一定唔會推介給任何人食。

今日同媽咪去樂天皇朝食嘢，近近地同佢食個lunch ，佢話好食👍🏻最滿意係個小籠包，皮又夠薄， 熱辣辣，小心爆汁🤣。另外椒鹽黃花魚都好正，唔係度度都整得咁好食，炸得非常鬆脆，入面啲魚肉好嫩滑，值得一試！另外，紅油抄手好惹味，夠晒正宗。

一直喜歡上海菜，今天選擇樂天皇朝，因為想試該店的特色小籠包😂 食物 4/5「特色皇朝小籠包（八色）」味道分別包括：原味、人參、鵝肝、黑松露、芝士、蟹粉、蒜香和川味。真的吃起來還是覺得原味最好，其他口味一試便可，黑松露、鵝肝、川味的味道挺濃郁的，其他的也吃不出和原味有太大的分別。「重慶紅油抄手」辣的程度是可接受的，亦很香且份量十足。「鮑魚炒飯」應該是用飽魚汁炒的，顏色很深但不是很咸，好吃！「心太軟」紅棗包着糯米的心太軟是非常好吃，甜味適中，下次再來是因為這個中式甜品😂 環境 4/5位於青衣城內的餐廳很寛敞光亮，坐得很舒服。 服務 4/5侍應很細心，會幫客人不時添茶，上菜速度也很快