樂天皇朝 (青衣城1)

营业中

休息中

今日放假打完針去食下午茶，見到樂天王朝下午茶有優惠，兩個人去食叫咗小籠包，有啲人食八色小籠包，但我個人鍾意食原味多啲。小籠包都唔錯，但當然冇鼎xx咁薄皮同埋餡料爆汁，不過以呢個價錢來計都叫不過不失。

🇭🇰樂天皇朝·呢個我之前係旺角已經試過一次架啦 我記得個次都已經覺得唔錯 今次係青衣再食 我覺得呢間分店更加好食添😙🤤🤤·特色皇朝小籠包(八色) $118佢呢個總共有8個味既 每一個味都真係好出 而且粒粒個皮都好薄 入面又超多湯 我自己好中意😍😍我自己最中意佢個黑松露 蟹粉同蒜香 佢三個味道都好突出 而且成件配搭超夾 佢個蟹粉入面真係有D蟹肉添🦀之後佢個絲瓜都超級清爽 味道好好🥒鵝肝同川味都好味既 純水我自己無咁偏好 之後佢個芝士味其實都好突出 不過我自己一般般芝心丸 所以就無特別中意呢個🧀😂😂·雪菜黃魚燴麵$98 l 蒜蓉炒菠菜$65之後佢個黃魚燴麵都超有驚喜 佢個湯底好濃魚味 而且完全唔會腥 佢D面都索曬D湯 好好味 不過因為燴麵 所以麵質就真係會偏淋少少🐟之後個蒜蓉菠菜就正正常常啦😙😙·#rbyeat#rby中菜#rby青衣 #rby東涌 #rby旺角 #rby銅鑼灣 #rby將軍澳·📍青衣青敬路33號青衣城3樓310B號舖📍東涌達東路20號東薈城名店倉3樓326A號舖📍旺角彌敦道639號雅蘭中心2樓203及205號舖📍銅鑼灣波斯富街99號利舞臺廣場6樓📍將軍澳唐德街9號將軍澳中

【 評價不錯的滬菜館 】🎠去完迪士尼樂園玩，最鍾意去青衣城食晚餐，地鐵站一出就到，夠近好方便。我地今日又係迪士尼玩左成日，個個都勁肚餓，所以要揾間坐得舒服的餐廳好好休息下食飯。🪑青衣城內的「樂天皇朝」係比較平價的滬菜館，菜式選擇多，份量都好足料，餐廳環境光猛舒服，我哋8個人分左兩張枱坐，座位都幾寬敞。💕推介菜式 :🔸原味小籠包，我地好鍾意食小籠包，所以叫左兩籠，總共有20粒。小籠包皮薄餡靚，都幾多汁。🔸上海生煎包外層炸得好香脆，入面的肉好嫩滑。🔸炸饅頭，識食一定係要點煉奶。🔸糖醋魚片醬汁酸甜，好開胃，魚片夠哂多，魚肉厚身。🍤另外仲有雪菜蝦仁炒飯，菜肉雲吞豬骨湯拉麵，開陽蔥油拌麵和香煎豆沙鍋餅，都係唔錯的選擇。⭐️地址 : 青衣青衣城3樓310 B號舖

每次黎食飯，我都會叫呢三樣野，八色小籠包，芝麻醬油麥菜，同埋皇朝話梅骨，八色小籠包，故名思意有八個味，有原味麻辣鵝肝黑松路等味道，油麥菜係凍食，好清新，皇朝話梅骨有啲似鎮江骨，幾開胃。

今次帶埋屋企人一齊試試呢到既特色小籠包同埋上海菜，順路慶祝埋母親節！用某食飯app訂座會有discount，所以抵食好多。.✨皇朝小籠包七彩既小籠包造型精緻小巧，顏色鮮豔，而且仲有唔同既特色口味。最驚喜是芝士味的小籠包，咬開包子入面的湯汁便湧出來，芝士味都幾出，食落好特別。✨李白醉雞醉雞好重酒香，不過雞比較細隻同埋瘦，好似無咩肉食咁。雞肉肉質唔算好滑，酒香以外就無咩其他調味，感覺一般。✨瑤柱芙蓉賽旁蟹蛋白口感順滑但可惜入口淡而無味，亦食唔到瑤桂味，無咩特別。✨醋醬海節頭呢個又貴又唔好食，仲要份量得好少，下次可以唔使試。✨蟹粉炒飯蟹粉咸香好吃又惹味，好岩撈飯食，炒飯底亦都炒得好夠鑊氣。✨松子鮮果桂魚炸魚入口幾酥脆，食落無腥味而且條魚都算大條，好岩一家大細一齊share食。醬汁方面，味道酸酸甜甜好開胃，仲有好多生果做配料，非常滿足！✨宮廷驢打滾口感彈牙似麻糬，入面包住一層層的紅豆餡，紅豆唔會一味得個甜字，全家都覺得呢款甜品幾好食。如果無折扣的話，餐廳既整體價錢都偏貴，唔太抵食。

樂天皇朝是集團式經營 共有五間分店 我去過將軍澳廣場分店 星期日約了朋友在青衣城店吃午飯 11.30到達 不用等位 坐在落地大玻璃窗旁 望著商場景 空間感寬闊 雖然它是以八色小籠包馳名 但今天我目的是吃酸菜魚 還記得疫情前常去深圳的一品紅吃 又便宜又好味 相比之下香港的收費貴很多呢🙄今天這午餐 我認為最好吃的竟然是那碟餐前小吃- 花生炆栗子 入口非常鬆化和入味 一吃難忘 還有是配小籠包的薑絲 一大瓶的放在桌上 自己可隨意添加 😍原味小籠包 合格但沒驚喜紅油抄手 皮薄又滑 如果蒜味濃些會更加好酸菜魚 湯底清詌 魚片頗厚 只是件數不多 芝麻醬油麥菜 很清爽的一道菜 吃完重口味的 會覺得非常適合飯後甜品是紅棗桃膠桂圓糖水 很足料 而另一款的檸檬蘆薈桂花蜜 就有點失望 很稀 味道淡總括來說 優多於劣 不過不失的一餐 偶然吃一次 也是可以的

今日收工同老婆去青衣城換港鐵禮卷，可以順便用埋換左張禮卷後煩惱緊食乜，睇下港鐵app有邊間食肆可以用，發現樂天皇朝有得用我第一次食樂天皇朝係利舞臺店，店內裝潢及高質上海菜令我一試就將另一檔都唔錯嘅上海菜金滿庭拋諸腦後第二次番卓旺角雅蘭店，服務態度及各種食物上嘅失手一度令我將佢打入冷官第三次番卓東薈城店，又再一次令我對佢重拾信心到呢次番卓青衣城店呢...原味小籠包：樂天皇朝為人津津樂道嘅招牌乃其七色小籠包，但食過都知最好食一定係原味。並唔似坊間一般都係用紙墊底，呢到用布墊底比較易夾起。皮相當簿但夾起唔會爛（小心地夾），包內湯汁夠多，肉餡鬆軟鮮味，整體質素甚高鮮蝦豬肉抄手拌麵：拉麵淥得相當好無話淋晒而且乾身，鮮蝦咬落爽彈但所有鮮味都被碗底麵汁蓋過，麵汁麻辣濃味而且好油，撈落麵到食頭幾啖都仲覺得幾惹味嘅，但食到最後就會覺得好咸好油膩，只能勉強食晒酸辣湯面：酸辣湯味頗酸帶微辣，辣味一閃即誓非常得意，麵身較拌麵淋，連配菜食係相當唔錯上海外婆紅燒肉：上海菜濃油赤醬嘅佼佼者，切到四四方方大小均一色澤紅潤賣相相當靚仔，豬腩肥瘦梅花間竹，肥膏入口即溶，瘦肉咬落仍有其質感無話散晒，此菜熱辣辣上枱即食最為滋

今日係eatigo訂咗位，有半價優惠，正呀！🔸特色皇朝小籠包一籠裡面有 8 款唔同口味嘅小籠包有原味小籠包、糟溜絲瓜、鵝肝、黑松露、芝士、蟹粉、蒜香同川味七彩繽粉的小籠包賣相岩哂打卡🤣品嚐8款小籠包嘅獨特口味，可以跟住單張嘅順序由原味至川味開始食👍🔸酸菜魚份量唔少，唔會太辣湯底仲好有魚味🐟🔸四川抄手拌麵抄手嘅醬汁有麻辣味，撈埋啲麵嚟食好香不過抄手啲皮有點過厚喇最後點咗個香煎豆沙鍋餅，唔會太甜

今日去青衣城行下，經過樂天皇朝見好耐冇食就試下，甘岩遇上下午茶時段， 嘩！有半價優惠！我地就叫左紅油抄手、生煎包、鍋貼同埋樂天皇朝最出名既八色小籠包！紅油抄手不過不失、有少少麻麻辛辣味，但抄手有少少淋，鍋貼有少少硬同唔係好熱。生煎包就煎到岩岩好，外面脆卜卜，一咬就有好多肉汁，好好味。最後講既8色小籠包係呢度既主打，有8款口味，包括蒜香、原味、黑松露等等，其中我最鍾意黑松露，味道濃厚，咬落去啲肉汁鮮嫩，成個口都係個隻味，十分滿足！

叫左海節頭，不錯，紅油抄手不太辣，可惜去果日又無酸辣湯，無得試下。仲有上海炒飯幾好食但份量多啲就好啦仲有松子魚一流呀無骨夠可口可以再試上菜速度又快小籠應該係即叫即整

住咗青衣幾十年，都未食過呢間野今日屋企人生日，終於有機會食，餐廳環境光猛乾淨，座位闊落，服務員態度和藹親切，食物味道有水準，甜品飲品有驚喜，可惜掛住食唔記得影相。

📍樂天皇朝 🍚 上海炒飯 $82呢個飯係每次嚟到必點！佢個豉油香味真係好突出，加埋本身炒香左嘅豬肉同埋蛋花，鑊氣十足😋佢本身都有啲青椒同埋蔬菜點綴，所以食完都唔會覺得太油，真係好好味㗎🥺🥟原味小籠包 $62/ 6pcs呢度嘅招牌小籠包喺香港咁多間連鎖酒樓來講水準真係好出色👍🏻真心係皮薄餡靚，豬肉新鮮，同雪藏貨真係冇得比😍而且湯汁係多到爆出嚟嗰種啊❗️🍜擔擔面 $60haha作為重口味愛好者，次次去中式餐廳都好想嗌一碗擔擔麵😛但係真係唔係到到好食! 呢度嘅擔擔面湯底麻油同花生醬味都好濃烈，辣度都幾足，我覺得有譚仔三小嘅程度🤣麵條有少少偏硬，有少少煙韌嘅口感，非常啱我😙-環境闊落，卡位坐得好舒服☺️坐窗邊位會睇得晒成個青衣城廣場😙上菜速度都幾快，不過可能因為我哋嗰日去時間比較晏，人流唔算太多😉記住平日2:30至5:30仲有五折優惠，超級抵食～-食物 4.5/5環境 4/5服務 4/5

青衣城晚飯時段好多間餐廳都排隊，見呢間食評吾差兼好快有位，決定一試，裝修尚算整潔，餐牌選擇吾算多，服務就慢……幾……拍 😅餐前小食嘅雞腳硬硬地，可能煮吾夠時間清炒蝦仁個生粉芡太厚😂招牌小籠包肉汁豐富，幾好🤤味道一般嘅燉湯冇薑汁味嘅薑汁芥蘭😅上海炒年糕，一舊舊😂個場吾旺都冇人加水 😅食得吾太開心，最後叫埋單時都等左10分鐘至找錢，真係冇話可說 😒😒

之前覺得飯太少，現在菜好像被人吃了一口一樣。銅鑼灣那家非常好，不知道為何青衣這家的質素這麼差。很失望🥵🥵🥵🥵🥵🥵🥵包裝組合都很好，就是菜少飯少😞😞😞

我係2021年3月1日去呢度食晚餐，食完又衝忙咁走，結果遺漏左部iPad, 最敝係我過幾日先發現，到3月4日即刻打去呢度問，心諗冇啦冇啦實唔見，點知，呢度既員工已經幫我執起左，而且有禮貌地回覆，同時亦保障客人權益，建議我親臨食肆將iPad 解鎖, 核對特徵，以證明我係物主， 由此可見，員工除了服務態度優良品行誠實外，更兼顧客人權益，其專業態度極高，講真，比著係第二度，一定比人攞左了，所以呢間野值去幫襯，非常感謝呢度既員工。