楚撚記大排檔

营业中

休息中

🔸️楚撚記大排檔 🌏港式📍荃灣川龍街118號百悅坊地下-1樓有朋自遠方來，梗係帶佢食香港地道野：大排檔。其實自己都未食過🤣成日貪方便，只係食妹記。今次終於有機會試一試佢。用what's app訂位，方便快捷！7點入座，限時一個半小時，餐廳要做第二輪夜市，好好生意～我地5位叫左以下：🗨楚撚沙拉骨 $99🗨沙嗲粉絲金菇牛肉煲 $98🗨椒鹽九肚魚 $94🗨金銀蛋浸白菜仔 $75🗨蜜椒薯仔牛柳粒 $113🗨金沙黃金白飯魚 $90🗨飛天通菜煲 $88🗨激辣避風塘水魷 $99🗨豬油撈飯 兩個 $23@🗨靚仔白飯 兩個 $13@🍻青島三大枝 $88 3枝我地真係幾大食😋🤣叫左勁多野,每樣都好好食！通菜煲係聞到隔離枱勁香先叫，絕對無錯！避風塘水魷真係幾辣，送飯一流！九肚魚去頭尾，超級滑，份量唯為少。黃金白飯魚好正，每條都包到蛋黃，超惹味！豬油撈飯唔係度度有得食，大家括出去，試試佢。食落實在太香，必叫！整體食物濃味亦都係樣樣好食，仲要好抵食，上面埋單$925，5位用，怪唔知甘多人排隊，竹侍應都算唔錯，有禮，出菜收野都快，好評不斷！仲有好多菜想試，下次一於再黎～#荃灣美食 #香港大排檔 #必食大排檔 #大排

一直都好想試楚撚記嘅小菜，今次嚟到荃灣點都要試試佢！佢哋一直都好旺場，我哋大概7點幾嚟到都已經fullhouse，夠晒熱鬧同有氣氛(*•̀ᴗ•́*)و ̑̑🍽食物👉🏻古法枝竹雙冬羊腩煲(淨腩) $298 6.5/10嚟到見到勁大煲，全部都係腩位啖啖肉食得好開心，仲有好多配料好似枝竹、冬菇、冬荀同馬蹄，可惜係湯底有啲稀，搞到啲羊肉好似唔夠入味，不過佢哋會用gas爐一直熱住，食到最後都係暖粒粒👍🏻涼瓜炒牛肉 $90 7/10涼瓜炒牛肉一直都係我好中意食嘅一道小菜，呢到大大碟，牛肉仲多過涼瓜🤣用豉椒去炒夠晒惹味！✨金沙蛋黃九肚魚 $99 8/10食大排檔點可以少得香口野～ 九肚魚入面軟滑，出面脆卜卜，仲有鹹蛋黃包裹住，鹹香十足～✨香煎黑松露手打蓮藕墨魚餅 $108 8/10呢個係楚撚記嘅招牌，見到幾乎每枱都有嗌，墨魚餅爽口彈牙，用蓮藕增加口感，煎到表面香脆，仲有淡淡黑松露香氣👍🏻楚撚記小炒王 $99 7/10小炒王真係好啱送酒，韭菜花、蝦乾同腰果粒炒埋一碟夠鑊氣！✨Hoegaarden Rosee (550ml) $86嗌左Hoegaarden點知佢用咁大個杯上😂同普通啤酒杯拍埋一齊，完住係巨大化

今日難得抽時間，夜晚10點幫襯呢間網上略有名氣嘅大排檔餐廳。晚上10點揸車泊到門口，唔怕抄牌非常方便，晚上10點最忙嘅時間已經過咗，廚師唔會因為踢晒腳所以求其嘅狀態，應該可以一試廚師真功夫行上兩層，到店鋪入邊，即刻入座，之後用手機掃QR code落單，點咗一個豉椒炒蜆，啫啫生菜煲，半隻霸王雞，豬油撈飯，都係舊式大排檔必有嘅菜式，亦都有好多唔同風味嘅小炒，款式之多，起碼要幫襯十次或以上先試得晒。好快，堅係好快就上菜喇～白飯先上，就先講豬油撈飯：豉油加豬油再落啲蔥花喺白飯上面，確係有香氣溢出，但米無米香，豉油加豬油既香味只係一般，未做到食完落肚，口腔仍留有餘香。😮‍💨霸王雞：一望落去，好多好多炸蒜，雞肉好厚，皮有點點兒爽，啖啖厚肉既雞，好合我口味，可惜薑蔥霸王雞，薑蔥味被炸蒜完全蓋過，豉油亦都被超多炸蒜快速吸收，一道霸王雞，無薑蔥味，無豉油味，同一隻白切雞加炸蒜完全無分別豉椒炒蜆：依道菜可以算係大排檔必食之一，先講蜆本身，吐沙方面處理100分，無食到沙，可惜蜆比較瘦，不過去大排檔食炒蜆係食炒功唔係食蜆既肥瘦，炒功黎講，依道餸收汁一流，無水汪汪，依樣好重要😏炒既其他野呢⋯⋯味道偏咸，而且豆豉

見到啲人成日都食 終於搵到機會可以試吓！早一兩日就book定位 成晚都幾full下 餐廳風格都好有大排檔感覺！【菠蘿生炒骨】$90酸酸甜甜！另外生炒骨無好厚嘅炸粉👍🏻【蜜椒薯仔牛柳粒】$113薯仔同牛柳炒到一樣色 好幾次想夾牛柳都夾左薯仔😆 全部都好入味 青椒洋蔥配蜜糖炒 真係好惹味！【黃金椒鹽粟米】$69粟米本身已經好甜 粒粒粟米仲沾滿咸蛋黃！每食一舊都好邪惡 但忍唔住會繼續食😆【濃湯海鮮粉絲什菜煲】$98呢個雜菜煲完全無諗過係咁好食！如果唔想食炒菜咁油 絕對推薦呢個！大量粉絲 雜菜 冬菇 蝦米 蟹柳 魷魚！濃湯煮實在太入味 😆 雜菜煲可以解黃金粟米嘅膩😂【楚撚豬油撈飯】$23自行加豬油同蔥花撈！不過我覺得就普通 唔太特別～🥲🤤Rating: 7.5/10📍楚撚記大排檔荃灣川龍街118號百悅坊地下-1樓

嚟到荃灣，想食啲中式嘢，就諗起楚撚記～呢間人氣店經常好多人排隊等位，好彩今日六點鬆啲嚟到都仲有位，我哋坐嘅位置都算幾舒服～揀食咩真係有啲花多眼亂，因為呢度嘅食物種類好多🤣首先諗都唔使諗就一定係食楚撚記原隻脆皮炸豬手 ($159)，今次呢個豬手嘅皮好脆，我仲鍾意佢嘅豬手唔會好鹹，呢個份量兩個人啱啱好👍🏻另外我哋都叫咗一個咕嚕雞球 ($90)，賣相唔錯不過份量唔算好多，個汁同個炸漿都做得幾好，唔會覺得好油膩嘅感覺😌之後見有一個都幾得意，就係一口脆炸雙重芝士波波 ($72) ，本身以為裡面會係流心嘅芝士，點知原來佢係一個芝士薯波，入面嘅芝士比較杰身，但係味道都非常濃郁，有成12粒咁多，我覺得都幾抵～食啲咁Heavy嘅嘢，最後一定要叫返個菜，我哋叫咗啫啫唐生菜煲 ($83)，呢個感覺真係好有鑊氣，一打開好香，仲要見到有啲都幾大隻嘅蝦乾，唐生菜好清甜，幾好食！兩個人食四個餸真係好滿足，而且人均只係$200 ，算幾合理🤗

見咁多好評就一心去試下排隊 6點walk in去到話一小時用餐時間 七點交枱都照試吓 但05分坐低你6點半就過嚟叫埋咗張單先 炒蜆炒鵝腸蜜椒牛柳粒完全冇鑊氣 微暖上枱 兩餸飯都好食過 唯一係個菜乾豬肺湯正常 呢個價錢吾使食佢

外賣4 人餐，土瓜灣分店，網上訂購，冇人confirm! 上次訂餐已經遲咗2 小時，晚上7:00 要餐，9 時後先到，仲要自己落樓下取餐。今次網上訂購，冇人 confirm order, 自己整左4 人餐，冇通知，打電話去又話冇得改。服務態度差，以後不會幫襯！

一向喜歡吃中式小炒，在網上找到這間，見評價十分好，所以慕名去吃，但真的很一般，如果寄望食熱辣辣、有鑊氣的小炒，會失望！食類似避風塘肉排，應已煮好多時，只翻熱微暖，不會再去。

平日嘅夜晚，約咗好朋友食飯，好朋友話想試吓啲地道野，就嚟咗荃灣嘅楚撚記啦！我哋首先打咗去訂位先嘅，分別係17:30、19:15、20:45同埋22:15，可惜早啲嘅時間已經full左，所以我哋就揀咗20:45。我哋準時到達，上兩層就係座位啦，沿着樓梯行，見到好多香港嘅懷舊裝飾，坐低咗打開Menu，見到超多唔同款式嘅小菜，我哋就盡量嗌啲出邊少見嘅菜式嚟食。🌱楚撚豬油撈飯白飯嘅濕度啱啱好，配埋清澈嘅豬油，淡色嘅豉油，仲有芫荽蔥，好食。🌱蝦醬骨咬開蝦醬骨，肉質非常林，一啲都唔鞋口，而且係有好濃郁嘅蝦醬味，一碟份量都唔少，呢個幾抵食又好味。🌱豉椒鵝腸鵝腸炒得夠乾身，青椒紅椒洋蔥都好爽口，好惹味。🌱黑松露墨魚餅淡淡的黑松露味，加埋粒粒嘅墨魚，非常彈牙，外邊香脆。🌱綠豆爽清心丸最後餐飯食到好飽啊！店員話今日嘅糖水有綠豆爽清心丸，我最鍾意食㗎 ！呢個潮式糖水我覺得真係好好味。我哋三個大人一個小朋友埋單四百幾蚊，我覺得價格相當好，食物亦都好美味，所以我會再過嚟食㗎 ！

一直好鐘意食大排檔既我，覺得要搵間好食既大排檔都幾靚，要搵間咁乾淨既大排檔仲難之前同過朋友黎已經覺得呢度既裝修好靚，整到有舊式香港既感覺，特色之餘D野又好食楚撚記原隻炸豬手好大隻既豬手,豬皮夠曬脆，仲有配芥末醬同甜酸醬，食落唔會太柴，火喉岩岩好，仲保持到肉汁，好味飛天通菜煲同平時食開既馬拉盞通菜唔同，呢個飛天通菜好有鍋氣，食落去仲有少少辣吊味，我覺得又係另種感覺七味黃金炸一口金磚豆腐最鐘意佢舖滿曬炸蒜，正

其實之前都食過一次楚撚記，但突然心血來潮，好想食佢個豬油撈飯所以就二話不說去食！！今次叫左個佢個秘製鳳爪做小食，辣辣地幾開胃，同埋幾厚肉，唔錯～同埋叫左先知原來咁大份一碟好似有成８隻，兩個人岩岩好，正呀!跟住當然要叫佢個招牌咕嚕肉啦，之前都食過，食得出佢ｄ豬肉幾新鮮，而且炸粉剛剛好，仲要好脆口。一定要食！！今次試左個新野，香爆黑椒牛仔骨煲。食落同普通大排檔既味道差唔多，不過唔同既係你食得出食材又係比較新鮮。值得一讚既係，平時大排檔食既牛仔骨一定係落左鬆肉粉，但呢個我食唔出有，所以幾impressive.當然唔少得令我特登黎食野既豬油撈！平時冇乜機會食到呢ｄ懷舊野，一諗起就淨係識黎呢度哈哈！雖然好肥，但真係好香口。。食完再算！

終於一嚐長期客似雲來嘅楚撚記，感受半失去嘅香港大排檔風情。裝修擺設都好復古！即刻叫返支懷舊版忌廉先！脆皮炸大腸（鳳梨底）（$101）炸大腸表面炸得香脆，配搭菠蘿一齊食唔會過分油膩。西楚霸王雞（半隻）（$148）炸蒜多到遮住啲雞😂雞肉超級嫩滑，炸蒜同醬汁都好夾，推薦！黃金椒鹽粟米（$69）最出名嘅小菜之一，香甜嘅粟米佈滿咸蛋黃，邪惡得嚟又令人忍唔住不斷食。粟米真係好甜！一咸一甜意外地夾！菜甫銀魚煎蛋角（$72）睇上去平平無奇嘅煎蛋角，但就係簡單菜式先顯功夫。菜甫銀魚好多，所以蛋角煎到好大塊！熱辣辣食超滿足又飽肚。濃湯海鮮粉絲什菜煲（$98）足料又好食😋鑊氣豉椒炒蜆（$99）炒得好有鑊氣，上枱時仲熱到出煙，蜆都洗得乾淨無沙，放心大啖大啖食。蓮蓉壽桃（$44）好少見壽桃有印上綠葉😂白蓮蓉甜度啱啱好😌食完原來仲有糖水送！味道似係綠豆糖水，加左類似麻糬嘅透明正方體入去，好食！價錢合理、味道水準高、菜式多、仲有懷舊風情，完全明白點解經常大排長龍！下次再嚟試其他菜色😋

今晚終於食到傳說中既楚撚記啦，朋友要早一個星期前book，而且仲係食17:30嗰場，不過唔緊要，食到已經好開心~我地4個人叫左沙嗲粉絲金菇牛肉煲、生炒骨、馬拉盞炒通菜、椒鹽白飯魚同猴頭菇蟲草花淮山螺頭煲豬骨湯。講下個湯先，上之前侍應哥哥拎左碟湯渣黎，然後問我地幾多個人再幫我地分埋好細心。個湯好清甜好好飲。生炒骨勁好食，佢係我all time favourite，外脆內嫰，酸酸甜甜，最鍾意佢無咩肥肉，唔會食到成口油。椒鹽白飯魚 - 出面唔係間間有所以點，啲白飯魚size都ok，唔會太細條，個漿好薄而個魚又好脆口。馬拉盞炒通菜 - 唔會好鹹，好有鑊氣，好好味。沙嗲粉絲金菇牛肉煲 - 其實佢都好味，不過因為太多汁而個汁又好厚身感覺有啲heavy，但送飯係一流的。食到咁上下，原來佢送糖水，姐姐會拎住個盆行埋黎問你要幾碗，呢晚係綠豆清心丸糖水，唔太甜，仲要雪凍左，好味~

呢日收工約左同事試下呢間超人氣晚晚爆場既大排檔 #楚撚記 🔥😍 室內既大排檔裝修好懷舊，超有老香港既風味😍--🔥七味黃金炸一口金磚豆腐($75)一黎到我地就叫左呢個一口豆腐，廚師將豆腐切成小方粒，入口岩岩好，豆腐被炸到金黃香脆，食唔停口🤤-🦑避風塘鮮魷($106)大大碟既鮮魷份量十足😍 魷魚食得好大嚿，入口新鮮彈牙。炸鮮魷既炸衣好薄炸到好酥脆，之後再用左大量嘅炸蒜去炒，超有鍋氣好惹味🤤🤤 -🐂香爆黑椒牛仔骨($113)熱辣辣既牛仔骨用瓦煲呈上，黎既時候仲有渣渣聲，聽到都流晒口水🤤 牛仔骨煮得超軟腍，每件牛肉都索晒黑椒汁，香濃惹味🤤 撈飯絕對一流！-🐖🍚豬油撈飯($23/碗)呢個豬油撈飯真係好少地方有得食，見到仲唔即刻嗌會對唔住自己🙈 飯蒸到粒粒分明有米香，落埋豬油，蔥花同芫荽簡直係完美！一定要叫🤤整體黎講， #楚撚記 真係名不虛傳，餐廳環境有特色，同時保持乾淨整潔，第一次食大排檔咁舒服🥰 食物質素又唔錯，價錢唔貴，推薦！(記得book位啊!!)

想chill住食大排檔，黎呢度就啱嗮！欣賞佢嘅復古裝修，好有懷舊香港味道，最正係又冷氣又乾淨過普通街邊大排檔🤣 個場都好大，唔會同隔離檯太近，可以暢所欲言。.香煎黑松露手打蓮藕墨魚餅$113:超有驚喜！黑松露同墨魚原來好夾，欣賞佢加咗啲蓮藕粒喺中間，令口感冇黐立立，仲有少少爽脆。煎嘅時間都較得唔錯，面層啱啱好有少少脆口感。超推薦！.楚撚記原隻脆皮炸豬手$159:欣賞呢隻豬手已經幫我哋起晒肉同皮，可以識得有儀態少少😝份量都唔少，而且啲皮炸得卜卜脆，撈飯食就啱晒！.豆漿杞子鮮腐竹浸時蔬$86:好鍾意呢個湯底，啲娃娃菜同腐竹浸左豆漿湯底好入味，加埋杞子有啲甜甜地，口感豐富～.楚撚豬油撈飯$23:係一碗思苗白米，有豉油同豬油撈，好香口！豬油撈飯而家真係好少見，一食就停唔到口🤣.藍妹啤酒🍻係用勝字底嘅碗🤣好有特色！好有一種要乾嘅感覺！