行入楚撚记,第一感觉系「呢度真系大排档?」。装修怀旧得嚟干净企理,座位宽敞,冷气充足,完全冇传统大排档嘅局促感。无论系三五知己聚餐,定系一家大细嚟食饭,都坐得舒服自在。豆浆杞子鲜腐竹浸白菜仔汤底豆香浓郁,鲜腐竹吸尽汤汁精华;白菜仔嫩绿爽脆,杞子带点自然甜味,清淡得嚟够滋味,养生之选~土鱿蒸肉饼肉饼肥瘦适中,蒸得刚刚好;土鱿咸香惹味,增添层次感,送饭一流,简单传统味道最考功夫~豉汁蒸鱼云鱼云滑溜入味,豉汁香浓唔死咸,处理得干净,完全冇腥味:鱼云仲可以补充骨胶原,女士至爱~白灼八爪鱼仔八爪鱼仔新鲜弹牙,火候掌握得宜;特别欣赏两款酱汁:Wasabi豉油呛辣醒胃,带出海鲜鲜味;海鲜豉油就传统风味,咸甜适中店员送上绿豆清心爽,绿豆煮得绵密,甜度适中,为呢餐画上完美句号。呢份心意,喺而家嘅餐厅已经买少见少~楚撚记成功将传统大排档美食,用舒服环境同合理价钱呈现。冇浮夸摆盘,冇天价收费,只有实实在在嘅好味道。如果你都想喺荃湾揾间坐得舒服、食得满足嘅大排档,楚撚记绝对值得一试!…查看更多


























































