楚撚記大排檔

营业中

休息中

「楚撚記」真係久仰大名，但一直無機會試，今日放工終於有時間約朋友嚟啤一啤佢🤭佢哋嘅裝修好有香港懷舊特色，好多綠色窗花、格仔磚、霓虹燈，拎住戰鬥碗，聽住周慧敏飲酒，特別好feel😆啫啫唐生菜煲真係幾正，正宗大排檔重口味，蝦醬濃郁咸香，唐生菜爽脆，食菜都可以食得好enjoy🤣再嚟就係「避風塘鮮魷」，炸蒜炸得好乾身、香脆，完全唔會有苦味，我特登叫咗碗粥嚟撈炸蒜食，呢道菜真係蒜頭怪最愛❤️鮮魷魚嘅口感亦都好好，唔韌，新鮮靚貨👍如果鍾意食豬手，「楚撚原隻脆皮炸豬手」必點，皮薄、香脆，肉嫩又有咸香味，份量亦都好大，一定滿足到你啲胃口。之後就係今晚嘅亮點——楚撚豬油撈飯！第一次食豬油撈飯，我同朋友完全唔知要加幾多豬油，又唔知要落豉油。哈哈。試完之後，真係覺得豬油加豉油再加飯係勁正嘅配搭，好香好好味，令人停唔到口。最後整番碗「綠豆爽清心丸」，甜甜地帶花香味，去油清膩，為今餐畫上一個甜美嘅句號。總括嚟講，「楚撚記」係一間好值得試下嘅餐廳。唔單止裝修有香港嘅風格，菜式更有質素，唔怪得全場爆滿，一定要記得訂位啊！📍楚撚記大排檔 (荃灣)荃灣川龍街118號百悅坊地下-1樓

繼上次食完火鍋撚之後，見佢地同一集團旗下有懷舊港式大排檔，鍾意食麻甩鑊氣野嘅我當然唔放過🤗 呢間楚撚記有好幾間分店，而且日日爆滿，想試嘅朋友記得book位呀☝🏻七味黃金炸一口金磚豆腐🥠($75) - 炸豆腐我成日都會叫，因為好鍾意佢外脆內軟個口感😁 呢度嘅豆腐炸得好乾身，非常脆口。避風塘鮮魷🦑($106) - 呢度嘅避風塘唔算太辣，我自己覺得只算微辣，個勁勁勁香蒜味😚 成碟炸鮮魷舖滿炒蒜山，多到用黎撈飯勁正😁楚撚記原隻脆皮炸豬手🍖($159) - 豬手成隻連骨上，絕無偷工減料，餐廳好細心將豬手肉切成細件，一件一啖，又有皮又有咸肉👍🏼 通常出面食嘅豬手皮都係靭多過脆，因為豬皮好多油脂同膠質，但呢度炸到佢油脂溶哂唔會成口油，外皮脆到咔咔聲，好似食燒肉皮咁，真心高質😇豬油撈飯🍚($23) - 邪惡之選，第一次食，唔敢加太多豬油🤣 不過真係比普通白飯香。

如果有人問🐻嚟香港最緊要去食咩？大排檔一定係首選✨體驗正宗香港味道🇭🇰當中「楚撚記大排檔」係不二之選💕味道高質外，價錢亦非常可觀，性價比超高👍🏻.甫入門內，已經好似回到五六十代🇭🇰牆身掛滿舊式手寫菜式木牌、舊式磚地板、舊式綠鐵閘，周圍裝潢都充滿香港情懷☺️最重要冷氣搭夠，可以嘆住冷氣食小菜😆.🍴楚撚記原隻脆皮炸豬手💰$159外皮脆卜卜，咬落勁香脆😆肉質尚算軟嫩，唔會太乾😌而且都幾入味，加少少芥末食更惹味😋.🍴香煎黑松露手打蓮藕墨魚餅💰$108墨魚餅食得多，黑松露真係比較少見😌入口勁彈牙，中間仲有粒粒蓮藕，帶爽口感😚好香松露味，同墨魚味好夾😌兩個人食八塊啱啱好🤪.🍴七味黃金炸一口金磚豆腐💰$75金黃香脆炸皮內包裹著嫩滑豆腐✨本身加咗七味粉及椒鹽調味，蘸埋喼汁就啱啱好🤓.🍴楚撚豬油撈飯💰$23邪惡但又無法拒絕嘅美食😈將豬油及豉油倒入缽仔蒸飯，飯嘅熱力將豬油迅速滲透🍚再加入蔥花及香菜，入口香氣四溢🤤唔多地方有得食，必點之選🌟.想舒舒服服嘆大排檔美食？楚撚記絕對係好選擇👍🏻

ෆ荃灣楚撚記ෆ懷舊鑊氣大排檔呢間餐廳full到每次經過walk in 都食唔到今日終於食到喇(⁎⁍̴̛ᴗ⁍̴̛⁎)推介甜酸咕嚕肉🫶🏻外皮好脆 啖啖肉好好味🥰餐廳裝修有特色 氣氛好好真係全場坐滿🙆🏻‍♀️#foodie #荃灣美食推介 #美食 #hkfood #美食推介

楚撚記原隻脆皮炸豬手肉質唔會過肥 外皮香脆 雖然係炸但係冇咩油膩感 豆漿杞子鮮腐竹浸時蔬揀咗娃娃菜 黃豆味道突出 清淡得嚟又鮮甜 香煎松露手打蓮藕墨魚餅有蓮藕嗰種爽口感 調味啱啱好 松露香同墨魚好夾非常豐富 楚撚豬油撈飯加上豬油嘅飯真係唔講得笑 好獨特好香間唔中都要邪惡一下🤪 另外仲叫左白粥同青島好多人都覺得大排檔嘅環境比較唔衛生 楚撚記將大排檔融入係室內 既有冷氣地方亦乾淨 連裝修同餐俱都跟到足 而且食物種類選擇真係好多添架

朋友最鐘意去呢到食飯呢日收工又一齊過左黎菠蘿拔絲咕嚕肉咕嚕肉炸得香唔脆卜卜 酸酸甜甜好開心胃，仲有水蜜桃，菠蘿同埋焦糖脆脆拔絲甜甜地又估唔到幾好食豆漿杞子鮮腐竹浸時蔬我地揀咗菠菜每一啖都帶有淡淡嘅豆香入面仲有唔少杞子同紅棗，感覺健康又養生香爆黑椒牛仔骨煲一上枱熱辣辣好香黑椒味牛肉唔會韌 黑椒醬勁惹味仲有唔少青紅椒，洋蒽，正！懷舊豬油撈飯無將豬油加落熱辣辣嘅飯到再按個人喜好加入蔥同芫荽倒入豉油撈勻 一碗邪惡又好味豬油撈飯就完成黎呢度點少得啤酒飯後仲有甜品送呢間係番薯糖水，真係勁滿足

由佢開業已經成日話要去食 終於 係終於都食到🥲兩個人食乜鬼大排檔丫 食得幾多😪我地成日都會掛係咀邊最終都係忍唔住 豁咗出去 因為真係好難等到人多🫢當日去到 真係見到爆晒棚人山人海😲估唔到閒日都咁爆場懷舊既設計風格令人更投入當中😍最重要既都係個種熱鬧既感覺 講句野都要大聲啲😆➷🪐 七味黃金炸一口金磚豆腐唔知點解 黎到大排檔食呢啲就特別好食🫢粒粒金磚豆腐 入口時都依然係熱辣辣 非常滋味😋薄脆既外皮加上微辛既七味粉 每一粒厚度都好均勻👍🏼我地叫咗啤酒飲 所以用黎當係送酒小食都好夾🍻▸🪐 菠蘿拔絲咕嚕肉用上梅頭肉去整 啖啖肉既口感 岩晒唔鍾意有骨既朋友👍🏼沾上既炸粉唔會太多 唔擔心食落口係粉多過肉而甜酸度既調配都做得出色 仲帶有菠蘿香🍍夾埋拔絲同焦糖碎食仲可以多一份甜 有助提升肉香😶‍🌫️▸🪐 香爆黑椒牛仔骨煲牛仔骨煲反而就幾適合送飯🍚因為醬汁比較多順帶一提 佢地有豬油撈飯食嫁 如果你唔怕肥又想香口的話可以試吓佢 唔係度度都有得食😆試一次都唔過份既🫢講返個煲先 牛仔骨既份量都有幾多舊 唔係淨係食椒🫑肉質都好嫩腍 容易同骨位分開👍🏼黑椒帶點辛口既味道😋成日話食大排檔要有鑊氣 應該就係講緊呢一種🤤➷

有個朋友遠道從荷蘭返嚟，佢話佢好想食大排檔喎，同埋聽講楚撚記好好食，所以我哋就上網預約咗啦！呢度係用QR code落單，少咗啲大排檔風味囉，不過裝修好靚，係懷舊香港風我哋叫咗一煲湯，一個粥，豬油撈飯，啫啫通菜煲，蓮藕肉餅，拔絲咕嚕肉，芝麻花生香雞～其實係我已經唔記得晒啲餸菜叫咩名啊，都係睇住張相作出嚟哈哈最好食一定係拔絲咕嚕肉！我本身係一個好鍾意食咕嚕肉嘅人，基本上去到邊都會叫！呢度真係啖啖肉，超正，唔會話炸到好厚粉如果呢度冇用餐時間限制，更加好啦

9/6晚22：35一行四人到店惠顧，點了七個餸1.椒鹽九肚魚（外唔脆，內好熱）2.鴨血煲（好鹹，個汁杰撻撻）3.啫啫芥蘭煲（正常，但明顯唔係生啫）4.小炒王（九菜花同其他配料味道完全分離，感覺似撈出嚟）5.豉油王炒麵（正常）6.炸豬手（皮好硬，肉好乾）7.香辣魷魚（個汁好鹹，又係杰撻撻）總結：以上所有食物五分鐘已出齊，都似一早整定，出嘅時候用微波爐翻熱，雖然唔貴，但真係太離譜了吧，咁出名嘅餐廳如此出品，點解會有咁多正評？啲客人真係唔識食？莫名奇妙...

哇，呢間野極差，態度極差，真係好耐未試過啲職員態度咁差，野食又凍哂先上菜，4樣野都係暖住上👏🏻666，啲炸野全部淋哂😀22:30去到諗住咁夜都冇人唔使等或者唔使等太耐去到見到門口有兩三堆人，諗住要拎飛啦，同職員講淨係叫我出返門口等。咁就再問下職員大概等幾耐，因為都真係太餓，要等太耐嘅話就搵個第二間，又淨係重複叫我出門口等。飛仔又無比咁咪問佢咁我第幾張枱到，又話唔知，淨係識叫我出門口等，乜都唔知咁你點知我排第幾，咁你點知幾時係輪到叫我😀睇openrice見到有得送糖水先追問佢，佢話糖水送哂就無，原來送哂唔會講聲，咁openrice打手就唔好話有得送啦，極失望總結：其實嘢食味道係真係唔差，但係你凍哂先上枱已經係餐飲死穴。其次，咁嘅態度真係不敢恭維，未入門口已經一肚氣食到飽晒。第三，佢話壞咗卡機淨係收現金，估唔到咁大間連鎖式嘅舖頭，壞咗卡機都冇其他方法處理。

呢間新式大排檔裝修好別緻😍嘢食就不過不失，講起佢碗豬油撈飯就比較特別，很想念以前在家樓下的煲仔飯也是可以加豬油的😋😋最後送埋糖水俾我哋食，也是一間挺不錯又舒服的大排檔🐽🐽

荃灣真系有好多好野食，今次發現到呢間抵食又好味既大排檔餐廳，環境闊落企理，有冷氣，坐得舒服，同埋免加一同茶錢。平日好彩早去食飯，晏啲已經坐滿哂人，可見人氣滿滿！天氣熱先叫左2支汽水飲下，估吾到系支裝汽水，好懷念！燕麥金沙蝦球 $113無殼蝦球沾滿蛋黃去炸，炸至金黃色，再鋪滿炒過既燕麥，食落甜甜地，好味道！原隻脆皮炸豬手 $159原隻豬手大大份，連大骨送上黎，豬手皮咬落夠脆，肉連帶筋有咬口感，味道適中吾會過咸。豆漿杞子鮮腐竹浸白菜仔 $86睇落好似平平無奇，一般都只系上湯浸菜，呢個用左豆腐浸菜，食落好夾，豆漿味濃郁，配埋腐竹食幾好，仲有杞子同紅棗感覺幾養生。呢度玩懷舊，連飯都吾少得，呢度有豬油撈飯，雖然吾系幾健康，但偶爾一次半次都ok既！

餐廳位於樓上, 由地下行樓梯上去一直充滿舊式情懷, 走舊香港大排檔風, 空間幾大, 枱與枱之間有舒適距離, 感覺幾舒服。𓊈楚撚記原隻脆皮炸豬手 $𝟷𝟻𝟿𓊉豬手外皮炸得好香脆, 肉質好軟腍, 每一啖都充滿骨膠原, 側邊有芥末醬同甜酸醬可以蘸點, 好好食!𓊈燕麥金沙蝦球 $𝟷𝟷𝟹𓊉蝦球完完全全比燕麥覆蓋, 上枱後 load 咗幾秒先諗到原來係蝦球, 蝦球肉質好爽彈, 外面有一層金沙醬汁, 然後再蘸點燕麥一齊食, 脆卜卜, 口感層次好豐富。𓊈啫啫唐生菜煲 $𝟾𝟹𓊉唐生菜煲用熱鍋上, 熱辣辣, 以蒜頭, 蝦乾等一齊炒, 鑊氣同鹹香味都十足。𓊈楚撚豬油撈飯 $𝟸𝟹𓊉豬油撈飯真係邪惡嘅代表, 有1支豉油同豬油可以自己慢慢撈, 加埋香蔥同芫荽, 好惹味!𓊈青島 $𝟹𝟹𓊉食大排檔飲啤酒是基本的! 戰鬥碗好冰涼, 每啖啤酒都好清爽。𓇊 整體食物好好食, 環境又好舒服, 不論人少少定一大班人去都好適合, 推介!

約左成個月，今日終於試到依間久負盛名既大排檔，網上見到既都係一致好評，今日就黎試試佢。裝修方面，用返懷舊香港特色，好有心思，牆上嘅插畫同埋擺設都有以前嘅感覺，真係好適合打卡。但大排檔一定係講味道同火喉，所以我地叫左幾款有特色既野黎試。🔹🔸🔹🔸🔹🔸🔹🔸🔹🔸🔹楚撚記原隻脆皮炸豬手 $159好好食呀，豬手皮厚身得黎又脆到卜卜聲，肉又唔會炸到乾晒。成隻豬手都幾大份，啖啖肉唔會好肥。配埋黃芥末醬同泰式辣醬更加好味！🔹🔸🔹🔸🔹🔸🔹🔸🔹🔸🔹豆漿杞子鮮腐竹浸時蔬 $86好健康，而且特別好食！我地就揀左小白菜。豆漿底濃郁，加入左大量嘅鮮腐竹配豆漿，好有營養，好適合想食好野又要健康既人。🔹🔸🔹🔸🔹🔸🔹🔸🔹🔸🔹燕麥金沙蝦球 $113蝦全部都剝晒殼，仲比D鹹蛋黃包住，出面有啲燕麥片，多左一層脆脆既口感，又甜甜地咁，好滋味。依個蝦球係一個好特別嘅菜式，鐘意試新野既朋友仔千其唔好錯過啦！🔹🔸🔹🔸🔹🔸🔹🔸🔹🔸🔹楚撚豬油撈飯 $23非常邪惡，食法係首先放D蔥上個砵蒸飯，再加豉油同豬油。我自己就1:1咁落豉油同豬油。豬油香加上秘制豉油，個飯瞬間香左好多，好想食多碗，但吃一碗飯都夠晒熱量了。🔹🔸🔹🔸🔹🔸🔹🔸🔹🔸🔹白粥 $

【小編最愛嘅大排檔🔥楚撚記】-之前幾次想去食都冇曬位🥹今日竟然walk-in就食到🥰實在太lucky啦～今次仲食到佢嘅菠蘿拔絲咕嚕肉🍍開心！如果想睇返之前嘅食評請按 ➡️ #楚撚記為食貓 ⬅️-😋菠蘿拔絲咕嚕肉🍍$113焦糖拔絲掂到啲醬🥲影相嘅時候已經溶咗一半😚不過就中和咗甜酸醬嘅酸味😆食落啱啱好～咕嚕肉脆卜卜😙酸酸甜甜好開胃，仲有水蜜桃🍑、菠蘿🍍同埋焦糖脆脆好味指數：🌕🌕🌕🌕🌑-😋啫啫滑雞煲🍲$108雞煲用沙煲裝住滋滋作響🤩熱騰騰且香味撲鼻😍雞肉嫩滑帶少少焦香🤤非常惹味令人胃口大開好味指數：🌕🌕🌕🌕🌗-😋豆漿杞子鮮腐竹浸時蔬🥬$88 小編揀咗娃娃菜😃呢碟比較清淡可以清一清個口😝每一口都帶有淡淡嘅豆香，佢仲有啲杞子同紅棗，感覺好養生好健康～好味指數：🌕🌕🌕🌕🌑-😋楚撚豬油撈飯🍚$25將豬油加落熱辣辣嘅飯到♨️再倒入豉油撈勻😝香噴噴嘅豬油撈飯就完成啦～用「缽仔」蒸出黎嘅飯特別乾爽😜撈埋豬油充滿油香🤩好味指數：🌕🌕🌕🌕🌘-😋忌廉&芬達🥤 $13枝-餐廳敬送飯後甜品二揀一😙1️⃣ 番薯糖水🍠(我地冇揀到🤣)或者2️⃣ 清心丸綠豆爽：清心丸Q 彈滑韌😙綠豆爽降火氣清熱🥰甜度適中-📍 楚撚記大排檔 荃灣：荃灣