楚撚記大排檔

营业中

休息中

今晚同2個朋友去食呢間預早半個月book定嘅小菜館，真係0舍誇張，晚晚都好鬼多人係門口排隊，今晚3條友order左椒鹽九肚魚$94(炸得夠乾身好味😋，呢1個係我勁鍾意食😊)、菠蘿拔絲咕嚕肉$113(我覺得一般個咕嚕肉比較硬)、豆漿杞子鮮腐竹浸白菜仔$86(豆漿味超濃，個味道都幾得意)、七味黃金炸1口金磚豆腐$75(好1般冇乜特別)、黃金椒鹽粟米$69(鹹蛋黃味勁重，粟米都好鮮甜成個組合都好新鮮好香好味)、另外我地仲order多2個豬油撈飯$24(豬油、豉油、蔥同芫荽撈落個飯度雖然好邪惡，但係好好味，必試)，最後仲有我鍾意食嘅清心丸綠豆爽送😍，座位都算坐得舒適

乾淨版既大排檔🤣以前細細個同屋企人去嗰啲大排檔好有風味冇冷氣近呢幾年嚟多咗好多新式大排檔，呢間都唔例外有不同風味既特色小食，而我最中意係以下呢兩款。黃金椒鹽粟米-雖然冇咩椒鹽味，但粟米件沾滿存在感高的咸蛋黃。令到升華不少。黑松露墨魚餅黑松露味濃郁，係自家製手打魚餅👍🏻👍🏻👍🏻

好難book到位，好熱門既聚腳點大排檔風味始終岩老人家食但坐位空間真係唔好坐食野味道款式係唔錯既款式好多 煮法新穎豬手好味 皮好跪好味指數👍🏻👍🏻👍🏻👍🏻👍🏻豬腸好味指數：👍🏻👍🏻👍🏻👍🏻👍🏻粉絲什菜煲好味指數：👍🏻👍🏻👍🏻咕嚕肉好味指數：👍🏻👍🏻👍🏻👍🏻👍🏻小炒皇好味指數：👍🏻👍🏻👍🏻👍🏻總括嚟講，味道款式係會回頭再去食唯獨是太難book同埋一夠鐘就要埋單

#MC帶你去荃灣.近年新派大排檔人氣高企🔥愈開愈多，大多以香港懷舊氣氛為主。今次試依間大排檔，都算係數一數二新派大排檔嘅人氣店呀🥇因為早三、四日訂枱都無位呀，唯有改去其他分店同時間就有位，人氣程度可想而知‼️✨ 楚撚沙拉骨 $98食落肉質厚實，淡淡肉，甜甜酸酸，十分滋味。✨ 蜜椒薯仔牛柳粒 $113全晚最推薦依個餸💯薯仔同牛柳炒到一樣色，勁入味，仲要擺耐咗都唔會好硬好韌👍🏻🐟 椒鹽九肚魚 $94椒鹽香蒜非常多，炸粉唔會過多，十分惹味。但數量真係少咗啲🤦🏻‍♂️✨ 飛天通菜煲 $88夠曬熱辣辣，通菜好爽嫩，但真係有啲辣，辣味似食生蔥嘅微辛微辣，好直接🌶️🐙 白灼八爪魚仔 $108食落滑嫩爽脆，十分彈牙，蘸秘製醬汁，簡單鮮味😋🍚 楚撚豬油撈飯 $23豬油、豉油、蔥、芫荽係分開別上，蔥同芫荽係兩位一份🙊職員建議唔好落咁多蔥同芫荽，如果太落太多會蓋過豬油嘅香味。初嘗豬油撈飯，真係好香，比麻油仲要香😍真係撈飯一流。🍻 藍妹（3大枝）$88大排檔又點少得啤酒😂用埋戰鬥碗飲酒，個個都變千杯不醉🆙⭐整體︰8.5/10⭐食物︰9.0/10⭐環境︰9.0/10⭐價錢︰8.0/10.===============

嚟呢度貪佢開到2am，又有撚手小菜食。講真出街一大班人最開心就係食港式小菜，風味一流。總評一下：😀食物質素： 6.8/10 有啲略微未夠火候，欠缺懷舊那份火氣十足味道。😊環境衛生： 6.5/10正常懷舊菜裝修，所以唔算好光鮮亮麗，地下有少少笠。😊服務態度： 7/10員工熱心，上菜快。可惜用餐時間限住，冇得好好咁樣休閒食一餐懷舊小菜。😀性價比：7/10 正常小炒價錢，唔會太貴亦唔會太平。😀餐後滿足感：6.8/10 可惜有幾味菜唔夠鑊氣。整體嚟講呢度都唔錯。——————————————————————喺我心中，楚撚記飲食體驗總分6.8/10 ，他日可以再試其他菜式。

有得歎住冷氣食大排檔小菜🥢，小菜選擇多仲好夠鑊氣🔥，好有風味!!啱哂一家人，仲有一大班三五知己嚟聚一聚。平日夜晚都全場爆滿🙌🏻，所以記得嚟前要book定位喇！·♡ 楚撚記秘製鳳爪 HKD$68我係一個好鍾意食鳳爪嘅人😋，呢碟鳳爪好合我口味！鳳爪係爽彈唔會煮到好腍唔種，所以食落啖啖肉好有咬口👍🏻；豉油唔會好咸，係就咁食唔送飯都唔覺得咸，而且味道仲帶有少少辣😚，好惹味，可以當佢小食/餸送飯都好適合。·♡ 香煎黑松露手打蓮藕墨魚餅 HKD$108手打墨魚肉🦑，唔怪得之咁彈牙！咬開食到裡面有墨魚粒同蓮藕粒😙，口感好豐富，蓮藕粒好爽口，仲會散發陣陣黑松露香味🤩，亦唔會煎到油。·♡ 楚撚記原隻脆皮炸豬手 HKD$159上碟時已經起骨拆肉🐖，個豬手皮超脆，係會咬到「索索」聲嗰種😚，唔講以為食緊燒肉皮；食落唔會好油，肉質亦唔會好韌，正常水準但唔會好驚艷。·♡ 楚撚豬油撈飯 HKD$23依家好少地方食得到咁old school嘅產物了‼️淋上豬油令米飯寧舍香😍，飯粒質感會變得油潤，再加入豉油、芫荽、蔥花，撈勻一齊食perfect😋！·📍楚撚記大排檔荃灣川龍街118號百悅坊地下-1樓

之前帶過外國朋友食西環楚撚記，已經覺得好正，今次試荃灣店一樣正，會再番嚟試多幾款小菜。今次得兩個人，叫左4個小菜加豬油撈飯，因為碟頭都大，所以好飽。首先上菜係飛天通菜，個砂煲熱到「支支」聲，一開蓋超香，通菜有小小辣。跟住金沙咸蛋九吐魚，外面好脆，裡面啲魚好滑，咸蛋味好香。咕嚕肉一直係我最愛，期望好高，所以好可惜係有啲啲失望，並唔係話佢唔好食但係就唔係好出色。花螺都幾辣，都可以一試。豬油撈飯好香，兩個人食一碗夠哂。支楚撚記手工啤，麥味幾香但唔覺有桂圓味。最後送咗個糖水，好美滿的一餐。

✅楚撚記大排檔對上一次食都已經好耐之前了🤣今次同朋友心血來潮兩個人都走去食下🤣好掛住佢個豬油撈飯啊😍依然都係咁多人！🤣 不過好彩等左一陣就入得啦！🔆醬爆黑椒牛仔骨煲 $113招牌菜之一😎 黑椒汁超濃超惹味 配埋尖椒等配料牛仔骨件數都唔少㗎！ 每件都好入味 而且咬落都唔會鞋口有少少牛羶味！🔆香煎黑松露手打蓮藕墨魚餅 $108呢個真係嚟左幾次 每一次都必叫嘅菜！一份有6塊 淨係聞落都已經有好濃嘅黑松露味！有蓮藕粒係入面 食落好爽口而墨魚嘅味道又唔會覆蓋左 食落都好彈牙又有墨魚味！🔆七味黃金炸一口金磚豆腐 $75食大排檔小炒 好多時都會點炸豆腐！佢呢個係一口豆腐size 食落好香口佢唔係椒鹽味 而係炸蒜豆腐 炸香嘅蒜粒配熱辣辣嘅豆腐好夾！做餐前小食好啱 配埋啤酒仲perfect😎🔆楚撚豬油撈飯 (碗) $23呢到嘅豬油撈飯都係必食㗎！每人一個砵仔 配埋豬油同豉油簡直係絕配！🔆藍妹啤酒 (支) $33支裝啤酒係正嘅😎 食呢啲小菜送酒好正味道: 8/10賣相: 7.8/10地址:荃灣川龍街118號百悅坊地下至1樓

❀ 楚撚記大排檔 #荃灣 ❀❗️懷舊風大排檔 仲有出息豬油撈飯 ❗️——————————————————已經多次到訪呢間大名鼎鼎嘅新式大排檔，多年來依然維持高質素，難怪依然人龍不斷🥰裝修充滿懷舊香港特色，有大量舊式畫作、招牌，心思十足。真係好適合打卡。菜式，保留港式風味，亦帶新穎元素，仲有唔少罕見嘅傳統菜式✨.✷𝑀𝑒𝓃𝓊✷☞ 啫啫滑雞煲 $108 (4/5)沙煲裝住大量雞肉，滋滋作響，香味滿溢！件件都沾滿醬汁，表面仲有焦香，非常惹味，送飯一流🤤.☞ 菠蘿拔絲咕嚕肉 (梅頭) $100 (3.9/5)大排檔經典之一😚用上梅頭製成，脂肪較多，無骨肉質juicy軟腍。焦糖脆皮擺一段時間依然香脆甜絲絲。不過雖然話係菠蘿，但反而係配蜜桃😂。. ☞ 豆漿杞子鮮腐竹浸時蔬 $88 (4/5)食咗咁肥膩野，呢道就啱曬清一清口腔。可以選擇自己喜愛嘅蔬菜，基本上所有菜都有，我地就揀咗娃娃菜，有淡淡嘅豆香，配杞子同紅棗，甜甜地養生又健康🥳.☞ 楚撚豬油撈飯 $25 (4/5)嚟到必定要試佢哋嘅豬油撈飯🔥飯粒粒粒分明，放上蔥，再加秘制豉油、豬油，就咁都可以食曬成碗飯！. ☞ 白粥 $15 (4/5)好耐無食過到不

😆上星期去左楚撚記大排檔食飯，真係名不虛傳！熱辣辣夠晒鑊氣，份量又大，啱晒食大家一齊share！而且佢哋嘅裝修好有心思，復古懷舊香港風，坐得舒服，冷氣又夠大！❤️我最愛係佢哋嘅楚撚記原隻脆皮炸豬手（$159），外皮超級酥脆，肉質又鹹香惹味，好正啊！👍🏻仲有菠蘿拔絲咕嚕肉（$113），用新鮮梅頭炸到外脆內嫩，粉漿唔厚又無肥膏，仲有菠蘿、蜜桃酸酸甜甜，調味啱啱好，勁開胃好食呀！🥬啫啫唐生菜煲（$83）熱辣辣滾住上台，加埋蝦乾同濃郁嘅醬汁，新鮮爽脆！🍚🐷另外，佢哋嘅豬油撈飯都係一定要試下，你可以自由添加啲豬油、豉油、芫荽同蔥，食起黎好香又好滑，個個都讚好呀！最後仲有啲飯後糖水送，大滿足呀！

我哋嗌咗楚撚記原隻脆皮炸豬手（$159）、七味黃金炸一口金磚豆腐（$75）、避風塘鮮魷（$106）同埋楚撚豬油撈飯（$23）咁首先講咗嗰個脆皮炸豬手先啦佢係啱啱新鮮滾熱辣炸起嘅🔥🔥所以嗰個皮真係好脆口食落去又唔會覺得好肥膩😝😝肉質亦都算幾嫩滑食落去唔會覺得好乾😚😚配埋甜酸醬/芥辣醬就更加吸引咁之後就講吓金磚豆腐/避風塘鮮魷啦前者就完全做到一種外脆內軟嘅效果🤩🤩外面食落去幾脆口入面嘅豆腐食落去亦都幾嫩而後者食落去都幾有咬口👍👍味道都算幾濃郁（我朋友真係超鍾意食嗰啲炸蒜😂😂佢係一羮一羮咁樣𢳂嚟食）跟住就講埋嗰個豬油撈飯啦（其實我好似未食過豬油撈飯😅😅）所以一開始都有啲驚食落去會覺得好油膩但係最後Overall嘅感覺又唔錯喎😋😋食落去有一種油而不膩嘅感覺配埋豉油、蔥同埋芫荽一齊食嗰個味道比我想像中出色本身都諗緊應該飲汽水定係飲啤酒但係覺得食大排檔好似飲啤酒會比較適合所以最後嗌咗藍妹🍻 🍻（我哋仲特登問店員邊一隻啤酒好飲啲因為平時真係冇飲開啤酒😂😂）食到最尾仲會有番薯糖水送👍👍飲落去味道都幾甜

平時成日聽人話楚撚記好正，今次終於有機會試！！同朋友兩個人叫咗四個餸同人頭飯 飽到上心口但真係幾好食的～首先係脆皮炸豬手個皮好脆 亦都唔似其他餐廳嗰啲咁厚皮擺耐咗少少都keep住脆唔會硬配咗兩個醬-泰式酸辣醬同黃芥末本身好驚配黃芥末會好攻鼻但係食落好mild 唔會好辣另外就係我想試好耐嘅燕麥金沙蝦球蛋黃味好香 蝦肉實淨配埋燕麥感覺好似無咁油膩 食落唔會滯去到每間大排檔都會點嘅薯仔牛柳粒！薯仔同牛柳份量比例平均 唔會食食下得返啲薯仔而且薯仔外脆內軟 甜甜地咁令人忍唔住係咁食菜就叫咗豆漿杞子浸西蘭花好得意 好濃豆乳味啲西蘭花索晒啲豆漿好好食仲有嫩腐竹喺面 成個菜唔會好鹹所以最後我哋飲晒啲湯XD作為飯桶嘅我就當然叫咗豬油撈飯用缽上嘅白飯配上豬油同豉油勁邪惡但真係好好食本身仲同朋友講食完飯要去附近食糖水點知食食下聞到其他檯傳來薑味原來最後有個蕃薯糖水送 為今餐完滿收尾蕃薯好甜好甜 有甜品真係一流！！！同埋一入到去 裝修已經好有80年代feel仲要播住劉德華嘅一起走過的日子XD好開心今次食咗一個充滿懷舊風味嘅dinner～

好多次想嚟但每次都冇位。今次家姐一家親放完暑假前提早為我慶祝生日，嚟左我一直想去但重未有機會去到嘅楚撚記，原來都係佢哋想食又未食到，今次可以一齊食，好開心！限時90分鐘，我哋用QR code下單時間係17:36, 到17:38加多左啤酒，但到18:06都未有野食連啤酒都冇。追問之下發現原來電腦失靈，落過嘅單係佢哋部電腦冇出過單所以冇整到俾我哋，而且我問完之後發覺隔離幾張枱都係有咁嘅情況，店員都好有禮貌地幫我哋即刻用手寫加返單去廚房一陣之後就好快有嘢食啦。首先有炸大肥，好脆，塊菠蘿重要有燒過，好讚！再嚟有椒鹽田雞，好香口。食過唔同地方嘅豬油撈飯，呢度嘅係最好食🤤。重加多左碗白飯。黑椒汁牛仔骨，呢個係咁多個最普通嘅一個，但其實都係好味。拔絲咕嚕肉，做得好靚，另外仲有兩粒啄啄糖，不過咕嚕肉唔夠脆。椒鹽豆腐，香口送酒冇得頂。南乳齋煲～平時食嘅南乳齋煲通常個汁好稀，但呢度南乳汁夠味。煎封馬友～哇！呢個正，就咁食唔點汁都好食，脆脆嘅！避風塘鮮魷～新鮮不過我覺得味道唔夠綠豆清心丸～送嘅唔使錢。呢個真係唔係成日有得食，仲要係送嘅，雖然甜咗少少。整體來講冇乜挑剔，乾淨企理，環境又好，啲餸仲要好大碟。四大

Cheers! Happy Night~聽好多人講呢間大排檔好食！果然係坐滿座😳好岩同朋友聚會～豬油撈飯 $23白飯 $13個人推薦豬油撈飯！雖然好邪惡，但係好好食架🙌豬油同埋豉油係根據自己口味去加 睇自己鐘意濃香d 定淡d 香爆黑椒牛仔骨煲 $113牛仔骨份量都幾多 有青椒紅椒同洋蔥做配菜～有鑊氣菠蘿拔絲咕嚕肉 $113有菠蘿同埋水蜜桃 用梅頭肉去整～炸粉唔會太厚同太多肥肉 主力係酸甜醬做調味～有三色椒同埋豆乾配碟啫啫唐生菜煲 $83有大蝦米同埋蝦醬，味道好濃郁 每條菜都吸哂d 精華！桂圓手工啤 $48我覺得叫啤酒嘅特色係d 冰涼嘅碗 飲落有feel d 🤣飲勝🍻楚撚記大排檔 (荃灣)荃灣川龍街118號百悅坊地下至1樓

疫情過咗之後，成日都覺得夜晚出街食飯靜咗好多，但係今晚響楚撚記呢度，完完全全感受返嗰種熱鬧嘅氣氛，超正。豆漿杞子鮮腐竹浸白菜好好奇係咩味，白色嘅湯汁係超級濃嘅豆漿味，估唔到同蔬菜係咁夾。白菜清甜冇渣，腐竹都好爽口好好食。避風塘鮮魷呢度嘅避風塘真係好出色，佢嘅蒜粒除咗香脆仲係好甜，肥妹仔係之前從來未食過！魷魚好新鮮，咬落去爽口彈牙，世一。原隻脆皮炸豬手分量非常之多，個皮係非常之香脆，直頭有少少好似食緊乳豬皮嗰種感覺。豬手肉一啲都唔會過鹹，好滑。豬油撈飯第一次食，食落去好香油香味，將卡路里拋諸腦後。