林記點心

营业中

休息中

林記點心位於大埔墟熟食中心（好多又平又好食嘅老字號🤤🤤），搭lift 上二樓轉右就會見到🫖 點心好抵食，啲姨姨都好好人（我哋洗漏咗筷子，諗住就咁用，點知佢見到，幫我哋沖一沖🙈🙌🏻）經過大埔嘅話，不坊一試，不過要預多人同搭枱🫖🫖 同埋可以早啲去，太晏點心會賣晒🥢1️⃣ 豉汁排骨飯（$18）排骨好嫩好香，豉汁喺枱面，自己按需要添加🍚🥄 （想試牛肉飯，但賣晒🥲）2️⃣ 香茜魚翅餃（$10）餡料主要以蔬菜為主，健康爽口🥦🥬 3️⃣ 乾蒸燒賣（$14）偏大件嘅茶樓燒賣🫖🤤✏️ 茶位每位$5———————————————————🌈如果你中意呢類型嘅內容，可以follow我哋Instagram @metropoliture.hk🙌🏻🙌🏻🥰

打風去咁遠係唔岩架😗不過打風飲茶是常識吧😜反正冇覺好瞓～去好出名嘅林記～但！試一次就好⚠️叉燒腸-還好吧！粉睇落係有啲厚，但食落口又唔會棉胎咁！叉燒就麻麻地！鵪鶉蛋燒賣-我本身對呢樣野係有啲要求的，呢碟60分啦～鴨腳扎-一樣係中規中矩，冇特別。雞絲粉卷-算係懷舊點心之一，呢個都貼近細個食到個種味道，不錯👌🏼魚翅餃-普通，認真係冇乜特別～牛肉球-正正常常，一樣係冇特別！排骨飯-睇樣好似幾好，食落就唔得啦⋯總結：平係好平，但個人覺得味道更重要！

屋企人個個禮拜都起碼去大埔墟熟食中心食早餐一次，有時食魚蛋粉食到悶，我就會揀林記嘅蒸牛肉飯。呢塊牛肉餅同點心嘅牛肉球，無論係口感、味道上都好唔一樣架。牛肉飯嘅牛肉比較彈牙，少咗"軟淋"但多咗結實嘅口感，飯大部分時候都係粒粒分明，有時候唔好彩焗耐咗，就會覺得黏成一團，太濕。燒賣一向都係大大粒，豬肉同蝦好鮮味，有時候我一個人食3粒都嫌唔夠。佢嘅蝦餃都係皮薄餡靚，不過通常我都會買燒賣，因為食落鐘意啖啖肉。

🇭🇰林記點心·呢間係我哋之前睇果籽推介既 佢真係超級抵食 除翻開每人都係30蚊 超平🤑🤑不過因為我哋1點幾先去到 所以佢好多點心已經賣晒 如果大家想試多啲點心 真係要早少少嚟🫢·豉汁排骨飯 l 咸魚肉餅飯$18佢性價比真係一流 $18一碗黎講佢啲餸都真係幾多😈佢啲排骨都幾入味嘅 個肉餅我自己就覺得偏肥少少 不過鹹魚味幾重既🐷不過唔知係咪因為我哋太遲嚟 佢個飯一路蒸住 我自己覺得佢個飯偏乾左少少 但係整體都唔錯既😎😎·鵪鶉蛋燒賣$13 l 干蒸燒賣$14佢呢兩個點心都係超平 大份夾抵食😂😂不過佢呢度嘅燒賣主要都係以豬肉為主既 得好細粒蝦仔 不過佢調味唔錯 雖然唔算話超級好食 但係呢個價錢真係無得輸😌·#rbyeat#rby港式#rby大埔·📍大埔鄉事會街8號大埔墟街市及熟食中心2樓CFS08-09舖

大埔一向臥虎藏龍，由其熟食中心堪稱彈丸之地，咁多年光顧都仲係會有掛住佢地嘅感覺林記點心： 價錢極度貼地，咁嘅價錢咁嘅質素絕對係超離地好味、蝦餃燒賣$14，但係我嚟到呢度永遠最正嘅都係「排骨飯」一碗$18，用個飯碗熱住，佢用嘅咪10分絲苗，幼細得來粒粒分明，個人攻略「必定要食排骨飯加排骨，10分幸福，堂食都要用牛油紙食法，因為佢會好似街邊食腸粉咁加少少油落去，擺啲飯落去更加滑身、同你就咁用個碗食係有啲分別㗎」

疫情下飲茶二人前，不過由於很久沒飲茶吃點心，結果變成了豐盛的早餐。蝦餃：皮夠薄，餡料亦算新鮮。燒賣：比蝦餃更美味，是舊式燒賣。香茜魚翅餃：消失的民間美食，味道亦可，不過總覺得從前的更好。鵪鶉蛋燒賣：亦是消失中的民間美食，不過比魚翅餃較常見，間中亦會在一些舊式酒樓吃得到，此店的鵪鶉蛋燒賣味道不錯。乾蒸牛肉：沒有梳打粉味，亦是懷舊點心。雞札：雞、芋頭、魚肚，全是迷你版，加入蟹柳就有點格格不入，不過味道是不錯的。馬拉糕：不會太甜，夠鬆軟。齋腸：師傅現場製作，雖不是即叫即做，不過味道很好，很滑。潮州粉果：皮很厚，入面加入馬蹄而不是沙葛，雖然爽口但味道就有點不一樣。煎堆：豆沙餡的煎堆未讀只算一般，用不着浪費肚子的空間。

大埔街市入面既熟食中心，有一檔懷舊茶樓仔！.性價比極高，人均唔使$80都飽到暈～而且係舊式一中中點心～除咗點心都有經典嘅點心飯。普遍嘅排骨飯、肉餅飯、鳳爪飯等等都有提供You have to find a seat first , then order with the dim sum paper on your desk~The dim sum is really cheap compare to those in chalau in the mall ~ Really commend the 馬拉糕and 叉燒包！

離到大埔！當然唔少得要去大埔墟街市既熟食中心搵吓嘢食啦！見天氣凍，搵啲暖胃嘢食下啦！欽點之下就揀咗佢啦！見佢有排骨飯，一籠點心個價錢又抵到爛！不過食物質素真係好一般、點心部份都比較偏鹹！賣相都尚算OK！一個個好細個嘅點心籠。而家已經好少見！喺呢度搵到好難得！排骨飯雖然好香！個飯就比較普通啦！鴨腳扎就都夠濃味嘅！另外腸粉個餡呢就少咗啲啦！不過都OK啦！至於燒賣同蝦餃就比較鹹啦！雞扎就不過不失！表現得最好就應該係個糯米雞啦！個環境真係好窄！坐得唔係咁舒服！同埋好多台都封咗！

好出名大埔點心！！位於大埔熟食中心，一去到已經好多人特別限聚令期間，佢啲位封咗好多！不過都等咗一陣間就有位啦！一睇好多點心揀咼，見好多人介紹鵪鶉蛋燒賣，同乾蒸牛肉，平時真係好少食，唔係間間酒樓都有！所以梗係一定要食啦！！基本上都係你行去自己嗌跟住佢就會送去你個位度！所以都好方便👍🏼👍🏼腸粉蝦餃燒賣都有試，佢都真係好平！最貴嗰樣都係$17咋，平均最多係$13，相比酒樓真係平好多！！我哋叫到好似放題咁，最後4人埋單先200蚊唔洗！！真係性價比好高👍🏼👍🏼食過返尋味，絕對會返去再食🤣

一直都聽聞發哥成日都黎林記食野，今日終於到我去試下！去到既時候大約1:30左右，人流較多，需要自己去排隊霸位，大概都等左20分鐘左右，先至等到位坐。中間等等下，姐姐都好好人叫我過去佢個邊入座，同個邊岩岩到企係到等位既先生女士講我地等左好耐，叫佢地讓比我地，預料之外，非常之好人👏🏻👏🏻👏🏻👏🏻仲要我地發現冇帶紙巾出黎，諗住問姐姐會吾會有紙巾買，點知佢拎出佢包私人紙巾出黎比我地仲放低係張枱到叫我地用就走左🤣未坐低之前已經諗定好哂食咩，點知由於時間吾早，加上好多人排隊叫外賣，好多野都賣哂，唯有佢地有咩，我地就食咩。我地點左1️⃣山竹牛肉-尼個係無芫茜既，適合吾食芫茜既朋友2️⃣燒賣3️⃣雞絲腸粉-個人認為皮厚左啲，但個餡料入面有埋菜，混合得幾好，吾會全部肉同腸粉，中和返4️⃣雞扎-雞幾滑，平時極少點雞扎既我覺得幾吾錯5️⃣鳳爪-細細碟13蚊都裝到6-7舊真心抵6️⃣蝦餃-雖然蝦餃皮吾係軟薄，但吾影響食物味道，不過味道係同出面食既差吾多，無太大特別最後埋單只係80幾蚊，抵既👍！

喜歡在大埔尋找老字號食店的人，10個有9個都會入來大埔墟街市尋。因為，這兒有許多是昔日的橋頭大排檔一路演變而來。前一陣字，我在網上看見了一篇有關《林記點心》的報導，而當時的一個週末亦碰巧要去大埔買餸。所以，中午的一餐，我就決意來街市，不吃平日食慣的一兩間粥粉麵店了，我要來《林記》食點心同盅頭飯。來到《林記》食點心，當然去食一些最傳統，最沒花巧的點心啦。說真，《林記》的點心絕對是沒半點花巧。所有的出品都是實實在在的古早味。食點心，燒賣相信是任何一個人的首選。這是傳統，豬肉比蝦多的大眾化燒賣，味道上同樣地香口鮮甜。魚翅餃，是沒有魚翅，連仿魚翅都沒有的魚翅餃。以菜來代替魚翅，在這樣的街市排檔點心屋，半點也不失禮。食落皮香帶煙韌感，內餡也有原隻的小蝦令味道更鮮。如果酒樓或點心專門店有鵪鶉蛋燒賣這一個東西，我一定會叫，喜愛的，就是那蛋白爽爽口的小小鵪鶉蛋，再配上下層匣鮮味十足的豬肉、蝦肉混合物，不會不好吃。小時候，就算唔食肉，都會食左粒鵪鶉蛋。而家，當然成隻食啦。來《林記》的主要目的；《林記》主角，就是《林記》的排骨飯啦。好多人說，外賣用油紙包走才有味道。但，堂食一碗仔上，更食的開心。《林記》自

又去大埔墟街市尋寶眼闊肚窄，其實每次都係試得一兩間逐間逐間試，都有排先食得晒難得兩公婆休息，想去歎下一盅兩件決定去林記點心食個晏，順便買餸😆林記點心係傳統嘅點心舖食物款式原始冇花巧而且價錢都算大眾化比起而家放緊嘅茶樓都平唔少所以每次路過總會有條人龍買外賣我哋今次唔趕時間，就坐低堂食茶位10蚊位，坐低就可以同姐姐講食咩姐姐會幫你拎埋嚟蒸排骨飯排骨都幾夠味，而且唔會靭細細碗飯，一個人食其實都好夠蒸梅菜肉餅飯蒸飯有淡淡嘅梅菜香味又唔會死鹹或者好甜加上呢個蒸飯冇骨啱晒我呢個懶人🤭鵪鶉蛋燒賣呢款燒賣唔係度度有一啖一粒啱啱好燒賣街坊食開嗰啲，豬肉比蝦多就係普通嘅燒賣😂蝦餃蝦肉新鮮彈牙但個人覺得皮略厚鳳爪熱辣辣蒸出嚟幾香鳳爪入味得嚟唔會話好鹹呢個反而覺得唔錯另外嗌咗叉燒腸忘記影皮厚無乜層次，唔洗試啦總括嚟講，食物普通，價錢大眾化嚟食嘅都應該係食感情嘅街坊啦

咁岩黎開大埔街市買野，順手食個早餐。見到google有文介紹話係老字號，就試下。燒賣，蝦餃，叉腸。食左一半先記得影相。好平，無位坐，外賣返上車食。每樣試一件，感覺失望。但燒賣係比較正常既，可能豬肉最普通。蝦肉既質素可以差好遠既，好彩都唔會霉，其實都算係正常既野。叉燒腸真係差啲。諗一諗，食開其他好食既點心，30幾蚊一份，而家一份十幾蚊，仲想點。所以呢，慳錢想塞飽個肚但又想過下點心癮，可以幫襯下。對質素有要求的慎入。主要失望位可能係食評太高分同埋有寫手介紹36年老字號講到好值得試咁。

聽人講呢間店有幾平幾好食，特登過嚟試吓。點知有種上直昇機嘅感覺：伏伏伏伏伏伏蝦餃：皮厚，蝦好細粒，食落去好似食粉團咁豉汁排骨：淡茂茂，得啲油浸住，感覺用咗好多發粉鷄紮：雪味濃郁，而且一夾就散咸水角：好似炸過嘅叉燒包其他燒賣、山竹牛肉、馬拉糕……都ok啦價錢算平，但其他地方同等價錢嘅點心，大份好多囉

日日茶記早餐真係有點悶要轉轉口味，四十載童年回憶街市林記，質素每況愈下越來越差，而且四眼老闆長年黑面，木無表情沒半點笑容，好難溝通呢！發生另一間兒時回憶，洪記已經重開，有機會再嘆嘆！豉汁排骨飯，飯粒濕爛，豉油不香甜，排骨細細不肥美嫩滑，醃味可口度大跌，幸好保持唔難食。乾蒸燒賣，平凡豬肉球，彈彈有汁夠美滿。鮮蝦餃，厚硬餃皮，好彩鮮蝦算爽甜。四寶雞紮，無魚肚換來兩條芋頭，我不吃的！膠感大紅色蟹柳假假的味道，火腿彈牙咸鮮多汁，雞柳硬實帶渣唔太差，過過口癮罷。豉汁蒸排骨，多年穩陣色香味俱全，肉香甜彈滑嫩但骨頭多並且細細粒。豉汁蒸鳳爪，乾乾瘦瘦不脆彈，豉味淡淡。梅菜蒸肉餅飯，老人家的日常，晨早兩盅加幾件再幾件。簡單的咸甜交錯，反差的美妙絕倫。甜梅菜爽爽，咸肉餅嚥韌，豉油撈濕飯拼得來合格。鵪鶉蛋燒賣，招牌點心嗎？肥豬肉油潤，搭上乾乾鵪鶉蛋剛剛好。高湯鮮竹卷，全蔬菜滴著清甜菜汁，灌著高湯滋潤腐皮，配搭得宜。叉燒腸粉，密不透風，厚過棉胎的結實粉皮，零星的叉燒碎像大海撈針。乾蒸牛肉，山竹牛肉球沒有了！點點微弱滑牛味，微彈微滑入得口。咸魚蒸肉餅飯，實實油浸咸魚件不是霉香種，唯有細心地分成粒粒，大大舊肉餅一