林記點心

呢間喺大埔街市樓上熟食中心嘅點心舖一向都好多人話好好食，今日路經此地終於有機會一試，發現都係走風味路線多啲，唔係話佢唔好食，只不過係自家製點心而已。蝦餃ok，係舊式蝦餃嘅味道，我自己比較鍾意呢種蝦餃多啲，一尾追求大大隻嘅蝦就好似失去咗蝦餃嘅原意。叉燒包就一般，如果唔想嘥quota就可以skip。燒賣又係嗰種舊式點心嘅味道，純粹懷舊一下咁啦。腸粉又係屬於一般，同叉燒包一樣如果唔想浪費quota亦都係可以skip。…查看更多

呢間喺大埔街市熟食中心嘅點心檔最出名就係食排骨飯，所以一坐低唔理三七二十一即刻嗌咗個排骨飯先，佢嘅排骨飯味道唔錯，不過又唔係外間講到咁犀利。鹹水角都可以逐件逐件嗌，不過我會建議大家唔使試呢一個，因為雖然佢擺喺個保溫櫃入面，但係都係凍嘅，所以大家唔使嘥quota試。鴨腳扎味道還可以，亦都係未算非常精彩。魚翅餃味道都ok，餡料都算新鮮，而且依家出面好少有得食。山竹牛肉反而係幾樣點心之中相對好食嘅，其實本來係想嗌乾蒸牛肉，不過因為賣曬所以我哋就轉為食山竹牛肉。…查看更多

聽聞大埔熟食中心有間平靚正既點心，今日中午過黎試下，假期既午飯時間果然係人山人海，好在店員都熱情招呼幫我地搵到位一坐低就上左壺香片靚茶，茶位一個6蚊之前就可以行出去揀點心喇排骨飯$20呢個價錢比既排骨都算大方，味道都幾好另外仲嗌左鵪鶉蛋燒賣，豬肉燒賣，香茜魚翅餃同埋蝦餃點心既味道都係正常發揮，呢個價錢兩個人都食得幾飽都冇咩好挑剔，除左蝦餃味道比較削，有其他點心揀大家可以唔洗叫同埋想讚一讚個辣椒油都幾出色，大家一定要試下可能我地晏左黎、好多點心都賣哂了，建議大家一早黎會有多d款式可以揀…查看更多

🥟手工一盅兩件在大埔🫖一講到去大埔墟街市飲茶，實知係去林記點心啦，只此一家，別無分店😆呢到有好多熟客嚟飲茶架，見到老闆同伙記都好好人，又好好傾，非常主動幫你搵位 。雖然係街市入面嘅檔口，但服務都唔錯架👍每日大部分點心都差不多款式，睇中想食咩可以出去檔口到叫或者叫人落單，之後你嘅食物好迅速就出現係面前🥰我今次試咗飲茶必叫嘅蝦餃同燒賣，仲有排骨飯。呢到嘅點心全部都係大大粒 。蝦餃我覺得個皮就厚咗少少，不過個餡都好足料，有蝦嘅鮮味，可以話個皮同餡係成正比。燒賣大粒唔洗講，佢皮薄喎，滿滿嘅肉同冬菇味，蒸得剛剛好，唔硬唔淋 。排骨飯係一人份量，啲排骨冇乜肥位，好淋易咬，啲飯索晒啲汁，好濃郁 。Joyfoodstop心動值：💓💓💓💓/5林記點心(香港)地址: 香港香港大埔鄉事會街8號大埔墟街市及熟食中心2樓CFS08-09號舖電話: +852 97208932…查看更多

有很多人介紹這間的點心, 專登來試下, 可能期望過高 食物 : 中午去到, 食物選擇好少, 只有幾樣點心, 即管叫來試下鮮蝦餃 $14 ~ 價錢好平, 但食唔到鮮蝦味 香茜魚翅餃 $10 ~ 魚翅一定無, 只食到一團肉 四寶雞扎 $15 ~ 味道正常 豉汁排骨飯 $19 ~ 細細碗一個人份量, 味道偏淡, 好在枱面有豉油, 可以自己落 茶位 $6/人 ~ 叫咗普洱茶, 味道正常 環境 : 熟食中心比較迫, 如果要乾淨舒適的環境就未必有, 來這裡都是要懷舊一下 服務 : 姐姐會主動幫手攞點心 價錢 : HK$70/2人…查看更多

可能由於佢喺大埔墟熟食市場入邊，因此很多叔叔伯伯婆婆姨姨都會喺呢度食點心，啲嘢全部都新鮮整，通常都熱到傻，溫度就必定有保證。呢個雞扎，一樣係腐皮、雞柳、火腿，但熱就比民華熱得多。不過唯一唔好處就係始終都係因為佢喺熟食市場，難免去親都要搭枱，同屋企人好朋友嚟就冇所謂，同唔係太相熟嘅朋友嚟搭枱有啲尷尬😅啦。有啲真係唔黎唔知，例如一個人點樣食得晒一籠蒸包點呢。好似呢啲蒸包，佢又可以叫一個，兩個又平啲，三個又再平啲咁樣。可能又係，因為佢見點心即叫即蒸，又或是本身都用非常之熱嘅鬧爐蒸住，這個山竹牛肉就更見出色，大大嚿，中間香菜以及配料都甚多，:)另外嗰啲蔥以及喼汁味道是相當出色的。唔怪得呢個魚翅餃只係買$10 ，因為其實佢內裏都真係冇乜餡料，😂都係類似鮮竹卷那些肉餡，然之後外邊包一層薄薄的餃子皮，沒有什麼特別之處。…查看更多

瞓唔著一早醒咗，難得今日放假又冇特別嘢做，諗起好耐冇食過點心，第一時間諗起西環新興同大埔林記，由於太懶唔想過海嘅關係，於是就坐巴士入大埔飲返個早茶。差唔多十一點嚟到大埔熟食中心，行去林記已經見到人山人海，好彩我得自己一個人好快就搵到個位先，一坐低即刻叫姐姐開返壼香片，嘆茶真係最緊要啲水夠熱，水滾就真係茶靚。即刻叫咗三籠點心醫返個肚先，蝦餃，燒賣同雞扎，真係去飲茶必叫嘅點心。燒賣啖啖肉足料，蝦餃皮薄，雞扎勁大舊，真係同細個飲茶食嘅點心一模一樣，食飽唔夠喉加多個山竹牛肉，真係飽到捧住個肚走~…查看更多

首先，不得不提嘅係林記點心嘅營業時間，係由半夜三點到下午三點第一次下晝2點幾黎到，只剩少量點心，今次一於十一點幾就到。。。呢間位於街市上面嘅點心舖聽聞已有幾十年歷史大多數食客已是銀髮族。今次只係試食心態，2個人只叫左5款點心：1️⃣鮮蝦餃 $14 2️⃣乾蒸燒賣 $143️⃣馬拉糕 $9 4️⃣四寶雞扎 $155️⃣豉汁鳳爪 $14整體來說，同平時酒樓嘅點心確實味道有些不同，唔知係保留左傳統嘅製造方式或是其他原因，只可以說或者呢d就係叫古早味。但價錢比起酒樓差唔多平一半，茶錢只係$5，$6，今時今日真係好抵！…查看更多

之前經過見到D價錢幾相宜，今午就去試下。係熟食中心裏面，預左環境唔會太好，正式得幾個十張八張熟食中心枱，左攝右開都係多幾張，迫狹就一定，不過左右隔離舖，叫杯奶茶，加件多士又可以坐，來個cross over都幾得意。12点多來到，只賣剩四款食物，排骨飯19，燒賣14。排骨有肉味，唔係拿到一舊舊，米飯就唔算香，燒賣一定人手掣，賣相一般，但唔難食，另茶錢6蚊位，普通茶樓質素的茶葉。這些食店賣食物外就是賣人情味，客人多與員工熟絡。我同枱另2對無獨有偶都是看了媒體介紹才來，都表現出有些微言，不過百貨賣百客，特登來就無謂，行過經過試下都是一種體驗。…查看更多

今朝一早俾人捉咗去街市樓上嘅熟食中心飲早茶，都幾迫人幾多人幫襯，等咗一陣先有位，仲要搭枱，不過啲點心味道又真係唔錯嘅，同埋價錢平。叉燒包一碟有兩個，都幾大個，入邊啲餡都OK，都有啲叉燒肉絲喺度。蒸牛肉腸粉好滑，係咁多款點心之中最有驚喜嘅一款。燒賣就麻麻哋，好似鹹咗少少。蝦餃好食，皮夠薄，入面粒蝦仁都算幾新鮮。雞扎入邊有蟹柳都幾搞笑，整體味道唔錯嘅，舊芋頭唔夠粉。走嘅時候先至見到原來茶錢有分公茶同埋名茶，公茶$4位，名茶$6位。…查看更多

-市政大廈上熟食中心的週末坐滿了本地爺爺奶奶 很是人潮洶湧幾十年如一日的那種簡樸大排檔風味和貼地氣的搭台文化自然而然成為本地人的集體回憶.形式多樣是意料之內沒想到的是還有平價早茶-林記點心便決定一起坐下 慢慢一盅兩件～.來上一籠燒賣 略微彈牙可口輕輕咬下鳳爪的關節 來自豆豉香糯在香港 難得一遇的廣式腸粉居然在熟食中心碰見雖然沒有瘦肉加蛋的那些花樣但淋上濃郁的醬油 那油然而生的滿足感一步到胃 …查看更多

難得大埔墟街市入面有一間平民得來又傳統嘅手工點心店，梗係要去得閒同屋企人飲個茶食點心☺️雖然去到都坐滿曬，但係只要姐姐總會搵到位比你😆，好快就有位👏🏻.🍚豉汁排骨飯($18) 鳳爪(+$1)呢個係必叫‼️排骨唔似出面食嘅，食落似係新鮮排骨，肥瘦適中唔會話淨係一味肥膏😝啲飯係蒸個時吸收晒排骨嘅精華，食完仲encore多碗😋不過覺得加鳳爪得一隻有啲sad，想食可以另外叫一籠會開心啲😂🐓四寶雞扎（$14）抵食之選，一碟有兩舊雞扎，有芋頭、雞髀肉、蟹柳。雞髀肉好入味，又唔會好鞋。芋頭都蒸得啱啱好😋🦐蝦餃（$14）相對其他呢個就有啲失色，雖然餡料有好多同埋味道都好鮮甜，不過個皮就厚左啲，整體冇咁好食😗.🥢燒賣（$14）呢個價錢仲要比四粒手工燒賣，味道雖然冇特別出色，但係食得出係手工製，覺得值得大家都可以嗌嚟試下😚順帶一提，啲茶都好有驚喜，以性價比嚟講，真係滾水茶靚🫖.評分:⭐️⭐️⭐️⭐️/5人均:$40-60.📍 林記點心 (大埔)大埔鄉事會街8號大埔墟街市及熟食中心2樓CFS08-09號舖…查看更多

林記～ 真心有啲就點心唔係正統，味道OK，點心$10 ～$14嘅價錢，茶錢$3@1個，真係對得住有餘，成班公公婆婆喺飲茶食嘢吹水，眼見好似仲開心過去大嘅酒樓，幫班後生等位嘅公公婆婆～今日我叫左雞札~ 味道ok 有朋友曾話用蟹柳喎，你都岩？$14 你想點？蝦餃 ～ 皮唔厚，味道偏淡 ，ok 嘅 ，但皮爆開魚翅餃 ～ 正常啦 比起坊間細少少雞絲粉卷 ～個料同 魚翅餃 一樣，粉皮冇過火，冇爆 整體味道上嚟講 唔錯嘅 ～ 但如果你有比較執着嘅朋友就唔係好建議你介紹佢去…查看更多

而家手工點心買少見少，難得呢間小店仍然堅持凌晨時段開工做點心，阿姐話佢凌晨四點鐘開工佢都唔係話唔得人驚，真心敬佩。因為坐得遠，阿姐好好人話攞啲點心俾我哋慢慢揀，佢攞咗八樣，我哋兩個人就話全部要晒，費事咁重叫佢攞嚟攞去啦，本來仲想叫腸粉，不過阿姐話食晒先再叫，如果唔係凍咗會冇咁好食，真係細心。咁多樣嘢之中最好食係蝦餃，細細粒，餃皮夠薄，有時WU係好鍾意食嗰啲巨型蝦餃，食咁大粒蝦不如我直接食鮮蝦好過啦，蝦餃就係蝦肉筍絲同埋膠皮嘅混合味道。燒賣都唔錯，傳統燒賣上面加啲蟹籽，餡料撈得唔錯。鵪鶉蛋燒賣都OK，最主要係入面粒肉新鮮彈牙唔會霉霉地嘅感覺。山竹牛肉、鳳爪同埋鮮竹卷就正常水準，都好食嘅。鴨腳炸舊芋頭就唔夠粉，雞扎無啦啦加條蟹柳就有啲奇怪。整體唔錯，可以encore。…查看更多

扺食，四款點心每款 $14，茶位$5⋯ 食品質素緊隨其價錢。佢客似雲來，理論上啲點心應該好新鮮，腸粉見到係一路賣一路整，但係鴨腳扎啲芋頭竟然係有截係乾身，百思不得其解。蝦餃係用$20一斤嗰啲細蝦，但係都有蝦味，有人搣埋殼俾你食，重想點？見到好多人都係點盅頭飯，可能嗰啲先係好嘢。店員同老客戶關係好。聽到有店員問：阿伯你凍唔凍啊，凍我就閂細啲個風扇～ 🥰剛好食到汗流浹背嘅我，成個變定格⋯ 好在阿伯話：唔凍唔凍 😄…查看更多