林記點心

营业中

休息中

屋企人個個禮拜都起碼去大埔墟熟食中心食早餐一次，有時食魚蛋粉食到悶，我就會揀林記嘅蒸牛肉飯。呢塊牛肉餅同點心嘅牛肉球，無論係口感、味道上都好唔一樣架。牛肉飯嘅牛肉比較彈牙，少咗"軟淋"但多咗結實嘅口感，飯大部分時候都係粒粒分明，有時候唔好彩焗耐咗，就會覺得黏成一團，太濕。燒賣一向都係大大粒，豬肉同蝦好鮮味，有時候我一個人食3粒都嫌唔夠。佢嘅蝦餃都係皮薄餡靚，不過通常我都會買燒賣，因為食落鐘意啖啖肉。