林記點心

呢间喺大埔街市楼上熟食中心嘅点心舖一向都好多人话好好食，今日路经此地终于有机会一试，发现都系走风味路线多啲，唔系话佢唔好食，只不过系自家制点心而已。虾饺ok，系旧式虾饺嘅味道，我自己比较钟意呢种虾饺多啲，一尾追求大大只嘅虾就好似失去咗虾饺嘅原意。叉烧包就一般，如果唔想嘥quota就可以skip。烧卖又系𠮶种旧式点心嘅味道，纯粹怀旧一下咁啦。肠粉又系属于一般，同叉烧包一样如果唔想浪费quota亦都系可以skip。…查看更多

呢间喺大埔街市熟食中心嘅点心档最出名就系食排骨饭，所以一坐低唔理三七二十一即刻嗌咗个排骨饭先，佢嘅排骨饭味道唔错，不过又唔系外间讲到咁犀利。咸水角都可以逐件逐件嗌，不过我会建议大家唔使试呢一个，因为虽然佢摆喺个保温柜入面，但系都系冻嘅，所以大家唔使嘥quota试。鸭脚扎味道还可以，亦都系未算非常精彩。鱼翅饺味道都ok，馅料都算新鲜，而且依家出面好少有得食。山竹牛肉反而系几样点心之中相对好食嘅，其实本来系想嗌干蒸牛肉，不过因为卖晒所以我哋就转为食山竹牛肉。…查看更多

听闻大埔熟食中心有间平靓正既点心，今日中午过黎试下，假期既午饭时间果然系人山人海，好在店员都热情招呼帮我地揾到位一坐低就上左壶香片靓茶，茶位一个6蚊之前就可以行出去拣点心喇排骨饭$20呢个价钱比既排骨都算大方，味道都几好另外仲嗌左鹌鹑蛋烧卖，猪肉烧卖，香茜鱼翅饺同埋虾饺点心既味道都系正常发挥，呢个价钱两个人都食得几饱都冇咩好挑剔，除左虾饺味道比较削，有其他点心拣大家可以唔洗叫同埋想赞一赞个辣椒油都几出色，大家一定要试下可能我地晏左黎、好多点心都卖哂了，建议大家一早黎会有多d款式可以拣…查看更多

🥟手工一盅两件在大埔🫖一讲到去大埔墟街市饮茶，实知系去林记点心啦，只此一家，别无分店😆呢到有好多熟客嚟饮茶架，见到老板同伙记都好好人，又好好倾，非常主动帮你揾位 。虽然系街市入面嘅档口，但服务都唔错架👍每日大部分点心都差不多款式，睇中想食咩可以出去档口到叫或者叫人落单，之后你嘅食物好迅速就出现系面前🥰我今次试咗饮茶必叫嘅虾饺同烧卖，仲有排骨饭。呢到嘅点心全部都系大大粒 。虾饺我觉得个皮就厚咗少少，不过个馅都好足料，有虾嘅鲜味，可以话个皮同馅系成正比。烧卖大粒唔洗讲，佢皮薄㖞，满满嘅肉同冬菇味，蒸得刚刚好，唔硬唔淋 。排骨饭系一人份量，啲排骨冇乜肥位，好淋易咬，啲饭索晒啲汁，好浓郁 。Joyfoodstop心动值：💓💓💓💓/5林记点心(香港)地址: 香港香港大埔乡事会街8号大埔墟街市及熟食中心2楼CFS08-09号舖电话: +852 97208932…查看更多

有很多人介绍这间的点心, 专登来试下, 可能期望过高 食物 : 中午去到, 食物选择好少, 只有几样点心, 即管叫来试下鲜虾饺 $14 ~ 价钱好平, 但食唔到鲜虾味 香茜鱼翅饺 $10 ~ 鱼翅一定无, 只食到一团肉 四宝鸡扎 $15 ~ 味道正常 豉汁排骨饭 $19 ~ 细细碗一个人份量, 味道偏淡, 好在枱面有豉油, 可以自己落 茶位 $6/人 ~ 叫咗普洱茶, 味道正常 环境 : 熟食中心比较迫, 如果要干净舒适的环境就未必有, 来这里都是要怀旧一下 服务 : 姐姐会主动帮手攞点心 价钱 : HK$70/2人…查看更多