明軒小館

营业中

休息中

Happy Friday 同同事去到呢間喺上環新開，專食蟹粉嘅專門店，試吓佢嘅lunch set 「午市招牌一人套餐」～一開始就有山珍湯，熱辣辣，有香菇，有竹笙，好滋潤☺️套餐點心包咗蟹粉小籠包同埋蟹粉粢飯糕，係個小籠包一咬開就爆晒汁，好足料😍我哋一個嗌咗撈麵，一個嗌咗菜飯，都係即叫即整，可以喺位度望住師傅拉麵條，好有儀式感～蟹粉用熱鍋keep住加熱，真材實料，同面或者菜飯一齊食，好奢侈嘅感覺🤤最後仲有寧波芝麻湯圓，細細粒，唔會好膩，非常圓滿👍🏻

上環隱世大閘蟹小店最鍾意食呢度嘅lunch set有兩款招牌同埋健康選擇兩個朋友一人一個就可以試晒10幾款精緻小菜！禿黃油糯米燒賣又咬口得來真係好香禿黃油係用濃厚油脂封存住嘅純蟹黃蟹膏一小支就需要十幾隻螃蟹來製作絕對要試！至尊蟹粉撈麵手工拉闊麵可以用沾麵嘅方式點起蟹粉選取自肥美嘅大閘蟹精心熬製濃郁嘅蟹香加上咬口十足嘅彈牙手工麵！健康餐入面除咗有打卡好靚嘅水晶蟹肉凍手剝蟹腿肉配蘆荀配萊茵衣藻麵都係我嘅必食推介滿滿嘅蟹腿肉好有口感加埋蘆筍同埋衣藻麵感覺比較健康建議加埋vinegar落去會將個鮮味更加提升

今日約朋友去上環買海味，預早上網睇吓有冇新餐廳，諗住book定枱食lunch，搵到呢間正宗上海菜。 午市時段有兩款套餐，「午市一人招牌套餐」及「午市一人健康套餐」，包括有益「山珍湯」，多款馳名蟹粉菜式包括：「至尊蟹粉撈麵」、「至尊蟹粉撈飯」、「蟹粉小籠包」及「蟹粉粢飯糕」等。🥢 「午市一人健康套餐」 $228- 山珍湯- 🦀水晶蟹肉凍（一道精緻的冷菜，色澤透明，蟹肉鮮美，口感滑嫩。）- 松茸素菜包(小菜）- 🦀手剝蟹腿肉配蘆筍（一道清新、美味的海鮮菜餚，結合了蟹肉的鮮美和蘆筍的脆嫩。）- 時令蔬菜（麵款）- 萊茵衣藻麵（ 又稱「綠色酵母」，帶有天然海藻的綠色。其豐富的膳食纖維有助降低膽固醇水平，加上其低熱量的特性有助控制體重。海藻中的天然成分能幫助穩定血糖，是關注血糖的人士的理想食品。- 低糖寧波芝麻湯丸 🥢 「午市一人招牌套餐」 $268- 山珍湯（點心）- 🦀蟹粉小籠包（鮮美的蟹肉餡、湯汁豐富）- 🦀蟹粉粢飯糕 （由粢飯和蟹肉製成，口感鮮美，香氣撲鼻）（主食）- 🦀至尊蟹粉撈麵 （廚師每天即場在店內製作麵條，麵條便選用以優質聞名的日本麵粉製作，其蛋白質含量和吸

在香港竟邂逅了一家超绝的沪味蟹粉专门店！一进店，通透简洁的装修风格让人眼前一亮，瞬间好感拉满。他们家招牌蟹粉捞面、蟹粉拌饭、蟹粉小笼包，每一口都鲜到爆，蟹粉浓郁醇厚，满满都是诚意。粢饭糕外酥里糯，搭配蟹粉别有一番风味，还有那入味的醉鸭舌，口感弹嫩，让人欲罢不能。店员服务专业又贴心，细致入微，用餐体验超棒。关键是价格十分公道，在寸土寸金的香港，性价比超高。爱吃蟹粉美食的小伙伴千万别错过，这家店绝对能满足你对上海蟹味的所有期待！

整體黎講就係吾洗試，質量同價錢吾成正比。店內冷氣太強，好大風吹住個人同啲嘢食 引致食物凍得好快。本身有個蠟燭台熱住啲蟹黃醬 但係店完一開始就會問洗吾洗幫手倒落啲麵/飯到 跟手就收反個蠟燭台，所以個蠟燭台係可以話零用處。現場職員感覺吾係好熟練，中間仲踢到椅腳，成個人Chok左一下，如果當刻飲緊湯應該原地爆炸。味道方面，有蟹黃蟹肉 但係芡汁太多，食落吾係太有蟹味，二百幾蚊黎講係吾合格。跟餐個湯同埋小食係平平淡淡乜冇特別。小籠包就真係好食，多湯有蟹味。另外甜品就意外地好食，好香嘅姜味 湯圓係細細粒 食落吾會太飽，但係個餡就好少 冇左湯圓個種滿足感。

今日出糧食好d!! 同朋友去咗上環試咗間新開嘅上海菜。這間餐廳嘅設計簡單清新，開放式嘅廚房,幾位廚師不停工作，即叫即整清潔又俐落。餐廳標榜用料上乘即叫即煮，老闆話特別選定最新鮮嘅食材，蟹粉亦係用上高級嘅材料。⁠我哋叫咗一份午市套餐 ，一個簡咗健康餐：精要地集合咗出色嘅上海食品，有兩個點心頭盤、主菜同埋一款麵食及甜品。先嚟一個山珍湯，香菇味撲鼻，有幾款切片嘅菇菌用上湯熬製，仲加入咗竹笙非常清甜！其中一個點心蟹粉粢飯糕，雖然只兩小塊，但佢密度好高都幾飽肚，一個人食啱啱好。另外一個點心係蟹粉小籠包，佢用一個小籠上好精緻，佢蟹粉多到幾乎可以爆出嚟！非常美味😋至尊蟹粉撈麵係明軒小館必點之菜！蟹粉份量多又足料，撈麵非常足料食落鮮甜同煙靭嘅手工面好夾！非常鮮甜又多蟹膏！水晶蟹肉凍用大量蟹肉做到啫喱咁，做得好精緻，勁吸晴！好岩打卡！松茸素菜包，唔係一般免治嘅素菜餡，而係有切片嘅菜蔬加入松茸，好有咬口。睇得到廚師嘅精細手工。主菜嘅清炒正宗河蝦仁🍤係正宗嘅清澈粉紅半透明蝦，食落好新鮮。我地簡左萊茵衣藻麵，侍應話呢種麵特別比較容易消化同埋用日本麵粉做，綠色嘅麵條非常彈牙。我將佢撈埋啲蝦仁一齊食。將河蝦嘅清甜

純粹喺路邊見到，然後又好想好想好想食蟹粉！✨山珍湯夠熱夠足料，有好多嘅菇菌，連同竹笙，湯頭濃郁得來非常非常清甜。✨至尊蟹粉撈麵金黃色嘅蟹肉蟹粉豐富而細膩，端上枱已經令人垂涎欲滴。今次揀咗萊茵衣藻麵條，口感富有彈性，勁易就吸附到醬汁同蟹肉嘅滋味，再加上佢豐富嘅蛋白質同埋低卡路里，食起上嚟就冇咁多罪惡感，午市套餐呢個價有呢個份量真係性價比非常非常之高！無飯不歡嘅仲有得揀白飯或者菜飯添。講返主角蟹粉，小店堅持用新鮮嘅蟹肉，食落滿滿嘅鮮甜，加上海量咁多嘅蟹膏，真係蟹粉多過麵！另外欣賞小店連同明火座熱，成件事再高貴咗。✨蟹粉小籠包薄皮包裹著豐富嘅湯汁，咬落去嘅時候要特別小心，因為湯汁會瞬間流出(˶‾᷄ ⁻̫ ‾᷅˵)蟹肉的鮮甜與肉餡嘅豐盈相得益彰，搭配醋和薑絲，鮮香四溢✨蟹粉粢飯糕口感外脆內裡帶柔軟嘅飯粒，蟹粉的鮮香與米糕的細膩融合，形成獨特嘅風味。✨寧波芝麻湯圓午市套餐居然都有咁精湛嘅甜品，湯圓煙靭，芝麻餡料澎湃滿瀉，份量唔係好多，但係足以滿足肚子。加上薑湯仲可以中和返剛才食完蟹粉嘅寒氣👍🏻👍🏻職員非常細心，見我哋着淺色衫仲提供圍裙嘅服務

新店唔試真係走寶！位置唔難搵，搭港鐵去到上環地鐵站附近，餐廳環境簡單實用，開放式廚房，明亮乾淨，同事同經理態度都好積極，好有香港 spirit ！呢碗蟹粉面一上枱，嗰陣陣蟹香已經令人忍唔住流口水🤤 蟹粉鋪得滿滿嘅，蟹膏同蟹肉一啲都唔偷工減料，一眼望落就知真材實料。攪拌嘅時候，每條面都均勻沾上蟹粉，蟹嘅鮮甜完全融入面湯入面，咬落去仲有淡淡嘅回甘，口感豐富到唔得！面嘅質感好爽滑，有咬口，同蟹粉一齊送入口，真係絕配！ 聽經理講D麵粉都係日本進口， 老闆真係落重本！ 重點嚟喇，呢碗蟹粉面只需要100蚊左右，喺香港呢個地方，呢個價錢有呢個質素，真係性價比超高！總之，如果你都鍾意食蟹粉面，或者想試下地道嘅香港美味，呢間店一定唔好錯過！