明發茶室 (已結業)

最近多咗嚟長沙灣、深水埗呢邊，當然要支持一些用心經營嘅小店。今晚唔係太肚餓，喺門口睇咗一輪食物嘅相及菜牌，终於揀咗呢間以輕食為主嘅小店。店舖很寬敞，座位舒適，卡位及長枱任君選擇，令食客不會有擠逼的感覺。整間食店很光猛，整齊雅潔，裝修簡约。卡位與卡位之間有可愛的圖畫間格，既有私人空間又增添不少色彩及新氣。插圖有其他國家的文字翻譯，使遊客覺得更有親切感。雖然係以輕食為主，但飯餐的選擇也不少。當晚筆者卻試了幾款小食，有生炸雞翼、手打生菜魚肉湯及生煎自家製韮菜餃子。而較為飽肚的則有懷舊豬油渣上海麵。生炸雞翼四隻$25，雞翼外皮炸得金黃，皮脆肉嫩，即叫即炸，非常新鲜。雞翼的皮灑上點點的鹽花，炸法與兒時街頭的炸釀三寶一樣，將炸起的雞翼灑上淮鹽，吃時更加咸香，增添不少鲜味。由於即叫即炸，進食時要小心燙傷口腔！手打生菜魚肉湯（大）$22，魚肉的份量很足，非常飽肚，魚肉混入大量的葱花，令賣相及食味也加倍提升。湯頭鲜甜，並非一般的味精水，看得出小店在湯頭方面花了不少心思。此外，值得一讚是小店使用出前一丁的麻油，獨立包裝，清潔衞生。筆者素來對這款麻油情有獨鍾，而店主也毫不吝嗇地讓食客隨便食用，此舉的確是其他

這間餐廳的韭菜水餃真的會一試難忘，每次下班回家前，都會想來一碗湯韭菜水餃做下午茶，他們做的韭菜水餃真的很好食，還有他們的肉燥飯，都是很好食的，值得大家來長沙灣試一試

長沙灣「明發」嘅魚肉🐟生菜🥬實在太好味。 魚肉多麼細粒，要花多好多時間片落湯，湯清甜，生菜切粗絲墊底，淥湯落去仍然脆甜。我鍾意勁落胡椒粉，食完好舒服～只椰菜餃同九菜餃都好好味，夾脆，煎得香口，有汁的，鮮甜唔漏，好快就食曬。

今日係初一，要食素，係街頭行到街尾都唔知食咩好。抱住小朋友又好累，突然，小朋友拿住的波跌左落地下。好慘，點幫佢執起好。一個女人好快從後幫我執起左。長沙灣都係一個有人情味的地方。行下行下去到一間餐廳停左係度，因為哩間店比我感覺好舒服，好幹淨，又唔會太凍，因為我好怕凍餐廳，因為都坐唔耐。未入去己經有人介紹我地有咩食。呀，原來佢就係頭先幫我執個波個女人。我話我今日要食素，佢地好好樂意幫我煮。今日我食素但我家人都食肉的，佢地評價都好好。我要特別介紹哩碗豆腐，除左係我有份食，仲要係直係入口即溶，d汁好好味，雖然係辣，但我唔係好食得辣的都食到，加埋係飯加埋隻真係今日食素的最好之選。原來個職員都係素食者，一路食飯對素食又了解多了，好像又多了一位朋友。

今日去元洲村果頭做完野，放工同同事响附近搵野食😬！天氣咁熱唔想食飯😵，見到呢間明發小食有餃子食😋，諗都唔諗就入左去食😆。點左個鴛鴦餃，即係韮菜餃同椰菜餃餃，韮菜食落惹味，椰菜餃餡多而且皮夠薄👍🏻，清湯都好好味，加左d辣椒更惹味😋再叫左碗手打生菜魚肉湯😍，魚肉口感同出面食果d一樣，無乜特別！枱面上有菜甫可以自行添加，加上菜甫食落有d香辣脆口，令魚肉湯味提升鮮味！兩個人食左$58，都算抵！勝在餃子多餡。

最鐘意食生菜魚肉 加埋好辣既菜脯，超正哈哈，魚肉係好好食又多！煎餃就要左韭菜拼椰菜餃，煎得好香口的椰菜好爽口爆醬豬肉飯，豬肉炒得好食，不過無乜汁，爭少少啦哈哈，再叫個豆腐花，滑到呢！正！好味的！

招牌醬爆肉&椰菜餃上海麵椰菜餃好清淡，裡頭仲有冬菇，個人覺得幾好食，餃子皮同餡既比例剛剛好。醬爆肉好似叉燒醬炒豬肉好香但偏咸份量一Ｄ都唔少。加埋辣菜甫我成碗食哂～仲有試左蝦子雲吞，細細隻，雲吞皮好薄又滑，蝦子冇偷工減料，但係幾咸下。如果減少Ｄ咸味就好啦～食完成碗麵都唔覺得特別口渴，另外都有睇到其他人既食評，平心而論服務態度又冇咩特別差，份量又唔少。如果係想醫下肚又唔知食咩好，其實佢都係一個不錯選擇。

俾佢嘅魚肉湯碗仔翅專門店嘅外號吸引左入嚟，咁就當然梗係試吓佢魚肉湯啦，四個字可以形容曬 - 名過於實，湯底淡而無味，魚肉太淋，完全冇彈牙感，又冇魚味，再試下佢個韭菜煎餃，雖然係生煎但係隔夜油味好重，問過服務員有冇豆瓣醬，佢只係答冇，再問佢有冇辣椒醬，佢都係答一個字「冇」，再問佢有冇其他辣椒嘅調味料，佢先答我佢哋只得辣椒油。嘩有冇搞錯，問一句答一句，明知人哋需要一啲辣椒嘅調味料，都唔識主動話比客人聽我哋有辣椒油，今時今日仲有啲咁嘅服務態度，怪唔之得睇晚飯時候餐廳都係只得幾個客人，食物質素又唔係好，仲加上啲咁嘅服務態度，你想客人哋再返嚟食都幾難囉。

估唔到唔使去深水步都有豬油渣麵食, 品質仲唔錯添星期一行過, 係面口見到佢有豬油渣麵, 又見到入面只係半滿, 就走了入去試,麵有點似上海麵, 但咬落去偏淋的, (情況有點似快餐店煮得太耐浸太耐水的意粉), 幸好湯底唔錯, 而且D豬油渣好好食 (覺得比深水步仲好食),  值得下次再來.凍飲+6蚊, 凍奶茶不過不失, 份量唔算多, 食了麵飲埋凍奶茶, 只係7成飽, 再叫了個細的碗仔翅, 佢地話係古法(就發現有豬肉絲, 無其他), 味道可以的, 但我還是喜歡大眾化有冬菇木耳的版本

到友人家玩,還未吃午飯的我們打算隨意吃一點東西,於是就進了明發坐下。 店員很熱情推介,但由於不想吃餃子,所以就隨便挑了個常餐,選了午餐肉雪菜肉絲公仔麵。 上來以後雪菜肉絲少得可憐,肉絲基本上是白色的,也就是說應該是用快要丟棄的肥豬肉制成,看見這樣食慾減半,猶幸午餐肉份量及味道是正常,不過公仔麵煮得有一點過時,麵條軟了。 友人選的是豬扒上海麵, 麵是粗扁的,湯底是清湯底,淡而無味,就像把煮麵水不加調味當湯底,豬扒尚算可以,但麵真的有點難吃... 以後也是跟店員推介的來吃好了...

A while ago, I discovered this wonderful dumpling place in Sham Shui Po. It was probably the best I've ever had. However, the area was not really that clean and there was no air conditioning. It then closed and I was sad as it seems all my favorite places close.BUT ! It has returned in Cheung Sha Wan! Boyfriend and I were in the area and stopped here for dinner. It's now in a much cleaner restaurant with AIR CONDITIONING!!! Talk about improvement!Menu is in Chinese only. But if I recall, the old