明發茶室 (已結業)

今日去元洲村果頭做完野，放工同同事响附近搵野食😬！天氣咁熱唔想食飯😵，見到呢間明發小食有餃子食😋，諗都唔諗就入左去食😆。點左個鴛鴦餃，即係韮菜餃同椰菜餃餃，韮菜食落惹味，椰菜餃餡多而且皮夠薄👍🏻，清湯都好好味，加左d辣椒更惹味😋再叫左碗手打生菜魚肉湯😍，魚肉口感同出面食果d一樣，無乜特別！枱面上有菜甫可以自行添加，加上菜甫食落有d香辣脆口，令魚肉湯味提升鮮味！兩個人食左$58，都算抵！勝在餃子多餡。