影片
最近多咗嚟长沙湾、深水埗呢边，当然要支持一些用心经营嘅小店。今晚唔系太肚饿，喺门口睇咗一轮食物嘅相及菜牌，终于拣咗呢间以轻食为主嘅小店。店舖很宽敞，座位舒适，卡位及长枱任君选择，令食客不会有挤逼的感觉。整间食店很光猛，整齐雅洁，装修简约。卡位与卡位之间有可爱的图画间格，既有私人空间又增添不少色彩及新气。插图有其他国家的文字翻译，使游客觉得更有亲切感。虽然系以轻食为主，但饭餐的选择也不少。当晚笔者却试了几款小食，有生炸鸡翼、手打生菜鱼肉汤及生煎自家制韮菜饺子。而较为饱肚的则有怀旧猪油渣上海面。生炸鸡翼四只$25，鸡翼外皮炸得金黄，皮脆肉嫩，即叫即炸，非常新鲜。鸡翼的皮洒上点点的盐花，炸法与儿时街头的炸酿三宝一样，将炸起的鸡翼洒上淮盐，吃时更加咸香，增添不少鲜味。由于即叫即炸，进食时要小心烫伤口腔！手打生菜鱼肉汤（大）$22，鱼肉的份量很足，非常饱肚，鱼肉混入大量的葱花，令卖相及食味也加倍提升。汤头鲜甜，并非一般的味精水，看得出小店在汤头方面花了不少心思。此外，值得一赞是小店使用出前一丁的麻油，独立包装，清洁衞生。笔者素来对这款麻油情有独钟，而店主也毫不吝啬地让食客随便食用，此举的确是其他食店少见的！生煎自家制韮菜饺子（四只）$20，饺子并非由工场交来，质素有保证，饺子的馅料非常丰富。尤其是笔者特别喜欢菜比肉多的饺子，也符合近年大行其道的健康素食。饺子是即叫即煎的，饺子皮很香口，皮边脆卜卜，而馅料又饱满。一碟四件卖廿蚊绝对超值，恐怕很难找到如此超值又有质素的食物！怀旧猪油渣上海面$37，呢度嘅猪油渣系用软渣，比较有咬口，唔系脆卜卜𠮶种，所以无咁热气。上海面系用偏面，比较特别，由于面质薄身所以较易吸收汤汁，较其他食店嘅上海面（似粗的米线）入味。喺出面比较少有呢种配搭嘅猪油渣上海面，不妨一试！喺呢个老饕聚集的地区，能够站得住脚，食物质素固然重要，但价钱也要大众化。呢D基本嘅诉求，真系缺一不可！
继续阅读
这间餐厅的韭菜水饺真的会一试难忘，每次下班回家前，都会想来一碗汤韭菜水饺做下午茶，他们做的韭菜水饺真的很好食，还有他们的肉燥饭，都是很好食的，值得大家来长沙湾试一试
继续阅读
长沙湾「明发」嘅鱼肉🐟生菜🥬实在太好味。 鱼肉多么细粒，要花多好多时间片落汤，汤清甜，生菜切粗丝垫底，渌汤落去仍然脆甜。我钟意劲落胡椒粉，食完好舒服～只椰菜饺同九菜饺都好好味，夹脆，煎得香口，有汁的，鲜甜唔漏，好快就食晒。
继续阅读
今日系初一，要食素，系街头行到街尾都唔知食咩好。抱住小朋友又好累，突然，小朋友拿住的波跌左落地下。好惨，点帮佢执起好。一个女人好快从后帮我执起左。长沙湾都系一个有人情味的地方。行下行下去到一间餐厅停左系度，因为哩间店比我感觉好舒服，好干净，又唔会太冻，因为我好怕冻餐厅，因为都坐唔耐。未入去己经有人介绍我地有咩食。呀，原来佢就系头先帮我执个波个女人。我话我今日要食素，佢地好好乐意帮我煮。今日我食素但我家人都食肉的，佢地评价都好好。我要特别介绍哩碗豆腐，除左系我有份食，仲要系直系入口即溶，d汁好好味，虽然系辣，但我唔系好食得辣的都食到，加埋系饭加埋只真系今日食素的最好之选。原来个职员都系素食者，一路食饭对素食又了解多了，好像又多了一位朋友。
继续阅读
今日去元洲村果头做完野，放工同同事响附近揾野食😬！天气咁热唔想食饭😵，见到呢间明发小食有饺子食😋，谂都唔谂就入左去食😆。点左个鸳鸯饺，即系韮菜饺同椰菜饺饺，韮菜食落惹味，椰菜饺馅多而且皮够薄👍🏻，清汤都好好味，加左d辣椒更惹味😋再叫左碗手打生菜鱼肉汤😍，鱼肉口感同出面食果d一样，无乜特别！枱面上有菜甫可以自行添加，加上菜甫食落有d香辣脆口，令鱼肉汤味提升鲜味！两个人食左$58，都算抵！胜在饺子多馅。
继续阅读