旺角海鮮菜館

营业中

休息中

久不久，便想起這裏的宵夜套餐，今晚便趁空檔來到了。超值套餐晚上9:15後供應，可以選擇蟹、賴尿蝦、龍蝦、海斑和蠔，價錢有$398至$798。白胡椒粉絲龍蝦煲$398，除了龍蝦，還有兩款小食，一款粥或面及炒蜆。小食-雞絲海蜇，自家製的醬汁，令到雞絲和海蜇，更加爽口彈牙，是一道不錯的小食。小食-韭菜花，韭菜花爽口鮮甜，加些辣椒豉油，味道更佳。白胡椒粉絲龍蝦煲，龍蝦肉爽口鮮甜，白胡椒味道濃郁，粉絲吸收了龍蝦肉質及白胡椒的香氣，味道層次豐富。泥鯭粥，已經起肉的泥鯭魚肉，味道鮮甜，沒有一點骨，加上粥底的陳皮絲，沒有腥味，只有鮮甜味。油鹽水蜆，蜆肉爽口彈牙，湯頭味道鮮甜，帶濃郁的胡椒味，是正宗的油鹽水味道。飯後還有免費糖水贈送，這個是一個很窩心的服務。

旺角夜宵磨超值套餐 晚上9點15分後提供 有多款海鮮主食提供 例如:海斑，蠔，龍蝦，瀨尿蝦，蟹 選擇不同海鮮有不同收費 最平的是龍蝦套餐$398 最貴的是蟹套餐$698， 揀選完主海鮮之後 套餐還包括白芍小食六選二，炒麵或粥和招牌炒靚蜆 相當豐富過目餐牌之後 真心覺得抵食 有多款不同海鮮提供 價錢一啲都唔貴 而且仲有人幫你洗埋煮埋 好過喺屋企自己煮 除咗海鮮之外餐廳仲有多款小菜提供 選擇多到真是讓人有些眼花繚亂最後揀咗龍蝦套餐$398 有4種煮法:黑胡椒/白胡椒粉絲煲/上湯焗/芝士焗 最後我揀咗白胡椒粉絲煲 我呢個選擇確實明智 上枱嘅時候啫啫聲不斷 熱騰騰的 胡椒香味撲鼻 粉絲炒得乾身帶點煙韌彈牙 加上白胡椒香辣的味道 越食越惹味龍蝦肉大隻又多肉 肉質鮮甜又彈牙 夠新鮮好鮮甜白灼小食揀咗豬肚及豬粉腸 簡單的辣椒豉油調味 充滿港式懷舊風味 整體內臟清洗得乾淨沒有騷味 雖然係小食 但係份量一啲都唔小炒麵，泥鯭粥或雞粥 揀選了泥鯭粥 真係好細心 值得稱讚 泥鯭魚已經去骨 啖啖肉 一條細骨都食唔到 粥底非常綿 帶有香濃的米味油鹽水浸蜆 蜆肉鮮甜粒粒飽滿肥美 用油鹽水方法來煮 味道鮮上加鮮龍蝦套

旺角海鮮菜館係我比較鍾意食嘅中菜餐廳價錢合理又唔貴嘢食好食特別推介嘅係佢哋嘅杏汁燉白肺湯，超濃杏仁味，另外個湯底仲係特登用咗好多豬骨熬成嘅豬骨湯，無論杏汁或者係豬骨湯都唔會搶咗大家嘅味道覺得啱啱好，飲落仲好順滑。應該要特別推介佢哋嘅籠仔蟹飯，上面嘅蝦好新鮮之餘最重點係佢哋嘅飯除咗有荷葉香之外仲要充滿豬油香。食落一啖接一啖停唔到口。另外蝦醬豬腩肉都好下飯，蝦醬鹹鹹香香配上豬腩肉半肥胖瘦肥而不膩。最尾仲送咗個芋頭西米露，芋頭非常之香濃。

一向都喜歡吃海鮮，平時就係西貢流浮山一些偏遠的地方食，但係原來旺角鬧市都有得食。而位於旺角道的旺角海鮮菜館主打避風塘菜式如辣蟹，灼魷魚等，原來已經開業30年，佢哋提供嘅海鮮係每日新鮮運到的。菜館嘅裝修有氣派，枱布都係紅色好Sharp好醒神，餐牌旺角夜消磨超值套餐晚上9:15後就有得供應，好抵食！先來旺角六小福的白灼海蜇頭及白灼鮮豬脷，而海蜇好爽口，有少少辣辣地，好開胃！招牌炒靚蜆我哋揀選了避風塘炒法，蜆好大隻而且好鮮甜，份量都好多。我哋喜歡吃蟹，所以揀選了越南大青蟹配以白胡椒粉絲煲煮法，用熱辣辣嘅瓦煲上菜，聞到好香嘅胡椒辣味已經流晒口水，粉絲超級入味，而且蟹件多，蟹鉗仲要好大隻，最重要係蟹肉很鮮甜。經典燒鴨河在網上成日見到朋友share一直都好想試吓，估唔到都幾出色，鴨肉有鴨味出面真係好少有，河粉好薄身好滑，食完真係好飽。最後仲有糖水紅豆沙，真係好滿足！埋單兩人消費都只係$800有找，已經可以食到咁豐富美味嘅海鮮餐，我哋兩人都覺得值回票價。

呢幾日姑仔兩公婆去咗旅行，淨得奶奶一個在家，估佢都唔會有啖好食㗎啦，呢日出開旺角辨年貨順道約佢老人家出來食餐好嘅知佢鍾意食海鮮就揀咗佢屋企附近呢間菜館，餐廳裝修帶點八十年代懷舊的海鮮小店風味傳統杏汁燉豬肺鍾意飲豬肺湯但就怕麻煩，工序又多，難得呢間有得供應當然要叫返盅嚟飲啦；湯汁呈奶白色，陣陣杏香撲鼻而來，呷一口暖入心扉，豬肺處理得很乾淨配埋菜膽同燉，清甜鮮美，滋潤美肌，是秋冬的最佳湯水薑蔥桶蠔桶蠔煎得外脆內軟，口感鮮嫩，蠔肉肥大甜美，飽滿多汁，配以薑蔥爆炒，惹味無窮豉椒蟶子皇(4隻)蟶子肉大大件鮮甜又爽口，配搭豆豉的香味加上燈籠椒的甜味，更能帶出蟶子的鮮甜味籠仔蟹飯蟹肉飽滿鮮甜，米飯盡吸蟹肉加上蟹膏的精華，入口甘香豐腴椒鹽鮮魷鮮魷炸漿夠薄，酥化而不油膩，肉質爽脆彈牙又香口，配以椒鹽咸香又惹味大澳蝦膏蒸豬腩肉腩肉肥瘦相間，連皮蒸煮，口感爽彈，配搭蝦膏味道濃烈且鹹鮮惹味生炒臘味糯米飯糯米飯炒得乾身，飯粒分明，口感煙韌有咬口，充滿臘味香味，加上炒香的花生與糯米飯的香氣融合，非常惹味陳皮紅豆沙餐廳免費奉送每位一碗陳皮紅豆沙作飯後甜品，紅豆煲得夠火候，稠稠沙沙的，入口又有一股淡淡的陳皮香味

閒日夜晚10點幾walk in有位，嗌左個$398宵夜餐。🍖 白胡椒粉絲龍蝦煲，好香，好惹味好辣，但係嗰種辣又唔係食到你無味覺嗰種辣。龍蝦彈牙，煲上d粉絲仲要燶香，幾正。🍖 前菜嗌左韮菜，好甜無渣，極推介呢個。另一個魷魚無乜味要點豉油，但係好爽脆！🍖 泥鯭粥，好鮮甜，推介呢個！🍖 無蜆加錢轉左2隻蒜茸粉絲蒸扇貝，扇貝中等size，重點係佢d蒜茸好好好食。重有見食評話d員工態度好差，我本身都抱住會被西面嘅情況下食飯，但係......d員工唔似食評中咁樣，d態度好到我想俾利事 😂我淨食宵夜餐又無叫其他貴野，味道中上、態度又好，所以我覺得呢間好ok 呀😂

又到新年前啦 🥰🥰 新年前朋友們一定會約食年飯 今次我地揀左食海鮮大餐 🦞🦀🦐🦑 呢間餐廳最好約左時間先 爆哂場 ！！！！白灼蝦 🦐🦐 白灼蝦 最能夠食到蝦既鮮甜味 ，啲蝦好新鮮 又實肉 😋😋 白胡椒粉絲蟹煲 🦀🦀岀到黎好香 沙鍋熱啦啦 ，一鍋系一隻大大隻既肉蟹 白胡椒好野味 系有啲辣辣地 啲粉絲辣得好過癮 🤪🤪🤪 。。 清蒸老虎班 🐟🐟 條魚蒸到岩岩好 啲魚肉仲好滑 一啲都五老 好少地方蒸到甘好 👍🏻👍🏻 上湯芥蘭 一餐點都要叫碟 😆😆 一黎清下油膩嘅感覺 二黎 夠哂健康 ！！！ 芋頭西米露 最後甜品🍮 我都勁鍾意❤️ ， 芋頭煲到好淋 西米露極入味 好有自己屋企煲嘅感覺 🥰🥰

旺角海鮮菜館- 公司同事升職！！ 當然要食餐好既恭喜下佢啦~ hahaha~ 好彩我哋提早book位 ～～可以去到直接入去食呢度啲海鮮都好新鮮下架~~ 生猛海鮮🦞而且我哋仲發現宵夜時段食會更抵！！ 下次想平啲食宵夜時段都唔錯架白胡椒粉絲煲 辣啊~辣啊~好辣啊~~~ 白胡椒味好濃！！ 聽職員講而個係餐廳人氣NO.1 ， 當然要必嗌啦！！ 對於食辣野我就麻麻地啦 不過同事就好鍾意食貪佢辣得好過癮 hahaha 避風塘炒蜆 呢個雖然係避風塘炒， 但係冇白胡椒粉絲煲咁辣 真係勁入味！最重要係無沙喔~~ 夠囇新鮮！！清蒸沙巴Omg 我的最愛啊！！ 蒸魚最能夠了解餐廳嘅質素 呢條魚蒸到啱啱好~~魚肉十分滑嫩 真係我一個人清囇條魚都得啊必試必試！！最後為左均衡飲食當然要嗌返啲菜啦 上湯芥蘭！！ 真係超級飽啊

嫲嫲不嬲都鐘意食海鮮見佢就黎生日就喺附近搵間海鮮菜館慶祝旺角海鮮菜館位於洗衣街近旺角東站出口開業至今逾三十年而且獲米芝連星級班底坐鎮主勺茗茶每位以及花生每碟港幣十二；花生鹹香酥脆好正傳統杏汁燉豬肺豬肺需要反覆灌洗處理工序繁複費時所以較少餐廳供應；湯水色澤奶白杏香柔和內斂配搭豬肺以及菜膽燉煮濃滑鮮甜同時潤肺養顏大澳蝦膏蒸豬腩肉蝦膏採用蝦醬隔水曬成相對清淡；腩肉油脂豐腴而且肉質軟嫩配搭大澳名物蒸煮鹹鮮濃香椒鹽鮮魷鮮魷質感彈嫩鮮甜而且漿粉輕薄透亮經過油炸金黃配搭椒鹽回鑊翻炒酥脆鹹香同時油膩感輕適合佐酒超值三寶晚市推出超過廿款特價孖寶以及超值三寶選擇薑蔥桶蠔瓦煲傳熱較快而且保溫性能優越；五隻桶蠔體積龐大而且蠔肉白嫩飽滿質感柔滑鮮嫩簡單配搭薑蔥爆炒已經足夠惹味豉椒蟶子皇(四隻)蟶子皇肉脆嫩肥厚而且色白清鮮配搭豆豉以及甜椒快炒豉香甘醇同時鹹淡恰宜籠仔蟹飯蟹肉緊緻扎實而且蟹膏豐潤甘香；蛋絲炒飯盡吸蟹肉以及蟹膏精華配搭荷葉墊底蒸清香解膩生炒臘味糯米飯糯米質感柔韌黏軟而且性溫暖胃配搭臘味以及醬油生炒油潤脂香同時甘甜醇和屬於冬日必點甜品最後餐廳奉送每位壹碗熱紅豆沙；紅豆軟腍起沙而且甜度適中清潤消滯

今晚同老公去花墟買富貴竹，打算佈置一下屋企，準備過新年。周圍買嘢買到夜左先醒起未食飯，剛好見到一間旺角海鮮菜館，門口菜牌寫住有消夜套餐，食物都好豐富，老公話食海鮮做消夜！好啊！不防試吓！菜館擺設像酒樓格局，老闆娘招呼週到，入座後立刻送上熱茶和前菜。消夜套餐有三款選擇，我們選了龍蝦套餐，煮法亦有得選擇，上湯/芝士焗，或黑胡椒/白胡椒粉絲煲。我們選擇後者，用砂鍋盛載上枱，熱騰騰份量不少，龍蝦只波士頓龍蝦，肉質鮮美彈牙，食得出是生猛龍蝦，黑胡椒味香帶點辣，粉絲吸收醬汁和龍蝦的精華，爽口又惹味！旺角六小福，六選二：白灼鮮魷魚，魷魚介花賣相不錯，灼得熟度剛剛好，加左豉油熟油，口感爽脆很好味！白灼海哲頭，加埋雞絲用特製醬汁調味，味道帶少許辣又爽口。招牌炒靚蜆，做法三選一，豉椒炒靚蜆：蜆大隻炒得夠穫氣，蜆肉鮮甜冇沙，豉椒汁調得夠味又惹味。粥粉麵四選一，懷舊泥猛粥：粥底綿滑，泥猛已去骨拆肉，味道鮮甜，加有果皮絲增加香味！新鮮菠蘿咕嚕肉：見到有咕嚕嚕肉，到來試試！咕嚕肉外脆肉嫩，酸甜醬汁調得味道剛剛好。菠蘿用新鮮的，特別美味！旺角豉油皇炒麵：上枱時熱騰騰，香噴噴！炒得夠穫氣，麵加有銀芽和韭菜炒，爽口彈牙

旺角海鮮菜館，宵夜套餐有龍蝦食！龍蝦餐$398，二人食絕對夠飽！龍蝦可以上湯焗、芝士焗或者白胡椒粉絲煲，我見白胡椒粉絲煲比較少見，就揀左呢個，果然有驚喜，粉絲煲非常入味！精華全在粉絲內，好香又帶微辣。白灼韭菜花及魷魚，韭菜花好嫩好甜，魷魚算鮮味，如果用鮮魷會更好。油鹽水浸蜆，蜆肉夠大隻，亦算鮮甜。沙田雞粥，二人食，每人一大碗，非常飽肚，雞肉都算滑，粥底份量夠晒多。另外加點：椒絲腐乳唐生菜（$78），腐乳味比椒絲味重，怕辣者都可以食。

喺旺角搵宵夜，好多間餐廳都關門了，幸好俾我哋發現在旺角道的旺角海鮮菜館，有宵夜餐提供，二話不說入去醫肚。宵夜餐餐牌「旺角夜消磨超值套餐」有三個價錢選擇，仲有四款菜式，夠晒吸引！先來了「旺角六小福」中的小食頭盤， 分別白灼鮮豬脷及鮮粉腸，配上佢哋特製嘅椒絲豉油，我最喜歡的鮮豬脷肉質夠晒鮮嫩。「豉椒炒靚蜆」每一隻蜆肉都有我手指公咁大隻，一食落去就食到廚師炒嗰種鑊氣，蜆肉相當鮮甜爽口，再加埋特製嘅豉椒汁，很惹味。「避風塘炒辣蟹」大大隻既越南大青蟹炒得好香，但係仍然掩蓋不到辣蟹嘅鮮味， 蟹蓋有很多膏，蟹身啖啖肉， 蟹腳亦都很鮮甜。除此之外，配料嘅蔥同埋蒜蓉炸得非常脆卜卜可口，好似食緊薯片咁，惹味可口。還有「經典燒鴨河」每人一碗，河粉很柔滑，最重要是燒鴨有鴨味，肉質很林很新鮮，食完大感滿足！最後甜品就係「南瓜🎃梳夫厘」喂呢一餐豐富滿足的宵夜餐畫上句號。

食西餐, 打邊爐打得多, 間唔時都會好想叫餸食飯, 一道靚小菜加碗白飯, 已經可以令人好滿足。上網搵下有咩小菜好食, 見到旺角海鮮菜館, 記得有印象見過佢門面, 因為有種舊式小菜館味道,  又見評價不錯, 就一於去食碗飯。餐廳唔算大,  但係好企理而且放既枱其實唔多, 所以感覺又唔會迫狹, 反而有種隱世餐館既感覺。店員殷勤問我地要咩茶後好快就放低小食花生同茶, 係傳統中菜館既鹽味花生D! 依度有套餐,  以海鮮為主, 一心黎食海鮮既話係抵食既, 不過第一次黎又都有D我地想食既野套餐冇既, 所以今次散叫住小試牛刀先白灼菲菜花白灼菲菜花好少餐廳有得食啦, 見到即刻叫一個, 加埋少少豉油嫩又香。旺角避風塘炒蜆蜆肉大隻肥美, 又難得地唔會甩哂殼, 避風塘辣汁香辣惹味, 仲炒得仲幾有鑊氣添薑蔥桶蠔成晚最中意既一道菜, 桶蠔冇欺場超大隻又厚身, 送上枱時仲係渣渣聲, 我梗係趁佢渣渣聲炒多兩炒, 香味即刻湧上黎! 桶蠔表面有焦香味, 蠔味鮮美, 加上薑蔥既香氣同石鍋既鑊氣, 我比滿分!花膠蒸肉餅肉餅札實有口感唔會鬆鬆散散, 用左花膠粒所以食落多左咬口, 佢冇落到豉油, 望落好似好清淡但其實本身個肉味

年近歲晚，又係一大班同事搵地方做冬嘅時候，今次同事揀咗旺角海鮮菜館食海鮮！地點就腳，就喺旺角火車站下面，去邊都咁方便！門口大大個魚缸，好多生猛嘅海鮮游嚟游去！近期餐廳做緊推廣，價錢都係套餐形式，劃一收費，同事覺得呢個收費模式會比較好，明碼實價！點了一個孖寶套餐$888套餐有兩隻巨型賴尿蝦，蟶子皇，扇貝，鮑魚等等，全部都係喺魚缸即攞上嚟，非常新鮮。賴尿蝦份量十足，炸得通透，很夠火喉，肉實彈牙！蟶子皇很爽口，扇貝鮑魚鮮味十足！旺角吊燒雞$148店長極力推介，招牌菜之一，雞皮做得很脆，雞肉嫩滑，比起很多大酒樓出色！咕嚕肉$118炸得香脆，火候十足，送飯一流！最美還有芋頭西米露附送，大滿足😊今次同事冇介紹錯，除咗明碼實價外，做法亦火候十足，店長服務亦很好，以後都不用老遠走入西貢屯門食海鮮了😁😁

今日同同事開工開到好夜，諗住食埋個宵夜先返屋企，見到呢間旺角海鮮菜館，有宵夜套餐價錢都有幾平所以入去試吓。宵夜套餐有三款可以揀 ，龍蝦粉絲先398 ,不過朋友想食賴尿蝦所以我哋就叫咗賴尿蝦套餐。套餐包括下面嘅嘢食椒鹽賴尿蝦賴尿蝦非常之大隻，用咗椒鹽落去炸，外面脆脆地，鹹鹹香香辣辣，配上賴尿蝦本身嘅肉質鮮甜，仲要幾結實，最估唔到兩隻其中一隻有膏，正呀。平時食嘅賴尿蝦非常之細，食落都唔夠喉，今次大大隻又鮮甜，正。另外有兩個兩盤，揀咗白灼粉腸，別有風味