新匯聚餐廳小廚

营业中

休息中

今日等埋老公放工一齊吃晚飯，佢同同事平時有去開一間工廠樓上食店，晚市有大排檔美食，今日跟老公去wet。地鐵站apm出，容易搵，於大街搵到門口上一層就到啦。有電視，相信球季可以睇波。部分卡位，中間大量圓枱，都有圍板相隔，私隱度好高，啱曬大家啤一啤傾計。粉葛土鯪魚扁豆赤小豆~天氣熱加香港潮濕天氣，這個湯好啱袪濕，師傅保證絕對冇加味精，足料靚湯，果然冇介紹錯。欖菜蜜糖骨~欖菜獨特香味第二度冇咁容易食到，蜜糖甜甜地，一定要相當經驗豐富先可以做到這個效果，炸得外脆內淋，咬落豐富肉汁，一試難忘。叫罐汽水，沙嗲即叫即燒，熱辣辣，香噴噴，沙嗲醬是自家製，特別惹味。雞翼雞鎚雞腎($45/三款)~政府燒雞翼好多人都鍾意食，燒雞槌啖啖肉，燒雞腎爽口彈牙有口感。爽脆大白鱔~白鱔的油脂燒起嚟真係好香，鱔肉爽口彈牙。薑汁炒芥蘭~吃這麼多肉，叫碟菜中和下，薑汁味濃，芥蘭爽脆。最後送咗兩件椰汁紅豆糕，唔會太甜，為這個晚餐劃上完美句號。食物種類豐富，多人仲可以試多幾款。魚缸有蟹有魚。

太太說這家菜館小炒不錯，於是便跟太太及她的父母來嚐一嚐菜館位於觀塘工業區工廈的一樓，位置方便，由觀塘港鐵站只需約5分鐘一入座店主非常殷勤招待，我們點了下列幾道菜豉汁蒸白鱔 $130白鱔很新鮮，肉質實而不老，且蒸得很入味秘製咖哩牛筋腩 $120想不到的出色，牛筋腩煮的很軟滑，個人口味覺得咖哩汁可以再濃一點日式芥末牛柳粒 $120芥末味道很出，跟牛柳粒及青豆想不到的配合，很開胃特式椒鹽肉排 $100避風塘的口味，外表香脆肉質嫩滑，亦是送飯之選豉油皇乾炒牛河 $75店員說河粉賣光，便轉成米粉，但無減其炒的香，牛肉嫩滑生炒牛肉飯 $75生炒牛肉飯炒的粒粒分明，牛肉有點碎但有兜亂的感覺串串燒 雞中翼 多春魚 雞肉 雞腎 $55/3串串燒是店主推薦，串燒明顯有炭火燒的感覺，燒的很香亦不失肉的鮮味整體來說，這家菜館小炒的確非常出色，難怪週日到來工廈也能全店滿座，客似雲來呢

一家人外出食飯，小炒是不錯的選擇。假日陪父母逛完觀塘apm 後，來到附近出名食小菜，鹵水鵝的新匯聚餐廳小廚晚飯。餐廳裝修簡約，座無虛席， 蒲坐下，店員便熱情推介他們的特色菜式，親切感十足。🍋 特式串串燒～燒烤食材選擇多，我們點了燒雞肉，雞翼， 雞腎和多春魚，雞翼上枱香噴噴，餐廳即叫即燒，在快燒好的時候加上孜然粉，香味更盛，不錯。🍋 豉汁蒸白鱔～豉油和豆豉的份量拿捏準確，味道不會過咸，白鱔新鮮爽口。原來，不同產地的白鱔口感，是不一樣的，有些肉質軟淋， 有些肉質爽口，個人比較喜歡爽口的。🍋 生炒牛肉飯～家常炒飯， 有鑊氣，有蛋香味道，牛肉軟淋而且分量多。🍋 特色椒鹽肉排令人驚喜之作，啖啖肉的肉排炸得鬆脆，皮香肉軟，椒鹽炸蒜令味道更上一層樓，非常出色。🍋 日本芥辣牛柳粒牛柳粒抹上日式芥末， 做法新穎，入口既香且辣，令人又愛又恨，豆角也炸得香口，送飯一流。🍋 秘製咖哩牛筋腩爸爸最愛的菜色，上枱很大一鍋， 牛筋牛腩均炆得軟淋，咖哩味道濃郁而不會過咸，爸爸一人就食了半鍋。總結：新匯聚餐廳小廚,雖置身在工廈內其貌不揚，但小菜，炒粉麵飯，味道均非常出色， 盡顯大廚功架， 難怪餐廳座無虛席。

去官塘買衫，順便吃午餐。餐廳位官塘站附近的工業大廈。進入餐廳前要探熱，減少病毒感染機會。冷氣足夠，座位寬闊。中式午餐有40款左右，價格由42元至48元。瑞士乾炒牛河48元，瑞士汁甜甜地帶少少咸味，牛肉惹味，與洋蔥味道很夾，河粉炒得香口，每條河粉都沾上瑞士汁，不算太多油。涼瓜炆火腩飯48元，夠鑊氣，火腩新鮮，有肥有瘦，涼瓜爽口不太苦，配上豆豉和辣椒，味道層次豐富。凍飲加三元，凍檸茶檸檬份量足夠，茶味正常。總結：價廉物美

好友極力推介鑊氣十足的小炒😋原來「新匯聚餐廳小廚」的前身是「金利來食坊」，隨著牛頭角下邨的遷拆，先後在淘大和牛下經營三十年的「金利來食坊」被迫結業，後來老闆選址於觀塘工廈再戰江湖，呈獻地道的粵式小炒，讓賓客重拾昔日情懷。真係好有大排檔風味，剛吃飽便諗定下次再來要嘗試那款小菜。感謝今天朋友帶我品嚐過，真係好好味，風味十足，這裏雖然工廠區內，但勝在地方夠大，而且餐廳夥計哥哥熱情招呼，還介紹很多必吃小菜給我們👍

呢類型嘅中式菜好適合一家細黎食，長輩要食中式嘛，味道又唔可以馬虎喎，唔食酒樓嘅話，呢類小炒店就最好不過！今次係媽咪生日，一行5人專登黎呢度，食過好多次，知佢夠鑊氣！今次繼續encore豬手，encore 得就知好野啦，佢嘅芝麻雞及豬手都係炸野裡面good嘅，再試埋煎蠔餅，我唔食嘅，但見佢地食到停唔到口。仲有唔少得嘅炒野，今次揀左炒芥蘭。雖然清湯牛筋腩唔係炒唔係炸，但都做得好好味呀！總括來說，新匯聚就是好味，不過如果你食開淡口味嘅話就會覺得好咸，佢仲有一間少油少鹽嘅分店喺隔離，但我就未試過了。

今日lunch同同事去公司附近嘅新匯聚食，又係我之前未去過嘅，入去工業行入少少，茶餐廳嚟講個場好大，好多張大圓枱。去到已經過咗兩點，見到下午茶都幾多嘢揀，有32蚊星洲炒米連飲品，嚟到仲要勁大碟（不過大碟得滯，男人份量同油咗少少，絕對食唔曬同食到我滯曬），味道就唔算好出色，ookk咁啦。同事個公司三文治餐又係大大份，聽佢講好食過好多地方，另一個同事嘅面餐清清哋大大份，下次我會叫佢哋個麵餐~份份都係三十幾，真心係抵食嘅！

今日收工，跟咗個朋友去觀塘食飯。佢帶左我去一間工業大廈嘅底層，面積勁大，叫左好幾碟餸菜，有點後悔，因為碟碟都大碟，而且味道都唔錯，碟碟都幾有鑊氣，但可能人太多，有些送到來就唔夠熱。飲下啤酒傾下偈又唔洗坐街邊都係幾好的選擇。

今晚用膳在越做越旺的「新匯聚餐廳小廚」，七點多鐘已經座無虛席。先來小食：咖喱魷魚，小辣爽口又入味的咖喱水魷魚，為我們打開食欲大門。臘味粒炒韓國年糕，中韓合作的佳餚一定要嘗嘗，臘肉鹹香爽脆、臘腸鮮香馥郁、潤腸甘香可口，用薑片、紅洋葱炒韓國年糕，合時令又有暖意，味道可口。脆炸鹹豬手，排列整齊，切得大塊長條型的鹹豬手，十分吸睛，真的不要客氣了！我咀嚼著脆卜卜的脆炸豬皮，傳入耳朶是清脆俐落的聲音，咸豬手肉質香濃而不鹹， 送贈的杞子桂花雙色涷糕，清甜軟滑（忘記相機食先）。寧波薑汁芝麻湯圓，薑汁糖水和湯圓是絶配，芝麻湯圓甜而不膩。 鮮芒果楊枝甘露，嘗過皮脆肉多的鹹香豬手，香甜鮮芒果、楊枝（柚子）甘露（西米芒果蓉糖水）能幫助消化。檸檬薏米水，甜酸配合得宜，薏米去濕健脾臟是健康之選。

觀塘工廈除了有不少有特式西餐廳咖啡室外，亦有不少中式飯堂，中午賣碟頭飯，晚上變身賣海鮮小菜。新匯聚餐廳小廚位於工廈一樓，可直接由街道行上一層到達，尚算方便。平日晚上餐廳甚具人氣，人聲鼎沸，很多一大班朋友一邊暢飲，一邊談笑。餐廳餸菜碟頭頗大，多人分享很合適。秘製蜂蜜欖角骨 欖角是傳統廣東的調味料，由烏欖加工而成，氣味芳香，味道微微酸甜，有一種獨特的鹹香味，用來醃骨，能去腥增味。腩排肥瘦適中，多肉少骨，加上蜂蜜黏度較高，可以黏著彩椒粒、洋蔥粒及比較特別常用於川椒雞的珍珠菜。此餸擺設得很有心思，一宇排開，顏色繽紛。招牌芝麻雞(半隻) 芝麻雞外皮黏滿芝麻粒，口感酥脆，香氣撲鼻，雞肉肉質嫩滑。芝麻雞製作工序多，半隻130蚊相對十分抵食。上湯什菇浸白菜仔 叫了兩個香口菜式，上湯什菇浸白菜仔可以平衡一下，清清腸胃。

今晚突然間想食中菜，去咗觀塘一間工廠大廈的新匯聚。首先被吸引的就是芝士蒸元貝加伊麵，這個元貝是獨立上枱的。首先看見的是微微燶的芝士舖滿整個元貝，芝士下面就是伊面，伊面下邊就是大大粒元貝。非常味美$55雖然頗貴！就豪一次啦！椒鹽鮮魷拼欖角骨$140。鮮魷上枱時好似避風塘炒鮮魷，不似預期。欖角骨做得不錯，欖角味不太，相反蜜糖卻加多了。空口食都得！啫啫芥蘭一般般，上枱時做不到啫啫般的熱辣辣！飯後送咗兩件馬豆糕，值得一讚。

平日講起打冷，第一時間諗起既可能係油尖旺區的鋪頭，但今次想推介既打麼餐廳就反而唔係以上的地區，而係位於觀塘。第一樣必食推介有蜂蜜欖角骨，燒骨表面塗上薄薄一層蜂蜜，甜絲絲之餘且表面香脆可口，配上切粒欖角吊味，零舍開胃。新匯聚既炸蠔餅亦值得一讚，金黃色的外表十分能夠吸引大家既眼球，而且亦用上肥肥大大粒既蠔仔，炸到金香脆口之餘，蠔仔亦不會乾身，食得出蠔既鮮味。仲有樣特色菜叫鳳凰雞翼，被咁有氣勢既菜名吸引，一於叫來試試，雖然話係雞翼，但外貌就十足雞鎚，原來係用雞翼拆骨再炸出來的一樣菜式，加上醬料，如咸咸香香，亦非常不錯呢。特別講講位於成業街的新匯聚有兩間，如果約好朋友聚會記得事先講清楚。

放工後約了兩個朋友到觀塘新匯聚餐廳小廚吃晚飯，這餐廳的小菜美味，價錢公道，又不用加一服務費，難怪週二晚上也這麼多食客，而這已經是我第二次的光顧。入座後先點了藥膳雞腳，大約有六至七隻，雞腳煮得非常入味，用了當歸、紅棗等藥材烹調而成，味道不錯。原來想點三杯雞，但待應就推薦這個銅盆雞，雞塊爆香加酒，配上大量的洋蔥、蔥頭、青紅椒，以錫紙包裹放在銅盆去焗，有效把醬汁鎖在雞肉之中，侍應果然沒有介紹錯。蝦籽扒柚皮，是非常傳統的中式食品，雖然成本低，但做功繁複，現在已經很少見。柚皮質地軟淋爽滑，充分吸收了高湯醬汁，加上蝦籽，不但賣相好看，而且調味和炆煮得非常不錯。龍仔排骨臘腸糯米飯，用荷葉蒸籠所蒸製的糯米飯，每粒米飯煙韌有口感，排骨嫩滑爽口，加上臘腸，在這寒冷的晚上吃上一碗，實在非常滿足。

平時行開見到觀塘這間新匯聚餐廳小廚，都想說試下傳統的打冷菜式鹵水鵝，今日就與太太一齊到來試下。八點多鐘來到見到都非常多人，好在剛剛好還有個卡位，可以不用等位。專程為鹵水鵝而來，當然坐下不用考慮就先點了個鹵水鵝。滷水鵝肉$90鹵水鵝片非常肥美厚肉，第一次食這麼肥厚的滷水鵝，鹵水鵝鹵得夠入味，腍度適中，肉質夠厚有鵝味而又夠腍滑，不枉為招牌菜式，必食。酥炸美國桶蠔$170桶蠔很大隻，粉皮不會太厚，美國桶蠔剛剛炸起，還熱辣辣，肉質軟淋，真可為啖啖肉，再配上餐廳跟上的淮鹽及喼汁，甚為美味呢。蒜容菜心$68一個平凡的青菜，蒜蓉炒菜心，廚師炒得爽口中帶軟，夠蒜蓉味及夠鑊氣。最後餐廳還送上精美的甜品，更添美味。

最鍾意食小菜嘅爸爸生日，我哋兩姊妹就去咗book呢個新匯聚餐廳小廚，真係好好彩有訂到枱，我哋去到嘅時候已經幾乎坐滿晒，呢間餐廳喺工廠大廈入面，面積甚廣，已經可以放到差唔多成30枱，但係都係星期日嘅今日坐到滿晒，可想言之係幾咁出名嘅間餐廳。一坐低老闆就好熱情咁樣介紹佢哋嘅招牌菜，嚟得呢度當然係食只有佢哋先有嘅菜色啦。芝麻雞半隻$130芝麻雞真係好有特色，有半隻嘅選擇，但係其實四個人都夠食，每人都夾到兩三件，果皮非常非常薄，燒到一啲油份都冇，加上上面加咗芝麻，令到成個皮脆卜卜，完全感覺唔到食緊雞皮嗰種奇怪嘅肥膩感。而且雞肉保持柔嫩，非常多汁，完全係外脆內軟，做得非常出色。招牌話梅骨$100話梅骨呢啲酸酸甜甜嘅嘢食最啱送飯，而且非常開胃，佢用上嘅排骨偏瘦，食唔到肥膏，啱晒我呢啲注重健康飲食嘅人（笑)。果汁用上嘅話梅似乎係陳左好多年嘅，因為食落味道非常濃郁，但係又唔會有普通話梅剩係得個味重嘅感覺，反而有少少純嘅香味，排骨嘅外皮揸到脆卜卜，同樣地裏面嘅肉質都仲係非常多汁，一啲都唔鞋口，淨係呢碟餸我已經可以送三碗飯啊。翡翠炒班球$170班球係真係班片，用料上乘，魚肉非常彈牙，一絲絲嘅食得出好新鮮，