新匯聚餐廳小廚

营业中

休息中

如果問呢間大排檔同其他有咩分別，其中一個最明顯嘅我會覺得係人情味🥺呢度啲員工全部都好好，會主動過嚟問有乜要幫手或者啲嘢好唔好食。有次同小朋友嚟食，佢哋仲會關心小朋友坐得舒唔舒服，要唔要搵嘢墊下張凳，所以好多時想食小菜，都會諗起呢間！加上佢嘅嘢食普遍都幾好食，特別係薯仔牛柳粒同埋炸蠔餅，薯仔加蜜糖甜甜地，牛柳粒又好嫩好岩送飯！而蠔餅勁大份，入邊好多粒蠔肉，炸得啱啱好，唔會好粉。佢有好多款唔同嘅菜式，基本上大人細路都會搵到自己想食嘅嘢。

今日lunch去左觀塘地道風味的小廚食🍜 這間店舖風味十足，我叫左咖唯就魚 ，牛腩 ，豬大陽鮮茄拉麵番茄湯底濃郁 ,番茄的鮮甜連埋啲酸菜非常香口麵條番茄彈牙吸收湯底令到啲面更加好食😍😍 咖哩就魚 ，魚肉十分新鮮 、搭配獨特醬汁，讓魚肉的鮮甜更加突出。牛腩燉恰到好處 肉質軟嫩帶著濃郁的牛香 , 豬大陽 則是口感 好好 ,肉質彈牙、 也不會韌 吸收到 湯底更加好味味無窮品嚐， 叫咗杯凍檸茶， 好有驚喜 雖然門面有少少殘舊 但係內裏烹調技術一流 ，火候掌握得好好，😍😍😍絕對值得再訪！

餐廳裝修簡潔，食物承傳了香港大排檔的風味。當日餐廳有許多客人，十分熱鬧。兩隻蒜蓉粉絲蒸大元貝用蒜蓉粉絲蒸煮，賣相吸引，香味四溢。大元貝吸收蒜蓉味，再加上自身的鮮味，咬落肉嫩多汁.豉椒排骨炒河餐廳用了幼身河粉，讓河粉能保持原整又不會碎開。用豉椒炒得恰到好處，河粉滑嫩入味，排骨大件，仲要大大碟，夠鑊氣！啫啫通菜 鹹香適中，通菜新鮮，送飯首選。蘋果雪梨水蘋果和雪梨味都好足夠，飲落清新，味道天然，清熱潤肺。椰汁馬豆糕餐廳奉送的甜點，是每天新鮮製作，凍凍地，椰汁味香！小菜即叫即炒，鑊氣足，風味夠！如果餐廳能提供更多特式飲品，就更完美。

之前已去過多次吃飯，都ok今次去, －入去好想走見到個女侍應揸住口煙，離晒譜二話不說就叫我哋飲雪梨水，話好有益，就放低一個外殼殘舊污糟邋遢膠水壺，ok 諗住都係幾十蚊。D餸全部一樣味，冇曬鑊氣，同差不多全部番熱餸埋單嚇死人，個揸雪梨水貴過成$150.總結對這間小館已冇望😩

今天晚餐，吃了這間餐廳：炸豪餅、炸乳鴿、椒鹽九肚魚、炒麵王！餐廳從90年代街邊大排檔，到現在樓上舖，還是很多街坊熟客幫襯，老闆人好又親切有人情味，還愛開玩笑😝今天送了藥膳雞腳給我們，忘記拍照了，餐廳裝修簡潔大氣，假期人比較多！

📍新匯聚餐廳小廚😍觀塘高質素小菜👍～餐廳環境靚😍食物質素高🥳店員服務態度好👍～椒鹽鮮魷😍好耐冇食過咁正嘅椒鹽鮮魷😘佢係好大塊嘅魷魚😍食落好有鮮味❤️炸得非常香🥰👍～蜂蜜欖角骨🥰見店員極力推薦😂就揀咗呢樣🥰識落又真係幾正喎🤤質感有啲似生炒骨🥰肉質嫩滑🥳非常有鑊氣😘調味做得好好👍😎📍新匯聚餐廳小廚 (觀塘)😘🤤😍觀塘成業街15-17號成運工業大廈1樓101室

喺觀塘附近返工，放工咁啱想食下中式小炒，之前都嚟過呢間小炒餐廳質素唔錯，於是同老公一齊嚟食下👍🏻薑蔥炒魚鰾：魚鰾鮮嫩多汁，煙靭而且帶爽口，搭配香氣四溢的薑蔥，讓每一口都充滿了鮮味，炒至恰到好處的火候，讓魚鰾保持了原汁原味👍🏻一啲都唔腥炸大乳鴿：接下來是炸大乳鴿，外皮金黃酥脆，肉質鮮嫩多汁👍🏻而且整得好入味自家煲蘋果雪梨水：自家煲的蘋果雪梨水清甜可口，清熱一流，十分適合搭配香口既菜式。胡椒粉絲蝦煲：大蝦鮮甜爽口，配料雞髀菇同蔥段新鮮有咬口，粉絲吸收了濃郁的湯汁，勁鮮甜，加埋胡椒的香辣味道恰到好處👍🏻椰汁馬豆糕：店家好好，為我們送上自家製椰汁馬豆糕，椰汁香而且唔會太甜，馬豆香，而且軟硬適中😬這家位於觀塘的中式小炒餐廳，無論是菜式的選擇還是味道，都讓我感到驚喜，下次有機會都想再嚟試吓其他菜式👍🏻

🥹晚市入到去非常爆滿，真係要趁早攞位同訂座。🩷員工服務態度超級好，入座後會同你講慢慢揀，亦會中途問你好唔好食，真係有賓至如歸嘅感覺！好耐冇響香港遇到咁親切嘅服務態度！好有人情味！🧡嗌咗一個每次大排檔必嗌嘅蜜糖薯仔牛柳粒，有冇人都係咁樣😂裹住蜜糖嘅薯仔粒外皮脆，薯仔入邊又軟熟，好適合做小食。牛柳粒嫩滑，火候啱啱好，食吓食吓發現原來啲牛柳粒多到沉晒底，食咗咁多次大排檔真係未見過咁多牛柳粒嘅薯仔牛柳粒，今次簡直牛柳粒仲多過薯仔吖，太驚喜🔥🔥💜嗌咗碟椒鹽鮮魷，鮮魷炸得外脆內嫩，咬落去仲有啲彈牙，椒鹽味夠香又唔會太鹹，食落唔會覺得油膩，送飯食又得，就咁食又得！💚就梗係要嗌返碟菜嚟食吓啦，要健康呀嘛！嗌咗上湯浸菠菜，媽咪食菜鍾意清淡，越少油越少鹽就最好，上湯浸時菜就最好啦。上湯好入味，食菜嗰陣時feel到啲菜係咗上湯汁，一啲都唔油或者鹹，而係啖啖上湯嘅鮮味。菠菜煮得啱啱好唔會太韌亦唔會太腍，亦都keep到係吸引嘅青綠色，你哋又最鍾意食咩菜呢？

觀塘工廈食堂新匯聚，一直是工廈打工仔的平價食堂。今天點了客家鹹雞飯配豬骨佛手瓜湯，樸實的搭配卻蘊含著深厚的家常味道。鹹雞醃製入味，肉質結實不柴，鹹香適中，油香四溢。雞皮煎得金黃，咬下時香脆可口，與嫩滑的雞肉形成絕妙的口感對比。豬骨佛手瓜湯清甜可口，佛手瓜煮得軟而不爛，清香可人。豬骨則熬得恰到好處，湯汁濃郁不膩，每啜一口都能感受到食材的精華。白飯粒粒分明，配上鹹雞的汁水，更添美味。一杯熱檸檬水，既能解膩，又能幫助消化。五十元的價格，在工廈區可謂相當實惠。這樣一頓簡單而溫暖的午餐，不僅讓人吃得飽，更能感受到廚師的用心。難怪店內總是座無虛席，足見這份樸實美味的魅力。

觀塘呢間大排檔都幾出名，以前開喺牛頭角下邨，搬咗嚟觀塘工業大廈！啲餸都幾好食，糖水都唔錯，想食大排檔又想乾淨衛生可以食呢一間，環境都OK，有冷氣廁所唔污糟！茗茶$20蜂蜜欖角骨$120份量都幾多，食落去甜甜地，個骨唔會太過腥，都有肉味，美中不足但係唔夠香口同惹味。煎蝦餅 拼椒鹽鮮魷（半）165.00炸得非常之香口，蝦餅有蝦味彈牙，魷魚爽口新鮮！沙薑炆芥菜 $85味道幾特別，幾香沙薑味，芥菜都爽口！砵酒流浮山蠔 $240個蠔真係好好食，大概有六至七隻？周周非常之香脆，好味濃郁鮮甜，一啲都唔腥，個酒味好香！紅燒豆腐 $90豆腐軟滑，醬汁嘅調味啱啱好，下面仲有啲雜菌菜心！推薦指數: 8/10唔錯都幾有鑊氣，喺觀塘想食大排檔都會推介！價錢唔算平，不過勝在足料大份味道OK。

間中就嚟觀塘食呢間老字號又有人情味嘅中菜，日日都好多人，呢度類似大排檔style 好多小炒，又有蠔餅、海鮮、糯米飯等等招牌蜜糖薯仔牛柳粒叫得招牌真係好好食，薯仔粒外脆內軟，又有蜜糖汁甜甜哋好惹味，食唔停，薯仔仲好食過啲牛，牛仔粒都好食，夠稔又入味，正魚香茄子煲上枱熱辣辣，魚香十足，茄子煮到好稔魷魚鬚炒龍鬚麵好乾身好大碟，有魷魚，幾夾幾好食蘋果雪梨水清甜滋潤，秋冬啱晒最後仲送甜品 - 馬荳糕新匯聚餐廳小廚 (觀塘)觀塘成業街15-17號成運工業大廈1樓101室

新匯聚餐廳小廚，位於觀塘成業街，裝修企理舒適，餐廳是傳統大排檔美食，是享受美食的絕佳場所。菜遠排骨炒河，河粉滑嫩，排骨大大件，炒製得恰到好處，味道鮮美。椒鹽九肚魚，外皮酥脆，內肉細嫩，椒鹽味濃鬱，令人回味。梅菜扣肉，梅菜咸香，扣肉肥而不膩，軟腍帶梅菜香味，而且配有小白菜，食落不會滯，搭配得天衣無縫。飲品方面，雪梨水口感清新，滋潤心脾。有氣鮮檸蜜，味道酸甜，且甜而不膩，氣泡細膩，清涼解渴，口感獨特。餐廳於貓頭鷹時間晚上九點入座，除酒水外，還有八折優惠添。

三個人晚餐食四個餸, 連2杯飲品$640, 食物質素: 芝麻雞可以點半隻 $170, 雞皮凍咗都脆卜卜，正。 一份酥炸雙拼$165 可以自由選擇, 我揀咗炸大腸同椒鹽鮮魷, 都好惹味佢地仲有椒鹽九吐魚, 藕餅, 蝦餅, 椒鹽骨等可以選擇, 再一個老闆推薦嘅薑汁炒芥蘭，非常有鑊氣， 最後仲叫左三隻豉椒聖子（$60 1隻）加煎米底，呢個好食到不得了。餐廳甜品同糖水選擇很多，但老闆送咗馬豆糕畀我哋食， 所以冇另外叫，雖然餐廳環境一般， 但服務周到，餸菜好味，會再光顧。

觀塘出名多好嘢食，呢日心郁郁咩都想食，就揾咗間睇落好正嘅小炒一坐低又係十級選擇困難，全部都好好食咁，但胃只有咁大，最後叫咗話梅骨，薑葱魚腩煲同 有跟伊麵底嘅芝士焗西蘭花最先黎個芝士西蘭花，表面焗到金黃色好吸引，啲芝士好香好香，亦唔會太稀好適合撈麵，沾晒喺西蘭花上面之後係薑蔥魚腩煲，揀其他部分like魚waan都可以的，呢個趁熱食好有鑊氣，薑片切到好薄可以連埋魚腩同蒽一齊食，好惹味最尾係話梅骨，酸酸甜甜幾好味，有少少三色椒粒點綴下，細細舊方便入口，好似食極都仲有咁

一間係工廈入面嘅樓上鋪。今晚都算幾好生意。見電視之前介紹過所以嚟試吓。點真好伏。我哋叫咗芝麻雞、咖喱魷魚、蠔餅、杏仁豬肺湯。食物冇乜特別。同一個價位又比佢好食嘅有好多選擇。最離譜係其中一個侍應竟然係度食煙。搞到間餐廳好臭。而且佢哋會係咁問你要唔要依樣嗰樣。例如問你要唔要海鮮、要唔要湯、要唔要糖水。咁樣sell太進取。環境方面太嘈。同埋唔乾淨。有昆蟲係台面。見到都唔開胃。總括嚟講係中下。真係冇下次。