探魚烤魚

营业中

休息中

太開心了，原來香港都開咗探魚呀，味道同埋選擇同深圳嘅差唔多，今日中午時段過咗嚟食飯，食得非常之滿足呀！我同朋友都比較大食，所以我哋兩個嗌咗鍋魚，另外加咗配菜！首先我哋可以揀自己想食嘅魚，之後揀味道最後揀埋辣度同埋配料。今日試咗迴魚，蒜香味微辣！條魚好新鮮，肉質好滑又鮮嫩，唔會好多骨，配上濃濃蒜蓉香味，食唔停口！另外加上豆腐，蔬菜同薯粉食得非常滿足，感覺上又好健康😆另外我最鍾意呢度嘅無限探索！每人加$9就可以無限食冰粉，配上好多不同配料，超美味！必試！

喺深圳已經食過探魚，已經覺得佢非常惹味。喺呢度我食過一次晚市都覺得唔錯幾抵食，今次經開見到佢有午市套餐，諗都冇諗就試食咗啦。「午市限定一人餐」$98，我唔係好食得辣，所以揀咗醬香我已經味套餐，跟一碗白飯，同埋任食嘅冰粉。我覺得醬味好好味，而且佢嘅魚都份量係正常，再配上蔬菜同埋豆皮，最後浸啲醬真係十分惹味，我都幾鍾意食冰粉，但呢一個午市限定一人餐份量實在太豐富，我淨係食咗一碗冰粉已經超級飽。最後佢有得飲菊花茶吓火，好貼心。

🔥 【探魚烤魚(沙田)】新城市廣場的川味風暴！一踏入「探魚烤魚」，撲鼻而來的藤椒香氣瞬間喚醒味蕾！這次專程來試他們的招牌 「日月光蕃茄烤魚（微辣）」，湯底濃郁得驚人——新鮮蕃茄熬煮出天然酸甜，搭配四川花椒的微麻微辣，層次分明！選用的是肉質細嫩的 氺淮王魚，師傅火候掌控精準，魚皮烤得金黃酥脆，魚肉卻保持雪白多汁，蘸上濃湯簡直絕配！ 小食方面，「爆漿鴛鴦滋粑」絕對是驚喜之作！外層炸得酥脆，咬開後黑糖與芝麻餡料爆漿湧出，甜而不膩；「探魚鮮豆花」滑嫩如絲，豆香濃郁，是解辣神器。最後來杯冰涼的 「德式小麥啤酒」，麥香醇厚，完美中和麻辣後勁。 💡 用餐貼士： - 下午茶套餐 「藤椒湯烤魚拉麵一人餐」$39 性價比超高 - 建議提前訂座，週末人潮較多 - 嗜辣者可要求調整辣度 總評無論是獨食解饞還是朋友聚餐，這裡的川味烤魚都能讓你食過返尋味！記得預留肚量試勻各款小食啊～ 🐟🔥 （溫馨提示：店內冷氣充足，就算食到冒汗都唔會悶熱！）

✨可圈可點✨ ✅ 香辣味烤魚（淮王魚）$338辣香夠勁！湯底濃郁夠惹味🌶️ ✅ 探魚鮮豆花 $30豆味超濃！吸辣湯一絕 ✅ 寬粉 $30掛湯神器！嗦粉控必加 ⚠️致命傷❌淮王魚骨多過肉Menu寫「少骨」但食到吐骨吐到累... ❌ 牛肉串$58/5串貴過金條🐮 大陸同價可買20串！ ❌ 白飯$18/碗珍珠都冇咁貴💸 🍹飲品奇觀▫️囂張冰桔桶 $78： 巨桶夠2人share，酸甜解辣（但名符其實「囂張」價） 👉🏻 忠告：點魚前問清魚種！牛肉串真心唔值 後記： 味道合格但性價比崩壞， $646食到一肚骨同怨氣... （返大陸探魚平食好過！）

探魚最新推出午市限定一人餐烤魚有辣和不辣，今次點了一款辣和一款不辣鮮青椒爽麻味烤魚一人餐魚肉嫩滑無骨，醬汁又麻又辣，豆皮吸收晒精華，好入味，越食越開胃醬香味烤魚一人餐魚肉嫩、魚皮滑溜，醬香不辣又惹味，加上豆腐更香，還配有飯，飽肚套餐還附有無限探索冰粉一份，自行配搭，清涼解辣絕絕子爆汁炸雞炸漿薄身，雞肉多汁肉嫩孜然甜辣土豆仔 少少辣，惹味套餐可+配細份小食爆漿鴛鴦滋粑（3粒）煙煙韌韌又香甜蒜泥青瓜 酸酸地好開胃汽水必備，清新解膩。

香港探魚出左午市限定一人套餐，正正解決左我好想食辣既烤魚，但帶住小朋友往往只能揀唔辣既煩惱，所以即刻去食午市限定一人套餐 $98一人套餐有4款口味選擇，套餐包含左一碗米飯同任食冰粉，今次幫小朋友揀左「金銀蒜香味烤魚一人餐」，一人餐分量十足，烤魚上鋪滿生蒜蓉（銀）與炸至金黃的蒜粒（金），每一口都充斥著濃郁蒜味，非常吸引食慾。唔好以為一人餐，魚既品質就比整魚差，相反，魚肉質依舊嫩滑，無骨啖啖肉。鮮青椒爽麻凌波魚 $298慾罷不能既鮮青椒爽麻口味，一上桌青花椒香氣撲鼻，視覺上鋪滿鮮青椒，將魚肉完全包裹，帶有麻香感，辣度相對溫。必選凌波魚肉質滑嫩無細骨。紅糖糍粑外皮炸得微脆，內裡軟糯黏綿，滾上黃豆粉再蘸濃稠的紅糖漿，甜而不膩，熱辣上桌時口感最佳。😋整體食物質素：5 / 5💰性價比：5 / 5👍推薦指數：5 / 5

嘩， 探魚原來開咗嚟香港今日終於有機會試香港版嘅探魚，味道絕對唔俾深圳輸蝕，麻麻辣辣嘅調味料一樣咁濃郁豐富！首先你可以揀食邊一款嘅魚，然後揀口味，最後揀埋配菜。今日試左鮮青椒爽麻味淮王烤魚！條魚本身好新鮮，好爽滑，好鮮甜，超正，配埋大量嘅爽麻青椒，真係食得好過癮！份量亦都好大，兩個人share一條真係好足夠。另外我哋叫咗啲配菜蔬菜同埋寬粉配上麻辣汁真係非常惹味。重點係呢度都有深圳分店嘅無限探索，每人只需要加$9就可以無限食冰粉，解辣一流，真係食得好滿足。

午餐一人餐烤魚鍋非常抵食！配有半邊魚之外，還有百葉和招牌豆腐。午餐免費贈送自助冰粉吧。「鮮青椒爽麻味烤魚」絕對是味蕾的驚喜！青椒的鮮辣與花椒的麻香完美融合，魚肉細嫩入味，搭配百葉和招牌豆腐，吸飽湯汁後更顯鮮美，一口下去，麻而不燥，辣得過癮。「香辣味烤魚」則是經典之選，辣度適中，香氣濃郁，魚皮烤得微焦，肉質依然滑嫩，搭配炸得酥脆的「嘭嘭小酥肉」和「爆汁炸雞」，層次感十足。而「醬香味烤魚」適合不嗜辣者，醬香醇厚，鹹鮮回甘，尤其適合拌飯。小食籃裡的「脆脆山藥片」和「椒鹽金針菇」增添酥脆口感，配上免費的自助冰粉，清甜解膩，為這頓烤魚大餐畫上完美句點。整體而言，味道豐富，性價比高，值得一試！

之前喺深圳都試過探魚，質素幾好，見到而家香港都有，仲有午餐set，我哋叫咗兩個set，條魚都唔細，包飯，仲包自助冰粉任食，真係平平哋都可以食到烤魚，唔錯！鮮青椒爽麻烤魚一人餐我地揀左少麻少辣，味道啱啱好，入面魚肉新鮮，好多配料，特別鐘意豆皮，好索汁麻辣燙烤魚一人餐呢個就辣好多，而且冇得揀小辣，我哋覺得好過癮，如果鍾意食辣嘅朋友好適合另外試咗幾款小食一把羊肉串真心唔錯，羊肉好濃味，佢有個爐仔keep住暖住啲羊肉，食到最尾都仲好好味雞絲拌麵醬汁清爽，好味！最後食咗幾碗冰粉，好多配料可以揀，非常解辣，可以任食真係超開心！

名不虛傳既人氣烤魚專賣店一早已經知道佢係內地相當出名，等到黎香港開店就走去試下。去到正值下午茶時間 ，唔算超級肚餓所以叫左佢最近做緊promote既午市限定一人套餐，另外見到好多款小食都好吸引，所以叫咗三個小食，兩個人一人一個午市套餐，另加一樽特大提子特飲先講講食物味道，烤魚相當嫩滑，基本上無乜刺，而且煮得好入味，用小火爐熱住，食到最尾都仲係熱辣辣，而且煲裡面本身就有小小配料，包括豆皮娃娃菜，份量亦都好足。鍾意食辣既朋友可以試下香辣味，超多辣椒，辣度比較勁，食到一半已經出曬汗，好過癮！如果唔食得既朋友就可以試下蒜香味烤魚，蒜味超重而且條魚本身已經煎香，魚皮係脆脆地既，好好食。至於幾款小食全部都好正，魚皮有啲辣，但係涼拌之後好爽脆，一碟都唔夠食。我個人最鍾意孜然土豆仔，外皮好似炸過一樣脆卜卜，一口一粒不知不覺間好快食晒！非常推薦大家去試下呢間烤魚

沙田新城市廣場是吃喝玩樂和購物熱點, 各地美食倶備, 這間烤魚店主打烤寧波魚, 午市限定一人餐有多款口味選擇, 有白飯及可享用甜品區。酸菜味烤魚一人餐酸菜味酸辣好醒胃, 寧波魚魚肉甜滑肥美, 魚皮烤得焦香, 腐皮幼滑有韌度, 豆腐幼滑有豆香, 原窩熱上保持温度。香辣味烤魚一人餐香辣味辣度十足, 更有麻辣後勁, 相當惹味, 令人精神為之一振。配以冰凍可口可樂, 正好中和烤魚辣度。土豆泥烤雞 烤雞好香脆, 熱辣辣肉汁豐富, 調味適度, 外皮鋪满芝麻, 吃起來更加香口。蒜泥青瓜 青瓜新鮮爽脆, 蒜泥醬汁甜香, 拌匀來吃, 口感清新。香烤花菜 花菜烤得好脆口, 少許油分, 清爽又不會有油腻感。

不可以成日過深圳搵好野食嘅你唔知會唔會好似我咁，時不時會係香港搵有冇分店。呢間「探魚」就係其中之一。佢係沙田都開左間分店，點可以唔黎試下呢。今日趁放假就過黎食個午餐，而且係一個人！冇錯，一個人都可以食到烤魚，而且仲價錢好抵果只。現時佢推出左好幾款「午市限定一人餐」，套餐$98就有烤魚食，好高CP值啊！今次試左「香辣味烤魚一人餐」，套餐包埋無限冰粉，你上深圳食果啲通通都有埋！98蚊上枱一樣一大盤，超驚喜！原本以為係得少少肉，估唔到係成一條原整嘅魚係度，魚肉新鮮嫩滑，而且配料十足，好多菜，仲有埋豆腐同豆皮。另外仲加左少少錢試埋兩款小食「爆漿鴛鴦滋粑」細細份，即煎即上，甜甜地又幾好味喔。「彭彭小酥肉」係細份左啲，但都唔錯。

探魚終於喺香港開分店。我係探魚嘅忠實嘅fans 好耐之前就喺大陸食過。自此之後，每次去大陸都會食。因為佢嘅魚肉嫩滑冇骨。而且而家有自助甜品櫃更加正。記得以前喺大陸好早期嘅時候淨係可以散叫甜品。而且價格抵食。酸菜味烤魚一人餐搭配白飯同埋新鮮蔬菜，味道酸酸辣辣，魚肉吸收咗酸菜嘅鮮味，呢個一人餐嘅份量其實都算幾多。金銀蒜香味凌波魚烤魚蒜香味濃郁，魚肉依然保持住嫩滑嘅口感，皮仲帶有一絲微脆，魚腩部份啲肉好肥美。爆漿鴛鴦滋粑外脆內軟，咬落去即刻流出濃濃嘅紅糖漿。甜味剛好，不會太膩。

今日約咗屋企人去沙田買電器，見到對面間探魚，咁耐冇食，好掛住個酸菜魚，入去食！我哋點咗兩個餐之後，就出邊任添冰粉，不同配搭：小編最鍾意落完沙冰、冰粉，就加椰汁，桃膠，真係超冰爽又香甜😗酸菜味烤魚一人餐$98+爆漿鴛鴦滋粑$28:有酸菜、腐皮、豆腐、娃娃菜，呢個湯底唔係好辣，適合唔係好食得辣嘅人食，酸菜融入湯底同埋啲魚裏面，啲魚骨無骨又滑，加埋浸入湯底嘅配菜，真係Perfect😍糍粑外脆內軟，芝麻爆漿，似年糕，但係唔甜，好食! 😎鮮青椒爽麻味烤魚一人餐$98+澎澎小酥肉$28:有腐皮、娃娃菜、豆腐、好大條魚、洋蔥、花椒，條魚好滑，冇咩骨，越滾得來越有味添，朔晒啲青椒麻辣，好有風味，越食越開胃! 😙小酥肉： 小蘇肉炸得好香脆，都是細細塊的，所以唔會好漏，這個小食份量剛剛好！😛一把滿足魷魚鬚$58：魷魚鬚勁香喎，調味粉唔多，但係好煙靭，我哋食完都仲想叫添🤣脆爽魚皮$48: 魚皮偏酸、但係煙煙韌韌好爽口，切得好薄，配合啲蔬菜，亦都好開胃！😋低糖黑豆漿$19 ：好香黑豆味，果然是低糖，不甜👍🏼低糖紫米豆漿$19 ： 這個都不甜，飲到有紫米味，這配搭都好飲！👍🏼📍 探魚烤魚 (沙田)沙田沙田正街1

探魚係香港開咗都帶一段時間😆，回想起初初開始北上嘅時候，探魚絕對係我收藏餐廳之一😋😋。隨住內地餐飲業競爭白熱化之後，而家北上基本上都唔會再揀佢。適逢今日約左係沙田有d事務要處理。又見未夠鐘，而探魚又推出左一人午市套餐🍱🍱。所以決定試試佢。酸菜味烤魚一人套餐，套餐份量適中，適合獨自享用或與朋友分享😆😆。烤魚外皮酥脆😋，魚肉鮮嫩，搭配酸菜湯底，酸辣開胃。套餐還包括米飯🍚、飲品🥤和小吃👍，整體性價比高。魚肉鮮嫩，無腥味，烤製得恰到好處。酸辣適中，開胃解膩，與烤魚搭配相得益彰。價格合理，包含米飯、飲品和小吃。脆爽魚皮，脆爽魚皮係一道令人驚喜嘅小食。魚皮口感香脆，搭配特製嘅調味粉，鹹香可口，令人回味無窮。低糖黑豆漿相比傳統豆漿，糖分含量更低，更適合控制糖分攝入的人群。豆漿質地細膩，口感順滑，容易入口。