探魚烤魚

营业中

休息中

不可以成日過深圳搵好野食嘅你唔知會唔會好似我咁，時不時會係香港搵有冇分店。呢間「探魚」就係其中之一。佢係沙田都開左間分店，點可以唔黎試下呢。今日趁放假就過黎食個午餐，而且係一個人！冇錯，一個人都可以食到烤魚，而且仲價錢好抵果只。現時佢推出左好幾款「午市限定一人餐」，套餐$98就有烤魚食，好高CP值啊！今次試左「香辣味烤魚一人餐」，套餐包埋無限冰粉，你上深圳食果啲通通都有埋！98蚊上枱一樣一大盤，超驚喜！原本以為係得少少肉，估唔到係成一條原整嘅魚係度，魚肉新鮮嫩滑，而且配料十足，好多菜，仲有埋豆腐同豆皮。另外仲加左少少錢試埋兩款小食「爆漿鴛鴦滋粑」細細份，即煎即上，甜甜地又幾好味喔。「彭彭小酥肉」係細份左啲，但都唔錯。