憶食尚臘味煲仔飯

营业中

休息中

今日天氣剛好轉涼，正是吃煲仔飯最佳時機。來到位於柯士甸站的人氣煲仔飯名店～憶食尚，店鋪樓高兩層，環境雅致，個人特別欣賞地下座位與座位之間均隔了一塊屏風，令食客進食時可保持私隱。當然必點著名的廣式臘味煲仔飯。煲仔飯內有三種臘味，包括臘鴨，臘肉和臘腸。憶食尚的臘肉及臘腸均用上傳統工藝古法秘製，甄選散養300天的供港土黑豬腩條肉、豬脊背及後腿肉，三肥七瘦的黃金比例，以國酒茅台及頂級醬油調味，完全無添加。除了臘味高質，煲仔飯的靈魂當然是飯焦吧！憶食尚的飯底部會有焦香的鍋粑，飯又夠熱夠乾身，令人回味。除了煲仔飯，我們還點了甜蜜咕嚕肉及薑汁炒芥蘭。咕嚕肉以紫洋蔥，三色椒及菠蘿伴碟，酸酸甜甜，肉質新鮮，果然美味。薑汁炒芥蘭更是神來之筆！整碟芥蘭只用上芥蘭梗，爽脆嫰綠，加上蒜蓉，薑汁來炒，令芥蘭鮮甜無比，香味昇華至更高層次。最後一讚的是這裡居然可喝到坊間中式食店少有供應的玄米茶，而且還不另收取茶芥費用呢！

上次同老細拍拖拖去西九，路經文成街見到一間高檔煲仔飯，老細已經好有興趣試下。今日難得收早，就同佢食個early dinner啦！！睇佢門面同裝修真係唔似一間食煲仔飯嘅舖頭～但係原來佢真係主打自家製臘味🥰🤭全部臘味都係自家工場炮製，用咗醬香茅台同土豬鮮肉整㗎！我哋叫咗個廣東臘味煲仔飯、咕嚕肉同埋芥菜排骨煲。煲仔飯上枱一開蓋已經聞到好香，豉油同芫茜葱就自己落，一落豉油…好似啫啫煲咁“啫…啫…”聲，即刻香氣四溢～❤️👍🏻原來佢提供嘅煲仔飯豉油係頭抽，唔怪之得咁香啦！🥰😍個芥菜排骨煲又係正！！👍🏻啲芥菜軟硬適中，但仲保持到翠綠，排骨淋而不爛，最正係個湯底，有陣陣胡椒香味，好似飲緊胡叔豬肚湯咁～店員話因爲芥菜比較寒涼，所以用咗胡椒嚟驅寒，中國飲食文化真係博大精深，色香味同埋膳食健康兼備！🥰👏🏻👍🏻咕嚕肉不嬲唔係我杯茶（不過係老細至愛～🤭），但呢個咕嚕肉我都真係覺得唔錯，唔會炸得太硬，但又保留到少少酥脆，個糖醋汁仲可以拉絲～🤤😅忍唔住食咗幾舊～整體嚟講佢每一樣嘢都非常有水準，而且服務一流，配得上佢嘅高檔次格調！🥰🥰

最近天氣涼涼地，就相約朋友去食暖身的臘味飯。我覺得呢度嘅環境，舒適優雅的氛圍，枱與枱之間有薄紗屏風，屏風上有精美藝術圖案，作間隔用，感覺私人度高，可以好好哋享用美食😊🥓🥘 川味臘味煲仔飯 (HK$167/2人份)．一打開蓋巳香氣四溢，店員即時灑上蔥花、芫荽和豉油，撈勻啲飯來做簡單調味，但啲飯嘅味道不簡單，有濃厚的臘味鹹香味，好惹味😍．臘味就有川味臘腸，臘肉和臘鴨．川味臘腸是用散養300天的土黑豬，豬符背和前腿肉有二肥八瘦的獨特比例，有少少麻辣味，惹味之餘，食咗也唔怕肥👍🏻 ．臘肉片，層次分明，零肥膩感．臘鴨的鹹香也剛剛好．食咗15分鐘左右，店員又來幫手鏟起啲飯焦。Wow，飯焦竟然剛剛好，一點燶味都沒有！口感非常乾脆！🐓🥘 黑松露雞煲 (HK$157)．一打開蓋先聞到好香嘅黑松露味，店員就幫我哋撈勻煲𥚃食材．雞肉嫩滑也滿有鑊氣．煲𥚃的三色椒和紫洋蔥，切片，炒得鮮甜又軟腍😋．唯一挑剔位係雞件切得細件，食起上嚟比較多骨🥬🥘 芥菜排骨煲 (HK$117)．3款煲之中賣相最平凡，不過估唔到新鮮嫩口的芥菜，靚排骨切粒煮至軟腍肉甜，再加埋黃豆，這個食材組合係非常之美味，湯底清甜，我哋當湯咁飲晒😋🍵

憶食尚臘味煲仔飯位於佐敦文匯街22-24號地下2-4號舖係佐敦地鐵站A出口出，經過裕華國貨，向前行，直到渡船街過馬路煲仔飯係香港的美食之一秋風起，又黎到食煲仔飯的好時機佐敦廟街的大排檔，路邊擺放在火爐一鍋鍋暖笠笠香噴噴的煲仔飯又好味今日我就黎到有冷氣，坐位寬敞，地方乾淨的憶食尚臘味煲仔飯呢度食煲仔飯餐廳分地下同1樓2層樓下約4張檯，樓上有十張檯左右入座後職員會問你飲咩茶有鐵觀音，普洱，玄米茶係門口有餐牌同寫明至香，至純，至焦臘味煲仔飯，引到人流口水由於中午茶市黎，餐廳有午市套餐仲送滋補靚湯我叫左辣子雞丁$117雞肉炸得好脆口肉質係嫰唔會乾晒仲有花生同炸蒜非常美味👍乾貝柱上湯浸菜$88勁多乾貝柱上湯仲有蝦米非常好飲菜心非常爽壓軸出場招牌廣式臘味煲仔飯$167 ＜2人份＞用臘味之王的南安板鴨鴨的油份高非常香臘腸係用茅台酒同土豬肉製成非常多汁有酒香與眾不同五常米粒粒飽滿臘腸同鴨的油份精華浸晒落飯食飯前職員會幫你加蔥花同醬油令到成煲飯更香飯底的飯焦係粒粒金黃色 脆卜卜職員好有禮，勤快加水

踏入秋天，朋友第一時間帶我去食煲仔飯。起初以為是普通煲仔飯，到達餐廳後，驟眼看以為入了一間高級西餐廳。餐廳樓高兩層，以藍色為主調，配上西式的枱凳，每張枱上都有鮮花點綴，周圍還有鹿型圖案的屏風隔着，私隱到十分高，雅致的裝潢給人一種很舒服高級的感覺。我們點了港式臘味煲仔，跟據menu所寫，煲仔飯用上了「以茅台酒與土豬鮮肉秘製的臘味，還有南安板鴨和黑土種植的五常米，通過大火煲煮而成。」一打開飯蓋，店員淋上秘製豉油和蔥花，臘味的香氣湧出！一啖進口，臘味的油香滲入米飯中，配合埋飯焦，口感酥脆，臘味肉汁鮮香，層次豐富，果然是招牌菜！我們還點了瑤柱蝦米雜菜煲。以雞湯煮成的雜菜煲，內有西蘭花、小棠菜、娃娃菜和菜心等，加上瑤柱和蝦米提鮮，味道清新爽口，中和了臘味煲仔飯的油膩感！最後是椒鹽一口骨。排骨醃得入味，薄薄的脆漿配上椒鹽，炸得酥脆，肉質嫩滑多汁。飽餐一頓後，呷一口玄米茶。玄米茶十分甘甜，中和了煲仔飯臘味的油膩，很享受的一餐。

秋風起，想食煲仔飯嘅意慾又增強，所以搵到一間位於佐敦嘅煲仔飯專門店，呢間餐廳色調好吸引好有私房菜嘅feel仲有啲秘製臘味&臘腸買呢間主打川味臘味煲仔飯，所用嘅臘味與別不同，選用土黑豬三肥七瘦的黃金比例，食落真係唔會太重肥膩感，味道仲唔會好咸，用左國酒茅台&特製醬油，第一次覺得臘味係好食❤️至於臘腸，同樣都係用左土黑豬，其獨特之處就係加左野生花椒調味，味道同煲仔飯勁夾，煲仔飯有啲川辣味，仲有好多飯焦香，飯焦係食煲仔飯必備的，飯焦係脆卜卜，而唔係硬綁綁的薑蔥雞煲除咗煲仔飯出色，呢度嘅雞煲一啲都唔馬虎醬油完美地包裏住雞件，仲有陣酒嘅甜味，非常惹味薑汁炒芥蘭

店舖位於佐敦出名搵食地點之一，門面夠大絕對易搵！店面仲有啲即熱煲仔飯，自己係屋企都可以享受到🤩😆廣式臘味煲仔飯未上枱已經聞到香味聽到滋滋聲，上枱時店員會幫手灑上蔥花淋醬油，仲會撈好埋添，非常好服侍👏🏻👍講返個飯先，飯粒分明，煙韌香口，醬油味道不會遮蓋飯香，火喉同用料相當高質； 臘鴨香味同咸味一樣柔和，每啖都係濃縮鴨味😋港式既臘肉臘腸絕對係依個煲仔飯既靈魂，建議一定要去食一次😋😋😋芥菜排骨煲白胡椒湯底好夠味，淨食煲仔飯係會dry咗啲，配埋依個湯濕下口，good choice😆😆甜蜜咕嚕肉一如其名，甜甜酸酸，肉份量唔少，裡面仲有肉汁，刺激味蕾之選👍😋

唔一定要秋風起先食臘味既…之前係佐敦食飯…經過呢間餐廳見有煲仔飯食…其實想試好耐…因為感覺出名既煲仔飯都係香港區多。九龍區既感覺比遊客去多終於今日中午有機會過黎試下…望下餐牌呢度係用自家製作既臘味。咁當然點左個臘味煲仔飯試下。上網見到個咕嚕肉唔錯再加碟湯菜個煲仔飯即叫即做…黎到出哂煙未開蓋都聞到好香臘味既味道。呢道好細心…蔥茜都分開上方便走青既朋友。店員仲會問要唔要食飯焦…先決定落幾多醬油同d飯摷幾深…要留番d飯變飯焦煲仔飯有臘腸…臘鴨同臘肉。臘腸好香酒味又唔會過濃…好脆身。臘鴨同臘肉無個枕油益味…鹹味適中…肉質仲好軟熟…煲仔飯好乾身…粒粒分明。吸收哂臘味精華，口感豐富，味道鮮美。如果多d飯就好了唔只個煲仔飯…個咕嚕肉同湯菜都好好味…咕嚕肉外脆肉嫩…甜酸汁比例唔錯…好開胃…而且個汁收得啱啱好…每粒都包住醬汁仲可以拉絲湯菜個湯好清甜…有瑤柱同蝦乾…dd湯我都飲哂。菜芯都揀過黎…又甜又嫩除左野食同服務唔錯…呢度都幾闊落…咁而家唔使去香港區都有靚煲仔飯食

憶食尚有兩層，地下一層就係2-4人枱，上一層地方大一點亦有大圓枱，可以容納更多的人聚餐。燉湯沙參、玉竹、蟲草花、紅棗、元肉燉瘦肉，清潤清甜嘅湯水。廣式臘味煲仔飯熱辣辣送上枱，放上葱粒，加入豉油，飯粒口感清爽粒粒分明，每一口嚐到臘腸肉汁嘅鮮香 ，臘腸臘鴨臘肉三款，有三款口感層次豐富，最後重點係食飯焦，非常之酥脆。甜蜜咕嚕肉三色椒、紫洋蔥、我最愛食嘅新鮮菠蘿，咕嚕肉酸甜炸得鬆脆，好開胃嘅一碟餸。瑤柱蝦米雜菜煲江瑤柱、蝦米、西蘭花、小棠菜、娃娃菜、菜心，飲到雜菜煲內嘅湯都好清甜。

見終於有少少涼，就同屋企人去食煲仔飯。呢間裝修幾好，有2 層樓，座位都幾寬落😃2個人order 3個餸✅份量都唔細，其實都幾飽🤭廣式臘味煲仔飯🍲🍚秋風起🍂係要食煲仔飯🍚有臘腸、臘鴨、臘肉！餸都幾多，幾乎鋪滿哂成個飯啊！！！🤤芥菜排骨煲😋清清地又幾鮮甜👍🏻平時少食芥菜🥬估唔到又幾好食🤭川椒麻辣雞煲🐓少少辣🌶️Spicy勁惹味🌶️🤤全部都係大大舊雞肉，食落肉身好juicy😋

🇭🇰夠曬鑊氣｜臘味煲仔飯🇭🇰 想食煲仔飯 推介可以搵下佢😝真材實料之餘 夠曬鑊氣🥰仲有其他特色嘅中菜 例如 #黑松露雞煲/🌟整體🌟✔️職員服務態度好好👍🏻✔️真材實料 煲仔飯有埋別具特色嘅南安板鴨🤤✔️有加一/🍲港式臘味煲仔飯🍲 $167✔️好耐冇食過咁有鑊氣嘅煲仔飯🤩飯粒 粒粒分明 仲要有飯焦 十分香口😍✔️有三款臘味 土豬肉肥瘦剛好 充滿油香🤤評分：4.6/5🍍甜蜜咕嚕肉🍍$107✔️酸甜酸甜 十分開胃😋✔️咕嚕肉炸得香脆 但唔油膩評分：4.6/5🥬上湯生菜🥬 $87✔️生菜掛湯 幾滋味評分：4.5/5/推介想食中菜/煲仔飯嘅大家🥰回頭指數：4.6/5
食物質素：4.5/5
性價比：4.5/5環境：4.4/5人均消費：HKD 150-200📱搜尋:#Foodxxe_憶食尚💻分類:#Foodxxe_restaurant多謝您睇到呢道❤️⚬⚬今次去嘅店鋪資料⚬⚬地址：佐敦文匯街22-24號地下2-4號舖電話：3590 9933

打完風又黑雨天氣都開始轉涼，去完Elements沿天橋黎到渡船角食煲仔飯。裝修舒適優雅，坐低先點茶，我地點左中餐少有既玄米茶，炒米味芳香，降壓降脂椒鹽一口骨炸蒜粒超香，椒鹽一口骨炸得夠乾身，一咬離骨幾酥脆。土雞板鴨煲仔飯板鴨皮薄肉嫩，土雞滑溜，店員加埋蔥粒芫荽、醬油拌勻，土雞板鴨既油香浸透每一粒飯粒，正到不得了！ 飯焦焦香又脆口。芥蘭炒臘味臘腸以3肥7瘦比例，用左茅台酒、土豬鮮肉調製，濃厚酒香。臘肉用上豬肋腩肉部位，爽口唔咸～芥蘭同樣係薄切片，鮮嫩清甜，配埋臘味既油香，真係食唔停口

朋友知我喜歡吃煲仔飯，介紹我來這裡試試，起初以為他帶我去街邊小店，進來才知不是！餐廳環境很舒服，員工態度又好👍🏻我們點了以下菜式：廣式臘味煲仔飯:以臘腸、臘肉、臘鴨等配上米飯，再以特製調味料調製而成。這道菜的獨特之處在於使用砂鍋煮飯，讓米飯吸收臘味的香氣，同時保持口感的軟硬適中。甜蜜咕嚕肉:這道菜以鮮嫩的豬肉塊為主要食材，配以甜酸口味的醬汁炒製而成。香脆的外層和嫩滑的內部，給予豐富的層次感。瑤柱蝦米雜菜煲:這個雜菜煲甚有驚喜，蔬菜的鮮甜和瑤柱蝦米的鮮味與高湯融合，形成濃郁的湯汁，讓整道菜餚的口感豐富而美味。朋友果然冇介紹錯，這𥚃值得一試。

心血來潮好想食煲仔飯😅但係咁熱又想搵間坐得舒服，可以慢慢食嘆下冷氣既餐廳，係我誤打誤撞之下，就發現左呢間主打煲仔飯同埋粵菜既餐廳🤩餐廳有兩層，裝修都幾時尚有格調，上層枱同枱中間仲有個屏風，可以分格開枱同枱，感覺幾有私隱度🫣佢除左煲仔飯出色，小菜都一樣有水準，真係值得再番兜🤫.👁‍🗨廣式臘味煲仔飯(7.5/10)💲167.➰煲仔飯面頭有臘肉，用左特色茅台酒調味既臘腸同埋臘鴨，排得好靚好整齊🙃職員仲會幫你倒啲蔥同埋頭抽落個飯度😇臘腸同臘肉食落吾會覺得好肥多油，臘鴨就相對比較咸🥲成個飯沾左臘味既油脂香味，再配埋頭抽，真係好香口，仲食倒米香味☺️重點佢既飯焦真係不得了，非常脆口，又吾會覺得硬身😍.👁‍🗨甜蜜咕嚕肉(7.5/10) 💲107. ➰ 佢都算係數一數二好食既咕嚕肉😋甜酸度做得恰當好處，因為平時坊間有啲會落好多醋，搞到食落太酸🥹但佢呢個係甜同酸之間取得平衡😂啲肉睇雖然細細舊，但係食落成碟既份量都幾多，而且炸漿吾厚，食落有啲都幾脆身juicy😎當然，其中一個重要既配角-菠蘿，份量都有吾少😝.👁‍🗨 芥菜排骨煲(7/10) 💲117. ➰如果鍾意胡椒味既人，應該會岩呢道小菜😂佢個湯底主要係胡

我哋同隔離嗰枱6點半前已order 但係等咗成個鐘都冇食物, 叫咗個咕嚕肉但係見到其他遲過我哋嚟嘅客人都有,叫佢哋去跟佢哋又話整緊, 搞嚟搞去原來係冇落單, 隔離枱見到我哋追單佢哋都忍唔到問個經理,最荒謬係佢哋係最早嗰枱落單order咗個椰子雞, 人哋等咗成個鐘個經埋先走嚟同佢講話依樣要預訂無得order💩 真係唔明佢哋落單嗰陣時點解會搞錯, 諗住早啲六點幾鐘去唔使等好耐, 真係唔明冇乜人得幾張枱都搞到亂曬籠, 最後費事廚房加料唯有走人去對面食點心, 幫襯開堅尼地城嚐囍人哋幾十人門口排隊等都唔會咁冧檔, 呢間嘢真係冇下次