憶食尚臘味煲仔飯

营业中

休息中

煲仔飯同火鍋一樣係夏天都可以食🤭今日去左佐敦呢間餐廳試下煲仔飯我地兩個人叫左三款食物🥢排骨臘腸煲仔飯煲仔飯香氣十足 加左蔥花同豉油撈埋一齊香氣增加唔少 排骨好好肉 肥瘦適中 正呀！而臘腸切左片 同樣好香口 好喜歡飯粒煙煙靭靭 底下飯焦卜卜脆🥢甜蜜咕嚕肉咕嚕肉顏色豐富 咬落肉質軟腍 吸收哂酸酸甜甜嘅醬汁 咕嚕肉夾起仲拉絲架😍🥢上湯菜心菜心新鮮 仲有啲蝦乾瑤柱絲 令到個湯好鮮仲唔油架！餐廳坐位舒服 環境令人舒服👍🏻

📍 憶食尚臘味煲仔飯（佐敦）夏天既特色，當然食個煲仔飯賀一賀佢，臘味飯不可少，最愛既煲仔飯😍晚上飲個茶，爽到爆😊可以揀稀有既菊花茶🫖🔸廣式臘腸排骨煲仔飯火候控制得好好，有飯焦，香脆但唔會食到燶味，口感卜卜脆，醬料的香氣，也有一點焦香，臘腸不過不失，足料，排骨都好嫩滑，肉偏多👍🔸小炒皇我本身都好鐘意呢道菜，味道鹹香送酒一流既小菜，炒得唔油，韭菜好味，鑊氣十足👍🔸娃娃菜一上枱熱辣辣，己經好吸引，咬落好爽脆清甜，正👍

文匯街潮派中菜，北歐風格湖水藍綠為主，優雅舒服，主打絕色煲仔飯及小菜能保留傳統水準🌿有這三款茶（菊花茶、玄米茶、鐵觀音）我哋揀咗✨玄米茶✨淡然茶香，食煲仔飯配這個茶較為溫和🥢川味臘腸滑雞煲仔飯整煲材料十足，四季佳吃，加上暖胃的高脂食材臘腸片微微香辣惹味，分泌出油香滲入飯內，食到最後微焦的飯底，脆口香濃美味層次豐富！🥢甜蜜咕嚕肉呢個傳統菜式粲然可觀，一些三色椒🫑及菠蘿結合，豐富嘅甜美蜜汁包住每粒肉，外脆內嫩，肉汁鮮嫩，有水準最後加咗碟＂娃娃菜＂以下清湯上清淡得來可解膩，配搭蒜片、瑤柱和蝦米可點綴其中，增添了味道

過咗秋天但有時都會想食返次煲仔飯，今次揀咗間裝修好舒服，似高級粵菜餐廳，去完M+唔去圓方食都可以行遠少少去呢邊睇睇。入座後可以挑選茶品，今日有得揀鐵觀音同菊花茶，揀咗菊花茶，清香又下火，花味唔會浸到過苦。💡茶介 $15位💡椒鹽一口豆腐 $107椒鹽好香，挾落唔會易碎，同時炸皮又唔會太硬，剛好金黃色。入面仲係好滑嘅豆腐，可見廚師功力！💡川味臘腸滑雞煲仔飯 $168 上完煲仔飯，店員會好主動幫手落蔥同豉油，仲會撈埋啲飯。川味臘腸係帶川辣香味，唔會話辣到搶晒蠟腸原味，仲同原本嘅鹹香味好夾，雞件好嫩滑，食起上嚟仲啖啖肉。而我最最最鍾意仲係個飯焦，焦香味好夠，本身用上湯煮過，味道更豐富，重點係唔痴牙！有時食飯焦食到卡住飯粒係牙入面，但呢度仲保留到香脆！💡芥菜黃豆排骨煲 $117芥菜陣味未必係人人鍾意，但其實好有營養，用胡椒湯底都有幫手去走一部份味道，比平時嘅更易入口。排骨好腍，湯底又甜，清清地嘅選擇。

呢间店嘅煲仔饭真係好食到爆，每一粒米都煲得恰到好处，又香又滑，仲有嗰种特别嘅锅气。配料都新鲜得嚟，份量足够，真係物超所值。除咗食物好食，呢间店嘅环境都好舒服，装修得好有格调，坐落度食饭感觉好享受。而且服务员嘅服务态度都好好，好有耐性，有求必应，真係做到客户至上。总体来说，呢间店嘅煲仔饭同服务都一流，真係值得推荐。而家呢间店仲有双人套餐，价格都好合理，两个人一齐去食真係好抵食。套餐嘅选择又多，无论你想食咩都可以揾到，真係好方便。总之真心推荐大家去试试，绝对唔会失望嘅！

好耐冇食煲仔飯都會想食下，今次黎到佐敦呢間餐廳，試下佢個煲仔飯😍😍😍 距離柯士甸站出口1分鐘，一出站超快望到👍🏼我哋叫咗個臘味煲仔飯，上菜嘅時間都唔算好耐，一煲熱辣辣嘅煲仔飯就係眼前啦😍 職員幫我哋撈起個飯，個人比較鍾意食芫荽蔥，所以會加埋落去一齊撈，唔鍾意食嘅朋友仔可以唔加😊飯係我鍾意食嘅飯，因為佢唔係超淋，但係又唔係唔熟，係有咬口個隻，值得一讚，另外臘味嘅肉汁全部迫晒落個飯度，個飯超香😍😍👍🏼👍🏼另外再叫咗個咕嚕肉，同蒜蓉炒菜心，炒菜心好友廣式風味，每條都夠油同埋好多蒜蓉，炒出嚟超香😍 另外茶味方面有我最鍾意嘅菊花茶，可以清熱，唔使成日飲普洱茶鐵觀音嗰啲👍🏼

好耐無食煲仔飯啦🥹本身👦🏻好鍾意食的😝今次趁著星期六放假去左轉佐敦食呢間網上推介既煲仔飯店😋 不得不說 店舖環境裝修都幾grand😍 仲有包間可以岩曬家人朋友聚餐😎😎 呢間鋪既煲仔飯質素好高😍😍個咕嚕肉都係大讚👍🏻·🌟川味臘腸滑雞煲仔飯🐔🍲 $168推薦推薦！平時食開既廣式臘腸都係甜口的，第一次試川味感覺好新奇，佢係帶少少川辣既香味😍 連埋臘腸食成個感覺昇華左！越食越香😋雞肉一D都唔乾～飯焦脆卜卜😎😎 嗝⋯飽曬✋🏻·🌟甜蜜咕嚕肉 $98🤩🤩優秀的咕嚕肉！！！我覺得係我食過最好味的🤫🤫 外脆內軟，裡面真係唔會炸過頭，肉汁keep住！然後咕嚕醬好牽絲🤣 酸甜度剛剛好！厲害厲害😭😋😋·🌟瑤柱蝦米雜菜煲🍲 $88湯底鮮甜 瑤柱同蝦米香味好出😍 D菜唔會太淋😝 健康健康😌😌👍🏻·評分🪄 (滿分5🍑)人均：$220 up味道：🍑🍑🍑🍑環境：🍑🍑🍑🍑🍑性價比：🍑🍑🍑🍑服務態度：🍑🍑🍑🍑🍑回頭率：🍑🍑🍑🍑•📍憶食尚臘味煲仔飯 (佐敦)佐敦文匯街22-24號地下2-4號舖🚇柯士甸站A出口步行4分鐘

講到香港美食，煲仔飯一定入圍！👑呢間煲仔飯裝修到中菜館咁，圓枱設計座位都幾闊落，每個座位之間都有個屏風，幾有私隱度！一坐低店員就會問你飲咩茶🍵，佢有菊花茶、玄米茶同鐵觀音可以揀～嚟呢度梗係試佢哋個煲仔飯，淨係煲仔飯都有成六款可以揀，小店嘅煲仔飯用上自家製嘅臘味，對食材同埋醃製嘅方法都非常有講究，最出名係佢哋嘅臘腸，用散養咗一年嘅土豬肉，按照三肥七瘦個呢個黃金比例製成，肉質鮮美紮實！煲仔飯叫即煲，建議嚟到嗌咗先，製作都要啲時間～佢仲有啲高質食材製成嘅菜式小炒，配搭都幾新鮮好吸引，好似黑松露雞煲，XO醬拌麵嗰啲，下次都可以試！------------------------------🥓◖廣式臘味煲仔飯◗ $167佢有二人同埋四人份量可以揀，呢個係二人份量，份量好大夠足料！佢哋自家製嘅臘味係用茅台酒同土豬鮮肉製成，加上南安板鴨，米飯就係黑土種植嘅五常米，經過大火煲煮，令到啲臘味香氣同埋肉汁心滲入啲飯入面，米粒飽滿粒粒分明，索晒啲臘味肉汁，夠油香！煲仔飯個底仲有啲酥脆嘅飯焦，超脆超香，必試！🐖◖芥菜排骨煲◗ $117呢個排骨煲都大大煲，排骨都有十嚿八嚿，肥瘦均勻，冇雪藏味豬肉味都幾濃郁，食落

🌟 一向好鍾意食煲仔飯，有朋友揸車車我去佐敦嘆住冷氣食煲仔飯，「憶食尚」係一間傳統中式酒家，入嚟就感覺環境好好。。。。。。。。。。。。。。。。。。🥘臘鴨、臘腸、臘肉煲仔飯臘味賣相好得，而且全店臘味都是自家秘製，難怪味道那麼惹味；還有侍應超好服務，幫忙沈蔥花、淋鼓油、撈勻刮埋飯焦；重點飯焦係脆口，真心抵讚，回味無窮∞🥬芥菜黃豆排骨煲非常新鮮嫩綠芥菜，非常軟腍嘅排骨，配合胡椒湯底，超級惹味可口😍🫑甜蜜咕嚕肉酸酸甜甜令人胃口大增，肉質鬆化啖啖肉，伴碟嘅青椒、紅椒、洋蔥清甜爽口，賣相繽紛吸引🤩🤩總括嚟講，雖位置有點不方便，但係食物質素足以令我覺得值得專登嚟食，一定會再嚟幫襯。

岩岩去完九龍站睇戲，行番出去佐敦渡船角附近食野，見到有間門面幾靚叫憶食尚，點知原來係食煲仔飯即時興趣大增。由於只係食Lunch，所以只係叫左臘腸滑雞煲仔飯、甜蜜咕嚕肉同埋薑汁芥蘭。首先上菜係甜蜜咕嚕肉，咕嚕肉無骨啖啖肉，皮脆肉嫩，食落去無豬騷味，肉質又無霉，證明係新鮮肉。而甜酸醬調得岩岩好，唔會過甜或酸，食落去都幾開胃。之後就係薑汁芥蘭，芥蘭切薄片盡顥刀功，另外揀選左比較嫩的部份，芥蘭夠爽口而無渣。配上濃稠的薑汁加薑粒，令到薑汁包圍每一片芥蘭。最後就黎到主角煲仔飯，呢度的煲仔飯都幾講究，由米種到臘味，甚至去到豉油都係精心調製。米種係選用黑土五常米，煮到粒粒分明而有米香。臘腸用川式手法，用上散養300日的黑豬肉以傳統古法秘制，揀選豬脊肉及前腿肉，以二肥八瘦的黃金比例，以國酒茅台及野生花椒調味。講真唔係吹水，係香港未試過食到呢種臘腸，由於二八比例，所以唔算好肥但又唔鞋，最特別係食落去有濃郁的酒香同麻辣的味道，同時滲透埋係煲仔飯當中，配上經過兩年半至三年生曬發酵的頭抽，整個煲仔飯的味道有層次及複雜，加埋餣得岩岩好的滑雞及好似米通咁脆的飯焦，非常滿足，值得推介大家黎試下!

🌟港鐵柯士甸站 4分鐘路程🌟#煲仔飯 #憶食尚 #佐敦煲仔飯係香港歷史悠久ge特色美食 雖然烹調方法唔難 但要整得好食 都要有技巧呢日黎到呢間 有中西合璧裝潢ge餐廳 湖水綠色 🫣兩個人黎 叫左一個煲仔飯 兩個小菜🌼廣式臘味煲仔飯- 臘鴨脾 臘腸 臘肉 陣陣鹹香味！- 白米煮熟後唔會太硬太乾 - 有店員幫我地撈勻佢 重點係個煲仔飯豉油 完全係精華所在 仲有瓦煲好夠熱 有脆卜卜飯焦 🫶🏻🫶🏻🌼甜蜜咕嚕肉- 咕嚕肉好食 麵粉唔會包得太厚 咬落唔會太厚粉- 加埋彩椒 正！🌼上湯田園時蔬

心血來潮想食下煲仔飯😂😂google search見到近近地就去下~淨係食臘腸唔食潤腸嘅我表示哩個廣式臘味煲仔飯好合我心意😚👍🏻👍🏻佢哋嘅臘腸唔係出邊連鎖店嗰種會有啲酒精味，唔識形容 但就係好食到會想買孖返屋企嘅感覺😂😂咕嚕肉真係好甜，甜到可以拔絲嗰種🐝🐝仲要做到外脆內軟~鍾意食甜嘅話一定要叫!💸💸廣式臘味煲仔飯 $158甜蜜咕嚕肉 $98瑤柱蝦米雜菜煲 $88📍憶食尚臘味煲仔飯地址: 佐敦文匯街22-24號地下2-4號舖

呢間其實黎食過幾次地點係唔太就腳既但如果邊日去開圓方行又想食煲仔飯既話極度推薦你過黎附近憶食尚食特別鐘意食飯焦既你🫶🏻🌟廣式臘味煲仔飯好鐘意d臘腸 聽講係自家製唔食好硬又唔多肥脂肪每一口都好香油香 襯飯食一流而飯粒一粒粒好乾爽唔會濕而我最鍾意佢既飯焦飯焦好香脆 超有咬口而且唔會好痴牙每次黎我都好鐘意刮佢既飯焦🤣因唔係間間都可以刮到咁乾淨 大推！🌟甜蜜咕嚕肉炸得好脆，熱辣辣上枱，外脆內軟😚唔會太甜 重有最愛既菠蘿🌟瑤柱蝦米雜菜煲係可以連湯飲既雜菜煲，清清地飲落去好舒服 重有瑤柱蝦米吊一吊味令味道唔會咁寡☺️🍀總結大推煲仔飯，好鐘意d臘味 絕對可以媲美深水埗/油麻地既煲仔飯 重要唔係燶曬底 大讚👍🏻小菜都好出色 環境坐得又好舒服 推薦！

 佐敦呢間煲仔飯專門店，店家話有自己工廠，所以臘腸臘肉都系自己人手整既，有保證！ 甜蜜咕嚕肉98HKD呢道菠蘿咕嚕肉非常正宗，肉塊炸既酥脆但不油，料汁酸甜濃稠，彩椒火候正好，幾脆口，帶有菠蘿香。川味臘腸滑雞煲仔飯 168HKD招牌煲仔飯！店家推薦，仲好貼心問我地食唔食得辣。川味腸好好味，香料既香，花椒既麻口味調配既岩岩好，雞肉好滑嫩，米飯粒粒好入味！食到最尾仲有適應姐姐幫手整飯焦，服務一流！芥菜排骨煲 108HKD煲仔飯焦脆熱辣，芥菜排骨煲就下火，滋補。排骨燉既軟爛，有肉香，湯底有黃豆，芥菜，好飲！

香港探店｜佐敦｜中菜｜憶食尚臘味煲仔飯今晚來到這家憶食尚臘味煲仔飯，品嚐了廣式臘味煲仔飯、瑤柱蝦米雜菜煲、還有甜蜜咕嚕肉，真是一份饗宴！煲仔飯的飯焦超香脆，每一口都讓人忍不住咀嚼，而且菜式非常地道，讓人彷彿置身於香港小巷中。更重要的是價格實惠，讓人吃得滿足又不心疼荷包。環境也很舒適，讓人可以盡情享受美食和氛圍。——————為食分界線——————📍 憶食尚臘味煲仔飯 (佐敦)佐敦文匯街22-24號地下2-4號舖人均消費： $200#廣式臘味煲仔飯 #瑤柱蝦米雜菜煲 #甜蜜咕嚕肉 #煲仔飯飯焦好吃 #地道港式美食 #實惠美味 #舒適用餐環境 #香港美食 #中環美食 #煲仔飯控 #瑤柱蝦米控 #港式美食 #快樂用餐 #美食分享 #foodie #delicious #yum #instafood #foodpic #foodphotography #foodlover #foodstagram #foodgasm #foodblogger #hkfoodie #hkfoodblogger