憶食尚臘味煲仔飯

营业中

休息中

最近開始有啲涼意，除咗食蛇之外煲仔飯亦係一個唔錯嘅選擇，講開煲仔飯自己鐘意食呢間。今次同朋友一行兩人嚟到，餐廳係地鐵站附近，行過嚟大概十分鐘左右，而且附近仲有公眾停車場，所以交通非常方便。黑松露雞煲 ($167) : 除咗食煲仔飯，重叫咗個小菜過下口癮，打開蓋就已經聞到陣陣嘅黑松露味 😍 雞肉肉質嫩滑，配搭三色椒、洋蔥等配菜，味道濃郁又鮮甜，估唔到黑松露醬配雞煲呢個組合都幾正。廣式臘味煲仔飯 ($177) : 煲仔飯足夠有兩人份量，上枱後職員就會加入醬油同撈勻煲仔飯，服務非常好。每款臘味都好高質，臘肉同鴨肉鹹香味十足，臘腸亦油香滿溢，而煲仔底部仲有大量脆口嘅飯焦，呢個煲仔飯用色香味俱全嚟形容就最適合不過。瑤柱蝦米上湯時菜就咁睇落去似係普通菜式，但係入到口就知係另一回事，菜心爽脆不在話下，上湯用咗瑤柱、蝦米、薑片等等煮成，所以非常甘甜，估唔到普通一個菜都可以煮到咁出色。意猶未盡嘅話，仲可以買埋外賣返屋企嘆或者當手信送俾親朋戚友亦係一個唔錯嘅選擇。

一直睇openrice呢閒個煲仔飯好高評分 同埋環境都幾好 於是路過佐敦就黎試下 平日夜晚去得早唔需要排隊 不過走既時候大概8點幾樓下有幾多人排隊等緊 係一間樓上鋪 環境很好 座位都闊落 比較安靜 服務既姐姐同姨姨都好Nice 熱情推薦同介紹菜品 都建議我地提早落定一個煲仔飯先 因爲係即刻煲既 於是我地落左個特式臘味煲仔飯(中) $177有臘腸、臘鴨、臘肉，一黎到開蓋十分熱辣辣 撈埋豉油同埋臘味既油香 好香口開胃🤤芥菜排骨煲 $137好足料 湯底好清 排骨分量都好多 湯底好鮮美 飲湯一流櫻花蝦金銀絲 $167又係另一個煲 蛋絲加芽菜絲 撈埋櫻花蝦 最緊要夠熱辣辣 十分香口下飯反沙芋頭 $98全場最期待既甜品 真係好好味！宜家都好少地方可以食到呢味甜品 功夫菜品 雖然熱量有些爆錶 不過冬天正是堆積脂肪的好時候 不會覺得好膩 非常好味總體而言 每一道菜都是即整 熱辣辣 適合曬冬天日子 同家族聚餐 多人分享~

天氣開始轉涼，最適合食熱騰騰嘅煲仔飯😋今次揀咗一間位於佐敦叫「憶食尚臘味煲仔飯」食煲仔飯😍十分之有驚喜😚 餐廳裝修優雅舒適，每枱有屏障隔離，私隱度高👍🏻餐廳除堂食外，都有售賣臘腸和自家製煲仔飯🤩川味臘腸煲仔飯 $177必吃✅煲仔飯一上枱，店員會幫我地落芫荽蔥和豉油再攪拌，服務周到😝有臘鴨、臘腸和臘肉，臘味由港式茅台醃製，所以食得出分別，三七肥瘦，肉香好惹味，爆汁高！煲仔飯一粒一粒，火喉控制得好，飯焦香脆脆茄子排骨煲 $157一打開瓦煲香氣四溢，好吸引🔥軟嫩嫩的茄子，口感似小海綿，混合埋排骨肉香，惹味又香口❣️食完好暖胃，好滿足蔥花蝦球炒蛋 $167經典菜式😋蝦球數量多，每隻大大隻，口感彈牙爽口，配上軟熟嫩滑炒蛋和香蔥花，有口感，好食🤤最後我哋揀了玄米茶，味道香濃又有口感，消滯又可減低膩感😆配煲仔飯一流📍 憶食尚臘味煲仔佐敦文匯街22-24號地下2-4號舖

約朋友去油尖旺區食飯，多數會諗旺角、尖沙咀/油麻地，經常性忽略左佐敦既美食。今次執到寶，遇見一間乾淨企理、而且裏面設計幾靚既中式餐廳，仲要有兩層。人頭湧湧，lunchtime要等大約15分鐘先有位。每個座位隔離都有中國古色既屏風做遮擋，幾有自己私人空間👍🏻秋風起了，最適合食暖笠笠既煲仔飯，而呢到都有😍我recommend ⭐️。廣式臘味煲仔飯 ($177) ⭐️成個煲仔飯好大，大約兩人份量。未開始加入醬油既時候，打開嗅已經覺得好香，當職員幫我地撈勻煲仔飯之後，更加色香味俱全。上面既材料廣式鮮肉臘腸充滿油脂，臘肉有住濃郁既鹹香味，南安板鴨肉質非常實，但會越嚼越香。而飯底有飯焦，食落粒粒分明之外，更加好脆口，因為白飯吸收了臘腸臘肉香味和油分，一濃一淡，好滋味可口。。芥菜排骨煲 ($137) 湯飲落有少少甘甜之外，有少少辣口。排骨煮得好淋身，而且有唔少芥菜係湯裏面，飲完成個人好暖身之外，更加可以減低返頭先食煲仔飯既油膩感覺。。甜蜜咕嚕肉 ($127) 甜酸味好足夠，而且每粒咕嚕肉都好掛汁，直頭係啖啖肉，份量都好多，口感好有層次。。茶芥 ($15/位) 回頭指數: ⭐️⭐️⭐️⭐️食物質素: 🌮🌮🌮🌮服

天氣凍想食煲仔飯，喺openrice搵到呢間多好評，環境睇落又乾淨，星期六晚就去試下點知原來好多人去食，冇諗過要book位，餐廳又冇限時（其實係好事黎，唔洗食咁趕），所以要等好耐……我地6點9去到留電話，話7點幾左右應該到我地，但一等就等到8點都仲要等多幾張枱……一直到接近8點半先有得入座……附近又冇野行，好彩有兩張凳可以坐下……建議餐廳擺多幾張凳比等位嘅人坐入座前已經叫定廣式臘味煲仔飯（二人份），入座後等咗一陣就有得食但……等位等咁耐真係好失望！1. 侍應拎個煲仔飯上枱，一打開個蓋，竟然冇臘味香味飄出黎？！2. 臘肉臘腸臘鴨味道正常，但居然一啲油香都冇滲入飯入面!!!!!感覺上臘味還臘味，飯還飯，兩樣分開煮完之後擺埋一齊咁！煲仔飯叫臘味唔係就係想食臘味油香同飯撈埋一齊嘅感覺？味道試已經大扣分，失望！3. 啲飯生！好硬！味道唔好都算，連基本整熟都做唔到……4. 飯焦唔算多，但其中一邊嘅飯焦直頭又黑又碎到似鑊撈，唔係一塊塊，而係碎到一粒粒5. 份量少！又話二人份，但食完唔多夠飽呢到優點係乾淨企理，坐得好舒服，侍應有禮，廁所都整潔但唔好食，下次唔會再黎亦唔會推薦比朋友

秋風起，最好食乜？當然要食臘味，同最殘忍嘅飯，煲仔飯，我同老公咁為食，梗係要四圍搵好嘢食啦！🤣🤣🤣憶食尚臘味煲仔飯地址：佐敦文匯街22-24號地下2-4號舖廣式臘味煲仔飯 （二人份量）$167單睇賣相已經好吸引，佢有臘鴨，臘腸，同腦肉，上枱時，服務員哥哥會先幫我哋落芫茜、葱同豉油，我攪好比我哋食，如果大家唔食芫茜同葱可以同佢哋講，之後我哋就先食飯，仲有最香嘅飯焦，大家唔好咁急食，因為食到差唔多時，服務員哥哥會行過嚟幫大家整起飯焦，咁大家就可以慢慢享用成個煲仔飯，講真佢嘅臘鴨真係幾好食，連平時唔食嘅我，我都食咗好多，成個飯滿佈晒全部臘味嘅油香，加埋佢哋秘制嘅豉油，真係好食到唔停得口。😋😋😋辣子雞丁 $117唔算好辣同好咸，雞丁表面夠晒乾身，但肉質好juicy，要特別一提佢入面嘅花生，真係好好食，夠脆，又香，我哋食到真係冇剩。😆😆😆芥菜排骨煲 $117呢個真係冇得輸，連我老公最怕食芥菜同飲芥菜湯嘅人，佢竟然主動自己去食，仲要我整定碗湯比佢，等佢食完飯飲，講真呢個係唔係湯我唔知，但我哋連佢嘅湯都飲晒，一滴都冇剩，就知幾好飲。佢嘅湯超清甜，完全冇芥菜嘅苦澀味，仲有胡椒味，講真，我真係覺得排骨即

天氣開始轉涼，係時候食煲仔飯啦～朋友帶我去佐敦一間叫「憶食尚臘味煲仔飯」食煲仔飯😍。❤️廣式臘味煲仔飯用上南安板鴨、臘腸和臘肉三種臘味製成的煲仔飯，一次過滿足你三個願望！😍飯亦絕不普通！用上五常大米，口感似珍珠米，細細粒。侍應將蔥和頭抽倒入煲仔飯裏再用匙羹🥄拌均。煲夠晒熱，食到脆脆的飯焦😋。冬天食煲仔飯真係勁正！😍😋食完好暖胃，成個人暖晒～🥰最令我驚喜嘅係當我地就快食晒見到煲底嘅時候，侍應主動走過黎問我地洗唔洗幫我地加d湯落去令我地可以食埋d飯焦，我地估唔到餐廳竟然有提供呢d服務，當然立即說好👍🏻！嘩！重估唔到嘅係，煲仔飯再上枱時倒左d熱騰騰嘅湯，熱到食嘅時候爭d辣親嘴！除左煲仔飯，呢度重有好多其他菜式。❤️甜蜜咕嚕肉咕嚕肉的甜酸醬有「拔絲」效果，外脆內軟，很有口感。配上紫洋蔥🧅、紅黃綠色的燈籠椒🫑、菠蘿🍍等配菜，有菜有肉，色彩繽紛，色香味俱全！👍🏻👏🏻❤️上湯田園時蔬菜心十分清甜爽脆無渣👍🏻，浸在上湯裏十分入味，配上蒜片、蝦米和瑤柱，入口好香。茶位 $15/位嗌左菊花茶。打開茶壺🫖見到菊花鋪滿水面，好足料！花香盈腔～☺️食完煲仔飯飲啖菊花茶正好清清熱氣～👍🏻

天氣開始轉涼 唔知大家會諗到食咩呢？本豬今日同朋友嚟到佐敦一間煲仔飯暖一暖個身ʕง•ᴥ•ʔง唔好俾google呃咗呀 星期一都開的kekeke✧ 川味臘腸滑雞煲仔飯（$177二人份）落單時會問我哋食唔食芫荽同蔥🌿本豬唔鐘意芫荽但朋友想食就問有冇得另上答案係冇嘅 因為上菜時會幫你落埋配料撈埋個飯🥣唔食辣嘅朋友可以將臘腸燒法由川式轉做廣式🌶️但其實辣味係喺條腸度唔係喺飯度開蓋嘅第一個反應係個煲仔飯用珍珠米🍚珍珠米粒粒分明比較硬但本豬覺得珍珠米比較襯日式嘢所以食落都係想要返啲軟糯啲嘅米由於個煲係二人份所以比較大啲飯因此放得散啲 雞油/臘腸味較難滲透到每粒飯入面🐔食落就比較似豉油撈飯而豉油係咸豉油 仲有啲薑味～臨尾侍應哥哥好熱心問我哋飯焦食唔食幫我哋刮好哂 呢個服務態度算係扳回一城但整體嚟講本豬覺得有啲overpriced lu…( ˘･з･)✧ 甜蜜咕嚕肉（$107)個芡打得好厚夾起嗰下拉絲拉到個人咁高咕嚕肉皮唔脆但甜酸味控制得ok✧ 瑤柱蝦米雜菜煲（$107）雜菜用咗3種菜：西蘭花、娃娃菜、小棠菜🥦蝦米偏大粒又炒得好香🦐瑤柱切得有啲細 食到後段落咗湯度好難夾返起🥢呢個湯夠味得嚟唔會太咸

近日天氣轉涼，最好就係食煲仔飯啦，有暖笠笠的感覺。今日就去了佐敦一間煲仔飯專門店食午飯。飯店位於地鋪，入門已看到一排陳列架，放滿有關臘味的食物，如臘肉和臘腸等。入內樓下座位不多，每個座位都有屏風間隔，私隱度高，還有吊燈裝飾，佈置以綠色為主，很有歐洲的感覺。而每份餐具都有不同圖案，相當用心。樓上地方比較大，座位也多。我點了-廣式臘味煲仔飯2人份飯面上有切好的臘腸、臘肉和臘鴨各一排，店員會落蔥花及特製豉油，撈勻飯後給客人食用，十分體貼。臘味香氣十足，臘味油脂沾滿飯上，很好味。煲底有層飯焦，店員會建議用湯將飯焦再滾煮一下食，湯和飯焦味道和口感都一流，我全部都食曬。-甜蜜咕嚕肉咕嚕肉每件夾出來都有拉絲，而配料有三色椒，紫洋蔥和菠蘿粒，十分豐富。-瑤柱蝦米雜菜煲有西蘭花，娃娃菜和小唐菜，仲有蝦乾等，湯底味道很清甜。

比較少去佐敦，今日因為去探朋友，於是跟朋友去了一間專門食煲仔飯的餐廳。它有兩層高，除了堂食外，也售賣一些海味和臘腸，還有自熱煲仔飯呢。餐廳環境高雅，枱與枱之間設有屏風，私穩度高。*🏅廣式排骨臘腸煲仔飯（$177）煲仔飯上枱時熱騰騰，店員為我們灑下芫荽蔥，然後淋下豉油，立即香氣撲鼻。排骨是肉排，無骨厚肉，臘腸是這餐廳的特產：港式茅台鮮肉臘腸👍，咬在口裏除有肉香還有陣陣茅台酒香味，三七肥瘦比，爆汁感強，確是與別不同。煲仔飯吸收了油脂，美味可口。煲底還有香脆飯焦，店員主動幫我們刮出來，服務周到。*🏅甜蜜咕嚕肉（$107）咕嚕肉有拔絲效果，酸甜開胃，配料特別豐富，有菠蘿、紅黃綠三色椒和紫洋蔥，色香味俱全。*🏅瑤柱蝦米雜菜煲（$107）雜菜煲看似普通，可是當喝一口湯就知它真材實料，瑤柱、蝦米和蒜片熬出鮮甜無味精上湯，飲完不會口渴。*食完飯記得飲多幾杯靚茶（$15位）。我們選了玄米茶。好好飲，有綠茶的香氣，也有糙米的米香。餐廳選用原粒炒過的大米而非茶包，難怪愈飲愈有味。

今日同爸爸去高鐵站送完個親戚返大陸之後就喺附近食個飯 咁啱見到呢間舖頭都幾靚 入到去見到佢每個位之間都有個屏風隔住增加咗唔少私人嘅空間👍🏻咁我就叫左一個煲仔飯同2個小菜試吓🤩廣東臘味煲仔飯哩個煲仔飯入面就有臘腸臘肉同臘鴨 一上嚟嘅時候仲有職員幫手落芫茜葱同豉油 渣渣聲咁 聽到都好想快啲即刻食🤤🤤佢啲飯煮到一粒粒咁 仲要有卜卜脆嘅飯焦 好正😍啲臘腸係用瘦臘腸 食落好有口感 臘肉就半肥瘦 係個臘鴨就咁食會咸左少少 不過撈飯食都OK🤪甜蜜咕嚕肉咕嚕肉啲肉好大嚿 唔似得出邊嗰啲炸粉居多 入邊得舊肥肉 佢真係用靚豬肉整嘅 所以我都食左好多嚿😍😍酸酸甜甜咁 非常開胃🤤瑤柱蝦米上湯時蔬最後我哋簡簡單單叫咗個菜 點知嚟到都比我想像中好食 個菜心好新鮮 唔會浸到好淋 都好夠味 我哋兩個都食到好飽😋

✨ 進入秋冬，天氣轉涼🍃又係時候食下臘肉臘腸臘鴨啦‼️今次朋友就搵咗間專門食煲仔飯嘅「憶食尚臘味煲仔飯」。✨ 環境餐廳環境舒適，每一枱都有屏風，帶私隱度得嚟又美觀時尚😎而且地方夠曬寬敞，坐位好闊落🪑坐得舒適之餘，空間感十足👍🏻🍽️ 甜蜜咕嚕肉 $107咕嚕肉拉絲效果💯而且外脆內軟，酸酸甜甜嘅口感，十分開胃😋配料仲有菠蘿、紅椒、黃椒、青椒、洋蔥，顏色豐富，又吸引🥰🥬 乾貝柱上湯浸菜心 $87依道上湯浸菜心好意外😱好好食，酒店級級數‼️菜心翠綠新鮮✨口感爽脆，而且切頭切尾，淨係用咗最細嫩一段😍食落無渣。上湯用咗乾貝柱、蝦米、蒜片，味道鮮甜，真係好好食🤤🍚 廣式臘味煲仔飯 $167上枱後，有職員幫手淋豉油、蔥花、芫茜，再攪拌煲仔飯，之後仲幫手刮飯焦，服務一流👍🏻臘味食落好有鹹香、肉鮮味，幾重油香🫧油而不膩，臘味係用咗南安板鴨🐣堪稱臘味之王👑質素有保證。而臘腸用茅台酒同土黑毛豬豬肉製成，咬落油份飽滿，酒香特別濃厚🤤白飯煮到粒粒分明，而且吸收曬臘味、臘腸啲油份，飯香濃郁，口感軟熱☺️去到最後，食煲仔飯一定要食飯焦😝仲要有職員幫手刮飯焦，更加要好好品嘗！金黃色嘅飯焦食落脆卜卜，好滿足🥰✨ 總結其實，入座後

一到秋天就想食煲仔飯，今次去左喺文匯街既憶食尚臘味煲仔飯，餐廳週末晚市全場滿坐，好彩我地有提早book 位！🍽️🌙黎到一定要試"招牌廣式臘味煲仔飯 $158"，呢個煲仔飯用左切粒的臘腸、臘肉同臘鴨整成，油香滲入飯內，加上黃金飯焦，香脆可口，好惹味！店員會事先問我地食唔食蔥同芫荽，跟住就會將一小碟既蔥同芫荽放上去，再加少量既豉油。食到差唔多，店員亦會幫手將飯焦刮出黎，飯焦好脆口，唔痴牙，好似食緊米餅咁！😋🍚另外仲叫左人氣"甜蜜咕嚕肉$88"，咕嚕肉皮脆肉嫩，佈滿醬汁，酸甜開胃，同埋彩椒、洋蔥一齊炒，餸飯一流～🍖🌶️最後叫左個姜汁炒芥蘭$88🥦：姜汁味道剛剛好，唔會蓋過芥蘭嘅風味，清新唔油膩，好開胃👍綜合評分：
味道：⭐️⭐️⭐️⭐️⭐️環境：⭐️⭐️⭐️⭐️⭐️
服務：⭐️⭐️⭐️⭐️⭐️餐廳：憶食尚臘味煲仔飯
地址：佐敦文匯街22-24號地下2-4號舖

秋風起！ 又到左食煲仔飯嘅季節啦！ 咁多間馳名嘅煲仔飯我最鍾意食呢間，可能係情意結啦，最鍾意食佢嘅臘味煲仔飯，一開盖，勁香既臘味充斥於空氣中，配埋豉油，我每一次都會食晒成碗煲仔飯！ 個底嘅飯焦簡直係畫龍點睛👍🤣

近期發現佐敦有不少不同類型的食肆。這間鄰近柯士甸站，主打煲仔飯，天氣有點涼，所以想吃了。廣式臘腸排骨煲仔飯（二人份） $177煲仔飯即叫即製，上桌時熱烘烘的。店員細心地為我們加入蔥花、芫茜及豉油拌勻，油香四溢，使我忍不住吞口水。臘腸和排骨皆是弄煲仔飯的經典材料，兩者肉香，油脂滲入米飯裡，美味可口。飯焦是煲仔飯的靈魂，沒有飯焦怎能叫做煲仔飯，這裡的飯焦火喉剛好，香脆而不會全焦，滋味滿分。沙爹牛肉粉絲煲配白飯 $108除了煲仔飯，這裡還有其他小炒餸菜，午市套餐還奉送燉湯，於是我們選了沙爹牛肉粉絲煲。這個粉絲煲也是即叫即製，上桌時熱烘烘的，醬汁尤如火山熔岩跳躍著。沙爹香口，濃稠剛好，粉絲和牛肉皆能掛汁，和白飯一起吃是完美的吃法。風味小炒皇 $157上桌時已香味四溢，以自家製XO醬炒製而成，材料充足，有韭菜、魷魚、蝦乾和腰果，味道鹹香，最適合一邊吃一邊喝啤酒，和白飯吃亦可。這裡食物份量大有水準，空間寬敞，座位舒適，適合一家人或幾個朋友一起吃。以上價格需另加一服務費