德昌魚蛋粉

营业中

休息中

上星期六，打完波去九龍城搵野食- 見到呢間鋪似乎啲魚蛋粉好似幾有名，於是入去試吓 ─如果好食嘅話可以再嚟。$17一碗魚蛋粉!要飲嘢要另叫,無餐可叫-都幾貴！其實同其他10元一碗嘅食落差唔多,有啲魚蛋好似滾得耐得済，有啲淡，反而啲魚片就唔錯，啲河粉帶透明，雖然喺滑，但唔喺咁有河粉味.... 好食?勝在食完唔口渴囉。(註:呢度啲辣油都幾辣)

過左lunch time,2點幾黎都有好多人叫左奶茶,真係好夠濃,好鍾意飲魚蛋牛筋河,魚蛋係招牌貨,夠彈牙,有魚味,但係唔係真係話好特別咁囉,牛筋都不過不失啦,夠入味~價錢略貴,但係已經好滿足

德昌的魚蛋河真係差左很多....但有時見到的人排隊等食，真係奇怪！或者0的人覺得好好味... 但如果俾佢地試下以前係土瓜灣舊德昌粉麵...包話現在呢間差好遠...一碗粉最緊要是味,湯,爽..."舊"德昌所做的粉麵令人唾涎欲滴，現在呢間簡直食唔到香港人造的魚蛋河風味，令我不禁想起香港人的獨特口味去了哪裡?

the first time i went there cuz i was hungry, n it was midnight so just have some food n go, so i see it still open at 12am , i got in there, i give a try with the fish ball with thick rice noodle, the fish ball is good with the chewiness BUT the smell kind of funny, i do not recognize the smell but just some kind of fishy smell, and the other thing too much salt in therei guess i wanna try some fish ball with smell of the sea instread, taste of the sea water...

見佢成日排長龍,昨日又唔使等位, 咪試來食午餐囉!$17碗魚蛋河! 都唔平架, 要飲野要俾正價, 食一餐都要過$30.d魚蛋一d都唔好食, 惺既又有魚骨碎,d湯都惺惺地,份量又少, 食完都食唔飽既,要即刻去第二度再食過!d河粉浸到發"腍"晒咁唔好食.同其他舖10元碗質素差唔多,甚至10元碗仲好食,又唔使坐到咁迫,仲要對住同桌既d吸煙人士一齊食.....我都唔明點解咁多人排隊食架

德昌絕對係水準之上，唔係點會經常排隊，你估D人傻? 17蚊一碗魚旦粉大牌檔價錢，不能要求太高。另coffee奶茶公仔麵豬扒亦很好。

住響附近，以前成日都食。佢d魚旦真係滑，又唔腥，個湯充滿魚味，河粉又滑。17蚊，份量一般亦唔算太貴。不過成日要排隊，好煩。但亦算等得快，所以都會等下. 但係上幾個星期再食，d野變晒。我同3個朋友去食，佢地不嬲都鍾意食呢間。又要等，是但啦，唔駛好耐就又得。梗係食番魚旦粉，wah...d魚旦又實又冇魚味不特止，重有陣腥味!食落好似街市賣0個d cheap魚旦，都唔知用咩魚造的，完全衰過一般10蚊魚旦粉，唔掂。杯奶茶都ok，咁我望下個水吧，唔係下華，個水吧佬響度食緊煙，咁d煙灰....我望下杯加料奶茶，飲都唔想飲。我個朋友話以前個老細唔響度，唔知係咪轉左手，所以咁難食。我費時諗點解，即走。個收錢大姑十年如一日，晚娘的口面，多謝都冇句，今時今日咁0既服務態度...今日經過，重有成十幾人排隊，我唔知佢d食物水準好番定d人得閒得滯俾錢買難受。

魚蛋粉真係好得，炸魚皮好香口，食完都'外賣'半斤魚片，btw，老闆既service唔差wor！

今日下晝媽咪話想食魚蛋粉，一時間諗唔起有邊間好食，openrice 話唔知好似天后定北角有間叫德昌幾得既，但我地身在九龍只係為左碗粉過去咁遠有點兒那過，後來醒起九龍城都有間幾出名的，識去但唔知叫乜名，點知去到門口，原來呢間都係叫德昌。成兩點幾三點鍾都勁多人，第一個想法就係賺死個老闆。不過企左約5分鐘就有位了。(題外話--當時同我地一齊等位的仲有做artist做得佢地咁得閒去食魚蛋粉既2R兩姊妹，其實佢地早過我地等，不過佢地total4個人當然冇咁快啦，仲要鼠上閣樓食)甫坐低其實都有d期望，叫左魚蛋粉同魚蛋米，份量同價錢都算合比例，$17碗都食得飽人4粒魚蛋同3塊魚片，至於味道就只是okay吧，魚蛋表面好滑，但咬落偏淋唔夠爽口彈牙魚片就好少少，但可惜本人對魚片唔好，都唔見得係超級好食的，都唔明點解咁多人，搞到環境好嘈好似街市咁，食左半個鐘頭嘈到頭都暈埋。不過，加番少少分係我叫左杯熱華田，味道幾好，夠熱夠香但唔會太甜，好喏飲!仲聽到坐對面飲緊凍檸茶個姐姐話呢度d奶茶唔好飲，這個不得而知了!如果未黎食過，我覺得唔需要特登黎試囉，不如去第二度發掘吓其他有好食魚蛋粉既地方仲好!

本身對魚蛋粉興趣不大，但每次行過不論早晚德昌都一樣人山人海，就決定試一試啦。始終嫌魚蛋太單調淡口，所以點了水餃魚蛋粉。先要彈一彈河粉，河粉係幾滑，但就幾碎下，食得都幾吃力。魚蛋白雪雪，魚味夠而彈牙，味道又真係比食開既唔同d。水餃就一般水準，無需多講。味道雖好，但始終都唔明點解會多人到要排隊等食。

to editor:呢間個名其實係德昌魚蛋粉有次一點幾經過見到條龍好長, 居然係排隊食魚蛋粉,已經好驚訝.跟住打完機三點行過再見到居然仲有人排緊.心諗呢間一定要試下.今日行過有二三個人排緊,見咁少人就即管排一下.門口企向度個四眼佬態度頗串,反而入面d呀姑態度仲好d.等左一個字左右入得,諗左一輪決定要一碗魚蛋粉同一碟炸魚皮.炸魚皮真係好正,同味皇有得比,可惜凍左.魚蛋都幾好,佢唔彈牙,不過好鮮味,應該係純魚肉.而且打得幾好,冇碎骨之類既零星野影響口感.湯幾清,不知不覺飲晒.真係唔錯,唔怪得咁多人排.

All kings of 丸are good...I like the squid and fish ball best. Actually don't think they only serve noodles...they have 港式茶餐style as well...the porkchop is nicely friend....Still very juicy inside...and the portion is generous...2 big pieces with 出前一丁and definitely U will have a full stomach.Don't miss the deep fried 鱼皮, it is thick enough after soaking in the soup for a while, it is still crunchy.Always lining up during lunch hr on weekends...

主打魚蛋有魚味...幾彈口的....湯底都可以的...

魚旦彈牙，辣椒油夠香和辣，也有茶餐常餐公仔麵等供應。以粉麵店來說，已經是很不俗的。

去開土瓜灣o個間, 行到九龍城原來都有一間, 魚蛋粉同樣好味, 魚蛋幾爽, 幾彈口. 河粉亦都好滑, 仲加左d冬菜都好正, 重味加爽口~