德昌魚蛋粉

营业中

休息中

德昌的大名都算得上幾響, 要不然又點會有條龍在門口排隊, 今日同阿媽中午就去排完隊我地兩個人share一碗魚旦米同一份營養餐! 先講個魚旦米, 魚旦很鮮, 很彈牙, 印象令人深刻, 因為好少可以食到咁好食的魚旦的, 唔怪得咁多人去食, 湯水係幾好味, 食到一半, 忍不住加了碟炸魚皮浸湯食, 不過原來魚皮的味道只係普通, 不推介!營養餐除了營養夠哂豐富, 可以填飽個肚之外, 味道都幾好的, 特別係件炸豬扒, 肉質幾鬆化, 幾好味, 唔係食到成口粉成肚氣那一種, 幾好呢, 杯凍檸茶都好飲, 比起很多茶餐廳更優勝!魚旦粉夠好味, 所以會再去食架

是日胃口欠佳，卻剛好約了於土瓜灣工作的朋友往九龍城開飯，想來想去想不出吃甚麼，只想出德昌魚蛋粉其實個人又未有覺得德昌的魚蛋粉有甚麼驚為天人之處；不過，勝在每個環節都做到above average的水準，穩穩陣陣，未試過有驚嚇；而一碗魚蛋粉不到二十元，至少令人有物有所值之感，吃得心滿意足；所以德昌雖未能成為我的最愛，但卻是我午膳範圍內吃廣東粉麵的首選。(如果條龍唔算長的話)今天要了個魚片河 - 河粉爽滑，魚片彈牙有魚香 - 我嫌那魚鮮不夠清甜，不過總比不少麵店要好。。炸魚皮夠脆，但其實我都係覺得唔太夠香, 而且有些部份太硬了。朋友喜歡這兒的辣椒油；其實在本港現存的麵店中算above average, 但可能夏銘記的珠玉在前，總覺得這兒的辣椒油不夠香。出乎意米地，最討人喜歡的是為我們送麵的阿叔；我們隨口的一句「唔該」，竟獲得他的熱情「搭訕」：「唔使唔該，我應該架嘛，哈哈，我仲好樂意添....」難道他是懾於我們二人的絕世容貌方出此言嗎？.....想太多了！

今日下晝去左德昌食魚蛋粉, 又係要排隊....同阿媽兩個人食左一碗米同一份"營養"餐! 營養餐係炒蛋, 火腿加炸魚柳同多士, 另外仲有杯飲品! 個營養餐就真係好夠營養, 不過味道就好一般, 炒蛋淡茂茂, 魚柳都係, 只係食到炸粉的味, 要好食, 都係要食番魚蛋粉, 個營養餐都係用以填肚..魚蛋米就唔同, 魚蛋好爽, 湯底夠味, 加一更特辣辣椒油同一更醋食更好味, 魚片一樣咁爽, 咁多人排隊, 目的都係為了這碗美味的魚蛋粉啦!個笑, 係俾碗魚蛋粉o架

其實我覺得我都幾有資格講 "我愛茶餐廳" 呢句說話! 因為我真係好多餐都係茶餐廳入面渡過的今次食呢間, 都可以話係一間茶餐廳嚟, 因為佢唔係只係賣魚旦粉, 而係賣埋茶餐廳會賣的所有食物! 見肚餓, 就入去食, 有一個係沙爹牛肉包餐, 有個牛肉包加杯飲品, 個沙爹牛肉包本來都幾好食, 因為個沙爹汁好野味, 牛肉索哂沙爹汁, 好正, 但係最可惡係沙爹牛肉係"凍"的, 令到本來好食的都變成唔好食 點解唔可以坐暖d 牛肉呢, 都唔係好難啫凍檸茶不過不失, 唔算太好飲, ok啦, 但係覺得個包認真d 整會係一個美食, 嘥左..

昨日黃昏時份去九龍仔游水, 游完之後到了德昌食魚旦粉肚子很餓, 但回家未有飯開, 所以食一碗魚旦粉打定肚! 魚旦有彈性, 好食到痺, 食神話齋: "掂呀", 魚片一樣爽口, 湯味都好, 冬菜, 蔥夠重手, al-together 打做了一碗惹味魚旦粉凍檸茶好大杯, 都ok好飲 食完, 好滿足返歸等正餐再食飽飽

德昌魚蛋粉的確好味無論魚蛋粉或者系魚片都是咁風味。魚蛋十分彈牙. 好爽口 新鮮魚肉打成的,~食完又想食吖。加上辣椒油又是另一番風味

德昌的魚旦粉, 真係好食!無論係魚旦, 魚片都好爽口, 仲好有魚肉的鮮味, 一食已經令我難忘!今日中午幫襯的時候, 要排隊排了二十分鐘先食到, 九龍城來說, 可以算係超旺! 仲有個辣椒油, 好辣, 但係唔點又唔得, 因為實在太好食!

今日好熱呀﹗冇乜胃口，咁啱同事話想食魚蛋粉，仲要指明我去九龍城德昌到買，好....唯有去啦﹗德昌個名，聽就聽得多喇，但係就未食過；咁一場黎到，點都要食吓魚蛋，唔係點識同人講呢？佢叫左個魚蛋粉，我要左個魚蛋撈麵，再加個菜同淨貢丸，之後即刻打的返公司一齊食﹗魚蛋，我都由細食到大，邊d為之好，邊d為之唔好，我唔夠膽講，但可以代表自己立場講就係，我唔鐘意佢個款魚蛋lor﹗鬆泡泡，冇咬口，食丸類，最緊要係彈牙嘛，佢只有彈牙個細佬 - 彈開……我一路食已經一路同個同事講，佢仲話返我轉頭，話我唔識食﹗反而個貢丸做得仲好味過魚蛋，貢丸就真係彈牙喇，實肉，我仲食到有菇粒，算係咁﹗不過令我最最最驚喜的是，辣椒油。我已經好耐冇係呢d麵檔食辣椒油，因為一來真係好油，二來，通常都有陣益味，但係....又係我同事話好好食，仲話久唔久就要買返樽返屋企……咁我諗都應該幾ok啦....點知，真係一試難忘﹗佢唔會太辣，有d似xo醬咁款，真係好香，可能呢d先叫香辣，以前未試過，就唔明點解，而家先真係領略到咩叫「香辣」﹗哈哈好傻﹗同事再話；其實炸魚皮都好好味，不過我冇買……

某個因為肚餓而無心工作的下午。已戒掉吃零食習慣的太公，聆聽著肚子咕咕的叫，卻束手無策；正絕望到想撼到埋牆時，救星出現了 - 那自己偷走出去德昌吃下午茶的上司，良心發現為我們帶了外賣回來 - 就是一人一豬扒包！每次去德昌都只叫粉麵，未試過豬扒包，今次有機會一嘗：麵包最好，烤得外脆內軟；豬扒也相當鬆化，肉汁也豐盈，飢民太公不消一會就將之消滅；萬料不到，粉麵店也出品這麼好的豬扒包！吃畢，肉香仍在口腔裏彌留之際，忽然想起一句：「本是同根生，相煎何太急？」豬扒太公幹掉這豬扒包的速度，實在有點操之過急了！

琴日睇醫生後經過. 諗住清清地食碗鱼蛋麵. 係門口已見好多人排隊.諗住多人嘅實冇死. 一位外表冷冰冰的阿伯帶位.講真佢又唔係service 差.只係目無表情. 可能日日咁帶位已悶到唔知点樣有表情. 佢個look同成間鋪的裝修好match.都係冷的我叫咗四寶麵. 四宝係鱼蛋,墨丸,豬肉丸同魚皮餃.鱼旦… 好彈牙.打得好好.完全冇魚味. 明顯偷功減料.唔知係咪因近來係休魚期冇來貨???墨丸…基本上係粉一團.完全食唔到墨魚.仲衰過超級市場急凍貨豬肉丸..最難吃. 吃到一堆調味料味精加麵粉. 魚皮餃…四寶之中的寶. 皮有魚味.中間ｄ豬肉夠鮮. 過比起其他魚蛋鋪的魚皮餃佢亦只係算中等生麵… 冇梘水味.但亦不彈牙. 同一般15蚊碗冇太大分別食完之後我明白如此質素可以吸引人慕名而來? 以前聽人講呢间係好好食.但点解而家跌watt 跌成咁?

講真,,個魚蛋真係話好好食咩?我又唔覺魚蛋略賺唔夠彈牙跟住魚片ok``幾有魚味bt真係唔係馳名到咁囉

同女友去德昌食魚旦粉, 始終女友鍾情佢個魚旦河但係我今日反而唔係好想食粉, 因為一嚟已經食左野, 二嚟想食d甜野, 於是我就叫左一客西多嚟食! 驚喜係, 件西多有查到花生醬... 太好了 而家好多茶餐廳既西多都只係求其咁查d牛油落中間, 然後就咁炸熟兩塊夾埋既方包, 一d都唔好食, 但係今次俾我食到有花生醬既西多, 好開心 再加埋蜜糖嚟食, 呢件西多真係滿分!女友碗魚旦河一貫好味, 魚旦彈牙唔使講, 魚片夠爽又好食, 值得一嚟再嚟

好耐無去德昌食魚旦粉了,再來,依然多人都不得了營養餐係包括了魚柳一塊,火腿一塊,炒蛋,多士同一杯飲品,叫營養餐主要原因係只食一碗魚旦粉係唔夠飽,即係碗粉唔係份量好多,不過當tea就ok!可能我大食啦,哈哈!今次食魚旦粉,同之前感覺分別係湯底無以前咁咸,係好食左,所以想推介大家嚟食!另外營養餐係真係幾營養豐富,味道唔錯不過食得多我會變肥婆law

A noodle joint started here, did good businesses and opened new branches all over the city, made you wonder whether the very first joint will have the best quality noodles to begin with. This assumption was sound theoretically but not always in reality. This night for the last bit of snack, we walked two blocks against the deserted pedestrian sidewalk ending up here. The fishballs on the front was assuring enough, and the milky soup base was a scene of comfort -- We were in the right place.We or

補回星期五的食評話說太公星期五與上司外出工作，一直到四時回到公司，還未吃午餐，只是咬了幾口麥包；上司自己走去醫肚期間，也細心地為太公在德昌買了個魚餃河。太公並不覺得德昌有些甚麼東西很過人，不論麵條、魚蛋、魚片、魚皮餃...都可以找到別家比他出色的；然而，德昌就是水準夠平均，整體都算水準之上, 不像太公最愛的夏銘記，魚皮餃和魚片好是好了，但總是吃到兩、三條痴在一起的河粉。是日的魚餃河，也是如是；湯底不是很清甜，但也比一般粉麵店的可口；河粉是因為外賣放久了而痴了一舊舊，想分開時有些斷開了，但放在湯裏泡上一陣子，再吃，還算頗爽滑，記在堂食是沒有怎麼吃過痴埋一舊舊的河粉；魚餃餡做得很鮮美，只嫌外皮不夠爽滑，也不夠煙韌 - 但都足夠被稱為「上佳」水準了。德昌，不會是太公來「朝聖」的地方，但一班人要簡簡單單找個地方醫肚，德昌是個非常好的選擇；猶幸九龍城有德昌！