德昌魚蛋粉

营业中

休息中

印象中只食過一粒呢度出品的魚蛋, 印象就要幾模糊有幾模糊, 加上門口經常排長龍, 後來都轉去陳興發了... 而今次呢個食外賣的星期日夜晚, 就托阿媽落樓0黎呢度買碗魚蛋魚片米 ($21) 再試試, 還掂佢話入面無乜人. 米粉及魚蛋魚片湯分開上, 安排不錯. 呷啖湯, 味道同水一樣淡, 可幸無乜人造味精效應, 結果都係要落少少辣椒油吊吊味; 魚片一塊「普通版」一塊係片頭, 食落頗彈牙, 魚味淡薄, 味道一般; 魚蛋有 4 粒, 呈不規則狀, 食落彈牙, 第一粒味道無乜特別, 但食第 2, 3 粒, 魚味愈來愈濃, 亦發覺好鮮甜, 幾好食; 米粉就 undercooked, 太硬了.$21 一碗雙併, 好平, 加上魚蛋係唔錯, 我明白點解門口成日排長龍了.雖然, 都係陳興發好食 d.

上一次已經食過,不過今次去食發覺味道同上次唔同左,所以又再寫一次!今次係食魚片米同埋一碟腐乳通菜,味道唔同左既係個湯底,無上次咁咸,感覺上好左好多,另外仲落多左好多蔥粒,所以成碗粉都清左好多,比較啱我既胃口!魚片幾爽口,辣椒油都仲係咁辣,好好味!至於腐乳通菜就ok,夜晚九點去食都仲係咁多人,果然有佢既fans,食魚旦粉呢間都算係幾有保証!

上次食陳馨發既魚旦粉,今次都係喺九龍城食魚旦粉,不過今次食既係德昌!星期日既下午,德昌係一間要我排隊等位既魚旦粉店,咁多人,一定味道唔錯!終於有得食,我就要左一碗紫菜魚旦米食,佢個魚旦味道好,唔係得個粉字,似番用魚肉打成既魚旦,碗粉唔係好大碗,所以其實食完一碗唔係咁飽,我再加埋浙醋食,味道更佳,要多一碟菜心,不過味道就一般,因為d菜比較老!

十一點半先入去,見d阿姐都開始執野,不過仲做我生意要了一碗紫菜魚旦米,魚旦好味,不愧係招牌,彈力十足,仲好有魚味,辣椒油超級辣,用嚟點魚旦夠刺激,不過我幾食得辣,所以加左更落碗粉度,湯比較咸,可能因為夜,已經係水尾,煲到d水蒸發哂!唔阻阿姐收工,食完撇!

女友話呢間餐廳好出名架,D魚蛋好好食架聽人講.......咁又不妨同佢去見識見識...28號1點30左右到達,門外已經排緊隊喎,排隊中聽到D人都係話呢度D魚蛋好好食,攪到我都有D心急想食添,等了約10分鐘就有位喇,裡面地方都幾大架,全以6人圓檯為主,都唔係話太迫,樓面落單都好清楚同快手點了以下食物:1.魚蛋河$19(魚蛋魚味好淡,亦不夠爽口彈牙,湯底淡但都算有鮮味,但碗太細,湯太少,河粉食到一半已經由湯河變成撈河了)2.紫菜四寶$30 有豬肉丸(幾鮮味),魚皮餃(皮幾爽,肉亦不太咸),墨魚丸(幾爽口彈牙但冇乜墨魚味),魚蛋(魚味好淡,亦不夠爽口彈牙),紫菜(配合湯底味道不錯,亦冇沙)3.腐乳通菜$14(算幾大碟,菜亦碌得剛好,菜新鮮有菜味,個腐乳醬亦調教得幾好)總結食物就一般,冇大驚喜,尤其招牌魚蛋就令我倆比較失望,招呼唔錯,食物點了好快就到,不過要食好魚蛋就不一定會再來這裡了埋單合共$63

Price is expensive.The fish ball is good but we can find similar quality in Chan Hing Fat, and other as well.The fat guy serving us (known as the boss's son) is so rude to us. I won't go there forever as I am not willng to pay for being rude.

隔左一段時間再去,魚蛋已變得一般,彈牙係彈牙但唔係特別出眾.份量仲比以前小家.....價錢還好,$19一碗,但油菜竟要14咁貴....實在無必要為食魚蛋而來...仲要間中都要排下隊先可入內,出品係快,服務亦一般,但對於舖內放得密麻麻大大小小的枱,連行去俾錢都有困難,你話邊個願留下來,慢慢消化.用餐呢,好似食得慢d都會俾人趕咁,大家若唔係舌頭麻目左,就快d認清lee個真相....

原本主人與奴隸獸搭隧巴從中環往九龍灣食晚飯，怎知遇上了大塞車，兩人依偎在一起小睡，個半小時後，巴士仍然停留在灣仔，由於主人有隨遇而安的性格，安撫著肚餓的奴隸獸，到達九龍城已差不多接近晚上十時了，決定在此下車搵食。時間已晚，不想吃得太飽，食碗粉麵填填肚子算了，所以去『德昌』，點了：1. 馳名魚蛋粉（HK$19）：除了魚蛋外，還有炸魚片，魚片的魚鮮味比魚蛋濃得多，較為好味，河粉口感幼滑。整體味道只屬普普通通。2. 四寶湯河（HK$26）：四寶是魚蛋、豬肉丸、墨魚丸及魚皮餃，前三者除了爽口彈牙外，原本的肉味不夠濃。魚皮餃的餃皮煙韌、爽口彈牙，有魚鮮味，是四寶中最好味的。食晚飯變了食宵夜。

越來越多分店..但越來越唔好食...去德昌..只係食一樣..魚蛋河...但佢而家D魚蛋同魚片..同佢初時既味道..差太遠...魚蛋係彈..但係完全冇魚味..D魚片..超鹹..都都係冇魚味...佢D湯丫河粉都唔係好味..而家連魚蛋都唔得..咁仲有咩好食...去石硤尾長發好好多...冇咁比...總結..唔去都得

唔係第一次來食魚蛋粉星期六同女友來食, 叫咗兩碗魚蛋粉, 另加一碟韮菜花魚蛋粉當然係good啦! 但估唔到碟韮菜花咁好食, 下次佢有都要再食見到對呢度食評分歧都幾大, 有朋友話應來一試, 有朋友話名過其實我自己覺得呢度啲嘢幾好食, 但係咪唔來就後悔呢?. 見仁見智但我想講, 小弟每日係中環食飯, 起碼五十蚊, 但質素就...........相對係德昌, 用三十大元, 簡直係天淵之別係今日唯利是圖社會, "食"已經淪為商人揾錢工具, 亦有好多人只視"食"為裹腹之用或者, 任何一間餐廳, 只要對"食"有多一份尊重和執著, 就已經係令人值得再三回味悲哀? 無奈? 我唔知, 但我一定會再來德昌寫咗咁多無關痛養的癈話, 希望編輯多多包涵

成11點幾,黎食宵夜. 今次唔食魚蛋河. 食奶醬厚多士,新鮮烤,一咬外脆內軟. 牛油同煉奶份量剛好,唔好流到一碟係. 油菜~要芥蘭,好大碟,蠔油好鮮味. 一看原來用"同珍". 離遠聽到有個客,落咗單,又改單,跟住又話要hold住張單. 個侍應態度仲好好.跟住個客又大聲嘈,碗牛根丸唔係牛根丸,係牛滑丸. 問過廚房都係比牛根丸佢.個客不停嘈話自己食開,根本唔係牛根丸. 侍應同廚房即刻幫佢換過,仲唔好意思,請佢等多一陣. 個一刻覺得佢地服務好得.

今個星期既星期日好似比較冷清,好多地方都好似好易搵到位食野,唔知係唔係因為長假期?德昌條龍都唔係長,嗌左碗紫菜魚旦河食,辣椒油勁辣,少少已經噴火!魚旦比較咸,不過幾有魚味!紫菜落得太多,好似仲多過河粉...生意好,自然做得無咁認真,但又未至於難食!

真係人怕出名,豬怕肥,一開多左分店,跟本就無左質素,以前佢仲係舊的土瓜環鋪的時候,真係好好食,魚蛋好有魚味,湯我每次都飲晒的,但今日去九龍城食,魚蛋只係爽口,但無咩魚味,湯就一般,可以接受,但我都係飲了兩口,你唔會多飲仲要排咁耐隊,千祈唔好尃登去食,好普通

嚟呢間食,係因為見到門口有條長龍!咁多人食,應該味道唔差,我就食左碗魚旦米,魚旦魚既味幾重,真係唔錯,仲好彈口,米粉ok,唔會太爛,我好驚淥到一pet pet,但係我覺得個湯比較咸,可以淡番d就好!作為一間魚旦粉,其實都唔差,但係要排隊,所以唔係太想嚟!

大伙兒嚟食,點知要喺門口排隊...排左三個字就有得食,我食紫菜魚旦河加凍奶茶,我碗河粉味道一流!由其係個魚旦好好食,爽口啦!魚味重啦!紫菜如果煮林d會更加好!maggie食左碗墨丸河,佢話味道都ok!下次要再嚟,希望唔使排隊啦!