德昌魚蛋粉

营业中

休息中

d人排隊排得好長,名牌店德昌真係好勁!整碗子彈先! (紫菜魚旦),魚旦有水準,彈牙,可以打乒乓!不過湯比較咸,只係普通!辣椒油勁辣,落多d真係唔駛食!總括嚟講,排隊都係有原因,因為魚旦做得好出色,但如果要我排,我又有小小保留..

一到門口,條龍好長…終於有得食,叫碗紫菜魚旦粉嚟食,湯底一般,但係加左辣椒油就唔同哂!辣椒油真係好辣,辣到喊!!不過唔加碗粉就一d都唔好食!魚旦無魚片咁好食,魚片真係好正,特別係魚角,咸咸地好好食!份量就細碗左d,如果大碗d先夠飽,要再加野食,結果叫左個普通味道既炸魚柳,要扣番d分..要掛隊,我覺得只係得個魚角值得掛!

聽九龍城人話德昌的魚旦好味，去開九龍城就順便試埋. 老婆叫魚旦粉–魚旦都夠彈牙，不過不致於好味到極. 湯底係味精，河粉一般老公叫魚旦撈面–面都幾重鹼水味，有D人可能會唔鍾意. 其實我地都食過一D粉面店D面都比德昌好味，去開九龍城又想食魚旦粉都可以試，但唔好慕名而去.

想見識吓點解咁好食,要咗一碗魚蛋河,一碗牛腩河.魚蛋-一般,我唔覺有魚味,更唔覺彈牙,魚片就好喊.牛腩-都係一般,啲牛腩幾淋,啲腩汁幾好.河粉-唔夠滑,又碎濕濕.辣椒油-一滴已很辣.價錢-$18一碗,唔值.

本來是一班人出街食飯,結果變成兩個人買外賣回校,兩個人在捐血站吃,其餘4個用3個字把麵吃光。之前曾吃過德昌的雲吞,但味道不算是很出色,但這次吃魚蛋麵,又真的有點特別。魚蛋好滑又幾爽口,味道亦唔會腥,本來我對魚蛋沒大興趣,但這次味道真的好吸引,好快就吃光了。不過麵對比起來…當然的…不會太特別,而且有點滯滯。湯也不算很有風味,但魚蛋本身也很不錯了。個外賣碗算細…好似很快就吃完,堂食倒是要吃很久很久。這次不是自己賣外賣,不能作全面的評價…但之前的經驗看來,還是中規中矩吧

叫左碗剩魚蛋,d魚蛋味道唔錯,有魚味,但唔新鮮,個湯底好咸,又重味精,食完好口乾好內疚呀!>"<d魚蛋又唔係特別好食,唔值呢個價囉.

叫左出名既魚蛋米加紫菜, 真係好好味喎...魚蛋好彈,好新鮮咁~ 整體真係好ok~唯一改善: 可以做粉麵餐,冇餐飲感覺好唔完整呀!另外叫就真係唔想囉!!

今集試叮嘅對象係德昌,預備好,開始!先嚟魚旦河一碗,味道ok,湯幾咸播,本來諗住落浙醋...都係慳番! 辣椒油...辣到嘖火!不過好正,成頭汗,好似我自己喺度表演咁...營養餐,有魚柳,腸仔,多士,炒旦,勁豐富!仲有杯檸茶,味道都ok,但無特色...anyway,飽!八十五秒!

很多人說德昌的魚蛋有幾好食，招牌魚昌--- 嗯，彈牙lor, 有d魚味，但不太夠新鮮，在這個標榜彈牙魚蛋的年代，已經不是甚麼特別的事了魚皮餃和墨魚丸更是不濟，粉面也不好。不太明白何解有咁多人幫襯。義昌豆品附近有檔賣潮洲魚蛋魚片的，那種帶有少少魚腥的鮮味才叫極品，可惜只賣生不賣熟的，想吃就要買回家中自煮了。

得昌呢個名相信好多人知,今次我食完後都想寫番幾隻字!魚旦粉係必食之選,加埋紫菜,叫左碗嚟食,魚旦都幾彈,有少少腥味,我反而覺得係優点,因為食魚有腥味先似食魚,係咪?腥過頭當然唔好啦..粉(河粉)不過不失,啲湯係咸左少少,味精當然有,整體嚟講碗粉係幾野味,魚旦水準之上,粉同湯ok咁啦!重叫左個餐,有塊炸魚柳同鮮油多,加杯凍檸茶,茶餐廳野就一般水準,不過碗魚旦粉都值得我再嚟幫襯!其實粉麪加埋賣茶餐廳野無可厚非,多個選擇俾食客都係好事,不過期望唔好咁大!得昌真係幾多人食,見啲人出出入入,哈哈,如果我係老闆就好,收錢收到手軟!

Been to this popular fish ball noodle place several times. Each time ordering the same thing, “fish ball foon”, and each time it was the same, quite consistent. The texture of their fish balls was too soft that lack substance. The foons were too brittle, that they broke apart when picked up by chopsticks, probably they had been sitting too long in the kitchen that they lost the freshness. The soup was murkily clouded by the broken foon that it lost its flavor.However, the place is cleaner and

晚上近九時和男友才一起吃晚飯。去到九龍城想起這店。人不太多,因為貪心的關係,叫了一個價值55元的雜錦窩,貪其多款式。一上"台",哇了一聲,因看起來很大碗。有魚蛋、炸魚片、魚餃、墨丸、豬肉丸、貢丸、菜和米粉等。一向不太喜歡吃貢丸的我,發覺這裡的貢太味道不錯。而除了魚蛋以外,其他也一般。又是一點名大於實。不過,那些湯如果加一點點魚露拌著吃,也很不錯。

冇去呢間野已經超過一年, o個日約左frd, 佢打俾我話要遲成個鐘, 自己又未食早餐, 好肚餓, 於是入左呢間野, 希望過左一年會好d可是, 呢間野再一次令我失望叫左魚皮餃米+通菜+炸魚皮自己已經對德昌既魚蛋失去信心, 但魚皮餃就仲算ok今次食完之後, 魚皮餃都唔駛再食啦魚皮餃之前既口感, 魚味一一欠奉....炸魚皮仍然香脆, 但略嫌過鹹服務水平, 除左個男部長外, 其他人俾你既感覺係唔憂做咁下次除非有人請我我先會去, 而且會係叫公仔麵o個d野....

呢間野我由細食到大..有幾間分店ga~雖然佢魚蛋出名..but我最中意都係佢gei墨丸...同出面果d好唔同...好有咬口..又有鮮味..$17一碗其實唔算好貴..都差唔多啦...不過佢個price係跟地區gei~~我以前住kln city~就食17蚊一碗..而家搬左去油塘住..估唔到仲有得食..仲平d~~15蚊ja~~d味道仲冇分別~正呀~

同女友無地方去，亂闖之後入了九龍城。本來打算吃泰菜的，但今天不太想吃辣。想起之前都來過德昌一次，感覺他的魚蛋名過其實，但女友想試試。結果女友要了個貢丸河（喂！唔係想試魚蛋咩？Ｄ女人真係呢！），我則點個占醬厚多算了。貢丸不提，一看就知是交來貨。但河粉算滑，有咬勁，不錯。上次試過這裡的厚多士，不錯。今次再點，都不錯，覺得比粉麵還好。但這裡飲品也要近十元一杯，寧可吃後到轉角七十一買枝茶好過。