德昌魚蛋粉

营业中

休息中

住響附近，以前成日都食。佢d魚旦真係滑，又唔腥，個湯充滿魚味，河粉又滑。17蚊，份量一般亦唔算太貴。不過成日要排隊，好煩。但亦算等得快，所以都會等下. 但係上幾個星期再食，d野變晒。我同3個朋友去食，佢地不嬲都鍾意食呢間。又要等，是但啦，唔駛好耐就又得。梗係食番魚旦粉，wah...d魚旦又實又冇魚味不特止，重有陣腥味!食落好似街市賣0個d cheap魚旦，都唔知用咩魚造的，完全衰過一般10蚊魚旦粉，唔掂。杯奶茶都ok，咁我望下個水吧，唔係下華，個水吧佬響度食緊煙，咁d煙灰....我望下杯加料奶茶，飲都唔想飲。我個朋友話以前個老細唔響度，唔知係咪轉左手，所以咁難食。我費時諗點解，即走。個收錢大姑十年如一日，晚娘的口面，多謝都冇句，今時今日咁0既服務態度...今日經過，重有成十幾人排隊，我唔知佢d食物水準好番定d人得閒得滯俾錢買難受。