帕維亞意大利餐廳

营业中

休息中

好中意紀錄番一路以黎食過嘅好西，今次就紀錄番呢間我同友人覺得係心目中top3嘅西餐🥳呢間意大利🇮🇹餐廳環境氣氛都好好，好啱人黎慶祝啲特別日子拍下拖傾下計。服務員態度非常好，而且一坐低就好貼心咁比搓手液同紙我地裝住口罩。我叫左個set dinner，冇諗過餐包餐湯都好有水準，芝麻包好香軟，配埋牛油有陣淡淡香味係個口入面，蒜蓉包亦好鬆脆，調味啱啱好。餐湯係龍蝦湯，第一次飲咁濃郁嘅龍蝦湯，一黎到已經聞到好香，入邊仲有兩舊龍蝦肉，好爽甜彈牙。黎到main course，我叫左燒西班牙🇪🇸黑毛豬。黑毛豬之前都有食過，但呢間真係目前黎講最好食嘅一間，果然真材實料，一分錢一分貨。賣相已經好吸睛，切個下已經feel到肉質好鮮嫩，油脂分布可以話係啱啱好，真係有入口即融嘅感覺，但又唔會貳，成塊好厚啖啖肉，兩舊超滿足，點埋汁又有另一種口感，jenggggg🤤薯蓉亦好細滑，睇得出佢連配菜都唔會求其馬虎，為成碟菜再加分👍🥰最後黎到甜品，係Apple crumble🍎，甜度啱啱好，唔會貳，熱辣辣咁上，口感好好👏🏻整體黎講呢間餐廳我係好推介大家黎試下

九龍城一向都未食，但大多時候都是到訪泰國餐廳或到知名老店吃火鍋，今天同事們帶我出走，大大力推薦這家意大利小店，的而且確值得記錄下來！可能是平日午餐的關係，所以人流尚算Ok，是日午餐有多款選擇，主要包括肉類及意粉類，其中和友人點了燒春雞及黑毛豬扒作主食，煙三文魚沙律作頭盤，額外加$30亦可以加甜品其中一款。以燒春雞為例，$108一個午市套餐其實非常價廉物美，尤其是春雞份量亦非常多，而且價錢已經包括頭盤及一杯飲料，在現今西餐廳來說性價比算高～不得不提店員服務亦非常週到，值得讚許

月頭為慶祝有糧出，今天吃好一點。早前跟室友Book 了這間Pavia，是一間吃意大利菜的西餐廳。我們間中都會去不同的西餐廳，來回味早幾年在外國生活的感覺。可是有時總會吃到很貴，但質素很參差的餐廳，所以我們對外國菜的要求都很高。今次就試試Pavia!店內雖然面積小小，但有點昏暗的光線令店很有格調，很cozy。服務非常好，一入去就有酒精搓手液提供，又有一張紙給我們夾住口罩，非常貼心。我們見到有set dinner，所以點了一set 再另加一份意粉。先來餐包，已經令我有驚喜，因為麵包是暖暖的。芝麻包很鬆軟，蒜蓉包則很鬆脆，一次過滿足你兩個願望。前菜點了蕃茄水牛芝士沙律，擺盤很美，蕃茄很爽甜，加上柔軟的水牛芝士，一起吃有兩種不同口感，開胃菜來說很不錯。湯品就點了蘑菇湯，入口有非常香濃的蘑菇味，打得非常軟滑，而且夾雜了一些小粒狀的蘑菇粒，令湯有點咬口，不會單調。因為我們不吃牛，所以主菜我們則選了焗法國鴨脾，一上枱已聞到很香，我跟室友分來吃，一切下去那塊鴨皮是很香脆，切到肉就非常淋，很易切，感覺很不錯。先吃鴨肉，肉的質感很好，淋且有點油脂，及點點肉汁，不會覺得很老及乾。另外跟上黑椒汁，令鴨肉更香。

平時去親九龍城都係食泰國菜，今次決定食d新野，行行下見到間意大利小店決定幫襯下！為左食得滿足d，我同朋友都叫左Set Dinner。首先上台既係蒜蓉包，個包勁香脆，會想encore。之後上台既係前菜蕃茄水牛芝士沙律，好鐘意呢種意大利既軟質芝士，質感煙韌味道易入口，配埋新鮮蕃茄同橄欖油好開胃。到餐湯喇，我地叫左蘑菇濃湯，真係唔係講笑，菇味真係勁濃，撈埋d cream黎飲好滿足！終於上主菜，焗法國鴨脾！一上台已經香到癲左，d 皮焗到超香脆，鴨脾肉勁軟熟，一切就與骨分離，鴨肉煮得岩岩好唔會好老好鞋仲好入味。另外伴碟個薯蓉好smooth好creamy都好出色！雖然單點既話好似都要$238幾蚊，但食完真係絕對值呢個價！（利申：我平時唔太食鴨！）第二碟主菜黎喇！係好普通既蜆肉扁意粉，但一間西餐廳有冇質素就係睇佢既意粉，呢碟意粉真係我近年食過最好食既意粉，意粉硬度炒得岩岩好，蒜香味勁濃！！重點係D蜆肉勁新鮮，咬落鮮甜又彈牙，而且係完全冇沙，呢碟意粉真係不得了，高度推介。最後甜品係Tiramisu，上台時見到賣相普普通通都冇乜期望，但真係don't judge a book by its cover，

經過呢間小店，見到幾有特色，就入咗去食。餐廳唔算大，但係座位坐得都幾舒服，慢慢傾計幾好，氣氛唔錯。晚餐有套餐或散叫。由於選擇好多，我哋都揀咗好耐。先來頭盤係Parma ham配哈蜜瓜，鹹香嘅味Parma ham配哈蜜瓜絕配。幾開胃。龍蝦湯幾香，面試仲有啲忌廉，好飲。蒜香意粉都幾夠味，蒜蓉味夠香，帶有橄欖油，都唔錯。豬肋骨味道幾特別，面上香草調味，豬唔會太老，都不錯。甜品係朱古力蛋糕，夠濃夠香，幾好食。

唔好以為黎到九龍城就一定食泰菜，其實都有好多唔同嘅特色餐廳😍今次嚟到呢間意大利餐廳，真係有驚喜！餐廳裝修好特別，入邊色彩繽紛，充滿異國風味。🍴頭盤- Parma ham 配哈蜜瓜，ham嘅鹹香配上哈密瓜，非常fresh🥣龍蝦湯（+$40）龍龍蝦湯味道非常濃郁，帶龍蝦鮮味。美中不足就係冇麵包🥖🍝蒜片香辣扁意粉-幾香蒜香味，辣辣地，扁意粉口感唔錯燒西班牙豬🐷 面上有香草幾香，豬唔會太老🍰甜品有opera 蛋糕配香橙及火龍果，蛋糕好食😋

晚上去了九龍城食西餐，佈置簡約，骨緻小店，環境清靜。店員的服務勤快，值得一讚！這裏的晚餐可以叫set 或 a-la-carte，我們便隨便點了幾款菜式。意大利巴馬火腿配蜜瓜：薄薄的一片巴馬火腿的味道不會太鹹，配著蜜瓜吃，鹹味及甜味平均，而且很香，吃完一片再想吃多一片。黑松露菌忌廉汁意大利帶子牛肝菌雲吞：值得推介的一道菜，雲吞皮很滑，皮的口感軟硬適中，雲吞裏面有很多餡，有鮮甜的帶子及牛肝菌，配著香濃的黑松露忌廉汁，好好食！

評分(U - 5**)性價比cp value: 5*價錢price: 5味道taste: 5**服務態度service: 5*環境environment: 5總結conclusion: 5*☃️ 可以話係5*之選。路邊一間唔起眼的意大利餐廳，野食好食😋價錢合理，服務態度都好好。認真推介過鴨髀意大利飯，大家都要試試!!其實除咗個廁所可以再乾淨啲之外同埋返嘅我本身嘅肉質(雖然女朋友覺得唔錯)可以再好啲之外真係冇乜可以挑剔。

今日同個朋友約咗喺九龍城食飯，九龍城食開嘅通常都係一啲泰國菜，中式嘢。跟住行過呢間意大利餐廳，覺得佢入邊裝修好有特色，所以我就同個朋友入去試吓。一開始我哋叫咗個前菜沙律，一上菜就已經覺得呢個沙律好友意大利風情，佢嗰個水牛芝士同埋蕃茄非常之新鮮，生菜亦都非常之爽口，完全食開咗我個胃。跟住就係呢個餐湯，南瓜龍蝦湯，同我平時飲開嘅南瓜湯完全唔同，佢飲落去一啲都唔粉，亦都好足料，龍蝦肉夠晒多。跟住到主菜，黑松露野菌炒飯，雖然呢道菜係好多地方都能夠食得到，但係呢度既黑松露味重好多，中意食黑松露既人定好中意食，飯既質感亦都好鮮明，唔會痴埋一舊。推薦推薦！黎到第二味主菜，澳洲燒羊架。羊既香味十足，配上岩岩好既熟成度，切出泥唔會太'un'，岩晒我中意食羊既人。伴碟配上薯蓉車厘茄，一人既份量控制得岩岩好。最後上既係傳統意式既tiramisu, 甜度唔會太甜，岩岩好，再配上入口即熔既口感，為我呢餐畫上左個完美句號。另外店員嘅服務亦都好細心，每上一道菜都會為我地介紹同我解釋食飯，上菜速度亦都為我地控制好，一道菜與一道菜之間唔會等太耐，再加上呢間餐廳嘅環境別具特色，有啲情調，如果節日或者慶祝，嚟呢度食就最好不

今日收工之後諗住去九龍城覓食，自己一向都對呢個地方有情意結，因為旺中帶靜得黎又有好多值得被發掘既小店。而今次去既呢間餐廳就係其中之一啦。一入到餐廳已經感受到濃濃既聖誕氣氛，店舖雖然地方唔大，但坐落都唔會好逼，每張枱之後都有好多空間，適合同三五知己黎食飯吹水坐足一晚。前菜order左個煙三文魚凱撒沙律，加埋餐廳預先準備好既法包同蒜蓉包，好味之餘又可以試到餐廳既功架。主菜方面就order左黑松露菌忌廉汁意大利飯，意大利飯既時間控制得唔錯，唔會過硬或者過熟，加上用黑松露調製既醬汁，整體味道配合得剛剛好，食完都仲覺得意猶未盡。而另一個主菜就係燒澳洲羊架，份量十足之餘味道都十分之有驚喜，肉質嫩滑既羊肉一啲都唔膻，就算同行朋友本身唔太中意食羊都一試愛上，絕對值得推薦。甜品方面要左個法式焦糖燉蛋，味道唔會太甜既同時蛋味都十分之香。最後值得介紹一下呢度既咖啡，本身都猶豫緊應唔唔應該order，因為怕夜晚會訓唔著，但經店主推介下都係試左，結果真係冇令人失望，咖啡既質素絕對怕得住巿面上既咖啡店。係令人大滿足既一個晚上呀。☺九龍城果然係個好地方。

［好有情調既意大利餐廳 食物水準高！］尋日來左九龍城呢間意大利餐廳食野成日覺得九龍城都係食圍餐多　麻麻甩甩咁估唔到有間咁有情調既餐廳食意大利菜。———前菜——————水牛芝士蕃茄沙律———啲水牛芝士塊塊都厚切　好CREAMY好香！配埋好Fresh嘅蕃茄同生菜一流  超開胃　———前菜——————龍蝦湯———好濃郁好CREAMY既龍蝦湯老闆娘話特登加左D龍蝦湯入去有咬感得來又可以吊下味好細心呢 ———ＭＡＩＮ　ＤＩＳＨＥＳ——————黑松露野茵意大利飯———不得不讚！！！！好既餐廳就係每個細緻位都會做足佢連碟邊都係暖暖的。好貼心。意大利飯煮得好乾身，粒粒分明！！！超有咬口！雖然每啖都痴住濃濃既黑松露味，但食落去仍然食到粒粒分明既意大利飯Ｔ＿＿Ｔ食個陣已經覺得自己好幸福必點！！！！！（真心推介！！！）———ＭＡＩＮ　ＤＩＳＨＥＳ———牛外面有少少脆重有燒過，好入味！入面大約係七成熟非常正！有4個SOURCES可以點，唔會唔岩大家胃口呢！———甜品———————Tiramisu———另外呢個都係必點！！！入面有酒心同咖啡心既涵Tiramisu本身好CREAMY，酒心同咖啡心涵好濃，非常高質素

是日晚上同男友重遊舊地，再次回到昔日慶祝晚飯的地點「Pavia」，係一間位於九龍城打鼓嶺道的意式小館西餐廳，裝修氣氛浪漫有情調，情侶或朋友飯聚都可以餐包點餐後不久侍應便會送上熱騰騰的餐包：白芝麻餐包及蒜蓉法包，外香脆，內鬆軟，翻熱後更加美味。蒜蓉包則帶有濃濃牛油蒜香，非常惹味！龍蝦濃湯呢碗龍蝦湯呈深歇色，濃稠度適中，味道都幾鹹鮮，內裡仲有粒粒爽彈龍蝦肉，真材實料清炒蒜片辣椒意粉一上枱就有濃濃蒜香撲鼻，意粉加左辣椒同橄欖油一齊去炒香，乾身唔太油膩，意粉充滿嚼勁，好Al Dente呢！每一口都帶濃郁蒜香及辣椒香辣，好香口，令人一口一口吃不停燒美國頂級西冷牛扒 (10安士)大約五成熟的頂級西冷扒份量十足，入口頗有嚼勁，牛肉味好濃郁，牛扒表面嘅燒烤坑紋使得牛肉帶有炭烤香，好好食呢！旁邊仲有健康雜菜同香脆薯角，夠晒飽肚法式焦糖燉蛋最後又點少得甜品：焦糖燉蛋🍮，表面金黃脆脆的焦糖香甜可口，底下嘅燉蛋則嫩滑無比，滿有蛋香及奶香，不得了呢

龍蝦濃湯龍蝦湯微微偏鹹🙈🦞但散發出濃郁龍蝦味夠香之餘😋🦞淋上奶油飲落更Creamy亦增添美感😆😋而另外附上既蒜香牛油法包🤤🥖夠哂脆身之餘亦有濃郁蒜蓉牛油香😋燒美國頂級西冷牛扒西冷牛扒份量適中肉味濃郁🥩🤩五成熟既牛扒係剛剛好☺️🐮原塊煎香能鎖住肉汁肉質滑嫩Juicy之餘唔起根🤤配合燒汁更帶出扒香鮮味😋🥩另外亦有薯菜配合😆粗薯角炸得夠透啖啖薯肉亦係小肥至愛🥔🤤紅椒蒜片意粉彈牙意粉以橄欖油炒煮更為健康之餘😆拌以紅椒及切粒既蘑菇一齊煮增添更多口感☺️😋加入蒜蓉粒更使帶出啖啖濃郁蒜香🤤法式焦糖燉蛋賣相一流既焦糖燉蛋🤤蛋香濃郁配合甜而不膩既焦糖脆皮Perfect Match😋

以為九龍城淨係得泰國菜？咁諗就大錯特錯喇，話說有日經開九龍城思考緊應該食邊間泰國餐廳之際，無意之中就發現左呢個極高質既隱世小店，簡直係一改我對於呢個地區嘅印象。一入餐廳就比入面好有節日氣氛既裝飾吸引住，雖然距離聖誕仲有差唔多一個月，但感覺已經好似去左食聖誕大餐咁。坐低冇耐店員就送上熱辣辣既餐包，當晚天氣好凍，可以食到鬆軟好味既麵包原來都係件好幸福既事。前菜要左個煙三文魚凱撒沙律，三文魚既份量都比想像中多，係一個唔錯既開胃前菜選擇。主菜方面叫左個黑松露菌忌廉汁意大利飯，新鮮製成既意大利飯加埋濃郁既黑松露汁口感好豐富，比起平日喺cafe食到既risotto好食好多。而另外一個主菜-燒澳洲羊架同樣係十分之有驚喜。三件羊架都份量十足，加上自家製既醬汁，味道惹味之餘又唔會蓋過左羊架本身既鮮味，中意食羊既朋友一定唔可以錯過！最後加左個法式焦糖燉蛋為今次既九龍城西餐之旅劃上完美既句號。

今晚要同一個好耐冇見的朋友食飯，起碼要傾番幾小時，所以選了寧靜而且空氣較清新的九龍城。二人晚餐（包麵包餐湯、頭盤、兩個main course、甜品及餐茶）麵包熱辣辣配上鮮牛油立即融化，軟淋淋的麵包配上融化後香噴噴的牛油，正。餐湯係周打魚湯，非常足料，有好多魚塊係當中，魚湯質地非常creamy。頭盤係意大利巴馬火腿配蜜瓜，咸香十足的巴馬火腿，火腿肉質柔軟，甘甜芳香、味道細緻，配上香甜的哈蜜瓜；第一口是咸香，第二口是清新。主菜一係三文魚芝士薄餅，食薄餅就一定係食傳統薄批，餅皮薄脆，一啖入口，吾單止係薄批仲要芝士係拉絲果隻，煙三文魚大大塊當然正，但最重要真係焗起左的拉絲芝士，係馬蘇里拉芝士，薄薄的批底就好似一個小小的器皿但盛載住好多的材料，如果批底太厚反而浪費左上面的材料。主菜二燒美國頂級西冷牛扒，牛扒肉質軟嫩，外表燒得焦香、但內裡仍然充滿肉汁，肉味濃郁。甜品係tiramisu，口感非常細滑，配上咖啡油酒蛋糕，很好的完結。.😋味道：7.5/10🙃回頭：8/10💰消費：$400（每位）