帕維亞意大利餐廳

营业中

休息中

九龍城不只是泰國菜天地，原來仲有媲美洒店的意大利菜。同事最近搬到九龍城住，介紹她家附近大藥房隔離間Pavia意大利餐廳。趁著唔洗開OT她帶我一起去吃。入門口天花掛上一盞大的水晶燈和走廊處也有一盞別緻的燈飾，地方唔算大，座位週邊感覺舒適。與別不同的白酒煮新鮮紐西蘭青口，巨型肥厚的青口；肉質入口感覺鮮美！青炒巴馬火腿露筍炒扁意粉，粉紅鹹香的巴馬火腿襯托著青綠幼嫩的露荀，加添香草碎，令煙煙韌韌的扁意粉天衣無縫。熱🍋水和凍奶茶，便是這豐富的晚餐的最後終結！

入到黎九龍城總會諗起泰國菜，今日係友人的介紹下，帶左我去間意大利餐廳。起初聽佢講，心諗九龍城出名的是泰國菜。。係咪玩野啊?最後於上週四晚一起共進晚飯。一入到先有位熱情好客的侍應招呼，安頓下來後友人便指定要食黑松露菌忌廉汁意大利牛肝菌雲吞，上菜便聞到陣陣的黑松露味，食落雲吞皮又滑，料又足，食到帶子的鮮甜牛肝菌同爽脆，已經令我立刻眼前一亮！黑松露菌忌廉汁意大利牛肝菌雲吞然後送上餐包，又香又脆！餐包Main Course叫左大蝦意大利忌廉汁Risotto同西冷牛排，Risotto 配有蝦汁，十分少見！可見餐廳同廚師所簡既食材絕不馬虎，而牛排3成熟，啖啖肉汁，唔配芥辣汁都好好味！大蝦意大利忌廉汁意大利飯西冷牛排可惜最後食得太飽無再叫甜品，咁就留待下次再黎既時間食啦！入到黎九龍城總會諗起泰國菜，今日係友人的介紹下，帶左我去間意大利餐廳。起初聽佢講，心諗九龍城出名的是泰國菜。。係咪玩野啊?最後於上週四晚一起共進晚飯。一入到先有位熱情好客的侍應招呼，安頓下來後友人便指定要食黑松露菌忌廉汁意大利牛肝菌雲吞，上菜便聞到陣陣的黑松露味，食落雲吞皮又滑，料又足，食到帶子的鮮甜牛肝菌同爽脆，已經令我立刻眼前一

九龍城多好野食就人人都知啦，今次黎到一間意大利餐廳。餐廳唔係好大，勝在環境清優舒適，再配上美食，好岩情侶做週年慶祝。而且餐廳門口放左消毒洗手液，侍應都一定會要求客人探左熱同消毒左手先帶位入坐，注重衞生又窩心又好食既餐廳，就梗係要開心share。好，介紹下今日既美食先～吞拿魚沙律：本身諗住都係普通既沙律，但當將吞拿魚同哈蜜瓜一齊食既時候，估唔到吞拿魚同哈蜜瓜味道又幾夾，吞拿魚煮得岩岩好，魚肉食落唔會太老，有啲水果配襯，食落去酸酸甜甜好開胃，食西餐有個沙律做開始，係開心啲，正～意大利帶子牛肝菌雲吞：據說意大利雲吞既製法都係皮厚既，但餐廳既意大利雲吞係皮薄餡靚，大大粒既雲吞，一切開可以食到好香既牛肝菌同埋粒粒帶子，仲要配埋香噴噴既黑松露汁，真係食到舔舔脷，整個意大利雲吞既味道香濃，但唔會好膩，好食。Tua Tua 白酒煮托托蜆：黎自紐西蘭既托托蜆，大大隻又啖啖肉。一隻隻咁放滿成個碟，真係睇到都覺得吸引啦。不過用白酒煮，聽落可能會覺得好似好清淡，但一啖食落去完全可以帶出蜆肉既鮮甜。除左白酒煮蜆之外，如果鐘意食青口既你，都可以選擇白酒煮青口架，依個都係餐廳既招牌，真係要誠意推介比大家。燒美國頂級

好開心可以去到九龍城食嘢，平時喺九龍城食都係食下糖水同埋食啲泰國嘅嘢，但係從來冇諗過可以係度食到西班牙菜，仲要好有feel好有情調，周年紀念日去食一流，大家睇完啲相之後記得記得可以嚟食下啦。佢唔係好貴，二人套餐$1000內有找，好好㗎。佢個位大家可能要上嚟睇清楚，唔顯眼，喺內街入邊，大家要記得睇定地圖呀。吞拿魚沙律：第一樣嚟嘅係好開胃嘅沙律，食完之後個口清清地，預備承接下你嘅大餐，見得出套餐好有心思嘅設計。意大利雲吞：呢個真係一絕，入邊有帶子，牛干菌菇，加左黑松露。就咁睇材料就知道佢用心嘅準備，食落去口感一流，有煙煙人人嘅帶子，有清新嘅菇，又有惹味嘅黑松露。托托蜆肉 TuaTua：套餐入邊嘅推介，望落去個名雖然一開始唔知係乜嘢，但係其實除咗依個之外，佢仲可以煮青口。用左白酒煮紐西蘭嘅蜆肉。咁樣食法真係好惹味，佢嘅蜆肉十分十分之新鮮。着出嚟唔會太過暗，有意識，又易入口，又好味，實在太過正啦。最後仲有餐飲，冇乜特別特色，所以就唔特別寫出嚟啦。佢嘅職員十分之友善。服務非常之好，真係帶老婆仔女或者其他人黎周年紀念，係一流之選。衞生都好OK，有信封俾我地入口罩。枱面有張好乾淨嘅紙，好衞生Feel

係九龍城食泰國菜就聽得多，原來呢度仲有好食嘅意大利餐廳。入到去個裝修好有異國風情。呢度有set dinner同埋廚師推介，諗唔到食咩嘅話都可以參考一下！一開始有蒜蓉包同埋有個芝麻包，蒜蓉包脆脆地，芝麻包好香芝麻味！然後叫咗個黑松露菌忌廉汁意大利帶子牛肝菌雲吞，黑松露味好濃，雲吞皮亦都適中。主菜叫咗燒美國頂級西冷牛扒，同埋大蝦忌廉汁意大利飯。西冷牛扒好嫩好Juicy，仲配有薯蓉同埋芥末，食落比較解膩！意大利飯充滿蝦汁，成個飯都好香，大蝦亦都好新鮮，肉質好實淨！成個飯都好重忌廉味，食落好滑口。而且每食完一道菜，都會同我哋換過一隻碟架！而且呢度嘅服務態度都好好，會同客人傾吓計，好warm。

今日同女朋友黎慶祝生日環境幾靚 簡簡單單既裝修好有情調唔會太嘈太逼岩哂傾計談心首先叫左個水牛芝士蕃茄沙律蕃茄好清新爽甜 同 菜都新鮮 好健康叫左兩隻生蠔試下先 好重海水同蠔味 好想再瘋在叫好多隻黎食上左個餐包 平時食餐包都冇咩期望呢度做得唔錯 麵包夠熱 唔洗牛油都夠香味 抵讚～蘑菇湯足料好濃味 仲有蘑菇碎 忌廉味都好香 用餐包黎點蘑菇湯一流！pizza 係我女朋友至愛 佢最中意食酸酸甜甜既醬牛柳大大舊賣相一流 燒得好香口 芥辣醬配搭好好令牛味更香 唔會好un 生熟程度掌握得唔錯配菜個薯蓉好香好夠味 唔洗點醬都好好食 車厘茄同雜菜都十分好食黎得食意大利菜點可以唔試試佢個甜品甜品重朱古力味 分到層次 食到女朋友個心都甜哂。侍應態度唔錯，幾滿足既一餐～食到lam lam脷

第一次同朋友黎九龍城食意大利菜想試呢間餐廳好耐一入到餐廳好闊落，裝修好士正叫左個前菜 蕃茄水牛芝士沙律第一次食芝士沙律， 原來蕃茄同芝士好夾 芝士口感好soft，芝士味唔會太濃 蕃茄同芝士夾埋一齊又唔會好漏好飽咁 麵包🥯十分驚喜 最正係佢熱辣辣 牛油味好香蘑菇忌廉湯好濃好香 菇冇攪到好碎 仲咬到少少蘑菇粒 入面好似有少少松露味生蠔係gillardeau no2 重海水味同蠔味 鮮甜開得好好 冇殼 仲會反埋肉 方便食 very good!pizza邊皮好脆 中間醬料好濃味 軟硬適中 薄薄地 size啱啱好兩個人食 唔會好滯主菜薯蓉好好食 超香 超滑 中間有啲大粒薯仔幾特別 牛排3成熟中間粉紅色 控制得十分好 唔會過熟外面煎都好香 黑椒汁係香既但仲推介個芥辣汁 好香微辣 個鹽超正 唔會太咸 唔會搶咗個味 但又提升到個牛味甜品賣相幾好 重朱古力味 有一陣淡淡既咖啡味 切落去分到一層層 面頭有哈密瓜配搭番件cake嘅濃朱古力 十分清新值得一試既意大利菜！

成日周圍去揾別致嘅西餐😆今日嚟到九龍城雖然我唔知意大利西餐同歐式西餐有咩分別但哩個蒜蓉包同芝麻法包仔都好食蘑菇湯好濃應該除咗雜菌仲有忌廉賣相同香味都一流配埋個包食啱啱好 😌頭盤嗌咗呑拿魚沙律賣相好靚 😍好似牛扒好開胃 吞拿魚灸燒過味道好濃郁仲嗌咗青口粒粒都半隻手板咁大 🙊十分juicy 我差啲連青口湯都飲埋飽咗四成跟住嚟main dish 牛柳好嫩好有肉汁真係好正👍🏻👍🏻配埋啲side dish 真係冇飲酒都飲飽食醉

一年一度嘅生日月，朋友訂了這間餐廳和我慶祝生日🎂原來九龍城有間意大利小店，餐廳感覺不錯。睇左餐牌後，叫了2個set Dinner.麵包 - 有2款，餐包和蒜蓉包，熱辣辣的，新鮮製作餐湯 - 蘑菇湯賣相不錯，用cream加了星星圖案，很有心思，不過有啲苦澀頭盤 - 炸金文畢芝士（雖然要加錢$48，但比較特別，就試吓) 鐘意食芝士嘅我，覺得唔錯，配上伴炸芝士的醬，好match，值得一試炒田螺 - 田螺配薯容，加上蘑菇汁，呢個煮法係大路煮法，應該冇問題，可惜整個味道好苦，唔知係唔係蘑菇問題，佢呢種苦澀和蘑菇湯近似主菜，我們選了美國T-Bone 和西班牙黑毛豬美國T-Bone - 分量十足，肉汁juicy對一個女仔來講，真係大大份，我朋友幾經努力下，終於KO咗，温度味道👍🏻西班牙黑毛豬 - 份量適中，口感不錯，雖看上去份量較少，但也很滿足，肉汁juicy甜品 - 意大利芝士餅和焦糖燉蛋，2個也好好味，可惜HB Msg寫得太醜，還要加錢飲品 - mocha，一杯比連鎖咖啡店的咖啡還普通，可以不試，還要加錢這個set dinner和一般的不太一樣，很多item選擇要加錢，這個方法有點...頭盤加$

本身嚟到九龍城唔知食咩好就上網睇吓有咩食見呢間餐廳評價唔錯，就諗住試吓啦依家睇返轉頭，真心唔明點解評價高，係唔係冇要求到咁？試過一次，真係唔會再嚟入到餐廳，下面嗰層冇位個侍應望住我，又無咩反應我心諗，有人入嚟，你點都要問人幾多位掛個侍應望住我，我唯有主動同佢講兩位佢話冇晒位，要坐上面第二層我都冇咩所謂啦上到第二層，隔離張枱，有七至八個人飲到醉晒 high晒嘈到根本聽唔到侍應講啲乜連我同我對面男朋友講嘢都聽唔到講啲乜離晒譜！重點係隔離張枱有個講唔正廣東話嘅女人又飲到high晒 成餐飯就要聽佢講啲唔正嘅廣東話 侍應又好老細又好 根本冇諗過叫佢哋注意下咁好啦我同男朋友就叫咗兩個set dinner上面嗰份係set dinner 加唔知幾多錢既 T bone, 一句講晒 好硬，好難食。下面嗰份係鴨髀，講真，好乾。Tiramisu , 唔算好難食，一般啦。總之最後食咗$1000 ，如果以咁嘅環境，嘈到連自己講嘢都聽唔到，老闆又唔理，食物嘅質素，絕對唔值呢個價錢！ ！以後都唔會再嚟，好少打咁大篇食評，但實在忍唔住，完全唔明點解啲人可以低要求到比好評呢間餐廳。

之前叫開呢間外賣，好鍾意黎食佢嘅意大利風味pizza， 外皮脆卜卜，配料亦整得好味。而家見疫情好轉，可以帶小朋友出街街食，我又諗起PAVIA啦。今次點了夏威夷風味&巴拿馬火腿pizza， 兩個都好好味。夏威夷風味用左芝士、菠蘿、火腿，啱晒我兩個仔食~巴拿馬火腿配上火箭菜好match，忌唔住食左兩件。除了pizza， 脆炸魷魚圈亦是我必叫菜式，炸得好香口，食到唔停口。另外試左新野 <牛油果大蝦沙律>，非常好味，牛油果同大蝦都係我至愛。

平時成日都去九龍城食飯，今次唔想食泰國菜就搵咗一間好似幾靚嘅西餐☺️呢度食物質素都幾好，叫咗炒田螺，田螺好有咬口又夠煙韌，旁邊既薯蓉都好好味！之後上咗蘑菇濃湯，個湯都幾濃郁，菇味好重，但有點過咸～之後主菜終於黎到，T骨牛扒，煎5成熟～ 啖啖都好juicy 又好重牛味，口感啱啱好！蜆肉炒意粉，餐廳話呢個意粉係呢度既招牌菜！食落又真係幾正，意粉煮到煙煙韌韌，好有口感，而且個辣味啱啱好，好惹味好香！好快就食哂成碟🤣

今日去咗食朋友介紹嘅一間餐廳，一開頭以為係九龍城會好難揾，但其實間餐廳好顯眼，好易揾到👍🏻間餐廳裝修好靚，而且因為近期疫症問題，佢地都特登預備咗搓手液同信封俾客人，非常貼心。因為好肚餓，所以一坐低就叫咗嘢食先，我同朋友就各自叫咗個set dinner嘅。Set dinner有兩種，咁我地就叫咗平啲嗰種。叫完嘢食好快就嚟咗嗰餐包，嗰餐包好好食，又脆又香。食完就到嗰湯，個湯係龍蝦濃湯，佢個湯好正，除咗有好多龍蝦肉外，重飲到淡淡嘅胡椒味，正。咁至於主菜, 我就揀咗南瓜汁帶子意大利飯。嚟到嗰陣就已經聞到好香嘅味道，同埋見到啲帶子好大粒。至於啲意大利飯，我覺得味道啱啱好，係甜嘅南瓜味同咸嘅高湯味做到個好好嘅平衡。到嗰甜品喇，係一個Apple Crumble嚟。咁依個就正正常常啦，份量同甜度都適中。不過我想講就係員工嘅服務態度真係好好。我地每一道菜上嘅時候，佢地都會幫我地換碟。除此之外，員工都會同我地傾下偈理解下啲食物啱唔啱食，非常甜心。我覺得依間餐廳性價比幾高，非常推薦大家去食下，支持下小店。

好中意紀錄番一路以黎食過嘅好西，今次就紀錄番呢間我同友人覺得係心目中top3嘅西餐🥳呢間意大利🇮🇹餐廳環境氣氛都好好，好啱人黎慶祝啲特別日子拍下拖傾下計。服務員態度非常好，而且一坐低就好貼心咁比搓手液同紙我地裝住口罩。我叫左個set dinner，冇諗過餐包餐湯都好有水準，芝麻包好香軟，配埋牛油有陣淡淡香味係個口入面，蒜蓉包亦好鬆脆，調味啱啱好。餐湯係龍蝦湯，第一次飲咁濃郁嘅龍蝦湯，一黎到已經聞到好香，入邊仲有兩舊龍蝦肉，好爽甜彈牙。黎到main course，我叫左燒西班牙🇪🇸黑毛豬。黑毛豬之前都有食過，但呢間真係目前黎講最好食嘅一間，果然真材實料，一分錢一分貨。賣相已經好吸睛，切個下已經feel到肉質好鮮嫩，油脂分布可以話係啱啱好，真係有入口即融嘅感覺，但又唔會貳，成塊好厚啖啖肉，兩舊超滿足，點埋汁又有另一種口感，jenggggg🤤薯蓉亦好細滑，睇得出佢連配菜都唔會求其馬虎，為成碟菜再加分👍🥰最後黎到甜品，係Apple crumble🍎，甜度啱啱好，唔會貳，熱辣辣咁上，口感好好👏🏻整體黎講呢間餐廳我係好推介大家黎試下

九龍城一向都未食，但大多時候都是到訪泰國餐廳或到知名老店吃火鍋，今天同事們帶我出走，大大力推薦這家意大利小店，的而且確值得記錄下來！可能是平日午餐的關係，所以人流尚算Ok，是日午餐有多款選擇，主要包括肉類及意粉類，其中和友人點了燒春雞及黑毛豬扒作主食，煙三文魚沙律作頭盤，額外加$30亦可以加甜品其中一款。以燒春雞為例，$108一個午市套餐其實非常價廉物美，尤其是春雞份量亦非常多，而且價錢已經包括頭盤及一杯飲料，在現今西餐廳來說性價比算高～不得不提店員服務亦非常週到，值得讚許