帕維亞意大利餐廳

营业中

休息中

九龍城出名多嘢食除咗泰國菜之外 其實仲有好多唔同種類嘅美食今次試下呢間主打意大利菜既小店裝修精美 掛上水晶吊燈前菜點了意大利巴馬火腿配蜜瓜火腿鹹香十足 唔會死鹹配上鮮甜嘅哈密瓜喜歡入口味道分明餐前麵包有2款，一款係芝麻麵包另一款係蒜蓉包麵包烘得非常香脆可口Margherita Pizza用上芝士番茄醬同香料食材簡單 卻非常滋味而且新鮮焗起 熱辣辣 令人食唔停口龍蝦配意大利飯芝士焗龍蝦一開二賣相吸引下面再配上惹菌意大利飯啖啖野菌香味令人忍唔住一口接一口咁食晒

平日小編都經常頹食劣食🤣偶爾去一啲比較有情調既餐廳🍸呢間意大利餐廳位於九龍城🌟.🍗意大利巴馬火腿配蜜瓜蜜瓜好甜好juicy 配上鹹香既巴馬火腿🦵🏾作為前菜好開胃🙂.🥣周打魚湯Creamy 得黎幾足料🍴有魚肉🐟、薯仔🥔、洋蔥好耐都無飲過☺️.🐮燒美國頂級西冷牛扒燒到十字紋既牛扒好吸睛👀脂肪燒到好香口肉質好軟嫩有咬口而且好有🐮🐮味 高質🤟🏻.🍕蕃茄芝士三文魚Pizza以前旅行食過好多既Pizza🍕🍕小編最鐘情既都係簡單既蕃茄醬芝士pizza 🧀🍅呢個再加上煙三文魚同蘑菇🐟餅底食得出係烤爐現烤既 脆脆既餅邊好香口🤤.🍰Tiramisu 是日甜品係Tiramisu 滑滑好似牛油既cream 食得出唔係坊間普通既質素🥞加埋咖啡酒蛋糕 好有層次☕️

又約了朋友到九龍城吃飯朋友推薦了這一家意大利餐廳 — Pavia說他吃過一次很回味 便和他一起再來試試看餐廳環境寧靜 氣氛不錯意大利巴馬火腿配蜜瓜蜜瓜鮮甜多汁 配上巴馬火腿的鹹香味道十分搭 好出色 和朋友都很喜歡 必點推薦周打魚湯白沙入口細滑 淡淡忌廉香配上魚肉粒不會腥而且挺特別瑪姬連達薄餅薄餅薄底 焗得香脆 加入不同種類的芝士看見絲絲拉絲好邪惡 以蕃茄醬和香草調味簡簡單單卻又不錯吃提拉米蘇奶油、芝士和咖啡等味道混合多層次入口即溶 嫩嫩細滑的感覺 好滿足

九龍城除左泰國野食外，原來都有各式各樣的小店， 而今日就試了這間西餐廳首先呢碟餐包，食得出餐廳的誠意， 因為有蒜蓉包😊 包是熱辣辣的👍🏻前菜- 意大利巴馬火腿配蜜瓜， 火腿配上蜜瓜， 油香及甜味混合一起， 很好。龍蝦湯 - 好有驚喜！ 味道除左龍蝦味就是龍蝦味🤩 沒有好像平時蕃茄湯的味道所以不是橙色的， 而是全是龍蝦🦞製作，好好味。主菜點了大蝦墨魚麵 - 大蝦🍤口感好，熟度岩岩好。墨魚意大利麵配上帶少少辣的汁，好惹味👍🏻最後甜品是tiramisu - 酒味及甜味balance 做得好好，好正👍🏻

九龍城出名多好野食就大家都知家啦，今日我地就黎到Pavia 食好野。呢個係佢個Dinner set menu，有前菜，湯，主菜同埋甜品。上前菜前，就上左麵包🥯先，麵包🥯夠熱，表面仲要係脆既，好好食。前菜有意大利巴馬火腿配蜜瓜，蜜瓜好甜，配埋巴馬火腿食好夾。湯方面我就選左龍蝦🦞湯，龍蝦味十足，好濃😃到上主菜啦，我地今日有燒澳洲羊架，羊架處理得好好，肉細嫩有肉汁，同埋一d 都唔蘇。最後甜品有Tiramisu，呢個係呢餐飯既亮點，夠咖啡味之餘唔會太over，質地做得smooth，正👍

九龍城最出名係食泰國菜，但係又想試吓其他嘅所以就去咗依間食西餐。入邊環境都幾骨子，我哋食咗前菜餐包，湯，主菜，甜品。芝麻包配上黑醋或者鮮牛油都好食，因為佢麵包嘅質地好鬆軟。底下仲有蒜蓉包。之後有煙肉芝士焗薯，熱辣辣而且調味好足夠，仲有特製好清新嘅檸檬醬搭配埋焗薯會令到成個口感好豐富。我哋叫咗龍蝦湯，佢真係有龍蝦肉係入邊而且個湯嘅濃郁。然後我哋叫左蒜片辣椒意粉，一上枱已經覺得好香，而且入口之後，辣味同蒜味會慢慢散發出嚟。然後叫咗一個紅毛豬，肉質好嫩。甜品係tiramisu同apple crumble。

同男朋友過第一個生日，感謝九龍城一家特色車仔麵的老闆推薦，給了我他的故事，讓我記得這一家好味、值得食的西餐廳。第一次光顧，只因一個故事。膽粗粗嘗試，希望形造平凡又特別的感覺，所以也腌尖地向店員要求在甜品上留字。踏入店門，人不多，而招待的女店員似乎有點心不在焉，也許有點疲累，有點沒心裝載般，所以一直擔心店員忘了我的Réserve & Booking,, 感謝她與他大概留意到我的聲音。記得 也送上一份細心，為甜品加上蠟燭，令它更完美。做過FCC西廚的男友大概對食物味道有點記憶，而食物令他大讚美味，開心說道滿意是最好的評價。雖然出前菜餐湯的次序有點亂，但食物味道果真彌補不足，而且以Set dinner的配套出場，略帶微咸的鱸魚確實嫩滑。而喜歡吃羊騷味的我們都幾滿意，下次可能要求熟一點。店員頗推介豬仔脾，大概是比較穩陣，煮得好味的精選，都建議如果三心兩意的大家，可以向店員查詢是日精選介紹，遇著眼鏡哥哥略帶專業大廚的氣息，可以信賴得過。最後，喜歡吃沙律的人，不要浪費前菜的沙律，ok新鮮，而台面有黑醋+橄欖油，倒入小碟拌著吃係幾好既開胃菜。（心）吃過不少高級、貴價料理，這一家的確如車仔麵的老闆所講

嚟到九龍城，五花八門乜都有得食，可以試吓呢間帕維亞意大利餐廳。一入門口，見到典雅嘅裝飾，牆上掛有富有藝術嘅油畫，環境及氣氛一流，係度食嘢感覺非常舒服。餐前小食有鬆軟麵包及蒜蓉包，暖暖的加上香濃的牛油，入口一軟回味無窮、一硬脆脆滋味。頭盤芝士菠菜焗蠔，焗到金黃嘅芝士加埋菠菜蓉十分野味，蠔身creamy唔再講，三樣一入口就‘嘩’一聲好食。跟住上個南瓜蟹肉湯，有香濃南瓜味，加埋蟹肉爽甜，無得頂，可以嘅話想要多一碟。再嚟個煙肉辣肉腸pizza，煙肉野味與辣肉腸好夾，而餅底非常簿，入口脆卜卜，還有香濃嘅芝士，問你點樣可以抗佢。主菜有波士頓龍蝦茄汁焗闊條麵，你可以唔同人分享，因龍蝦鮮甜美味，入口彈牙，而闊麵爽口，再加埋茄汁肉碎的車厘茄，味道一流，問你點頂，只想一個人食哂。最後飲埋杯凍檸茶，劃上完美的句號。

九龍城不嬲都多好食嘅餐廳，平時過嚟食開泰國菜，今日就過嚟食吓意大利菜啦頭盤當然唔少得沙律啦，我哋叫咗個帶子沙律，帶子好大隻好清甜，再加埋哈密瓜同其他沙律菜，食完就開胃晒最鍾意食啲好creamy嘅意粉，所以就揀咗依個carbonara, 同想像中一樣食落真係幾creamy，佢雖然用料唔係好多，但單單幾樣材料都已經好足夠，因為佢個醬真係好好味然後就到依個白酒煮蜆，酒味唔會好重，而佢個汁亦都令到啲蜆好入味，蜆每隻都開晒，幾大隻，肉質彈牙，食得出幾新鮮

呢日同老婆去九龍城嗰頭搵食次次黎呢邊唔係食泰國嘢就係打邊爐難得老婆話食西就上openrice搵盲中中黎到呢間試下又有驚喜喎！佢嘅set dinner有分3-course同4-course分別就係appetiser+soup 定 or soup我地咁為食緊係要個4-course啦先黎嘅周打魚湯有驚喜我本來唔好魚湯都清左個碗配埋熱辣辣嘅飽食超正前菜係芝士煙肉配大啡菇煙肉食落口仲脆脆地好香食焗菇有時會好乾佢又唔會喎仲好juicy添主菜我地分別要左白汁蘑菇帶子意粉同燒澳洲羊架意粉好creamy好入味但如果意粉嘅分數係滿意咁燒羊架值情係驚喜滿分其實廚師喺廚房煎緊嘅時候我哋已經聞到好香好希望係我地order嘅嘢食食落直頭好味到要叫出黎咁制可能係我地食過最好味嘅羊架最窩心嘅係老闆娘知老婆唔食凍野特登叫廚房整左個apple crumble呢間餐廳最好味嘅係人情味呀～

平時去九龍城一定係食泰國菜 點知我朋友話樓下新開左間食意大利菜既約我去試下間鋪既地點相當神秘 唔近啲旺區 行過好易睇唔到入到去竟然有一兩枱外國人食緊因為好少食意大利菜 就叫侍應介紹下首先上黎既係餐包係我鍾意食既有少少硬有咬口既包 陪埋唔同醬！蒜蓉包都好香脆之後係前菜 大蝦沙律細細份好精緻 黑醋同蕃茄既少少甜酸 好開胃 不過男仔就可能唔係咁啱食餐湯係周打魚湯幾好味 但如果個湯有更多料就更好啦白酒煮蜆 鍾意個蜆湯 有少少酒味加蜆既鮮甜味全晚最正 燒羊架！好香羊肉 油脂比例相當好 分量都好足 女仔自己一個食完都飽哂 仲有個軟綿綿有奶油感既夢蓉

九龍城西餐店都唔少，今日去咗間環境好好幾高級嘅餐廳！帶屋企人食餐好😜法國龍蝦忌廉汁意大利飯 登登...我最期待既龍蝦，原隻龍蝦分開一半，龍蝦肉彈牙肥美。仲有意大利飯，意大利飯唔會煮得太硬，好creamy 之餘，仲帶點龍蝦既鮮味，yummy yummy！白酒煮新鮮紐西蘭青口啲青口放得整整齊齊，睇得出都花過心思去放。青口超級肥美、多汁，完美呈現濃濃既白酒同青口鮮甜既味道。忍唔住連汁都飲埋！😍😍😍😍

約了朋友行九龍城，自從機場搬了之後人流少好多， 況且又是平日更覺清靜。 雖然差不多是泰菜天下， 意外地見到一間意大利餐廳，轉下口味去試中等價錢，唔算太貴舊式樓底高，可以掛到一大盞歐式古堡吊燈長方形面積唔算大，只可容納大約20人每張枱都有兩個別緻雞蛋裝了調味鹽和胡椒粉 餐包先上天氣太熱，叫了個白酒煮新鮮紐西蘭青口隻隻都係大 size, 肉味鮮甜，肉質彈牙，非常新鮮配了香葉和白酒，口感清新舒服老板更教曉了我們分別雌和雄，白色肉是雄，燈色肉是雌👍👍海鮮闊條麵除了有大隻青口，餸料還有魷魚、蝦和魚， 闊條麵粗身，口感更實在， 蕃茄醬汁開胃，炎夏食最啱tiramisu香滑溜口， 蛋白味濃，main point 係唔太甜，值得推介熱檸茶邊飲邊享受這寧靜環境， 樂事也😍😍

今日到九龍城探朋友，之後佢話帶我去食好嘢，原來係同我去食意大利菜。餐廳位於打鼓嶺道，面積不是很大，但裝修很有歐陸色彩，估唔到喺九龍城這個充滿泰式餐廳的地區有一間咁地道嘅意大利餐廳，真令我這區外人眼前一亮。餐廳裝飾都有佻皮的一面。餐廳提供嘅食物非常地道，除pizza外，還有特色嘅意大利菜式。剛坐下，侍應就送上一籃麵包，有芝麻包和蒜蓉包，麵包熱辣辣，入口鬆軟有麵粉香，夾牛油吃茄汁海鮮闊條麵材料好多，有青口、魚、大蝦、魷魚…… 等。闊條麵好彈牙，吸滿海鮮嘅鮮味，加上惹味茄汁，我忍唔住食咗好多。燒西班牙紅毛豬骨話係豬骨啫，其實都有好多肉，少少肥，但因為燒過，所以肥膏唔多，紅毛猪比較少有，肉質彈牙，要讚嘅仲有佢嘅薯角，真係做得非常之唔錯，香得嚟少少脆，食完飯，飲番杯香濃咖啡慢慢歎，傾下偈，好治癒。

🐷隊友請食生日飯當然要食好啲啦😉😉喺九龍城，你想食乜都有得食，咁要試吓呢間帕維亞意大利餐廳🍽佢裝飾、環境及氣氛一流，還有我喜歡的油畫😏餐前有鬆軟麵包及蒜蓉包🥖，加上一份香濃的牛油，回味無窮😋頭盤芝士菠菜焗蠔，金黃嘅芝士🧀加埋菠菜🥬蓉十分野味，加埋creamy嘅蠔，好食到呢，唔可以用說話講📣跟住有南瓜🎃蟹🦀肉湯，南瓜味甜加埋蟹肉爽甜，無得頂👍🏻再來個煙肉辣肉腸pizza🍕，煙肉🥓野味、🌶辣肉腸好味，餅底好簿，入口好脆，還有香濃嘅芝士，非常好味😘主菜有波士頓龍蝦🦞茄汁焗闊條麵🍝，龍蝦鮮甜美味，入口彈牙，而闊麵爽口，再加埋🍅茄汁肉碎，味道一流，yummy😋😋最後叫杯凍檸茶，茶🍵底掂，飲完感覺好滿足👏🏻👏🏻多謝曬，好滿足嘅1餐生日飯😋😋