帕維亞意大利餐廳

营业中

休息中

九龍城一帶一向都好多好嘢食。今日再嚟依區，同朋友商量之後決定試試一間意大利餐廳。餐廳環境比較細，去到大約七點，餐廳已經好full，大家嚟嘅話記得要book定位！意大利巴馬火腿配蜜瓜我哋order左個比較經典嘅頭盤。巴馬火腿同蜜瓜都比較大嚿。巴馬火腿肉質柔軟，散發出淡淡鹹香。配搭上既鮮甜又軟綿綿嘅蜜瓜，滋味無窮。餐包香脆嘅麵包配上牛油，簡簡單單已經好好味。比較特別嘅係麵包表面佈滿芝麻，令麵包更香。另外仲有一款蒜蓉包，蒜蓉包一樣香脆，蒜蓉味濃郁。黑松露菌忌廉汁意大利帶子牛肝菌雲吞意大利雲吞佈滿黑松露忌廉汁，黑松露味好香，但唔會過濃，蓋過咗雲吞嘅味道。意大利雲吞皮好滑，而且厚薄適中。雲吞裏面嘅餡料係帶子粒同牛肝菌，味道豐富。燒西班牙黑毛豬另外一份煮食，我哋order左西班牙黑毛豬。黑毛豬表面香脆，內裏肉質軟淋。黑毛豬嘅肉質呈粉紅色，熟度剛剛好。旁邊仲會有薯仔、翠玉瓜、蘑菇等等嘅配菜。心太軟配雪糕甜品方面，我哋就食咗朱古力心太軟。心太軟配有兩球雲呢拿雪糕。心太軟外層脆脆地，裏面朱古力醬有流心狀態，味道濃郁，唔會過甜。冰凍嘅雪糕配上熱辣辣嘅心太軟，味道一流！凍奶茶+凍檸水飲品方面，凍奶茶同凍檸水

今日去完shopping，好想食意大利餐，問朋友邊度好食佢就介紹咗我去九龍城帕維亞意大利餐廳。而家屯馬線開通左去九龍城比以前方便咗好多，餐廳環境燈光好有氣氛，傾偈好有feel, 頭盤有蘑菇湯同我鍾意食嘅蒜蓉包，蘑菇湯打得好滑蘑菇味好香濃，我同朋友每人叫咗一個主菜，我叫了蜆肉意粉，佢就叫了一個頂級T骨牛扒，蜆肉好新鮮，意粉炒得啱啱好，T骨扒好大塊起碼有10安士，牛味好濃郁，半生熟煎得啱啱好。咁喺九龍城嘅餐廳多數就泰國餐廳為主，意大利餐廳都係比較少見。

屯馬開通真的很興奮，點可以唔去下九龍城食下野啦～但今日又唔係想食泰國菜既mood，見到間裝修幾有feel ge Italian restaurant就試下啦埋位送上餐包，烘到暖暖脆脆，仲有大大片牛油同油醋叫左個頭盤，白酒煮紐西蘭青口，啲青口有半隻手掌咁大，大大粒肉，不過調味就淡左小小叫左個4 inches Margarita pizza, 2人份剛好，雖然賣相唔夠吸引，但係夠熱又拉絲仲有個大蝦忌廉risotto, 兩大隻手掌咁大嘅蝦，蝦肉好彈牙，飯唔會太乾或太多汁，質地都比較岩香港人口味，唔係生米質地

近來外出用餐常常也是亞洲美食，好耐冇同我另一半去 fine dinning. 我聽日就去浪漫一下。九龍城其實除咗泰國嘢都仲有好多西餐廳選擇，今日我哋就揀咗 Pavia. 先講環境，唔係好多張枱，兩個人靜靜地傾吓計最好不過。頭盤先來一個蒜蓉包及蘑菇湯，蒜蓉包蒜蓉味好濃，焗到脆卜卜好新鮮。再配一個蘑菇湯蘑菇味好濃，加埋簡直係絕配。跟住主菜嚟一個蜆肉意粉，蜆肉好新鮮，意粉加左好多香料香葉好友層次。最後來一個頂級T骨牛扒，七成熟煎得啱啱好，牛味好濃，值得推介，浪漫的一個晚上。

《Pavia》九龍城超多好野食！同朋友搵dinner 食，見到呢間餐廳好有情調～ 就入去試下！我地叫咗佢個set dinner, 有餐包、餐湯，主菜同甜品～餐包係有芝麻包同蒜蓉包，有牛油可以搽～ 餐包食落鬆軟，幾唔錯！餐湯係龍蝦湯，入面真係有啲龍蝦粒，個湯好濃味～再嚟小食煙肉芝士焗薯皮，好鐘意！調味好好，超香好有芝士味～ 佢仲配埋個好清新既檸檬醬，增強口感！主菜之一蒜片辣椒意粉！上到嚟已經聞到好香蒜味！辣辣地咁好惹味！再嚟既主菜係紅毛豬！黑毛豬就食得多！紅毛豬真係少見～ 肉質好鮮嫩，酸味濃郁，好食最後係甜品，分別有Tiramisu 同Apple crumble，為呢餐晚餐落下完美句號！

九龍城都有好食意大利餐廳？！我個朋友話帶我去試，咁咪試下lor，又真係幾女食wo！今晚去左名為Pavia 吃了一頓豐富晚餐。基本上樣樣都算唔錯，而且最餐廳好安靜，環境舒適，店員勁親切。其中最愛係意大利麵，連我呢個唔多鍾意蕃茄汁嘅都好鐘意佢個味，D汁唔會好厚身，配埋隻大蝦，啖啖肉，正！生蠔唔算係大隻，但勝在夠新鮮，淡海水味重蠔味！餐廳店員有介紹係澳洲入口，品質高。朋友就點左個蕃茄水牛芝士沙律，佢話我都會食呢個蕃茄，心諗係咪玩我，但我竟然真係食左，仲要唔止一啖！雖然新鮮茄味十足，但連埋水牛芝士一齊食，係有種平衡，將原先我唔鐘意嘅青味無曬。甜品點了apple crumble，質地比較散，味道都幾好呀！大家行過可以黎試下！

今天經過九龍城，突然不想吃泰國菜，便打算找一家西餐廳。一入到去，餐廳環境舒適，老闆娘好Nice他介紹了招牌的黑松露忌廉汁意大利帶子牛肝菌雲吞。醬汁10分濃郁，雲吞皮不會太口，份量及味道剛好。每一啖都吃到當中的牛肝菌和帶子，好好吃。之後還嘗試了頂級西冷扒，叫了六成熟，煙人適中，份量不會太少，肉質鮮甜，可以配薯蓉或醬汁一起吃。最後叫了一個薄餅，有不同種類選擇，價錢合理，薄餅有超趣的餅底及配上芝士，簡直10分滿足。

首先黎既係餐包，仲係暖暖的，芝麻包好鬆軟，蒜蓉包勁香脆。蘑菇湯，入口有蘑菇味，打得非常軟滑，加上奶油飲落更Creamy而且夾雜了一些小粒狀的蘑菇粒，令湯有點咬口，味道唔錯，可以更濃。輪到野菌薯蓉，香濃既野菌配搭薯蓉味道剛剛好，唔會太漏，薯蓉非常好吃又軟滑，夾雜左小小薯粒增添口感。主菜蒜香蜆肉意粉，意粉硬度炒得岩岩好，帶有橄欖油，唔會好乾，而且蒜香味好濃！重點係蜆肉新鮮，完全冇沙，呢碟意粉高度推介。最後一碟T骨牛扒配薯菜，夠晒大塊，7成熟，味道唔錯，cp值高，另外薯角炸得十分好食。

九龍城其實唔止泰國野！今晚於一間低調的意大利餐廳，嘗了一餐質素好的晚餐。媽媽想食生蠔，我想食意大利麵。最後，我們享用了有海水味而不過鹹的生蠔，店員說是澳洲入口的，吃到鮮甜味道。主菜前還是吃個蕃茄水牛芝士沙律，是我欣賞的一道菜，水牛芝士特色在於清淡而實在，夾普蕃茄一同食，清新可口，是很好的開胃菜。主菜係大蝦蕃茄天使麵，蕃茄汁濃而不搶蝦ge 味道，天使麵有咬感，主角鮮蝦肉彈，喜歡！最後是apple crumble, 唔係我食開ge 質地，佢較散，但味道剛剛好。最重要係全餐食得好安靜，店雖小但環境乾淨舒服。

This is a 好好味牛扒原則上佢係一個炭燒嘅肉眼扒佢又真係做得好好將啲肉汁一野封曬入去我嗌嘅係五成熟佢就真係俾五成熟唔會煎過龍嗱個色水就如你地所見係淺色少少嘅但係入口嗰個肉汁真係一試難忘料又靚燒又燒得好rest又rest得夠見唔見到啲漂亮嘅grill mark🤩下面仲要係skim fries自從喺加拿大返嚟之後都冇乜點再見過skim fries食落去真係有一種感動甜甜哋中和返嗰種肉味同油膩嘅感覺個人認為呢個真心正到痺痺痺痺痺

呢度係男朋友同我表白嘅地方💕男朋友專登揀呢間餐廳，除左因為我地係九龍城按完摩，仲因為餐廳環境浪漫🌹燈光柔和昏暗，有情調，座位唔多，適合兩個人談心侍應好有禮貌，亦熱心為我哋推介chef recommendation同today’s special，上菜速度快以意大利餐廳來講，價錢算係合理龍蝦意大利飯有口感，龍蝦新鮮大隻，賣相好靚，值得一試！法式田螺係我至愛，好香牛油同蒜蓉味，好快食晒豬鞍肉質嫩滑，大塊又厚身，配菜好好味😋如果想同另一半好好享受二人晚餐，所以黎試吓呢間意大利菜

入到黎九龍城總會諗起泰國菜，今日係友人的介紹下，帶左我去間意大利餐廳。起初聽佢講，心諗九龍城出名的是泰國菜。。係咪玩野啊?最後於上週四晚一起共進晚飯。一入到先有位熱情好客的侍應招呼，安頓下來後友人便指定要食黑松露菌忌廉汁意大利牛肝菌雲吞，上菜便聞到陣陣的黑松露味，食落雲吞皮又滑，料又足，食到帶子的鮮甜牛肝菌同爽脆，已經令我立刻眼前一亮！黑松露菌忌廉汁意大利牛肝菌雲吞然後送上餐包，又香又脆！餐包Main Course叫左大蝦意大利忌廉汁Risotto同西冷牛排，Risotto 配有蝦汁，十分少見！可見餐廳同廚師所簡既食材絕不馬虎，而牛排3成熟，啖啖肉汁，唔配芥辣汁都好好味！大蝦意大利忌廉汁意大利飯西冷牛排可惜最後食得太飽無再叫甜品，咁就留待下次再黎既時間食啦！入到黎九龍城總會諗起泰國菜，今日係友人的介紹下，帶左我去間意大利餐廳。起初聽佢講，心諗九龍城出名的是泰國菜。。係咪玩野啊?最後於上週四晚一起共進晚飯。一入到先有位熱情好客的侍應招呼，安頓下來後友人便指定要食黑松露菌忌廉汁意大利牛肝菌雲吞，上菜便聞到陣陣的黑松露味，食落雲吞皮又滑，料又足，食到帶子的鮮甜牛肝菌同爽脆，已經令我立刻眼前一

呢年因為疫情關係唔可以到餐廳慶祝食聖誕大餐，唯有外賣啦，最後選擇lunch外賣聖誕餐，選擇咗呢間之前經過成日都好多人嘅餐廳。睇個餐牌上嘅食物都好吸引，最後要咗燒西班牙黑毛豬配薯菜，清炒北海道帶子天使麵，由於我唔食墨魚麵，店員都好好話幫我轉天使麵。哈密瓜瓜煙三文魚沙律：不過不失，就係唔見有哈密瓜。蘑菇湯：味道同口感可以再濃少少同creamy啲。燒西班牙黑毛豬配薯菜：黑毛豬都好淋，薯角最好食。清炒北海道帶子天使麵：平平無奇，味道一般，可能轉左天使麵，帶子細粒仲要得兩粒，有啲失望。甜品：加咗錢甜品轉tiramisu，不過返到屋企發現無甜品，打電話返去叫我哋再去拎或者下次再去食飯扣錢，其實來回都要二十分鐘，真係無言兼掃興。

朋友幫我慶祝生日, 佢揀餐廳, 結果佢揀左間我都食過覺得幾好味既PAVIA,令我HAPPY FRIDAY期待左全日枱同枱之間有距離, 方便我地傾計, 而且餐廳用色, 氣氛都好和諧, 令人坐得, 食得, 傾得舒服叫左個PIZZA再叫多個SET, 老闆娘話咁就夠飽, 夠老實!牛油果蝦沙律, 蝦好彈牙, 質素好高, 牛油果都係靚野, 一食就知, 沙律加埋黑醋, 好開胃龍蝦菠菜湯- 想對自己好D, 所以+$40轉D個, 上枱見到真係有龍蝦肉, 仲要有三四舊, 感覺抵返晒, 而且菠菜加入龍蝦既湯真係好少有, 但菠菜味又同龍蝦肉幾夾煙肉辣肉腸薄餅-係超脆既餅底上面, 有著馬蘇里芝士, 芝士控一定鐘意,  而且煙肉辣肉腸都係PIZZA上面既BEST FD, 好岩我口味燒澳洲肉眼扒-肉眼扒燒得岩岩好, 唔靭之餘亦都唔會有覺得好生既感覺, 足見廚師之功力, 記住加D海鹽食, 有畫龍點睛既感覺最後梗係要食埋提拉米穌做甜品, 今晚既一切都完美晒, 值得一提既係, 職員服務真係好好, 令今晚既我開心左成晚, 好開心的生日飯!

寨城公園是九龍城的旅遊景點之一。假日陪同媽子遊完寨城公園之後，行過對面附近找餐廳吃晚飯，無意中發現有間Pavia意大利餐廳，我們毫不考慮一於吃意大利菜。門面落地玻璃，餐廳內牆壁上掛上多幅別緻有趣的畫作。燈光效果柔和，餐桌上放置得意的載橄㰖油壺和胡椒粉壺。熱騰騰又輭熟的意大利包加上特製牛油，好味！好大隻的白酒煮新鮮紐西蘭青囗，肥厚鮮味的肉質，鮮甜無比😋！燒意大利牛仔扒，伴厚薯角和翠玉瓜，淋了燒汁的厚扒帶出了牛肉味，腍嫩口感，連媽子都吃過讚不絕口👍！這日遊覽中式的景點和吃到美味的意大利菜，令我倆感到無限的滿足！