嵐月 (AIRSIDE)

营业中

休息中

餐廳由門口開始佈滿各種綠色植物，充滿著創意與傳統氣息的高級中菜廳。環境雅緻簡潔，配合柔和燈光，營造出寧靜氛圍，非常舒適。芥小食 $28每台會先送上兩小碟小食，分別為酥脆香甜的合桃和辛香的XO辣醬龍蝦汁鮮竹卷 $78龍蝦汁鮮甜濃郁，鮮竹卷吸收了湯汁精華，龍蝦肉彈嫰多汁爽雪茄番茄牛肉春卷（2條） $78雪茄造型非常細緻又可愛！牛肉鮮嫩帶有番茄的酸甜，春卷外層焦香酥脆，內餡帶有濃郁肉汁黑蒜肉骨茶小籠包（三件） $88內餡以黑蒜和肉骨茶風味調製，濃郁香氣中帶有蒜香，外皮薄而柔軟，內餡湯汁充盈，多汁鮮香銀羅櫻花餃（三件） $78櫻花餃顏色鮮豔，清爽且帶有淡淡的櫻花香，外皮透明細膩，餡料軟嫩多汁黑豚叉燒勞准山麵 $238叉燒濃香鹹甜，黑豚的油脂豐富，柔嫩細膩，麵條爽口滑溜，不會太油膩，非常喜歡伯爵茶奶凍 $98甜品造型帶來完美視覺吸引力！白色煙霧像霧氣般飄散，帶來神秘又浪漫的氛圍，突顯出夢幻朦朧！隨著煙霧流動，十分迷人！非常打卡！奶凍質地柔滑，伯爵茶清雅茶香與奶香十分搭配，甜度適中，茶香回甘悠長，大大推薦！陳皮百合雪梨桂花茶 $38陳皮配上清甜的雪梨果香，帶有微微的甘甜，百合和桂花增添一絲幽雅的花

✨【Airside空中宮殿🏙️｜坐擁啟德全景嘅「嵐月Luna」霸氣登場！】 🌟 瞬間踏入東方美學殿堂！全景落地玻璃擁抱啟德日夜景緻🌆，雲石屏風配琉璃吊燈，絲絨宴會椅襯金線刺繡——呢度係CEO飯局、家族壽宴、閨蜜打卡嘅「三棲王者」！ 👨👩👧👦 空間解密｜ 超誇張10人豪華包廂×n間✨ 大堂3幾十圍枱零逼夾！帶阿公阿婆飲茶唔使就住細聲講野，商務客傾幾億生意都夠氣派💼 仲有專人泊嬰兒車/輪椅通道，貼心到喊～ 🍵 養生茶藝廊｜ 廿四節氣對應茶單🌱 由洛神玫瑰抗疲勞，到川貝雪梨潤聲帶，仲可以自創「混茶」！西裝經理會捧住檀木茶盒逐款講解，即刻覺得自己係皇室成員👑 🥟 視覺系點心｜ ▫️「海苔百合鲜蝦餃」— 師傅用食用金粉畫葉脈🌿 蝦肉混入荀粒爆汁！ ▫️「鳗魚小丸子」— 關西風情mix粵式炸功，鰻魚粒多過薯粉🤯 ▫️「花膠金湯灌湯餃」— 侍應會即席倒湯✨ 儀式感爆燈！ 點心顛覆傳統｜ ▫️「爆炸級芋角💥」魚子+帆立貝脆炸 —— 咬開真係有「咇」一聲！芋泥綿密到似食緊鹹版流心泡芙🤤 🍚 主菜核彈｜ 「松茸海膽越光米飯」🔥 海膽多到撈飯變橙黃色！傳授「三圈半」撈勻法，鮮味直沖天靈蓋💥 🍮 甜品彩蛋｜ 「川貝陳皮

喜歡四處尋找美食的我，今日尼到九龍城協調道AIRSIDE 3樓的‘’嵐月‘’酒家午饍。 進入餐廳時由侍應帶位入座。這裏環境優雅，地方非常寬敞，坐得舒適，完全沒有擠迫的感覺。食具非常乾爽清潔，感覺可以安心食用，不用再洗滌。 茗茶都有數款任君選擇，比較普遍的茗茶每位$28，特別的茗茶每位$38。講到這裏的侍應不得不俾個LIKE佢，笑容可掬，不停斟茶遞水，服務親切，令我有賓至如歸的感覺。 黑蒜肉骨茶小籠包（三件）$88小籠包的豬肉饀料有著黑蒜的的蒜香味，咬落有爆汁的感覺，手切的免治豬肉甚有口感，食落香濃又熱辣辣的肉骨茶汁混入豬肉汁的香味滿佈口腔裏，十分好味，但美中不足的是粉皮的頂端比較硬了一點。 黑毛豚肉义燒腸 $78义燒腸皮薄饀多，薄薄透明又滑溜的粉皮包裹著黑毛豚肉和芫荽，食落有豬肉和芫荽的香味，豬肉夠淋但可能比較瘦，對於健康尼講係好嘅，但口感就比較有少許鞋。 板栗鮑汁炆鳳爪 $88這碟點心超好味，鳳瓜炆得非常入味，又淋又滑，且有膠質感，加上用火燙著上枱，唔會令到鮑汁冷卻。栗子炆得夠淋，食落有粉的感覺。 姬松茸燒賣（三件）$78薄薄的粉皮包裹著蝦、手切免治豬肉和姬松茸。蝦肉爽甜新鮮，豬肉醃

今日和朋友去啟德行吓，睇下幾個運動場和零售館，感覺很國際化和設備一流，希望可以吸引到更多遊客嚟香港，帶旺經濟。晚餐我哋選擇咗Airside嵐月，餐廳裝修優雅，燈光柔和，令我哋一入去就感受到一種輕鬆嘅氛圍。店員非常有禮，服務態度一流。我哋點咗一個套餐，首先來咗鵝肝流心脆球，外脆內流，咬落去口感豐富，鵝肝味道濃郁，真係好正！然後係皇帝蟹海皇酸辣羹，湯底酸辣適中，蟹肉鮮甜，吃完之後真係令人開胃。接住嚟係蔥油脆皮三黃雞，皮脆肉嫩，加上香蔥嘅味道，簡直一流！仲有嵐月小炒皇，色香味俱全，材料新鮮，炒得剛剛好，每一口都好滿足。最後，川貝陳皮燉啤梨作為甜品，清甜可口，完美收尾。總體嚟講，Airside嵐月真係一個值得推薦嘅地方，無論係食物定係服務，都令人印象深刻！希望下次再來試下其他嘢！

同屋企人享用了晚市套餐 加埋一應該每位$800每一道菜的味道都很不錯，份量好足夠，食材新鮮，有創意，擺盤都好靚最後的炒飯食唔落要打包現代化的創新fusion中菜好適合慶祝的日子黎食唯一係開嗰樽玻璃樽裝嘅水都要$68唔知餐廳有無普通水提供

定時定候都要做吓乖乖女陪吓屋企人飲茶，今日就嚟喺啟德呢個商場試吓呢間環境優美坐得又舒服嘅中菜館😁😋水晶蝦餃皇（3件）蝦夠大隻夠新鮮，皮薄而且富有煙韌感👍🏻😋黑松露野菌餃（3件）外皮係黑色嘅已經同平時嘅餃好唔一樣，好吸引到我眼球🥰點知食落口，點知食落口有勁重黑松露味之餘仲有好多菇菇😊😋豚肉叉燒腸腸粉夠滑😀仲要有半肥瘦叉燒🥳😋板栗汁炆鳳爪又入味，但唔會太咸，又夠淋🤗😋京蔥孜然牛肉煎餃子皮薄，內餡充滿住肉汁鮮嫩嘅牛肉😆再配搭上少少辛既京蔥😁相當刺激🤭😋羊肚菌香煎野菌盒一向好鍾意食菇菌類嘅，我就覺得呢碟點心，就好啱我心水啦🥰好多菇之餘，仲脆卜卜好香口😆舔舔脷指數👉🏻8😋/10😋滿分 值得一試😋

啟德的 Airside 是我在香港最喜歡的商場之一，佈置時尚型格，大部份食肆皆有質素及特色，中菜方面我最喜歡 Airside，位於3樓一角落，佈置如綠州，輕奢舒適，是享受精緻中菜的好去處。適逢好友生日，秘密為她安排充滿仙氣的甜品盤，成功令她喜出望外！茶位每位計，兩個人也可以有不同的選擇非常窩心！桂花陳皮雪梨茶 $38/位金駿眉 $38/位桂花陳皮雪梨茶適合我晚上不能飲茶的人，味道很清。同伴不受我影響，可以正常喝茶，取價亦合理。芥小食 $28並非一般小食，合桃又香又甜美，XO醬也有水準，收錢也有所值。陳年花雕醉鴿 $238肉質非常嫩滑，酒香透入，服務員在面前再噴上一些花雕酒，香氣昇華。袐魯海椰皇花膠燉螺頭 $258*2秘魯海椰皇貌似蓮子，咬落非常爽脆實在，口中散發香味，含著加喝一口清湯，滿嘴香郁。花膠大大塊，足料夠火喉，十分可口。法式青醬燒北海道帶子 $288中西融合，法式香草醬味道清香，北海道帶子外焦香、內生嫩，與醬汁非常合拍。二十四小時慢煮牛肋肉 $528我最喜歡這道，肉質鬆軟，香軟柔滑，脂肪分布平均，吃起來不肥膩，烹調出色。白飯 $22同伴開玩笑，放一粒合桃在白板上拍照。單叢茶飯店

自從差不多一年前在這間我甚為喜歡的中菜館吃過晚飯之後，闊別多月，這一晚，終於再次和太太到訪，在這間環境優美舒適，侍應服務甚佳，食物又好吃的中菜館吃了一頓滿意的晚餐,一客三個的「鵝肝流心脆球」（$108）外皮脆卜卜，內裡煙煙韌韌，把脆球咬開，裡面橙黃色的流心漿液便緩緩流出，鹹滋滋的味道都不錯。用上了貴價食材皇帝蟹肉作為材料之一的「皇帝蟹海皇酸辣羹」（$168/位）材料豐富，味道適中，不會太酸和辣，底下點火讓這湯羹由頭到尾都能保持足夠的熱度，讓人喝得渾身暖和。同樣用了名貴的瀨尿蝦乾入饌的「嵐月小炒皇」（$238）十分之夠鑊氣，一端上來便已聞到香氣撲鼻。這小炒皇除了少見的瀨尿蝦乾外，還有芋頭絲、豬肉絲、乾蔥、豆角等做材料，口感十足，又夠味道，而且碟頭還很大份呢！「蔥油脆皮三黃雞」（$288/半隻）皮薄而脆，雞肉嫩滑，不帶多少脂肪。雖然太太覺得味道偏淡了些，我就覺得都幾好味。這裡的甜品選擇都幾不少，中西式都有，而我倆這晚就揀了滋補潤肺的「川貝陳皮燉雪梨」（$88）做甜品。這清潤的甜品，雪梨味道清甜不酸，陳皮味隱隱滲出，雖然雪梨下的蜜汁有少許川貝的苦味，因為苦味不濃的關係，對這甜品的甜美度未有帶

Airside的「嵐月」一直是我心水的餐廳，是一間充滿藝術氣息的高級中菜廳，餐廳裝修就像竹林一樣。服務亦很好，就連茶水都可以每位客人選飲不同的茶，我和朋友分別選了金羅漢果洛神菊茶及陳皮百合雪梨桂花茶，香甜清潤。以下食物質素亦不錯：1.  北寄貝沙薑漬北寄貝肉質鮮嫩，沙薑的香味充分滲透其中。漬汁調配得宜，酸甜適中，帶出貝類的海鮮味。作為開胃菜，它絕對能夠調動起食客的味蕾。2.  皇帝蟹海皇酸辣羹這羹濃郁醇厚，皇帝蟹的蟹肉豐滿多汁。海皇羹的酸辣調味恰到好處，酸辣的刺激，是冬日里暖身又開胃的佳品。3.  薑蔥爆金蠔煲金蠔肥美多汁，薑蔥爆炒的火候掌握得恰到好處，金蠔外層微微緊縮，內裏依然保持柔嫩。這道菜色真的香味俱全。4.  嵐月小炒皇這道小炒皇集合了多種食材，蔬菜爽脆，肉類鮮嫩，火候掌握得恰到好處。5.  川貝陳皮燉啤梨這道甜品清新爽口，啤梨燉得軟糯，入口即化，吸滿了湯汁的甜味與陳皮的香味。湯汁清澈，喝起來既有梨的清甜，又有陳皮的回甘，好好味。

每次黎嵐月，都覺得好有水準餐廳內相當高格調，就連服務都一樣點心非常精緻且富有創意食材的搭配也充滿巧思黑蒜肉骨茶小龍包 結合了黑蒜的獨特風味與肉骨茶的濃郁湯汁，包裹在小龍包中，口感豐富且層次分明黑魚子帆立貝芋角 以帆立貝為主料，搭配黑魚子的奢華點綴外層是酥脆的芋角！雪茄照燒牛肉春卷 以照燒牛肉為內餡，外型模仿雪茄的造型，春卷皮酥脆，牛肉醬香濃郁，兼具視覺與味覺的享受櫻花蝦蘿白糕 傳統蘿蔔糕的升級版，加入大量櫻花蝦增添鮮味叉燒餐包熱辣辣，叉燒充滿玫瑰露香氣餐包亦相當鬆化最期待嵐月甜品碟待應更會在上枱前倒入乾冰，絕對充滿視覺享受當中石獅黑芝麻糕相當吸晴，黑芝麻香濃另外伯爵茶布甸亦相當滑溜

朋友幫我慶生，今次黎Airside食中式fusion菜。餐廳位置方便，喺啟德站已可直達。餐廳「嵐月」位於商場三樓，門面好有氣派，有個華麗嘅吧枱。裡面劃分了唔同區域，整體視野遼闊，座位空間寬敞，可以慢慢傾、慢慢食。當晚試左幾款菜式：北寄貝沙薑漬，原來係餐廳其中一款奪得金獎嘅菜式。清淡嘅沙薑配上新鮮嘅北寄貝，嚐到鮮味、冰涼又清爽嘅味道。皇帝蟹海皇酸辣羹，盛載嘅器皿好靚，下層一直有個燭台熱住，全程都保持住個溫度。酸辣度恰到好處，開胃得黎又嚐到啖啖蟹肉，好滿足。薑蔥爆金蠔煲，有六隻肥大嘅金蠔，色澤金黃，口感外脆，肉質軟糯，蠔身亦保留了水份，頗香口的。嵐月小炒皇係餐廳嘅signature，果然唔錯，口感豐富，爽脆、咸香、嫩滑，而且有鑊氣。川貝陳皮燉啤梨，係今晚圓滿嘅作結，啤梨燉至非常淋身、又香甜，配上陳皮絲、川貝等，感覺養身又潤喉。臨走時見到其他得獎菜式，慢煮牛肋肉及黑豚叉燒，下次要再黎試埋先。

用餐體驗如標題, 本人自問一年係食開7-8次人均hk$2000以上既餐廳, 呢間係人生食過最垃圾既餐廳, 當月係母親節, 是但搵間有的價錢既中餐, 提早過節, 已經係whatsapp預定鴨同俾埋定金係前提,當日食完的前菜, 就叫侍應上隻鴨, 等左超過45分鐘, 睇住周圍都起好隻鴨, 而我地仲係到發呆, 其中一個侍應走黎開始要收哂我地的碟同餐具, 我當下o左, 問佢我隻鴨呢, 個位侍應冇出聲仲行開左我再叫個侍應問佢鴨又冇水又吾加, 係想點呢, 一個 sorry 都冇就走左, 再見到房入面幾個侍應服侍的人又倒酒又有講有笑, 心諗我今日冇叫酒就要俾的甘既服務我?之後終於有個經理級既過黎講sorry, 話咩多人book, 話吾夠人個的廢話, 跟住拎隻已經凍左既鴨黎, 已經冇咩心情食

媽咪就嚟生日，佢又幾鍾意食中式菜，喺OpenRice見到AIRSIDE 有間評價非常好嘅中菜館就book嚟食吓🤣嚟到中餐廳點會少得茶，媽咪驚瞓唔着，所以叫咗養生雪梨茶，淡淡雪梨茶味，香片茶都不錯，最好是有蠟燭在下面一直加熱，大家就不用擔心時間久冷了🤣，而且侍應會幫忙斟茶，非常好的服務頭盤總共有三款，崑崙茄瓜拌海膽，海膽不會腥，作為頭盤酸酸地開胃，三色胡椒牛柳酥外脆內軟，西班牙黑豚叉燒，肥瘦適中😋咖啡豆煙燻二十天初鴿，看到很多食評品嚐，於是一早在訂位時就預訂，果然沒有令人失望，乳鴿呈上來仲熱辣辣，肉汁鮮嫩可口，鍾意食乳鴿嘅朋友絕對可以預訂！松茸金湯藜麥繪花膠，湯很濃郁，花膠厚實配上木瓜流出的金湯很特別，藜麥煙靭令湯更有層次感，湯亦用蠟燭保暖很細心👍法式鳯肝醬野生波士頓龍蝦，鳯肝是雞肝所製，很特別的感覺，龍蝦肉爽口彈牙，醬汁酸酸甜甜，很適合解膩（濃湯搞到好飽😂) 廿四小時慢煮牛肋肉，牛肉味濃郁，熟度剛剛好，簡簡單單配上鹽已經能帶出食材的味道，牛魔王至愛香芋潤腸扒菠菜，明顯地能吃到潤腸的味道，但味道有點過於濃郁，蓋過菠菜，相對普通烏魚子醬鮮魷繪越光米，醬汁都好好地被飯吸收，魷魚充足，每一口都

見餐牌呢個黑豚叉燒要300幾, 覺得都幾貴,  加上店員專特同我地講是招牌, 我地就叫左黎試, 點知好失望, 10分滿, 以呢個價錢我只比3分, 比起出名地道好食的質料真係冇得比, 唔值得叫黎食, 另外叫左呢個金蠔, 大家覺得唔好食, 質素唔靚, 好咸, 失望!! 同時食野環境好迫, 好嘈, 服務質素好一般, 不會介紹人食同埋唔會食第2次. 

因為個乳鴿嚟咗呢度，佢哋嘅咖啡燻20日初鴿。睇佢寫你經過20日咖啡豆燻製。食落鴿肉質鮮嫩，表皮香脆，並帶有淡淡嘅煙熏味同咖啡香氣，呢種獨特嘅燻製方法令乳鴿嘅味道更加豐富，口感層次分明，係好食嘅另外西班牙黑豚叉燒，肉質嫩滑，味道濃郁，配左隻好香嘅楓糖，有驚喜桔柚黑鱈魚，魚肉細滑，搭配柚子醬汁，甜甜地，味道非常惹味。服務方面，餐廳服務員非常專業且友善，會講解每道餸菜，唔係hea 講，估唔到有呢個service