嵐月 (AIRSIDE)

之前為咗同屋企人慶祝生日，選擇咗呢一間Airside嘅高級中菜館食晚飯。入到去已經感受到個氣派，服務同衛生都無懈可擊，位置舒適，窗外仲可以見到新蒲崗嘅夕陽景色。有好多款食物可供選擇，令人眼花撩亂。最後我哋一行三個人，叫咗梅酒啫喱鵝肝凍、北寄貝沙薑漬、五頭鮑魚各一客、二十四小時慢煮牛肋肉、松茸海膽越光米、陳年花雕醉鴿以及甜品拼盤。北寄貝沙薑漬味道好突出，至於個醉鴿有肉嘅鮮味同時亦都有酒香，母親大人讚不絕口。而個鵝肝味道好好，又唔算太油膩飽肚，但係個梅酒啫喱味道太淡，其實係可有可無。鮑魚就味道鮮甜，而且肉質好彈牙，但係我嘅家人就略嫌佢比較韌咗少少。至於個二十四小時慢煮牛肋肉，不愧係廚師推介，味道係讚不絕口。另外個松茸海膽越光米，佢哋整到好似 risotto 咁，好有心思，味道好特別，不過就接近搵唔到海膽要特別一讚係個甜品拼盤，參考下面嘅圖片，大約有六至七款甜品。我作為一個唔係特別鍾意食甜品嘅人都覺得唔錯，再配合乾冰嘅煙霧效果，打卡效果一流，而且餐廳亦都肯配合去寫生日碟。如果你係甜品控就千萬不要錯過。當日用信用卡有九折，所以最後埋單就大約$3100 ，雖然價錢少貴，但係我覺得如果係為咗特定日子慶祝，其實係值得去嘅。…查看更多

今日帶媽媽食好野，黎到airside既嵐月。裝修古色古香，座位非常闊落。檯頭既XO醬好惹味!花膠金湯灌湯餃 |湯底用上花膠熬制，每一啖都感受到花膠既細膩膠質同鮮甜。餃子皮薄有彈性餃子一咬即穿流出滿滿既湯汁，餡料用上大量鮮蝦製成，鮮味十足。鰻魚小丸子 |呢個點心好有創意，似係鹹水角既鰻魚版。小丸子外層酥脆，內層有彈性同煙韌感。外皮香脆，內裡柔軟多汁，每一啖都感受到鰻魚既鮮甜，搭配特製醬料，層次豐富。魚子帆立貝芋角 |造型非常精緻，外層芋角炸到金黃酥脆，內餡滿滿，融合左鮮嫩的立貝同魚子醬既奢華口感。帆立貝既鮮甜與魚子鹹香相得益彰，芋角既香氣同酥脆口感令成道菜增添層次感。海苔百合鮮蝦餃 |蝦餃皮晶瑩剔透，帶有淡淡既海苔香氣，咬開係大量鮮蝦，彈牙多汁!松茸海膽越光米 |松茸同海膽既結合帶黎極致奢華既味覺享受。松茸的獨特菌香與海膽的鮮甜濃郁相互輝映，搭配粒粒分明既越光米，整體層次豐富且細膩。飯粒吸收左松茸同海膽既鮮味，入口香滑，回味悠長。啤梨川貝燉陳皮 |啤梨燉到入口即溶，好清甜，加左川貝好潤喉!糖水甜甜地仲加入左薏米增加口感。…查看更多

最近收工約左朋友去airside，諗起有間粵菜係幾出色，晚市難得有位就去試下😋餐廳環境優雅高級，坐位都好舒適 ! 聽講餐廳大廚都榮獲好多美食界獎項添，每次嚟都有驚喜☺️𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ❁ 北寄貝沙薑漬 (一件） $138晏就食多咗下午茶，就點咗一件兩份share食，北寄貝上枱係好仙氣嘅擺盤✨竟然大膽用上沙薑配新鮮北寄貝，唔只單有輕輕嘅微辣感，創意度都爆燈💡❁ 秘魯海椰花膠燉螺頭 (一位） $258🧉秘魯海椰皇入面盛載住頂級燉湯，清甜花膠和螺頭，真係好滋補嘅補品！記得食埋秘魯海椰皇肉，口感爽脆，配合埋花膠湯入口，真係好滿足！❁ 法式青醬燒北海道帶子四粒 $288中西融合嘅烹調法好特別，煎得外焦內帶子，再配合滿滿法式香草醬，個醬汁原來好好味，直情錦上添花🤩❁ 二十四小時慢煮牛勒肉🐂 $568呢個得到大中華黑珍珠金獎菜式🏆無得輸，牛勒肉表面係脆香，仲微微煙燻香味！大廚用上24 小時慢煮，真係濃郁又嫩滑，好快就KO 晒！❁ 🫖單叢茶免費送上香濃的單叢茶（潮州人常用的潮州茶）用對於減膩係非常有效👍🏻❁ 甜品拿破崙香酥又脆身，佢嘅酥皮同軟滑吉士醬，簡直係完美配合🤩，估唔到粵菜做出咁好甜品！❁ 🫖 茗茶及開水 $28/位餐廳有多款特色茶葉，今次小編就揀咗鳳凰單欉，茶味甘醇又入口順滑。❁ 小食 $28食唔停口嘅香脆合桃和鮮味XO醬。嵐月餐廳坐位環境優雅，餐廳職員都好友善，食物物質素高，如果大家去開啟德都不妨試下🥳…查看更多

[嵐月🌝].好耐未食過咁高質精緻嘅中菜點心了🤍🤍位於啟德Airside商場內的高級新派中菜廳 😍環境超舒適又有奢華嘅感覺🏆喺度飲茶🫖特別享受特別嘆💫.🌟花膠金湯灌湯餃🥟以濃郁金湯做base 湯汁鮮甜濃郁 🥣餃子皮薄 入邊好足料 🤭花膠滋補養顏滑溜溜 帶來滑順口感👀入口充滿海鮮的鮮香與膠質的柔滑個湯仲要有個座溫熱住 ♨️要食嘅時候先至將湯倒入灌湯餃中可以保持住熱辣辣嘅溫度 好貼心🫶🏼.🌟雪茄蕃茄牛肉春卷 🚬賣相完全係雪茄 但實際佢係春~卷~外皮炸得酥脆內餡融合蕃茄🍅的酸甜與牛肉🥩的濃郁肉香口感層次分明 又創新🤩超級打卡able.🌟黑豚叉燒撈淮山麵🍝選用西班牙黑毛豬脊肉製作的叉燒 🐽肉質鮮嫩多汁💦燒烤後外層帶焦香 內裡鬆軟不膩搭配淮山麵的爽滑口感 醬汁濃郁又不過鹹完美平衡叉燒的濃香與淮山的清甜🥳大like 👍🏿 .🌟 紫金香芋流沙包🥯我真係第一次食🤍平時都係奶黃流沙包今次用香芋好特別 口感綿密又溫暖又唔會好甜正👍🏿.🌟松茸雞湯小籠包🫢小籠包皮薄多汁💦每一口都散發松茸的獨特菌香和雅致風味🍄 高級且充滿誠意👍🏿.🌟伯爵茶奶凍 ☕️ 呢個甜品真係好出色👏🏿 用中國茶杯嘅形式上台 🍵 顏色都同茶嘅形狀match再用乾冰呈現夢幻效果🧊 篤落去原來係奶凍 🍮 伯爵茶的清香與奶凍的細膩口感完美結合入口絲滑 茶香回甘 🫖 Perfect ending🤍🤍.餐廳裝修以大自然為主題 💚好多綠色植物及橙紅色點綴🪴 高貴舒適 猶如置身綠洲🍀又有啲藝術氣息🖼️ 雖然價錢唔平💰💰但食材講究 烹調精細環境與服務一流體驗還是超好的😍😍.📍香港九龍城啟德協調道2號AIRSIDE 3樓L301-L302號舖…查看更多

陪客人去啟德體育園睇演唱會，入場前先享受一餐矜貴盛宴，因為係貴賓嘅關係，不能夠失禮，晚餐地點我就揀咗場地附近AIRSIDE 的 嵐月。一片貴派的氣息。這裡的裝修顯貴，整體氛圍優雅而舒適，感受到一種高端的用餐體驗。陳年花雕醉鴿（原隻）色澤誘人，醉鴿的肉質鮮嫩，花雕酒的香氣滲透每一口，陶醉於味蕾的享受，展現了中式烹調的精髓。秘魯海椰皇花膠燉螺頭極之滋潤的湯品，食材新鮮，營養豐富。擺盤賣相很有精緻感，花膠的口感細膩滑嫩，在口中融化，螺頭也是精選而來。湯底晶瑩剔透，清甜透澈，散發著誘人的香氣。秘魯海椰皇令人印象深刻，增添了一層深度，滋味悠長，讓人一試難忘。法式青醬燒北海道帶子色香味俱全的高級菜式，展現了法式的精緻創新。來自北海道的帶子，品質上乘，肉質鮮甜，帶子金黃誘人，外層微焦，內裡鮮嫩多汁，口感極佳。淋上青醬色彩鮮豔，尤如藝術品般吸引眼球，增添視覺層次感。青醬的香氣濃郁鮮明，味道平衡，清新和諧，恰到好處，既不搶味，又能提升整體視覺與味覺雙重享受，忍不住想要再來一份。二十四小時慢煮牛肋肉牛肋肉質量上乘，選材講究，低溫慢煮的烹調技術完美鎖住了肉汁，表面閃著油光，讓牛肉的風味得以充分釋放。牛肋肉經過長時間的慢煮，肉質極為嫩滑，入口即化。搭配的醬汁濃郁而不膩，提升了肉質鮮美的層次感，廚師高超技藝，韓妻客戶讚不絕口。嵐月生日甜品碟最後的甜品碟，十分有心思，仙氣十足，儀式感滿滿的。色彩繽紛，各種各樣甜品口味交織在一起，驚喜不已。尤其喜歡芝麻味石獅子的造型，石板街、伯爵茶布甸，每一款甜品都細膩可口，完美為這頓豪華的晚餐畫上了圓滿的句號。養生茶——雪梨清新爽口，平衡了整餐的豐富味道，感受到是健康的選擇。總結來說，嵐月不僅在裝修設計上給人留下深刻印象，菜式的賣相和味道更是讓人讚不絕口。值得再訪的高端餐廳！…查看更多

第一次來呢度食飯，真心有驚喜！呢度環境雅緻，有種 modern chic 感覺，坐得舒服 講返野食，今次點左脆皮蔥油雞、蔥爆熟成鷹䱽魚、蟹粉花膠、雞湯浸豆胚、甜品。蔥油雞做到皮脆肉滑，雞肉味鮮濃，完全無得彈！鷹䱽魚潮州菜常見，但熟成做法真係第一次食，估唔到係驚為天人！估計係熟成技巧另到佢魚味嘅鮮甜更加提升，肉質彈牙又 juicy，超級非常讚！😸😻蟹粉花膠本身以為係撈麵，但原來係切成麵條形嘅花膠 😂 咁計嘅話 HK$488 一啲都唔貴，但貪心的我表示如果再多啲蟹粉再多啲蟹黃比例更高就更好啦 🤣🤣雞湯豆胚，雖然入秋不久但佢地真係用靚貨，豆胚好嫩，無渣，仲好大碟！到甜品，推薦石獅芝麻糕，適合打卡之餘，芝麻味係非常濃郁，啱晒芝麻控！另外楊枝甘露都唔錯，滿足。下次仲要來試下佢地啲點心，期待！…查看更多

餐廳裝修得奢華嘅時尚氣派感覺，每一道菜都好啱口味，賣相同設計都好精緻，西班牙叉燒-好味，3頭鮑魚真係好好味😋24小時慢煮牛肋骨正，生日嘅甜品賣相好精緻-伯爵茶奶凍特別出色，整體真係覺得佢每樣，都好有心機去做非常滿意👍🏻…查看更多

之前嚟呢個商場見到呢間食肆都想試，但因為食咗飯，所以打算下次有機會嚟先食。今日專登揸車嚟食，有訂位，所以唔使等。 今日坐咗窗口位，雖然落雨，但景觀唔錯 👍🏻。 茶有好多種類，有我喜歡嘅龍井同碧螺春。 不過呢度叫點心唔係 scan QR code 或點心紙，而係人手落單，有好有唔好啦。 點心唔算太多款，價錢就係有少少偏貴嘅，但我覺得好食，夠熱，新鮮蒸嘅。 茶錢有少少貴，芥醬係 XO 醬、小食係核桃我見好多人叫炒牛河，下次有機會就試吓 午市套餐，我覺得中等價錢點心價錢 龍蝦汁鮮竹卷，呢個好食 ，夠熱，裡面唔係齋，係蝦 蝦腸，ok la魚籽花菇燒賣，呢個我覺得一般 飽汁鳳爪，唔太差，夠熱 义燒飽，呢個好食 總體而言，唔錯嘅，侍應有禮貌，收碟快，係價錢貴咗少少 😜😜😜😜…查看更多

慶生可考慮試呢個$1388 套餐:)每一道菜都啱口味無唔食嘅嘢（職員都會問問有無嘢係唔食）每道菜都感受到佢嘅設計，有些亦很精緻烹調手法及味道恰到好處由3道前菜：北寄貝、帶子（好厚肉）、叉燒（呢個推薦）燉湯（surprise 個椰子肉好淋可以食埋）3道主菜：魚（又係推薦）、鮑魚、牛到菜➡️飯➡️甜品 (伯爵菜奶凍好食）食到飽到上心口不過可以試到咁多款美食特別係個重頭戲—-3頭鮑魚絕對不失慶生的氣派整體連埋環境都非常滿意…查看更多

入面好時尚氣派，座位闊落，如多人 / 商業聚會仲可以約私人包廂🏅門口仲放置不同獎狀，連藍帶都有‼️🫖如果喜歡茶，餐廳提供多種外面少見的茶葉如被譽為「茶中香水」的鳳凰單叢，醇厚回甘的頂級紅茶金駿眉等👥服務質素體貼，會主動添茶，注意客人需要，整體體驗不錯🐦陳年花雕醉鴿即場噴上花雕酒增加儀式感，入口先感受酒香醇厚，細嚼下肉質鮮嫩，咸香與酒味平衡圓潤🍤燻汁虎蝦球蝦肉口感彈牙及肉厚，裹著上海甜醬經典又惹味🐮文火脆皮和牛臉頰上枱很神秘，店員幫手切開，用叉輕壓已感受到肉質極柔軟，外層脆皮增添口感，和牛臉頰入口不用咀嚼已幾乎融化，醬汁濃郁很下飯🍲金粟竹笙燴花膠會座熱保持溫度很貼心，足料食到底都有竹笙花膠🎂嵐月生日甜品碟仙氣飄飄加上繽紛的甜品很吸睛，當中伯爵茶奶凍絲滑細膩，石獅黑麻糕濃郁香味持久，很不錯…查看更多

嵐月位於啟德Airside商場，係間非常有氣派嘅中菜廳，餐廳環境裝修得富有奢華嘅感覺!! 食物賣相精緻，有特色好適合打卡! 茶葉方面揀咗洞庭碧螺春，入口順滑、甘甜清涼，帶有淡淡花香味，唔會好濃🚬雪茄蕃茄牛肉春卷造型幾可亂真，係勁似雪茄嘅春卷!! 春卷皮非常酥脆，包裹住蕃茄牛肉饀，配搭新穎幾好味🥟松茸雞湯小籠包 黃色外皮嘅小籠包好搶眼，皮薄多汁，餡料飽滿，一整顆放入口很滿足🧆鰻魚小丸子綠色球狀造型非常特別，係由海苔製成嘅鹹水角，大大粒而且入口軟糯，包住鰻魚饀料好惹味🌸日本大根櫻花餃粉紅櫻花顏色皮好靚，餃內包住大根饀料，清甜有口感，重點顏值好高▪️豆酥八味脆皮豆腐豆腐外皮炸得酥脆，入口嫩滑，連同木魚絲同炸蒜一齊食好香口惹味🧁嵐月生日甜品碟驚喜滿滿嘅盛合，上枱時仙氣十足，乾冰效果充滿儀式感，仲加插咗生日牌，非常貼心！碟上共有五款甜品：伯爵茶奶凍又香又滑，石獅造型芝麻糕超香濃，石板街布朗尼香甜濃郁，士多啤梨芝士蛋糕賣相靚靚，紅莓朱古力餅食落有層次！中菜餐廳入面居然有甜品碟，真係估佢唔到！…查看更多

星期六下午悠悠閑閑，K先生建議去Airside 食午餐順便傾談公司事宜，搵食任務當然為個最為食的人「我」去負責啦！自私㥟木想食點心類別又想坐得舒舒服服，見到 @lunahongkong 評價咁高，就決定今日非他莫屬🤭門口好有高級感好有氣派，左邊仲有好大位置Bar枱，好少見中菜有這個位置！入內環境好舒適，仲有好多獨立空間用餐位置，如果多一點人預約到這個位置真的很不錯！我地差不多14:30才到，所以有幸坐到超舒服的卡位，位置直望出新蒲崗加上天氣晴朗☀️我係舒服到唔捨得走🥹餐館所提供好多款特色茶，我地選擇金駿眉鮮活甘爽、口感厚重，平時好少見到，茶芥茶芥，有茶當然有芥，係XO醬醬同琥珀合桃，好有心思味道仲好好添！我地完全食哂🤭🌟花膠金湯湯餃 $108滿滿儀式感的灌湯餃💕燉盅內放入花膠同豐滿灌湯餃，附上一個加熱了的銅壺，再自己慢慢加入金湯，銅壺保溫能力好強，所以可以分多次加入仍然保持到熱度❗️灌湯餃內饀好豐富再加埋花膠，$108我覺得絕對值回票價❣️🌟豆酥八味脆皮豆腐 $118黑色的脆皮外層再灑上金粉，入面係白雪雪嫩滑豆腐，再加上木魚絲同脆粒粒，這個反差太誘人了😍🌟魚子帆立貝芋角（三件）$78暫時係我覺得最美芋角💕橙色炸層上面加上魚籽點綴，高貴了好多，入面係白汁帆立貝，味道好平衡食到白汁的濃郁又食到帆立貝的口感！超喜歡💕🌟海苔百合鮮蝦餃（3件）$78海苔百合味道好清新舒服😌平凡中又帶點不平凡，這個配搭很好❗️🌟松茸海膽越光米 $268上枱樣子好似意大利飯😂松茸份量多，淨係原隻羊肚菌都差不多十隻，松茸味好香濃，仲使用越光米咬口好煙韌，如果四個人食會比較合適！🌟川貝陳皮燉年梨（位）$88K先生最近咳嚨有點不適，見到川貝陳燉梨就覺得好啱佢，滋潤度咁高，絕對可以舒緩✨* 無論環境服務同食物都好出色，怪不得一直好評❗️等我安排一下去試佢地晚巿應該會有滿滿驚喜‼️#foodiehkig #hkfoodblogger #hkfoodie #hkig #hkfood #lifestyle #foodiesofinstagram #hkfoodshare #foodiemilkteahk #hkfoodieblogger #hkfoodpic #香港探店 #食在香港 #美食推薦#美食日記 #吃貨 #ufoodphoto #ufoodvideo #airside #高級點心 #嵐月 #啟德體育園 #啟德站 #高級中菜 #慶祝 #生日碟 #點心📍嵐月 (九龍城)九龍城啟德協調道2號AIRSIDE 3樓L301-L302號舖Follow me💪Follow me🌟Follow me🫶🏻如果喜歡我既分享，請給我的post♥️及追蹤我@foodie_milktea_hk，謝謝支持💕…查看更多

講到食嘢要食香味，大概冇一種菜式夠中菜講究。而講到精緻，廣東點心又絕對係佼佼者。今次呢間餐廳，又將色香味同精緻度推高去另一個層次。 🍖佢哋全部嘅顏色都真係太好睇，由一開始橙色嘅芋角，到紅色嘅大根櫻花餃，黑色嘅蝦子海蔘餃，紫色嘅淮山麵，什至個牛肉生煎包下面都鋪滿咗鮮綠色嘅長蔥，全部都係最好嘅視覺享受。 🍖佢嘅香氣亦都非常出眾，芋角上面有魚子，同海蔘餃上面嘅蝦子，系味覺上嘅鹹香，生煎包鋪係底嘅蔥，就充分咁樣帶出青蔥嘅味道，又可以聰明咁避開咗將蔥夾雜喺肉類入邊，非常為我哋呢啲唔食蔥嘅人著想。最勁繫個淮山麵，佢撈咗個松露油，成功為成個麵帶出香氣，但係最緊要系帶出埋上面半肥瘦叉燒嘅肉香。所以食上嚟嘅時候更加系香上加香。 🍖最後講嘅係味道，其實溫度決定味道，蒸籠上嘅餃，當然係熱辣辣。生煎包係用鐵板上，保存溫度之餘，亦都令個皮更加脆，熱辣辣嘅淮山麵先至可以發揮松露油嘅極致。最後不得不提嘅係甜品嘅川貝陳皮燉啤梨，佢地充分暖碟之後先上枱，個雪梨勁腍，而且個梨本身同個汁非常之夠熱，所以感覺更加滋潤，更加香甜。 色香味說易行難，佩服呢度真係可以做到。 …查看更多

高級粵菜 第一道菜精緻嘅蜜汁叉燒，表面燒到微焦光亮，好香，肉質肥瘦相間，厚厚的，一咬即溶，好淋，好嫩滑，擺盤靚 感覺高級又有食慾！😋第二道蟹肉泡飯 湯鮮甜 配埋一個細碗金黃色脆米 好暖胃！第三道乳白色上湯底煮嘅豆苗，上面鋪咗啲枸杞同黑色珍珠狀嘅海草，感覺好清新養生第四道木薰雞，好夾好好食，雞皮燒到金黃色微焦閃亮，肉質厚實多汁唔老， 整晚最鍾意就俾呢道菜，皮脂比例恰到好處，連皮食一流第五道黑白芝麻石獅子甜品 打卡一流 賣相比味道好 …查看更多

今日要介紹係喺啟德Airside嘅一間超高質中菜！除咗嘢食正，環境亦都非常舒服，仲有好多打卡位添！餐廳就係Airside樓，用綠色做主題，非常特別！裝修非常靚，好適合帶屋企人你食一餐高級中菜！今日我哋就係中午時段嚟，試咗佢幾樣招牌點心，超級好食！🍴豆酥百味脆皮豆腐 - 賣相好靚！係黑金嘅顏色，外皮非常鬆脆，入面嘅豆腐保持鮮嫩，加埋側邊嘅魚絲一啖入口，超香口👍🏻🍴魚子帆立貝芋角 - 呢度每一樣嘅點心都加咗少少fusion嘅元素，呢個護角就加埋黑魚子，入面亦唔係用普通嘅芋頭，而係好似忌廉汁咁，入邊有芋頭同帆立貝，中西合璧，正！🍴海苔百合鮮蝦餃 - 蝦肉好大隻，睇得出係鮮蝦，個皮又夠薄，好食🍴花膠金湯灌湯餃 - 絕對係今日mvp! 呢個灌湯餃絕對唔同一般嘅灌湯餃，佢個湯係另上，而且份量十足，一定係煲咗好耐，非常香濃！花膠都落足了，塊塊都好彈牙，一啖湯一啖咁樣食，絕對係今餐嘅一大享受👍🏻👍🏻👍🏻🍴松茸海膽越光米 - 食完點心都叫咗個炒飯試吓，呢度嘅炒飯都非常特別，竟然係用咗松茸加海膽呢個組合，但係又出奇地夾！食到一粒不剩🤣🍴川貝陳皮燉啤梨 - 最後仲試埋佢嘅招牌甜品，陳皮燉啤梨，唔用一般嘅雪梨，用上啤梨，口感更加好，為呢一餐畫上完美句號👍🏻呢度嘅菜式，絕對係香港難得一見，有機會會嚟啟德，絕對推介大家試吓呢間嵐月！…查看更多