山東小城 (西洋菜南街)

营业中

休息中

到左星期五，放左工想chill 一chill，係太子有間專賣山東菜同餃子既小店係晚市座無虛席。呢間小店深受街坊同街外客歡迎， 原因係佢地每日新鮮製造餃子，絕無味精及防腐劑！餐廳裝修好和諧，好有家庭既感覺。餐牌除左售賣特色餃子，仲有好多山東特色麵食及小菜，真係樣樣都想試！1） 🥟墨魚馬蹄餃及鮮肉白菜餃 - 餃子滿10隻可雙拼，仲可配搭唔同湯底，例如蟲草花南瓜湯及蕃茄蟹頭油湯（+$5）。 而今次想試試原味，就叫蝦皮紫菜蛋花湯。 上枱時每件餃子都好飽滿，咬開肉汁爆滿， 鮮嫩多汁。墨魚馬蹄餃爽脆可口，彈牙。另外湯底清新，滿滿既蝦皮及紫菜，夾住餃子食味道一流！2） 🐷黑糖醋豬軟骨麵 - 豬軟骨炆得好淋身， 咬落煙煙韌韌，黑糖醋汁帶起左豬軟骨既鮮味。 麵條用上海麵，老公至愛， 酸酸甜甜既汁掛上每一條麵，非常美味！3）🐓醉雞卷 - 好多件，好厚肉，食落肉質嫩滑。 有微微既花雕酒味，味道調得剛剛好3）🪸老醋海蜇頭 - 好大碟好足料，好多海蜇頭。 咬落好爽口， 配上蒜蓉同醋酸味， 非常惹味！4） 豆漿及山楂茶 - 好舒服，好解油膩。 用黎配山東菜及餃子一流！

吃灣仔碼頭水餃多了，亦想吃吃別的餃子🤣來到這家人氣小店，服務員態度友善，熱情招待，做事亦高效率，小店生意興隆，沒多久就全場滿座，離開餐廳時亦見外面不少人在排隊等位或等外賣呢🫢.𐐂晚巿套餐𐐚.。食品。.❥ A. 砂鍋雲吞雞配白飯 $89雞肉燉得熟透夠嫩口，雞味香濃，又大又飽滿的雲吞，包裹著滿滿的豬肉餡，鮮甜而且鎖住了肉汁，滋味無窮.❥ F. 鮮肉粟米香菇餃麵 $53餡料混合了豬肉、粟米和和菇，是完美的組合，味道口感多元化而且十分香口，齒頰留香，好有滿足感🥰麵條彈牙./追加小食/.❥ 千層醬豬耳 +$19口感爽脆，混合了紅薑絲、紅蘿蔔絲、青瓜絲和香菜，酸酸鹹鹹的帶點微辣，很開胃.❥ 豆沙餡餅 +$12餅皮煎得金黃香脆，裡面的紅豆餡蓉清甜順滑，咬下去是Q彈軟糯的口感，甜度剛剛好不過甜，餅皮上的白芝麻亦增添了香氣，好吃👍🏻.。餐飲。.❥ 蜂蜜百香果蜜 +$5帶有百香果香，不會過甜.❥ 百香果梳打 +$10味道跟上面的差不多，只不過加了梳打水更加清爽解渴.喜歡的就給個贊👍🏻鼓勵支持我👉🏻👈🏻

係旺角太子都有好多平價又好食嘅餐廳, 而經過呢間被佢哋獨創嘅墨魚荢薺餃吸引; 雖然店鋪細細, 但都好多客入嚟食, 近晚市都差不多坐滿。店員態度友善又熱情, 介紹多款招牌食品比我哋。砂鍋雲吞雞配白飯 - $89雞煲湯汁濃郁鮮美, 搭配新鮮青綠嘅小棠菜, 雞肉燉得熟透, 保持嫩滑不柴, 雞味香濃, 雲吞皮薄餡多,雲吞又大又飽滿, 包裹著滿滿嘅豬肉餡, 鮮甜而且鎖住了肉汁, 滋味無窮。配埋白飯, 有湯有飯, 暖胃又滿足。 墨魚馬蹄拼白菜鮮肉餃配南瓜湯 - $62南瓜湯湯好有住家感覺, 超級清甜。墨魚馬蹄餃個皮用墨魚汁做成黑烏卒卒咁, 帶點海鮮味, 彈牙既墨魚肉加爽脆既馬蹄, 味道唔錯, 而且都幾多汁; 咬落啲肉餡有粒粒馬蹄, 令口感提升; 白菜鮮肉餃都好足料, 仲要大大隻, 內裡好多汁。食餃子點可以冇麻辣菜甫, 佢哋嘅菜甫都係自家製嘅, 口感清爽帶少少麻辣香味, 會食到唔停口呀! 小食老醋海蜇頭 + $19海蜇頭嘅調味不錯, 唔會太酸, 一嚟就聞到勁香麻油味, 伴菜好爽口, 夾埋一齊食都好好味。千層醬豬耳 + $19是少見嘅千層豬耳, 好有咬口又爽口, 調味酸酸甜甜, 超級開胃。 餐飲蜂蜜

🦖人氣平民餃子店✨✨墨魚芋薺餃 併京蔥羊肉餃 首創墨魚荢薺餃，其他地方食唔到！餃皮薄但有啲咬口，墨魚餡彈牙～京蔥羊肉餃都係手工包，羊肉香濃又唔膻選左蟲草花南瓜雞湯底，味道清甜住家湯無味精～✨砂鍋雲吞雞雞肉嫩滑、雲吞有四粒～湯底雞味香濃，雲吞皮薄餡多！如果上菜時熱啲就更好～✨涼拌魚皮唔錯！酸酸辣辣，有麻油藤椒香味跟餐配埋嘢飲，自家製酸梅湯夠消暑✨推介指數：7/10🦖山東小城 📍太子西洋菜南街198號地舖

簡簡單單想食碗餃子，見到呢到有好多款特別既餃子，一於就試試。見到有墨魚馬蹄餃，外層是墨魚汁整成的餃子皮，入面包住彈牙既墨魚滑，而且外皮仲有少少墨魚肉！另一款試紫洋蔥牛肉餃，用料新鮮，咬落去好juicy，好多肉汁。今次加左5蚊選了蟹湯作為湯底，鮮！下次可以試埋其他湯底。見仲有紫菜蛋花同埋南瓜雞湯，應該都會好夾！加埋先$67。飲品揀左杯海洋梳打，入面有一粒金魚橡皮糖，好可愛🐟最近天氣咁熱，望住都覺透心涼！

今日去到太子做野 想搵下有咩好食 就上網搵左尼間餃子 見咁多好評 味走去試下 叫左個蕃茄蟹湯 去果時3點幾 果時帶咩 竟然等左20幾分鐘 唔知以為 即湯即包 講求一個鮮 但原來是非常伏 湯底就是蕃茄瘦肉 沒有蟹肉沒有蟹味得個名有蟹字 都算名副其實，之後一夾，全部餃子都爛晒，果然煮足20幾分鐘，丟落滾水計個時應該教錯左時間😂，同埋服務態度也是非常不友好，唔知餃子要煮咁耐，問多句都會比人話。都系信錯食評惹的惹！希望大眾食之前睇多d差評 實無死

滿心期待試下呢間餃子，餐廳環境都幾好，似茶餐廳間隔，但係都睇落光線充足，環境衛生！食量唔大，兩個人就叫左以下既野試試佢！1. 雙拼水餃$58揀左鮮肉麻辣菜圃餃+鮮肉黑松露餃，配蟲草南瓜雞湯！一上菜，見有煲到淋晒嘅南瓜蓉，即刻試啖先，一試…凍既！明晒…姐係湯還湯…南瓜蓉還南瓜蓉，係分開的！個湯都有南瓜味嘅，但係雞味同蟲草味…請恕我品嚐唔到。餃子方面，都算大粒既，但餡料方面就還好啦，唔係成粒爆餡果啲，鮮肉麻辣菜脯餃都真係幾辣既，就同餐廳提供既辣菜脯味道一樣，撈埋豬肉一齊，都幾惹味！鮮肉黑松露餃個人就認為一般啦，成粒味道以黑松露為主，撈咗椰菜，唔係好感覺到鮮肉既存在，味道上冇乜層次，黑松露嘅味道蓋過咗其他餡料。2. 洋蔥牛肉芝士餡餅 $37（試食價，原價$40）餡餅要半個鐘先上菜，一份得一個餡餅，廚房有幫手切開一半，餡餅外皮真係煎到好脆，餡料嚟講，芝士都幾多，但係牛肉就打到肉泥咁，冇乜口感，味道就不過不失啦！但$37來講，都真係唔抵食3. 紅豆冰奶茶 $10 （跟餐價）紅豆冰奶茶唔太甜（冇走甜，都冇少甜），紅豆都唔甜，同埋唔夠爛。只能說呢度唔係茶餐廳，要求唔好太高啦！4. 麻辣海蜇 （fol

🥟墨魚馬蹄餃🥟黑色嘅餃子皮用左墨魚汁去整，咬落去feel 到肉餡有粒粒馬蹄，爽爽的 令口感提升🥟鮮肉黑松露餃🥟初時以為會好重黑松露味，但食落又唔會，淡淡嘅黑松露香散發出來，食多幾隻都唔會覺得厭🫢🫢🐟砂鍋金湯酸菜魚配白飯🍚除左配白飯，砂鍋底仲有好多已經煮到入晒味嘅薯粉，魚肉份量都算多，酸辣程度適中，平時食唔到辣嘅我都岩食小食：老醋海蜇頭 & 千層醬豬耳涼拌小食嘅調味不錯 唔會太酸。豬耳爽口 彈牙

見多好評 所以試下下午茶 呢度$38 只有3隻餃 每隻大約係圖片一半大細 好小 味道唔特別鍾意 麵無味 整體來講唔試都可以而且店員態度麻麻 叫左好耐 原來仲未落單：） 最後都等左一段時間

同朋友去旺角呢頭行完街，順便搵埋晚餐食黎得旺角當然要搵啲香港小店食啦😌，見到呢間山東小城，睇Menu都幾吸引同抵食咁晚市套餐，一人叫左一個餐再share食酸辣湯京蔥羊肉餃麵餃子一咬有啲驚喜，勁羊味濃，好正😍，皮都厚度岩岩好，入面餡料好飽滿好足，仲會爆汁☺️，酸辣湯麵都好惹味，又唔會太過濃味咁，味道拿捏得岩岩好另一個，口水雞拼牛肋肉菜飯，牛肋肉好軟腍，口水雞辣味都夠香，菜飯都夠乾身，幾加分仲追加咗小食老粗海蜇頭同洋蔥牛肉餡餅餡餅一上枱就好吸引，勁juicy，肉汁滿滿咁，餅底係脆身，食落口感豐富😃，Yummy Yummy🤤 飲品凍百香果好清爽，紅豆冰紅豆都好綿密，重點！2杯都唔會好甜，非常好👍🏻

好耐之前同朋友嚟過呢度食嘢，試過佢嘅餃子同餡餅都唔錯👍今晚咁啱喺附近就帶老公黎試吓❤️洋蔥牛肉餡餅餐牌上面已經寫咗要等大概20分鐘黎到熱辣辣，外皮煎得勁脆👍裏面嘅餡好juicy，仲食到洋蔥嘅甜😋❤️墨魚馬蹄拼韭菜鮮肉餃配南瓜湯個湯好有住家feel，超級清甜👍👍兩款餃子都好足料，墨魚偏彈牙，鮮肉偏多汁⭐️三寶菜飯（生炸豬扒，手撕雞，牛肋肉）有齊雞牛豬好豐富😂豬扒炸得幾靚，牛肋夠淋❤️老醋海蜇頭一嚟就聞到勁香麻油味😍海蜇頭同啲伴菜都好爽口❤️百香果梳打佢用咗新鮮嘅百香果做base，好有誠意👍酸酸地幾開胃⭐️紅豆冰奶味非常突出，唔係太岩我個人口味😂

係旺角經常經過啲平價餐廳，而經過呢間被佢哋獨創嘅「墨魚荢薺餃」吸引🤩🖤 好特別都未試過墨汁整嘅餃子皮😆🔸 墨魚荢薺餃 拼 洋蔥牛肉餃 ($62)想試呢個咁特別嘅餃，又鍾意食牛肉嘅我決定點雙拼😙 而呢個決定係啱嘅‼️ 因為兩款餃子都好正😋🔥🔸 手撕雞拼黑醋糖骨芝麻醬冷麵 ($61)呢個冷麵份量超多😳 滿滿嘅芝麻醬，配上醬油手撕雞同排骨✨ 排骨用咗黑醋配上糖漿，酸酸甜甜好好食🤤 🔸 千層醬豬耳 ($19)、老醋海蜇頭 ($19)呢啲小食平平地，而且非常入味🥰 個醋令到整個小食都好開胃🤤 豬耳同海蜇嘅數量都唔少🤩🔸 紅豆冰 ($10)10蚊一杯紅豆冰真係好抵😍 紅豆蓉有一粒粒紅豆嘅質感，配著椰汁超正🤤🔸 龍眼冬瓜茶 ($14)夏天飲凍冰冰嘅冬瓜茶都好舒服😌✨總結係整體食物質素都唔錯❤️ 尤其是餃子真係值得一試，全部都大大粒又爆餡😎

墨魚荢薺餃 併京蔥羊肉餃 $62（蟲草花南瓜雞湯底）墨魚荢薺餃同京蔥羊肉餃手工包製，餃皮薄而有嚼勁，咬落彈牙，墨魚黑色外皮包裹住荢薺餡料，荢薺清香，同肉餡好夾京蔥羊肉餃羊肉味香濃又唔膻，京蔥增添微甜同香氣，湯底用蟲草花、南瓜同雞熬成，微甜暖身，飲落清甜醉雞菜飯 ($58)醉雞肉質嫩滑，帶陣陣酒香，啲酒原來仲係鋪頭自己釀，入口好滋味，菜飯軟硬適中，菜粒切得幼細，同米飯撈勻，完全冇渣千層醬豬耳 ($40)千層醬豬耳切得好薄，層次分明，軟硬適中，唔會太韌，咬落爽脆，醬汁微辣帶香，滲入豬耳，好惹味麻辣魚皮 ($40)麻辣魚皮香辣過癮，魚皮爽口彈牙，撈埋啲青瓜絲同紅蘿蔔絲一齊食，好多層次口感紅豆冰 (+$10)紅豆冰嘅紅豆軟腍入味，整體甜度適中唔膩海洋梳打 (+$10)海洋梳打清新爽口，加入梳打水更加啱晒夏天飲，最得意嘅係飲品中有粒小金魚糖，好可愛，甜度亦啱啱好，好解渴📌山東小城 (太子)地址：太子西洋菜南街198號地舖

擔擔麵都有新食法？可以唔再係用傳統肉碎了！湯頭偏甜有花生粒加入櫻花蝦香咗好多麵可以夾墨魚馬蹄個餃幾清突出到馬蹄本身嘅爽甜配埋擔擔湯一清一濃效果唔錯千層豬耳賣相靚靚麻油味香切到好薄、爽口配菜蔥、青瓜、紅蘿蔔吸收曬醬料香氣值得一試蔥油餅厚度剛剛一口size酥脆唔油膩三寶菜飯有手撕雞、牛助肉、炸豬扒估唔到牛助肉咁好食好有牛味內裡軟滑仲跟一碟自家製醬汁芫荽、蒜、辣椒惹味上再添惹味飲返杯有真龍眼肉嘅冬瓜茶舒服又養生

第一次幫襯....芝士牛肉餅，洋蔥牛肉水餃，百香果熱飲，$8x芝士牛肉餅，切開賣相好睇不過食唔方便，一尼上手好油好熱，二尼集碟太細，最後筷子先吃餡料，最後才食皮... 仍然脆，不過已經油浸味道ok ... 洋蔥牛肉水餃不過不失...