山東小城 (西洋菜南街)

营业中

休息中

平日Lunch 食依間有少少多人坐嘅位都唔算太窄，枱上面有紙巾可以用添～唔想食咁多澱粉質，所以嗌左個餃子食酸辣湯同山楂茶超開胃😋😋本身冇咩胃口，但係都成個酸辣湯飲哂！餃子好足料🤤餃子皮厚度適中～+$5 有大大杯山楂茶～咁樣女仔黎食都夠飽又好食👍🏻

今日來訪位於太子嘅「山東小城」，之前聽朋友介紹過呢間小店，以新鮮嘅食材同店內人手包製，主打特色水餃和餡餅，仲有其他麵食和小食，價錢大眾化，真係幾抵食。叫咗自家製醉雞菜飯（$56）花雕酒味香濃，皮爽肉滑。還有半隻流心蛋。呢度嘅菜飯切到一絲絲，而且好新鮮，非常健康。又叫咗黑糖黑醋排骨擔擔麵（$58）排骨炆得軟淋，黑糖同黑醋搭配令味道甜酸適中。擔擔麵湯底濃郁帶有花生香味，仲有細碎嘅花生粒和蝦米，口感豐富。另外叫咗蒜泥白肉（$42）用五層肉製成嘅腩肉切成薄片，配上蒜蓉、豆瓣醬和芫茜，辣度適中，有嚼勁。再叫多個京蔥羊肉餡餅（$34）即叫即做大約要等20分鐘，餡餅已經切開咗，外皮煎得香脆，京蔥和羊肉好夾，食落去仲會爆汁，非常惹味。最後叫咗凍奶茶（$14）茶味香濃幼滑，唔會太甜。自家製豆漿（$10）豆味濃郁，順滑好味。總結：餐廳環境舒適，坐得幾舒服，服務員又有耐性。見到下午茶餐牌，價錢在$32-$42，送豆漿或山楂茶，真係超抵食下午茶套餐。📍大角咀店大角咀埃華街101號大衛樓地下A1號舖📍太子店太子西洋菜南街198號地舖

用心經營的小店，當然要支持。位於太子西洋菜南街的「山東小城」有各樣的美食，飯、麵、餃子、小食……選擇很多，而且很美味。《洋蔥牛肉餡餅》 $30服務員推薦，今期特價抵食是洋蔥牛肉餡餅，因即叫即整，需要點時間， 牛肉餡餅惹味爆汁，牛肉碎混合洋蔥粒和青椒粒，熱辣辣，百吃不厭。《砂鍋酸菜魚配白飯》$76熱辣辣的砂鍋內有魚肉、豆卜和粉絲。魚肉滑溜，酸酸咪咪的很開胃。《京蔥羊肉餃配鮮肉粟米香菇餃》$56各式各樣的餃子，有水餃和煎餃，也可以雙併，總有一款合你心意。羊肉餃和香菇鮮肉餃都爆汁好味。50多元有10隻，超級抵食。《醉雞》$62充滿酒香的醉雞，雞肉嫩滑，雞皮薄，令人陶醉。

小店乾淨企里，店員親切有禮，多款選擇，性價比高！推薦👍🏻👍🏻👍🏻豬排擔擔麵，豬排鬆軟入味，擔擔麵面軟硬適中，湯底不會很濃味，不錯。辣菜脯也很一絕！送麵一流！！！墨魚馬蹄餃好特別，皮好有彈性，餡料調味亦很好，湯底清清沒有負擔！整體味道家常，不會味精濃郁，很好！

晚飯想食得輕便點，就來到山東小城食餃子！呢間小店餃子的種類有很多，而且價錢親民，所以幫襯的人好多！點了2個小食，2個主食，跟餐配飲品。蒜泥白肉份量好多，最鍾意佢多醬，鋪面係肉上面，好濃郁的蒜香和葱香！生炸豬扒上枱一刻呆左，因為係超大碟，份量超多！豬扒夠厚又肉嫩，炸得外面卜卜脆，最後食唔晒要打包走！！砂鍋雲吞雞套餐配白飯雲吞大大粒好足料，雞件亦好多，套餐價來說，絕對食飽人！墨魚荸薺餃配香菇玉米餃餃子係呢度的重點，北方餃子是不連湯上的，如果要求店員也可跟一碗湯。墨魚餃好彈牙，食到粒粒荸薺。香菇餃就好香菇味，加埋粟米甜甜地，好夾！餃子大大粒，價錢十分親民！自家製山楂茶自家製豆漿兩者甜度都不高，飲得出用心之作！埋單不過二百零蚊，食到捧住個肚又打包，真係好抵食，難怪晚市人流不斷！

In the mood to scavenge for some cheap Chinese food recently and this place fits the criteria! The beef pastry looked soooo juicy and good when I was looking at other people’s posts about this place - and it was!! Extra caution was needed when having it to not spill it everywhere 😂 I don’t know how they do it without getting things everywhere but when they served it, it was already cut into halves. The other favourite of mine was their dumplings. We got a squid one and a corn + mushroom one - bo

今日嚟呢間專食餃子嘅山東小城店面裝修簡潔乾淨 感覺幾舒服餃子款式好多種，滿足到唔同口味嘅人酸辣湯鮮肉西洋菜餃 湯底好足料 豆腐絲木耳絲等配料啖啖都有酸辣度適中 非常開胃鮮肉西洋菜餃亦都好大隻咬落去竟然覺得幾爽口麻辣菜莆餃 曾經都有諗過會唔會有菜莆水餃點知真係有😂滿滿號菜莆 不過都幾辣下醉雞卷雞卷索晒酒嘅味道 肉質都好嫩滑紅燒牛肋肉牛肋肉煮得好入味好腍一啲都唔鞋又唔會有渣 呢個幾推介大家試下可樂 自家製山渣茶山渣茶酸酸甜甜好開胃 啱哂我啱啱食完辣嘢順帶一提 覺得職員係態度方面可以好小小 畢竟顧客有疑問 店員係有責任解答而唔係唔耐煩咁叫客人諗清楚先搵你 同埋佢小食嘅份量一啲都唔小我覺得同主菜一樣咁飽肚😂建議大家食得哂先好叫 如果唔係分分鐘又會俾職員串你😊

旺角西洋菜街食店林立，星期日晚行完金魚街之後黎菜街醫肚，行過呢間山東小城，以為食D古怪山東菜，其實原來主打北方手打餃子，仲有我喜愛嘅羊肉餃子添，於是入去啦，晚上8點15分左右，全店坐滿人，座位不多，等了一陣有位！我哋點左主菜砂鍋雲吞雞、砂鍋酸菜魚、羊肉餡餅、紅燒牛肋肉。砂鍋雲吞雞-冇諗過咁大鍋，有六大粒雲吞每粒大過乒乓波，白切雞肉非常嫩滑，雞皮油光飽滿食咗兩粒雲吞之後開始飽飽地！砂鍋酸菜魚-份量不少，好足料，魚片有好多片，而且都好嫩滑冇腥味😋😋配有粉條羊肉餡餅-熱辣辣上枱，餅皮煎得好香脆，餡料好juicy, 咬落爆汁😋，一定要趁熱食紅燒牛肉-是小食，牛腩炆得好腍，同牛腩麵D牛腩味道差唔多😋加埋特飲：百香果疏打、龍眼冬瓜蜜🍹是日晚餐食到飽飽！本來想食餃子，太飽食唔落，下次再嚟試佢出名餃子吧！佢有晚市套餐，$5x-$7x, 加$1x 追加小食。旺角食嘢呢個價位確係抵啦！味道性價比環境服務

店名：山東小城 地址：旺角西洋菜南街198號地鋪1.醉雞卷 $45雞卷嫩滑，花雕味好香👍👍2.黑糖醋豬軟骨擔擔麵 $58擔擔麵好好食，佢最重要嘅湯底，花生醬落得好多，味道濃郁，配埋個黑糖醋豬軟骨，異常配合，我仲差啲飲晒啲湯添3.酸辣湯墨魚荸薺餃麵 $65荸薺大家可能唔知咩嚟，其實佢係馬，墨魚配馬蹄好有驚喜,唔好睇成嚿餃子都係黑色，就覺得唔多掂，佢嘅餡料係墨魚滑，配埋馬蹄食口落口非常爽口彈牙，酸辣湯又唔錯，微辣得嚟有多配料4.京蔥羊肉餡餅 $34即場製作，爆餡多汁，製作需時20分鐘，所以如果想食呢，記住早啲嗌啦，咁就唔使等咁耐！！第一啖，啲肉汁多到咇出嚟，餡餅皮薄又煙煙韌韌，真係好難忍住口，食咗第一啖之後你就想繼續食落去5.龍眼冬瓜茶 $14消暑良物，下火清熱6.蜂蜜百香果蜜 $14百香果微酸，配埋蜂蜜中和番個酸味，好開胃

剛好和朋友去完花墟行街買嘢朋友推薦晚餐去西洋菜南街搵食剛好經過地舖，山東小城食餃子裝修舒適簡潔，乾淨企理🥟❣️黑糖醋骨拼手撕雞冷麵黑糖醋骨聞起來有股甜香味，肉質入口細膩潤滑，咬下去骨肉分離，即刻心頭湧上幸福的快感；手撕雞肉嫩多汁芝麻醬濃郁，口感豐富，係一道清爽開胃的冷麵料理，份量比預期中大，憑我一己之力，一定食唔晒🫠❣️墨魚馬蹄餃擔擔麵墨魚餃餡料實淨，包裹住滿滿的墨魚肉，足料又Juicy😋擔擔面香味濃郁，醬汁有肉粒、花生碎和蔥花，花生香味比起外面一般擔擔麵更加香濃，非常惹味～麵條好掛汁，每一啖都可以吃盡醬汁的精華❣️自家製醉雞醉雞以花雕酒浸泡，令雞件入味，雞皮光滑和Q彈～肉質軟嫩，食起來又同時品嚐到淡淡酒香，成為開胃的冷盤菜式，能夠打開客人的味蕾❣️老醋海蜇頭海蜇頭比起海蜇皮肉身比較厚有質感，口感更加有嚼勁，係海蜇中的精品～啖啖醋香味，拌有紅蘿蔔絲、青瓜，健康之選值得推薦

今日約咗朋友行旺角，行到一間門口上面招牌寫住正宗北方手作水餃，睇落去唔錯，跟住就入咗去入到去呢就見到有畫得好得意嘅壁畫牆，可以當吧枱平排坐好舒服，水餃都有好多款，另外仲有小食，菜飯，水餃麵等….老醋海蜇頭：有海蜇頭，醃青瓜，同埋蘿蔔絲及香菜絲，老醋好香，食落好開胃，作為前菜唔錯😍鮮肉粟米煎餃：即叫即做，大約等15分鐘左右！外皮煎到香脆，豬肉餡料好足，而且裏面肉質都好Juicy，食到好多粒粒粟米，餡料全部都係我至愛。😍手撕雞芝麻醬冷麵：有青瓜絲，紅蘿蔔絲，芽菜，雞絲拌冷麵，真係滿足料，撈勻去食，好濃芝麻醬味，天氣仲咁熱，食咗涼浸浸，不肥膩。上湯菜心：用上湯酌菜，啲菜已經好有味，唔使再調味自家制山楂茶：好用心自己煲，生津解渴。百香果梳打：酸酸甜甜，消暑佳品。

今日難得經過旺角，就入嚟食旺角一間好出名嘅餃子小店☺️晚市等咗一陣就可以入去，雖然好多人去食，但係店員都好盡力安排位置俾我哋，態度真係好好🥰1️⃣韭菜煎餃咁啱聽到隔籬位話韭菜煎餃好好味，都忍唔住叫咗🤣一食落口真係不得了，因為即刻煎嘅關係，餃子非常鬆脆，而且韭菜煎餃入邊嘅肉汁亦都非常鮮甜，一咬落口，肉汁已經爆曬出嚟😋😋鍾意食韭菜嘅朋友，千祈唔好錯過，非常好味😝2️⃣酸辣湯底配餃子平時食餃子都係雞湯底，今次特登叫咗碗酸辣湯，真係非常好味！餃子再配上酸辣湯，令到我哋越食越開胃，最後更加成碗湯飲晒🤣🤣而且呢碗酸辣湯好啱香港人嘅胃口，唔會太辣，小朋友都可以飲😝3️⃣醉雞卷醉雞卷，可以話係錦上添花☺️☺️雞卷吸晒酒嘅濃郁香味，而且肉質鮮甜，唔會太苦😝鍾意食雞卷嘅，你哋絕對不能錯過！整體而言，餐廳環境衛生，而且餐廳內嘅員工亦都非常友善，會主動幫你安排座位，更加會定時問你有冇其他需要☺️☺️果然係小店先有呢一種親切感！鍾意食餃子嘅，大家經過旺角一定要去啊！

約山東人食魯菜！！一定係簡呢間經濟實惠的小店！砂鍋酸菜魚配白飯呢碗酸菜魚入面有超多酸菜！砂鍋底仲有紅薯粉！非常包肚，2個人食一碗粉都得！魚既份量都夠多！墨魚馬蹄餃擔擔麵墨魚馬蹄餃個皮係黑色，用新鮮墨魚汁整成。墨魚、馬蹄同新鮮豬肉打成既餡料比較淋身，帶少少爽口，好有層次！擔擔麵唔會太辣，仲落咗好多蝦米同少少花生，湯底鮮甜好味！黑糖醋豬軟骨豬軟骨😋啖啖肉～ 而且每舊豬軟骨都好入味，煮得好淋，連軟骨都可以食埋！麻辣魚皮魚皮厚實爽口，口感脆脆爽爽的！又香又麻又辣實在很過癮，非常之開胃，忍不住一口接一口的吃下去！

舒服小店，山東小城 。小店位於旺角西洋菜南街，係旺角地鐵站出黎行2分鐘左右就到，好方便店外有手寫菜單，除左堂食，仲可以外賣生水餃返屋企剛剛星期日下午兩點到，好彩過咗午飯時間，剛剛唔使等位小店內牆身壁畫好得意坐位簡簡單單，配合小店特色1) 黑糖黑醋排骨擔擔麵($58)，麵質入口彈牙，排骨份量足夠，味道甜甜酸酸10分惹味2) 墨魚荢薺餃(7隻跟靚湯)($45)墨魚餃皮好煙靭，餡料十分足夠，靚湯底係紫菜湯，入口不肥膩，同餃子一齊十分絕配3) 京蔥羊肉餡餅($34) 上枱熱辣辣，超級多汁好juicy，食入口時小心焫親4) 醉雞卷($45)每件配大大粒杞子，入口非常清新，酒味香濃5) 自家製豆漿($10)、自家製山楂茶($10)，少少甜味道啱啱好。整體嚟講，埋單平均每人$100，可以喺食到飽一飽，而且食物有一定水準，超級抵食，值職繼續支持小店。

┈┈┈┈┈┈┈┈┈┈┈┈┈┈之前脆友已經有介紹過，聽聞水餃不錯，今次終於試到！七點到埗店內座無虛席，不用等可直接入座。餐廳主打山東菜/水餃等中菜，晚市套餐亦有多款選擇，相當抵食。┈┈┈┈┈┈┈┈┈┈┈┈┈┈𐂐 ⠜鮮肉韭菜餡餅 $30 (8/10)即叫即整需時20分鐘，有3款口味，韭菜絕對係重口味之選。一上枱熱辣辣，餡料超飽滿，肉汁豐富😻，而且一人半塊都好飽肚！𐂐 ⠜墨魚荢薺餃 $43 （7.5/10)店內招牌之一，烏萃萃墨魚餃好特別，內餡包入墨魚滑及爽脆馬蹄。餃皮略厚但口感煙韌，水餃亦會跟是日靚湯，紫菜湯好有媽媽的味道。𐂐 ⠜煎京蔥羊肉餃 $33 (8.3/10)羊肉餃子好食🤤！金黃色煎餃香脆，不算油膩，內餡羊味濃郁有肉汁，相比水餃個人更喜愛煎餃。𐂐 ⠜自家製醉雞 $62 （8/10)自家製醉雞汁洒味溫和，完全不嗆口，雞肉入味有淡淡洒香。┈┈┈┈┈┈┈┈┈┈┈┈┈┈