山東小城 (西洋菜南街)

营业中

休息中

山東小城 太子站行5分鐘就到門口 好多人 裏面坐滿人店內的裝潢 好屋企feel 簡單而溫馨，有種家常氛圍老闆娘亦都 好親切本身好鐘意食餃子 🥟就食下 呢度 正宗的北方手作水餃雙拼水餃（墨魚馬蹄餃 + 鮮肉韭菜餃）$60 墨魚馬蹄餃的外皮是黑色的～用上了墨魚汁 搓麵粉餡料好好味🥹🥹墨魚肉好豐滿，再搭配馬蹄的清脆口感怪不得是招牌菜！鮮肉韭菜餃是經典之選有韭菜的香氣與肉的鮮美 韭菜味不算濃烈～配上蝦皮紫菜蛋花湯，湯頭清而鮮味鮮肉粟米香菇餃（7隻）$39 這款餃子的Size 比起其他兩種餃子大包的餡料份量比較多適合大食嘅人有著粟米的甜味和香菇的獨特風味同樣 搭配蝦皮紫菜蛋花湯，湯汁清爽京蔥羊肉餡餅 $34 欣賞裏面超多肉汁～又唔會油膩外皮酥脆，餡料豐富醉雞卷 $45 鍾意唔使噒骨嘅雞肉醉雞卷的酒味 不算太濃烈自家製豆漿 $10 自家製的豆漿濃郁香滑

山東小城喺西洋菜南街嚟緊，係一間唔錯嘅餐廳！佢嘅菜式多元，包括有牛肉餡餅、豆沙餡餅同埋醉雞卷等等。話咁樣，佢嘅牛肉餡餅真係好出色！餅皮煎得香脆，入面裝滿嘅牛肉餡料鮮嫩多汁，每一口都飽滿牛肉嘅鮮味，令人回味無窮。唔單止咁，佢嘅豆沙餡餅亦都好吸引！餡料細緻滑順，帶有濃濃嘅豆沙香甜味道，配上外脆內軟嘅餅皮，絕對係一個令人難以忘懷嘅美味享受。另外，唔可以唔提嘅係佢嘅醉雞卷！醉雞鮮嫩多汁，滾過特製醉雞醬汁，帶有淡淡嘅黃酒香氣，每一口都散發出濃厚嘅美味，令人愛不釋手。總括嚟講，山東小城嘅菜式味道地道，質素唔錯，值得一試！如果你鐘意呢啲中國傳統美食，記得留意番呢間餐廳喇！走埋朋友一齊嚟，享受一個美食之旅啦！

山東小城 - 太子西洋菜南街的家常好滋味平時叫開網上外賣平台外賣，今次試試直接去太子的山東小城堂食，選了他們的晚市套餐-招牌三寶菜飯，並追加了上湯西蘭花和煎鮮肉麻辣菜甫餃。這家店主打家常風味，三寶飯的豐富組合讓人感到滿足，整體性價比相當高。招牌三寶菜飯三寶飯的組合包括 生炸豬扒、手撕雞 和 牛肋肉，份量十足，每一樣配菜都展現了樸實卻細膩的家常味道。生炸豬扒豬扒炸得金黃酥脆不油膩，內裡的豬肉保留了適中的嫩度且肉汁juicy，調味簡單卻非常香口。手撕雞手撕雞保留了雞肉的鮮嫩多汁，口感滑嫩，淡淡的香料調味，若嫌不夠未店家還很細心的在碟上另備醬汁。牛肋肉牛肋肉做到嫩而不散，醬汁濃郁且滲透入每一絲肉中，帶有微微的甜香和豐富的肉味，讓人一口接一口，完全停不下來。上湯西蘭花西蘭花營養幾乎是蔬菜之冠，這道上湯西蘭花煮既時間剛剛好，保留了西蘭花的鮮綠色澤跟營養，口感爽脆軟硬恰到好處，上湯的鮮味融入西蘭花，無需再添加甚麼配料已成一碟下飯餸。煎鮮肉麻辣菜甫餃最後的 煎鮮肉麻辣菜甫餃 帶來了意外的驚喜，畢竟平常在網上外賣平台平台是沒得選。餃子外皮煎得金黃香脆，內餡是飽滿的鮮肉與麻辣菜甫，爽到剛剛好不會太辣，整

呢一日出開太子，睇吓bookmark有邊間想試，見到之前save咗嘅呢間，俾佢又有餃子，又有我鍾意食嘅小食吸引咗🤤餐廳喺始創中心附近，7點幾去到等咗一陣位排緊隊嘅時候，職員已經話餡餅要耐啲時間，如果想叫可以早啲落單，一坐低，即刻叫咗個 #京蔥羊肉餡餅 $34包面好脆！爆餡又juicy，要襯熱食～好快決定到叫咩小食😎叫咗我最愛嘅 #醉雞卷 $45雞幾滑，好入味，超醉😍 仲跟半隻醉蛋👍👍呢個必點！❤️另外仲叫咗 #麻辣豬耳 $40麻辣香之餘，仲有醋香，酸酸地連啲青瓜紅蘿蔔絲都好食，好開胃！清晒成碟😂餃子好多款都想試，又想飲酸辣湯，糾結叫邊樣😂😂😂最後揀咗特別啲嘅 #墨魚荢薺餃 ，本身想叫淨餃10隻，另加酸辣湯，職員聽到我地糾結咗好耐🤣佢話 #山東正宗餃子 係無跟湯，但因為迎合香港口味，可以跟湯或者酸辣湯，建議我哋可以揀 #酸辣湯墨魚荢薺餃 ，就可以一次過滿足晒兩個願望😂餃子脹卜卜，咬咬吓有馬蹄口感，感覺唔錯又特別酸辣湯用料足，酸辣啱啱好👍#自家製山楂茶 $10甜度剛好又解辣，好啱我哋飲❤️另外仲跟咗碟 #自家製麻辣菜甫 麻辣好香！啲餸未嚟已經忍唔住食😂門口仲有一樽樽可以買走😍都係$15/樽，買

天氣開始轉冷，能吃到一碗熱騰騰的餃子真的超幸福！今天來到這家位於太子的山東小城，店舖裝潢簡單整潔，店內牆上更有精美壁畫。水餃10隻可以雙拼，點了鮮肉白菜餃和鮮肉西洋菜餃。餃子每粒都很大隻，皮薄內餡很豐富，粒粒都很飽滿。白菜餃和西洋菜餃很新鮮，入口仍然保留肉汁，個人更喜歡白菜餃，肉汁味更香濃。酸辣湯很吸引，配麵會有4隻餃，沒有麵底就會有8隻餃。這個點了鮮肉粟米香菇餃，栗米粒香甜香菇爽脆搭配新鮮肉碎，口感一流味道又好！麵底是蘭州拉麵，掛湯又飽肚！大推店家的京蔥羊肉餡餅，雖然即叫即整需時大約20分鐘，但絕對值得等待。餡餅外皮烤得香脆有𡁻勁，羊肉內餡新鮮肉汁超juicy，是邊吃邊流汁的程度，令人回味無窮，而且上枱時熱騰騰，冬天吃上一口真的很滿足！小吃另外點了口水雞，份量多不算很辣，很開胃！店家自製的辣菜甫很好吃，記得一定要問店員取！店家新出的百香果特飲和桂圓冬瓜茶，賣相好而且解渴，很推薦👍🏻

近來好似多咗好多餃子嘅小店，好多本身好出名嘅小店都依然成日排隊。但係小店轉咗大舖頭之後永遠個質素都有啲情況愈下。 雖然食慣以前嗰間小店，但係而家都開咗好多分店既然出到旺角就去返真係得一間分店細細間嘅試吓佢啲餃子啦。其實呢間山東餃子已經經過幾次，又見到有人排隊，所以我好少排隊入去食。今次等一個就到我。我哋兩個人去叫咗一個係可以跟餐加$5有嘢飲嘅香菇，粟米豬肉餃子麵，另外加咗一個自家製嘅豆漿，所以佢豆漿其實唔算太甜，起碼我飲得到。另外我哋再叫咗一個煎羊肉餃，加蘭州拉麵，羊肉餃煎得好香，唔係快快手就咁炸到你當煎，唔會太燶亦唔會太乾。因為通常食餃子麵未必會好飽，我哋加多咗個小食就係醉雞。 呢個醉雞卷真係啖啖肉。 不過講起嗰五粒餃子，真係用了充足大大粒，而且完全冇味精，食完一啲都唔會口渴，亦唔會過淡冇味。而家啲嘢食都幾貴，而且未必好食，呢間餃子CP都好高。有機會應該都會再食。

呢間餐廳我之前都有嚟食過，鍾意佢食物選擇多，價錢大眾化，啲嘢食質素都唔錯，雖然係小店，服務員姐姐招呼週到。京蔥羊肉餡餅：上枱時已經切開，好大件，煎到又香又脆，十分惹味。蒜泥白肉：將五花肉切成薄片，食落煙煙韌韌，上面放咗好多蒜粒和豆瓣醬，小小辣，吃得滋味。自家製醉雞菜飯：有淡淡嘅花雕酒味，香氣撲鼻，肉質嫩滑。沒有油炒嘅菜飯，感覺健康啲。凍奶茶：幼滑如絲嘅港式奶茶，茶味濃郁，奶味重，完美組合。自家製豆漿，低糖豆漿，豆味香濃。

超級足料 大隻好食餃子😍 點解咁遲先發掘到咁正嘅餃子店🤭夜晚去食都多人排隊 要早啲去食😆餐：🍲 砂鍋雲吞雞 $88🍲 砂鍋酸菜魚 $76配飯/麵新鮮熱辣辣煮起😍 雲吞超大隻 入面好多肉 雞好滑👍 入面仲有少少菜同雲耳 個湯好甜 飲完都冇口渴🤩酸菜魚個湯底係金湯 好香 好濃 啲魚份量多 好滑👍 入邊仲有芽菜同薯粉 煙韌😍🥟 牛肉餅 $30等位個陣 老闆有問 要唔要叫定先 因為製作時間大約20分鐘 我當然話好😝 一上枱個陣 哇爆晒汁🤣 建議拎住隻碟食 啲汁唔好嘥😜 牛肉加洋蔥呢個配搭冇得輸🤘🥟 墨魚荸薺煎餃 $35我個人好鍾意煎餃🤩 卜卜脆 咬落又有汁 呢個餃子皮薄 餡多 食落有墨魚香 好鮮甜🥟 酸辣湯鮮肉西洋菜餃 $56酸辣湯好足料🤩 啖啖都係餸 餃子一樣大大舊 爆餡🙈 好耐冇食西洋菜 所以一見到有西洋菜就叫左 食落好香西洋菜味😍最後 係食個陣覺得佢嘅菜莆好好食 忍唔住買左兩樽🤩 $15一樽 大大粒又爽口 屋企送飯一流😍簡單一句 啲餃子又大隻又好味🤤 牛肉餅又大份又爆汁俾錢個陣忍唔住問老闆 啲肉唔洗錢嫁？點解隻隻餃子都咁大隻🤭 而老闆都好驚奇 點解兩個人食得晒咁多樣野🫢 我話 真係太好食

話說琴晚臨訓睇YouTube，彈出Kiki&May介紹大角嘴美食，睇完餓住咁訓覺🥹訓醒仍然對影片中介紹的墨魚餃子念念不忘，立刻google 吓間小店，原來太子都有分店喎！今日午餐就決定嚟呢間餃子店～《山東小城—太子分店》，餃子店假日下午依然滿場，小妹與朋友入座都吧枱，面壁欣賞牆上手繪圖畫，再細看餐牌，遠看見到員工即包餃子，餃子皮內是爆多肉餡，睇見都流晒口水，小妹二人最終揀了兩款小食、兩款餃子及兩杯山楂茶。兩款小食分別選擇了比較稀有的《千層豬皮》及《涼拌白菜心》，兩者酸酸甜甜非常開胃，特別是千層豬皮超香芫荽味，豬皮咬落爽口，涼拌白菜心酸甜惹味，配上餃子簡直一流！（千層豬皮美味程度係最後都另外嗌多份拎走😍😍）原本係諗住嚟食最出名嘅墨魚餃，非常可惜的是剛好賣晒，老闆娘話未包得切🥹🥹只好選擇第二推介的京蔥羊肉煎餃🥟，羊肉煎餃外皮脆、京蔥味香、鎖晒啲湯汁，咬落爆汁，五隻份量剛剛好，非常滋味！朋友則揀了湯餃7隻配蝦皮紫菜蛋花湯，餃子🥟選擇了鮮肉粟米香菇餃，餃子皮薄爆餡、粟米大大粒，紫菜湯飲落好舒服解油膩😍一邊享用美食、一邊飲用自家製山楂茶，真係超級滿足😌，希望下次有機會嚟食到出名嘅墨魚馬蹄餃啦❣️

今日出太子聯合行街，肚餓就喺附近搵嘢食，見到呢間山東小城，主打食餃子，啱晒我呢個餃子控！.呢度有湯餃及煎餃，可以加麵底，亦有餡餅、多款小食，好多都想試呀！.員工介紹「煎洋蔥牛肉餡餅」，做緊特價。一大件牛肉餡餅切開2份，真係超多餡，又爆汁！每咬一啖啲汁就流出嚟。餡餅煎得好香，洋蔥好爽甜，真係堅出色！😋.我哋另外都叫咗碟「山東手撕雞」小食估唔到小食都咁大碟！好多雞肉，仲有青瓜絲墊底。雞肉好滑，好似全部都用雞髀肉整👍🏻配埋佢個秘製蒜蓉辣醬，好惹味。.嚟到當然要試吓佢地啲餃。我好鍾意食羊肉，所以叫了「京蔥羊肉餃」及「鮮肉粟米香菇餃」雙拼。.鮮肉粟米香菇餃 — 餡料好足料，粟米冬菇都多，重菇味，好食。.京蔥羊肉餃 — 呢個真係不得了！因為佢羊味幾濃，有羊肉嘅羶味！鍾意食羊嘅我就係鍾意佢夠羶😍 而且羊肉餃都係會爆汁！啲京蔥都幾多，炒到爽口又甜，成個配搭好正。鍾意食羊嘅朋友唔好錯過！🤩.另外我哋都叫咗佢另一主打「酸辣湯墨魚荢薺(馬蹄)餃」酸辣湯多配料，唔會太辣，酸辣度做到平衡，啱晒我唔太食到辣嘅人，都可以飲到酸辣湯。.餃子皮用墨魚汁整，入面熱辣辣好多汁，墨魚味幾出，餡料真係食到粒粒墨魚肉，好彈牙唔韌

每次去親旺角附近 都一定食呢間餃子店！下晝兩點去都仲要排緊隊叫左京蔥羊肉水餃 （$41)，食落好多肉汁，羊肉膻味唔係好重！餃子皮厚度適中，水餃會配埋紫菜豆花湯，清清地幾好味墨魚孛齊餃(煎餃子) （$35)餃子皮香脆，餃子入面有一粒粒馬蹄好爽口，夾埋手打墨魚肉，彈牙有咬口小食試左醉雞卷 ($45)，每件醉雞卷都好大件，每一件都有杞子喺上面，酒味香濃同肉質非常嫩滑老醋海蜇頭 ($40)，海蜇頭質地爽脆，加上醋味令到人非常開胃野飲叫左自家製豆漿($14)，豆漿唔太甜，豆味濃郁仲試左龍眼冬瓜茶，淡淡清甜味，熱飲好養生人均七八十就食到高質野，好抵食！

呢度有佢哋首創嘅墨魚荸薺餃，墨魚汁外皮，餡有墨魚肉、豬肉同馬蹄，如果再加啲墨魚粒就好喇 🦑 荸薺其實就係馬蹄，讀音同廣東話「勃齊」差唔多。雖然餃子皮唔係超薄嗰種，但水餃每粒都又大又飽滿！🌶️ 除咗餃子，酸辣湯都唔錯！有木耳、豆腐、酸筍同肉絲，口感唔會杰撻撻，酸辣味啱啱好。🍜 如果想試其他嘢，黑糖醋豬軟骨麵炆得入味，撈埋黑糖醋，酸酸甜甜，豬軟骨夠軟淋。至於小食加十幾蚊起就已經有唔少選擇：老醋海蜇頭配蘿蔔絲、青瓜同老醋醬汁，口感唔算係超爽脆；麻辣魚皮加咗菜絲，豐富咗口感。最後，自家製嘅山楂茶酸甜適中，飲落解膩又 Refresh，正 👍🏻 🎨 呢度有幅好得意嘅壁畫，係 @johnee_lau 嘅作品，聽講係通宵畫出嚟，去嘅時候可以仔細欣賞多兩眼 👀

在太子想食得平民抵食既山東菜，一定要來山東小城，各款各樣山東菜都有。主打餃子🥟，肉夾饃，麵食之類的山東菜，今次首先就必食餃子🥟，鍾意食羊既，必食京蔥羊肉煎餃🥟$33， 記住一定要煎，煎餃超級香沒得輸🤤第二款推介一定係招牌墨魚🦑荢薺餃🥟$60，呢個墨魚餃子望落去黑蚊蚊，但墨魚超級彈牙，同埋真係呢度先有得食🤤一定要試啊。另外小菜小食點左醉雞卷 $45 老醋海蜇🪼頭 $40 我本人就特別鍾意海蜇頭，酸酸地超級開胃😋飲品🥤來講就最鍾意自家製豆漿 $10 ，合適配搭山東菜😋

下午茶時間經過見到都幾多人本身諗住食餃子，就入咗去點知最後冇叫到🤣太多嘢都想食砂鍋酸菜魚 $84重口味之選，好酸，夠辣啲魚大大片，份量都好多仲有我最中意嘅薯粉✨鮮肉韭菜餡餅 $30即叫即整，上枱超級熱！！仲勁多汁，我就俾啲汁「辣」親，大家都係唔好太心急🤣勁厚肉😆超滿足麻辣海蜇 $40大大碟😂諗住小食細份啲係一嚿嚿咁樣，口感似啫喱，唔似平時食咁爽口水雞 $60正常口水雞～偏辣啲自家製豆漿 $10我食開BB辣嘅就覺得整體黎講都偏辣🤣

京蔥羊肉餃羊肉餃係蒸嘅，但都勁爆汁，熱辣辣，入邊充滿肉汁，羊肉味好濃，但又會太騷，滿滿嘅肉餡，點啲自家製辣椒醬汁超好食！煎墨魚荸薺餃黑色嘅墨魚荸薺餃，煎到好脆，入面同樣爆汁，有荸薺同墨魚做餡，咩感爽脆，點啲醋就冇咁滯！老醋海蜇頭呢個係小食，有好多海蜇，每一舊都好爽脆，加埋啲青瓜絲蘿蔔絲洋蔥絲，酸酸地好開胃！自家製醉雞醉雞雖然係小食，但係都有好多件，而且雞肉好嫩滑，酒味好濃，仲有半隻糖心蛋，超濃味！