山東小城 (西洋菜南街)

营业中

休息中

山東墨魚餃，滿滿山東混港式風味！裝修很溫馨，親切細心服務，滿滿溫馨墨魚馬蹄煎餃 外皮煎得金黃脆口，咬落咔哧聲治癒！墨魚肉非常彈牙，馬蹄粒嗦嗦聲爽甜，滿滿口感！招牌墨魚餃有鮮味，不錯！黑糖醋骨拼手撕雞冷面 黑糖醋骨甜酸開胃，肉質軟嫩，不黐牙！手撕雞冷面清爽，麻醬香濃不膩，夏天吃很棒～拼盤份量好，女仔吃不會太重花雕雞卷新嘗試，雞肉嫩滑，花雕酒香濃不苦，有微微甜味！入口帶酒香的餘韻，有層次～ 擔擔面擔擔麵花生醬濃郁，辣度可調， 傳統風味，香味逼人涼拌魚皮擺盤靚，骨色澤誘人，山東小菜特色！ 傳統山東菜有創意，價錢親民，味道有驚喜，隱世小店之選！

今日超肚餓，同男朋友喺通菜街搵咗間山東嘢入去食叫左成枱都係嘢，埋單都只係$200，抵到爛呀墨魚餃拼菠菜餃$62墨魚餃果然係招牌，超級有驚喜墨魚餃嘅外皮係黑色㗎，真係有少少墨魚味入邊嘅肉碎食落去脆脆哋，應該係攬咗啲馬蹄碎，味道好清甜菠菜餃都啖啖肉，不過比起上嚟，墨魚餃特別啲炸豬扒菜飯$55炸豬扒菜飯超大碟，五大塊豬扒只系$55即叫即炸熱辣辣，時光倒流價，無得彈老醋海蜇頭$40老醋醋酸酸地夏天食好開胃醉雞捲$45雞捲淡淡酒香，雞肉鮮嫩冬瓜茶 & 百香果$14冬瓜茶同檸檬白果都幾好飲

今日喺太子經過一間排隊食飯等位小店 睇睇原來係食餃子！人排我又排啦🤣野食味道唔錯wo! 價錢合理 🤩態度友善😊熱情招待！難怪會滿座啦見佢哋最多人食雲吞雞煲 雞份量都好多！雞滑👍🏻內面雲吞都起碼有四五粒🐥豆漿好濃好飲仲叫咗兩款小食 豬耳同埋海蜇 唔錯呀，酸酸甜甜辣辣 好開胃🤤又忍唔住叫咗兩款煎餃 一款係鮮肉麻辣菜甫餃 + 鮮肉粟米香菇餃 好用心煎！平時出邊食開煎餃子 只會煎單邊👍🏻 麻辣菜譜煎餃好食😊唔錯唔錯❤️

📍     山東小城🌍位於香港太子西洋菜南街198號地舖📝整體評分：8／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝一家以北方風味為主打的餃子店，專注於手工製作的餃子及傳統山東菜式。服務親切，性價比高，味道樸實無華！！！▸  鮮肉黑松露餃拼鮮肉西洋菜餃◂✿餃子皮薄而韌，包裹著鮮肉餡，奢華黑松露融入平民餃子，黑松露濃香平衡得宜，風味獨特；西洋菜餃則清爽口感。紫菜蛋花湯以雞湯加入紫菜的鮮香及絲滑蛋花，帶有少許薑絲，口感輕盈，清而不淡。賣相簡樸，充滿家的味道。▸  砂鍋雲吞雞飯◂✿砂鍋內盛滿嫩滑雞肉、鮮美雲吞及香軟米飯，湯底雞味香濃，帶有淡淡藥材香氣，雞肉軟嫩不柴，雲吞皮薄餡多。冬天食會更適合，暖笠笠~ 飯粒偏潤軟，湯飯咁食問題就不大的。▸千層豬耳◂✿山東小城豬耳有心思，豬耳並非切成薄片，而係整成一定厚度，帶有嚼勁。本以爽脆口感同埋醬料調配得宜取勝。爽口不油膩，酸辣有散發蒜香，最佳小酌配菜。▸蔥油餅◂✿餅皮煎得金黃酥脆卻不油膩，內層軟糯，撒滿濃郁蔥花，香氣撲鼻。外脆內軟，蔥香十足，只係薄餅份量稍小。

昨晚與朋友出到太子，我們經過這餃子店，看到門外的餐牌有很多款式的食物，而且價錢實惠（下午茶餐更抵食），我們便入內一試。雖然舖位不大，但內裏的坐位不會令人感到狹窄，而且十分舒適。室內有不同的佈置，光線充足，環境衛生。店員也十分有禮地招呼每一食客。砂窩雲吞雞米線 （$89）這雲吞雞的份量不少，而且雞件多肉少骨，雲吞也皮薄飽滿，也喜歡有白菜和黃芽白為配菜，不但增加纖維，也令湯底更加香甜。原本這晚餐是配飯的，但也可轉為米線。砂窩酸菜魚米線（$78）想不到餃子店竟然有酸菜魚，喜歡酸菜魚的友人也讚這道菜做得不錯。酸辣味調較適宜，而且魚肉嫩滑，沒有魚骨。因這道菜有薯粉，友人便要求少一點米線。香口蔥油餅 （$29）蔥油餅即叫即製，上枱時還熱辣辣，趁熱吃一口，香脆可口，還充滿蔥油味。上湯西蘭花（$25）西蘭花新鮮翠綠，簡單的烹調，也很美味。百香果梳打（跟餐+$10）這梳打加上百香果，配搭十分好，帶有清香而不會太甜。

山東小城推出咗新品，梗係要試吓。鮮肉黑松露餃拼墨魚馬蹄餃（黑白配）試新嘢之餘, 梗係要埋佢哋呢度最有特色嘅招牌墨魚馬蹄餃。墨汁包住爽口彈牙嘅墨魚滑，大大粒馬蹄非常有咬口，唔會切到碎晒要用放大鏡先搵到。黑松露餃非常香, 份量大方。醉雞卷仲有隻醉蛋，勁入味！小食嚟講份量唔少，雞卷好入味，相當有誠意。龍眼冬瓜茶都好好飲👍 平日晚市嚟出邊大排長龍, 相當好生意, 要食就要早啲嚟啦~📍山東小城 (西洋菜南街) (太子)太子西洋菜南街198號地舖

今天下午來到旺角逛街，老公想吃這間餐廳的牛肉餡餅，於是我們便來到這間餐廳吃午餐。我們分別點了京蔥羊肉餃麵（轉米線），墨魚馬蹄餃麵（轉擔擔麵，加$8)，下午茶送豆漿，豆漿不會太甜，另外再點了一份牛肉餡餅和羊肉餡餅。雖然羊肉餡的味道不會太膻，但是鮮嫩多汁，肉汁四溢，味道不錯的，可惜米線的口感十分軟，並不是我喜愛的口感。墨魚餃其實很少見，而且味道都挺好吃的，另外膽膽麵的味道相當出色，微辣的同時亦很香，我和老公都吃得津津有味。可惜的是，兩款餡餅的味道便比較一般了，餡餅的皮十分厚，幸好羊肉餅內的餡料和羊肉餃子是一樣的，所以味道都算不錯，至於牛肉的味道則普普通通。總結來說，這間餐廳的餃子挺好吃的，大家可以一試，但餡餅便不了。

Fafafoodblog為食花太郎 山東小城 🍴老醋海蜇頭19 蚊海哲頭好爽口 酸酸辣辣 配埋青瓜正🍴酸辣湯京葱羊肉餃麵61 蚊🐑酸辣湯好足料 好多木耳 肉絲 麵用左上海麵 好夠爽口 羊肉餃新鮮包 羊肉好juicy差味香濃🍴砂鍋金湯酸菜魚配白飯66 蚊🐟魚肉好夠滑 d酸菜湯滲哂落去 仲有爽口薯粉🍴凍百香果茶5 蚊🍴凍冬瓜茶5 蚊#海哲 #葱油餅 #水餃 #酸辣湯 #羊肉 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#山東小城西洋菜南街198 號地下~~~~~~~~~~~~~~

因為佢大大隻既墨魚餃子而瘋狂今日就試試分店質素如何：‼️$62葱油雞菜飯新推出菜飯😆最啱我增肌既女士做晚餐，菜飯有大量既蔬菜，有肉有菜營養均衡，加上蔥油拌飯更開胃。‼️$61羊肉餃酸辣湯面除左招牌墨魚餃，羊肉餃一樣出色！餡料豐富爆汁，羊肉味好出，一碗有四隻，配上酸辣湯面，大滿足😌‼️$19麻辣魚皮（1人份）小食麻辣魚皮爽口彈汁，醬汁辣而入味，我Feel到無味精👍🏻‼️$12紅豆燒餅甜品想食個紅豆燒餅，有好香芝麻覆蓋整個燒餅，新鮮熱辣好軟糯，紅豆餡甜而不膩🫰🏻凍飲轉特飲都係加$5-10，大大杯絕不欺場🙀‼️$5凍冬瓜茶‼️$10百香梳打

太子西洋菜南街附近有好多美食，競爭咁大之下能夠特惠而出證明餐廳有咁上下特色同水準。呢一間山東小城不但只有特色，高水準，價錢亦都十分相宜。特別推薦晚餐嘅招牌墨魚馬蹄餃擔擔麵，餃子全部由人手在店內逐隻逐隻包，好新鮮。墨魚馬蹄餃雖然表面黑色好似好奇怪，但係咬開入面係雪白嘅墨魚滑，既有鮮味亦好彈牙，配合爽口嘅馬蹄令口感再提升到另一層次。擔擔麵亦都唔輸蝕，食得出落足料嘅花生碎同花生醬，兩樣加埋都只係$66。另外加$5就可以飲到特飲，好抵食！以下是圖中菜式及參考價錢💵・　砂鍋雲吞雞配白飯 ($89)・　招牌墨魚馬蹄餃擔擔麵 ($66)・　千層醬豬耳 (+$19)・　豆沙餡餅 (+$12)・　凍百香果梳打 (+$5)・　凍龍眼冬瓜茶 (+$5)

🥢 千層醬豬耳豬耳入口好爽彈，一層層脆卜卜好得意🤣味道酸酸辣辣好開胃👍-🥢 砂鍋雲吞雞配白飯砂鍋雞肉質好滑好嫩🤤湯底好清甜有啖啖雞味，唔好睇佢鍋仔細細，都有4隻雲吞😝 皮薄餡靚，加上新鮮蔬菜及雲耳，整碗食完都好飽，撈飯食一流🤪-🥢 生炸豬扒/黑糖黑醋排骨擔擔麵生炸豬扒有d硬，但擔擔面味道濃郁，好香花生味，麵質入口彈牙💕-🥢 豆沙餡餅即叫即煎的豆沙餡餅，外皮香脆好多芝麻好香，內裡軟糯綿密，一口咬下豆沙餡料香甜可口，鐘意個豆沙餡微甜不錯👍🏻-🥤 百香梳打/ 龍眼冬瓜茶分開一罐梳打和百香果上枱。自己倒罐梳打落杯中攪均勻一起飲好refreshing！龍眼蜜的甜味非常柔和☺️

《誠意餃子小店🥟》———————————————-#山東小城 🇨🇳 -🍜 招牌墨魚馬蹄餃擔擔面餃子隻隻都非常飽滿，黑色嘅餃皮係由墨魚汁製成，內餡再包住味道鮮香嘅墨魚滑，夾埋爽脆嘅馬蹄，口感豐富🖤擔擔麵麵質彈牙，湯底花生醬味香濃～-🐔 惹味葱油雞菜飯店員推介呢個係新菜式，味道十分惹味，雞肉上鋪咗滿滿嘅蔥油，撈飯一流，非常之邪惡😈 切雞係凍食嘅，食落雞皮零舍爽彈嫩滑～-🐽 豬皮豬耳我哋分別嗌咗兩款小食，豬皮同豬耳入口好都爽彈，沾滿酸酸辣辣嘅調味醬料，再加上青瓜絲、洋蔥絲、胡蘿蔔絲等，認真開胃🤤-兩杯特飲都不含香精、人造糖及色素🤩 龍眼冬瓜茶清熱祛濕，益氣補虛～百香果清腸消脂，入口清涼，解膩一流！-🍌 抵deal 指數：7/10-💰 參考價錢惹味葱油雞菜飯：$62招牌墨魚馬蹄餃擔擔面：$66豬皮：$19豬耳：$19凍冬瓜茶：$5凍百香果：$5

呢間主打食餃子嘅小店，門口就經過好多次，今晚買完花就決定試吓。多款特色餃類，見店長推介有墨魚馬蹄餃，第二位係京蔥羊肉餃。首次就點選鮮肉麻辣菜甫餃 ($43)。湯底係紫菜蝦皮蛋花湯，相當清甜，有埋紫菜同蛋花食，仲飽肚D。一碗有七隻湯餃，每隻都相當飽滿。皮嘅厚度適中，入口先食到菜甫嘅脆度，然後有豬肉嘅綿滑感。麻辣開始滲出黎，有辣度但個人黎講可接受，好惹味。有自家製麻辣菜甫可以問店員拎，食過歡喜嘅，收銀處見到仲有得賣，一樽$15。

叫咗個紫菜蛋花湯底嘅雙拼餃，西洋菜餃拼墨魚餃，我對於餃子嘅要求係幾高，同時都可以話係唔高，只要個湯好味，唔係味精嗰啲好味，係足料嗰種好味，餃子皮要薄，多菜少啲肉，調味唔可以太多，一味落豉油或者死鹹嗰啲，我唔ok, 而呢度嘅餃子，就係我好憎嗰啲豉油味餃子，湯都係主要用鹽同麻油滾出嚟嘅蛋花湯，墨魚餃就只係有啲皮包住墨魚漿，同我打邊爐啲墨魚滑差唔多，正正常常，成兜嘢一定味精勁重，未食完已經好頸渴，但係個山楂茶係好飲嘅，員工服務都非常好，只係我唔明點解呢度嘅評論一面倒話好好食，大家都真係鍾意食厚皮嘅鹹餃子？🙈🙈

去完醫院探完屋企人，已經唔係好想再落佐敦食嘢，咁啱有架巴士落到旺角，咁就搵吓旺角有咩食。跟住見到呢一間店，其實公司附近都有就係未試過。加上情人節，要避開啲人潮所以就食呢一間。但係到店嘅時候估唔到都要排兩張，好彩安排到卡位坐三個人，本來想嗌四人餐，三個人未必食得晒，最後嗌咗個二人餐再加一個晚餐羊肉鉸酸辣湯麵。見到隔籬枱啲嘢食都唔係好大份，到自己啲嘢食嚟嘅時候，其實樣樣少少哋食落都幾飽。整體上全部都好有水準，有少少後悔點解平時返工，如果出街食晏唔出去食呢一間。醉雞卷，好入味啲酒味好香濃，都可以好肯定呢個係近期最好食嘅醉雞。個雲吞雞煲，雖然個煲細但係裏便啲料好足，好黐線有六粒雲吞雖然佢唔係好似港式雲吞有蝦肉，但係啲豬肉都塞得好飽滿。另外個豬扒擔擔麵，就係邪惡得來相當出色。個湯底花生醬超濃厚就係忍唔住一飲再飲。個豬扒雖然係炸，但係食嘅時候唔會食到成口油，同埋幾好客塊豬扒肉好厚又多件數。個羊肉餃香羶得來唔會太過濃烈，係個酸辣湯唔夠辣，可以辣番少少。餐加錢叫咗杯龍眼水入，唔太甜都唔錯。後尾再加咗兩個豆沙餡餅，超軟糯，另外加咗啲芝麻增加咗唔同嘅口感。同埋佢啲紅豆下午超多真係一間好有良心嘅餐廳。雖然好