宴 尖沙咀

我多年次前去過沖繩，沖繩既特色跟日本其他地方相比，實在截然不同。沖繩可能未必係你0+3後既首選，但係香港一樣可以食到沖繩菜！身為香港首間沖繩居酒屋，裝潢擺設都充滿著強烈的沖繩風。店內外放有沖繩的守護神石獅Okinawa Shisa、沖繩樂器三線琴、布藝掛簾、和繪有首里城的掛畫。居酒屋由必備既酒吧吧枱，到日式榻榻米廂房都有；餐牌有日中英對照，所以在座有不少日本客人前黎品嘗正宗既沖繩菜式，甚本直送既海鮮刺身。沖繩直送海葡萄（$68）海葡萄為沖繩特產，營養價值極高，有綠色魚子醬既稱號。一串串既海葡萄，跟擺盤既小樹相映成趣。由深綠到淺綠，顆顆晶瑩通透，一咬卜卜，滿口海水鮮味。沖繩墨汁帆立貝茶碗蒸蛋（$65；兩客起）從未想過竟然有黑色既茶壺蒸蛋！打開華麗魅黑既碗蓋，就聞到陣陣墨汁香氣。啖啖蒸蛋墨汁味重，仲有粒粒白色既墨魚。我會推介為必點既菜式，由於實在太特別，感覺無食過就好似無黎過呢間餐廳一樣！沖繩風 炸豬肉芋蓉餅（$68）外皮香脆既炸餅，中間夾著軟綿既芋蓉，熱辣辣食認真滋味！好快就掃哂，一人一塊其實唔夠喉！沖繩苦瓜拌梅肉（$88）撈勻梅肉醬後，梅子既酸味大大中和左苦瓜既苦味，互補同時亦相得益彰

無論天氣熱定凍都好，我都會時唔時crave for打邊爐😆 有時唔想食麻辣火鍋咁熱氣就會去尖沙咀嘅EN 宴🍲 呢間沖繩居酒屋提供宮崎和牛火鍋放題，亦都可以散叫沖繩家常菜式😚 🌃 環境 (4/5)餐廳採用日式居酒屋風格🏮 鋪面幾大，有卡位，bar檯，普通長枱同包廂😚 最鐘意左卡位，好闊落又有私隱～😋 食物 (4/5)🍲 松 - 宮崎和牛日式火鍋120分鐘任食 $728- 特上宮崎和牛- 松葉蟹- 日本豚肉- 日本雞肉- 蔬菜拼盤🍺 星級飲品放題 120分鐘 $168 次次食佢嘅火鍋都會點呢個「松」set，貪佢可以任食松葉蟹😛 食火鍋之前每人有一客五點刺身拼盤，都係d大路嘢例如三文魚，帶子，甜蝦等等🦐 刺身新鮮，味道都唔錯☺️ 記得佢以前仲有送一客吉列炸蠔，好好味，宜家cut左有d可惜🦪🥺 嗌呢個set緊係要食多d和牛同松葉蟹回本啦🤩 個鍋一到已經上左兩碟牛～和牛顏色好靚好新鮮，油脂分佈尚算均勻，見到雪花❄️ 食落牛味幾香而且油脂感豐盈😛 松葉蟹可以凍食，食牛食到滯滯地就食蟹休息吓🤣 蟹肉飽滿鮮甜🦀 一剪開個殼成條蟹腳一啖咁食，大滿足🥰 豚肉同雞肉係跟set上埋～豚肉略嫌太肥，雞肉嫩滑，呢兩個

原本我哋係Openrice的平台上面係「宴」度訂左12月24號食個Early Dinner，我哋都係諗住佢有位，同埋我地都趕下場睇show，諗住casual食。點知間餐廳之後先打電話黎，話每人要最低消費$600。結果取消預訂。👎🏾

呢間沖繩料理並唔係第一次幫襯，今次先寫食評係因為真心覺得佢哋而家嘅食物價錢離譜咗…我同朋友4個人，叫咗蟹子沙律，魚湯雜坎，汁煮喜之次，苦瓜炒豚肉，吞拿魚卷，墨魚汁炒麵，仲有一個八爪魚小食，同埋兩杯Soda,一杯苦瓜茶 ，埋單$2500，個汁煮喜之次係埋單先睇到價錢係$1300我知道喜之次本身都係貴價，但係諗過係$1300…落單前職員介紹時令魚類，我揀咗喜之次，我衰，又無問幾錢😅，埋單見到$1300打咗個突個魚湯雜坎，每人半碗份量$320，吞拿魚卷六粒$150。不過，呢間餐廳如果你唔係揀限時任食日式火鍋佢哋唔會限你時間嘅，都唔會摧人走，可以傾偈坐耐少少都ok。

原本想食任食牛加蟹，點知改左每人得3客，所以食番次一級算了，之後原來飲品都要+168 先有酒精+其他汽水，都算，最後仲要加前菜費$20, 前菜垃圾黎，根本為加而加，叫d 牛又20~30 分鐘都唔黎，再叫又話可能要等耐d, 咁你唔好set 時間，唔好last order la, 叫野飲又話飲完一杯先可以叫，我果杯當時只係所翻一啖，而且我等佢杯野等成10分鐘，吹單都吹幾次，而且我地喺房位置，唔係獨立房，好少人經過，咁當然見到人就叫定先，食物ok, 但唔係其他地方食唔到，可能平啲，服務仲好d,唔會再去

7月尾同屋企人去食飯慶祝生日。食之前打去訂位，諗住開開心心去食蟹。 去之前一日上網check下先之原來個松竹梅套餐改咗玩法。松套餐d蟹唔再任食，只可以每人食3客（即一隻半），無咗鮑魚同炸蠔，而且仲加咗價㖭。 心諗，慶祝生日唔好計較，而且想轉地方都改唔切。 一行三人去到，order咗3個松套餐。當想order同飲野package（本身屋企人唔飲酒），點知又改咗！？無酒精同有酒精free flow合併埋，統一收188。 同個伺應了解下，點解以前套餐有咁大出入。個伺應西口西臉咁好大聲答，d蟹係個供應商不斷加價，所以而家先至唔係任食。（哈哈，唔通無酒精飲品供應商都不斷加價？） 咁我地就order咗幾杯梳打飲品，梳打水多過乜，完全淨係飲到梳打水味，無其他味。（汽水都收成$40一杯） 食咗120分鐘後，伺應話夠鐘last order仲有無咩加。咁我地再加多最後4份牛。個餐寫明係宮崎特上和牛，點知佢比咗4份次級牛（超多肥膏），碌完後完全食唔到，太肥！ 最後食埋個雪糕埋單走人，計埋成9百幾一個人。下次唔會再幫襯，同埋介紹d仇人去食。

每次必點，海葡萄、魚背壽司，合符期望。是日刺身食左金目鯛，encore左一份。香甜爽脆清新，冇得輸。熱食方面，串燒是中規中矩，雖則用上地雞，仍沒太大驚喜。飲了不少酒，一碗烏東作結，暖胃窩心。服務方面，親切有禮，收碟換碟有效率但不會令人感覺催趕，對食材的問題也能迅速回應，真心覺得係飯堂。

生日冇得去旅行☹️唯有搵間日本餐廳，當去左旅行啦😭宴 好似話係香港數一數二嘅正宗日餐廳⋯有日本廚師⋯格局都好似置身於日本咁🇯🇵🇯🇵真係以為自己去左🇯🇵🇯🇵因為我生日 我就交俾男朋友發揮🤪🤪有廚師推住架車仔，有啲海產推介⋯但唔平，不過男朋友話我生日食好啲，之後叫一條魚做火炙刺身（好似叫池魚王？）😂唔記得左不過真係一般🤦🏻‍♀️我地話要爽口 但好淋⋯最後啲骨拎左去炸⋯特選刺身拼盤（6款）都ok 但就冇咩驚喜個好葡萄🍇好爽口 好食全晚啲野都算冇咩味咁，最後叫南韓炸雞 有啲味 忽然覺得呢個好好🤣🤣我生日有remark生日，所以送左呢個 😋😋😋最後埋單$1950

呢兩個嘢分別88同$98，完全係百佳嗰隻蟹柳小卷，態度唔好不特止，下下都要同你計錢，四百幾蚊嗌九款刺身每樣得兩片，之後嗌兩個卷，一嚟到真係呆咗，元氣都好食過佢，咁樣嘅質素收88同$98，另外刺身竟然冇上埋Wasabi，好唔專業，可能間舖頭係食火鍋我哋散叫所以就得到咁樣，買單都成2000頭，真心想問啲好評係咪買返嚟🤣🤣不過值得讚嘅係坐得舒服😌，座位都闊落，但係真係食物服務好失望🙃🙃如果想試嘅朋友可以試吓佢嘅火鍋千祈唔好散叫😄😄

4月中同朋友去食dinner之後原來自己一路都唔記得咗po呢間嘅review😅 講起沖繩除咗諗起海灘之外，我就會諗到苦瓜炒蛋。以前細個好驚食苦瓜，但近呢幾年開始由抗拒變到鍾意食苦瓜，慢慢人大咗口味都真係會轉。我地試咗佢個苦瓜炒豬肉($98)，呢個菜對日本人嚟講係一種家庭料理，食落又真係有啲屋企嘅味道🤣可能因為佢冇太多嘅調味，所以可以食到苦瓜本身嘅甘甜，再加上豬肉同炒蛋，係一個唔算好複雜但食落又好味嘅菜式。最有驚喜係個特製墨魚汁炒麵($82)，出奇地好有鑊氣，啲麵好有咬口幾好味，不過食完就記得要抹乾淨個嘴同飲水整返乾淨啲牙啦😉另外仲嗌咗炸雞($90) 同沖繩AGU豬肉餃子 ($78)，不過呢兩樣就相對普通。我哋當晚去餐廳有幾枱都係日本人，聽住佢哋講日文即刻好似有種置身喺日本嘅感覺。好想飛去日本呀～～😩

結婚周年，老公選這餐廳慶祝，難得拋下女兒們，當然慎選餐廳，善用這珍貴的晚餐拍拖配額。老公之前同友人們幫襯，好評，他說散叫和任食其實差不多價錢。店舖裝修普通，但很闊落，初期店員給我們2人枱，但當我們點打邊爐，便建議我們去bar台，無所謂，做便去吧～真的又大又舒服，可放很多東西。可能是在星期一的晚上，人不多，食打邊爐更少，聊聊可數。我喜歡打邊爐的，便選這裡的火煱，既然難得出街，我們選了最高級別的《松》。食物方面，原來任食只是牛，蟹，雞，豬，菜，烏冬及飯，我以為有刺身添……我們每人一客刺身、炸蠔及鮑魚，刺身其實略嫌普通，但鮑魚很好味，入味，彈牙，很好食。到主角出場，和牛不愧和牛，超級好食，有牛味又淋又滑，真心好好味，第2日，我同老公仍回味牛的香，滑，淋。原本我為松葉蟹而點這個餐，但……極失望，普通到似普通自助餐的貨色，豬，雞更可以不理，我們只食了第一輪。不得不提那個粉絲，很好食，很滑，點了多次。我們點了3杯啤酒，大杯，很夠了，不用加錢任飲。當然，與一般任食一樣，第一回的牛是最深刻最好食，之後上的較普通，但仍算好食。我們食了4轉牛，2轉蟹，2轉菜，飽到傻，我老公話差啲飽到嘔。🤣🤣🤣原本想試烏冬

男朋友話比驚喜帶我食一間難忘嘅餐廳，晚上帶左我黎～ 一坐低望住個餐牌，男友諗都唔諗就揀左任食和牛松葉蟹火鍋🍲 $658 一位，另加$88 任飲（有梳打..汽水）首先上嘅係啲磯煮鮑魚，炸蠔，刺身 。我覺得個鮑魚都幾好食，但個汁味道好似有啲濃得濟蓋過左鮑魚味。刺身就正正常常 ，日本餐廳刺身要新鮮係常識吧 之後就上兩牛一豬一蟹...頭一碟牛真係好好好食，未到入口即溶，但實在太滑了！即刻令人好想再叫多幾碟...望下啲雪花分佈平均..唯可惜的是，除了第一碟係比呢種靚嘅牛肉之外，之後供應嘅牛肉雪花分佈、脂肪 口感都同第一碟相差甚遠..但總括黎講都係好食的 松葉蟹方面，本身就已經熟，但可以再擺落鍋度滾一陣熱食仲好食～ 同埋啲蟹肉都唔係碎果啲，係成條條蟹肉咁，呢個都值得推薦食最後，講下服務方面希望可以改善下漏單情況～明明嗌左兩碟牛，等左好耐都未有，隔離遲嗌仲早上過我...我本人係幾介意漏單的，希望會改善下

勞動節本來想吃燒肉，但冇位，改來試吓這間日本餐廳，見餐牌有火煱放题，有壽司，刺身，今晚就試吓他們8件的廚師發板$580,牛舌串燒，鰻魚壽司，赤背刺身，見到其他人多數係火煱放題，8件廚師發板好快到了，第一眼睇到覺得物有所值，所用材料上等貨，之後來的鰻魚壽司也不錯，反而赤背刺身兩隻似乎份量太少，而且不夠爽脆，串燒牛舌也有水準，整體食物質素中上，價錢也是中上，但服務員似乎不熟枱號，遞茶連續兩次錯.

第一次去呢間沖繩居酒屋試左個「竹」嘅火鍋放題有一份刺身，蟹，鮑魚。另外肉類就任叫先講價錢，cover charge，兩杯細生啤同埋個餐價錢，$72X埋單刺身，鮑魚：好水準有鮮味蟹：fair，淡淡蟹味，明白嘅，都合格嘅和牛片：最失望。。。雖然佢嘅厚薄切得好好，但叫左三碟，三碟都係未溶冰，痴實嘅。咁我俾到呢個價錢，真係唔期待碟牛岀到黎我仲要等佢。個湯底好咸，食到第三四片牛肉，已經咸到要格硬食，咩牛味油花口感都食唔到咁，主打係和牛㗎嘛，咪用啲啤酒繼續配下食呢個價錢呢個質素好失望。。。

〈下篇〉依個鮑魚都係一次性嘅食物。入味得黎有咬口又彈牙，同事平時唔食鮑魚都話好食😋😋佢仲好細心咁整到個鮑魚離左殼，食落方便又可以好（扮🤪）斯文。一次性嘅食物仲有個炸蠔。上枱個陣又熱又脆，仲要小心唔好太快咬落去，如果唔係好易比d 蠔汁盪親條👅。其實味道都唔差，不過炸物易飽肚，建議如果唔係特別鐘意食蠔嘅朋友可以留肚食蟹。重頭戲終於黎🦀🦀🦀🦀一樣，解凍做得好好我鐘意佢冇其他酒店buffet d 長腳蟹咁超級鹹，瘋狂吸入都冇問題。長腳又長肉又實，帶住絲絲甜味，點埋個蟹醋簡直令人覺得人生好圓滿。蟹腳份量大大方方，食完再叫都絕對唔會比人dum 波鐘/黑面我留意到佢地後期上嘅蟹嘅份量每次都少話頭幾轉一半，一開始不解，食多幾轉就知佢應該係單純擔心我地飽左，所以少一d 咁上，食完再叫即可。之後就到任食嘅另一重點，和牛🥩🥩🥩可能我個人都係喜愛燒多過打邊爐，我覺得燒更可以食到佢個牛味，而家唔多唔少都比個湯底蓋左一d(即使佢個湯底已經好清好清。同埋送上黎嘅牛油脂分佈冇我相像中咁靚，食落味道係唔差，但冇和牛嘅驚嘆。🥦🥬另外佢都有一d 蔬菜比你食，不是太特別🍲最後仲有烏冬同飯，但我太飽了，所以只係叫左一份烏冬。烏