好湯好麵 (名店坊)

营业中

休息中

💁‍♀️26/9/2022(Mon), Dinner🍜為食妙妙實在好鍾意飲湯😋🥣～見上次黎食麵🍜時(上次食潤牛麵)～見個湯底一d都唔馬虎～所以今次再度二訪✌～試下佢地其他既湯底先🤤今晚為食妙妙 Dinner order左🍜🥢：🔆花膠佛跳牆 $178(花膠/魚肚/鮑魚/海參/素翅/日本地雞肉/日本刺身帶子/北菇/雪腿絲/高湯/扁陽春麵)湯底用上花膠、魚肚、鮑魚、海參、日本地雞肉等等既食材熬製～湯底非常鮮濃香甜🤤～帶黏口感😋～食材新鮮～日本地雞肉相當嫩滑👍👍👍～而花膠係超級大塊同幾厚身下😱～口感一流😋😋😋～而且花膠有滿滿既膠原蛋白～非常滋補養顏🥰～加埋煙韌彈牙既陽春麵～完全能夠駕馭到個湯底～值得一讚👍

。海龍皇湯 ($135) - 海龍皇湯好濃郁的龍蝦鮮味，入面仲有好多鮮甜蟹肉和兩隻又大又爽口的海蝦，廣島蠔亦好多汁鮮甜，陽春麵亦夠幼滑。。蕃茄蛋牛 ($83) - 中意蕃茄嘅人應該好中意，佢有好香蕃茄香味，使用蕃茄仔酸甜味更出，牛舌也不錯，陽春麵掛哂啲湯汁。。芝麻醬雞絲粉皮 ($46) - 粉皮較平時厚身，非常煙韌，非常有嚼口，令人想一值食落去，醬汁亦夠芝麻香，是一道令人幾驚喜的小食。👍🏻。鹹檸雪碧 ($28) - 原個鹹檸醃製，檸檬都幾大粒，鹹味適中得宜，入口時仲可以食到少少檸檬肉，好味又解渴。初初黎都其實怕會失望，因為見到有其他人食過都話個湯底好稀好淡，但好彩我今次食好ok，希望佢地keep到水準，btw個湯無加任何味精。依加開到出銅鑼灣，唔洗山長水遠去大圍食啦。😆 我6:00前到都冇人，唔洗排隊。

夏天特地約朋友揸車入大圍試呢間總店的招牌海龍皇湯面，非常好！驚艷！見銅鑼灣開新分店，環境有升級，咁係要來試試新口味！琴晚試左「好頭好尾」，可惜呢款號稱wagyu和牛面頰肉、牛舌、牛尾（超肥膩）燉煮的面太過油膩得我有d反胃…雖然牛肉質同量都真係好足，110蚊來講都真係良心喇，但牛尾太肥太太太淋，肥油漂整碗～嗌少許辣椒醬來壓制油膩感先食得落少少，所以不推薦寬陽春麵又不是我心水…下次都係乖乖order已經確定過美味的海龍皇湯面

<好湯好麵> 📍銅鑼灣🔸貨真價實，好湯好麵🔸無味精嘅濃湯寶幾年之前<好湯好麵>係大圍剛開張之時，睇過負責人電視訪問，內容大概係被訪「大圍食肆多數都係做街坊生意，你百幾蚊一碗麵，擔唔擔心做唔住？」。然後店家就開始係咁講滾呢啖湯既膽有幾足料 🐷🦐🐓🍖🦴🍗 講下個廚師好有料，係四季酒店米芝蓮三星既廚房出身，大圍開檔想比街坊多個選擇。 點解我咁記得呢個訪問？因為果陣童言無忌咁同啊媽講：「嘩！百幾蚊碗麵咁鬼貴！實做唔住啦！」點知若干年後，<好湯好麵> 登上左米芝蓮推介，仲擴展到去銅鑼灣名店坊 🤣🤣🤣 （真 · 燈神 💡）今日就試左遠近馳名既海龍王湯($135)同埋一杯凍烏龍茶($21)。不得不讚店員既細心同誠意 😎👍🏼 由於湯裏面嘅蝦係原隻上，要客人自己剝殼既，店員會擺定濕紙巾，方便客人。其二，送上湯麵既時候係店員係雙手奉上湯碗，誠意十足！🙌🏼🙌🏼🙌🏼 湯麵一上枱，龍蝦湯香味撲鼻，蝦油香迎面而上 😶‍🌫️ 係咁意撩吓，湯裏面有一絲絲嘅蟹肉，有啲似馬賽龍蝦湯，望落超濃郁，有啲擔心會好咸同涸喉。喜出望外地湯底清澈甘鮮，完全唔會杰撻撻，同時又做到掛汁嘅效果

有次係銅鑼灣諗住食拉麵🍜 點知好早就full晒冇位🥹 最後周圍行下睇下有咩食 最後就黎左依間餐廳🍴🍀涼拌麻辣茄子個麻辣醬味道幾好食🤤 配涼拌茄子好夾🍆 茄子爽口吾會太淋 所以食落有咬口😛 做開胃小食吾錯👍🏽🍀好頭好尾啲菜式名好得意🤣 如果吾睇menu嘅食材 真係估吾到係咩黎😂 其實依個係一碗以牛為主嘅扁陽春麵黎🍜 有和牛面頰肉 燴牛尾 燉牛舌 配埋牛骨湯🐮 味道夠濃 牛味都好重 幾好食😋 🍀蠔皇豬豬材料都幾多 除左黑豚五花腩片 炒豬肉碎之外🐷 仲有廣島蠔肉 鳯尾蝦 蝦子🦐 同樣都係陽春麵 吾會太淋🍜 不過依個湯底相對較普通 冇咩特別😬🍀自家製特飲 - 雪梨黑豆水好多黑豆🫘 味道甜甜地好易入口🥤 而且仲可以對身體好啲添🤣

呢間食面：第一：約1佰元碗，都算物有所值👍第二：不會太大碗：呢間都算成功今時今日過佰元以上一碗面：客人很多，坐位約20-30個，服務🆗，我果碗龍蝦湯底好香、因為面底無味，飲湯後要加辣椒油伴面😋😋👍👍海鮮足料👍蝦仁做到爽口、西班牙火腿好似$58/$68低食🥳但唔夠香，未必會再去，係我個人問題，真係唔夠飽😅

喺附近剪完頭髮，髮型師推介呢間好湯好麵，原本喺門口望入去都覺得好似唔係太吸引，坐低揀咗兩款mi，我order咗海皇湯陽春面，同埋豬膶牛肉麵。第一碗嚟左豬膶牛肉麵，佢係用小牛牌嘅牛肉，見到已經覺得好吸引，因為唔係平時食嘅鮮牛肉。第一啖先飲湯超濃，但唔喊，豬膶好亂畫，牛肉亦都好滑同重牛肉味。第二碗先食海皇麵，個湯底好重龍蝦味，呢個湯係配幼嘅陽春面，整體食落好來，啲海鮮份量亦都好多，有蝦，帶子，蟹肉，生蠔。非常推介呢間麵店👍🏻

之前一路光顧大圍分店都知道是水準以上之作今次特意來到銅鑼灣裝潢門面更佳寬敞舒適可以說是有更好的體驗最後還是點選了安全的海龍王濃湯貌似包含了整個海洋蝦/蟹的味道相得益彰可惜一點是價格真係唔係可以每一個人都經常光顧所以偶爾獎勵下自己就很好了

近排沒多管束自己的體重，澄清這不代表放縱，只是在可放任的程度上來一點彈性而已！嘻嘻，空間來了，麵魂亦馬上回到身上來，盡情享受了不少想吃的麵食，包括「好湯好麵」！又喜歡喝湯、又喜歡吃麵的我，早在大圍總店開幕時已渴望一試，可惜我不是常到大圍的人，每當刻意編排便出意外 —「好湯好麵」獲必比登推介了，門外排隊的長龍令人悶悶不樂  — 輪到我時，湯該也賣光了！喝不到的湯也是酸的，結果只好遠離！中女的我比年少時多了一份好處，就是耐性足！終於在未望穿瓦煲之際，「好湯好麵」的銅鑼灣店誕生了，掌聲鼓勵！在飯市前的非繁忙時段，踏進銅鑼灣的「好湯好麵」，邁進了願望達成的一步！未計買料、清洗、斬斬切切，老媽的一窩愛心湯要經歷幾個鐘的爐火，但「好湯好麵」備有超過十款不同湯的湯麵任君選擇，媽不用辛苦了！其實我和老公都好想一試雙冬羊肉麵，不過似乎不適合於三十多度的天氣享用，唯有將其保留至冬天！於是好頭好尾 HK$106 成了第一碗選擇 ， 它屬於推介之一！牛骨湯濃稠，不單具牛香，也混雜了四川的風味，滲出香料與辣味！內有川味牛面頰肉和法式燴牛尾，而且燜得甚為腍軟，我想以一般食客的正常的牙力，可以將牛面頰肉和牛尾保留略

因為餐牌冇人update，所以以為銅鑼灣店冇迷你佛跳牆食，但係有花膠佛跳牆！嬲呀！落單嘅時候，自己又唔記得問店員！所以叫咗另外三款，首次嘗試外賣！麵係要自己煮嘅，基本上同喺舖頭食嘅係冇分別！ 都一樣咁好食，外賣嘅湯底依然好熱，呢個係值得一讚嘅！海龍皇嘅海鮮好新鮮！好頭好尾嘅湯，好濃郁嘅牛肉味！最後係棉花雞，正常味道！所以最驚喜嘅係海龍皇！店員好Nice咁介紹新的花膠佛跳牆！ 唯有下次再食佛跳牆！港島區終於有好湯好麵啦！水準同大圍店一樣！由於好早食晚飯，六點半度就叫外賣， 所以等咗15分鐘就有得攞啦！非常方便！

Poseidon soup noodle* (海龍皇湯) HK$135Tummy really liked the soup 😍 Apart from the fact that it is rich in prawn oil and seafood pottage, it also contains blue crab meat in every sip. 🦀The scallop and the Hiroshima oyster is fat and sweet. 🦪That surprisingly matches well with the Yang Chun noodle, which is able to absorb the broth yet retaining the chew. 🍜However, It’s slightly messy to peel the prawn.🦐Water Lily* (水中花) HK$27We were really impressed with the chilled tofu with Osmanthus syrup! 🌼The

大熱大圍湯麵店「好湯好麵」由前四季酒店法國餐廳🇫🇷副主廚ɢᴀʀʏ主理，開業3年，2年前已得米芝連推介⭐️。最近終於衝出大圍，分店開到嚟港島區啦！.海龍皇湯(藍蟹肉 | 海蝦尾 | 北海道魷魚 | 日本剌身帶子 | 廣島蠔肉 | 蝦頭油 | 皇湯 | 陽春麵) $135嚟到好湯好麵一定要叫依個海龍皇湯，湯底用龍蝦湯🦞、蝦頭油🦐同多款海鮮熬成，飲落係有多層次鮮味龍蝦湯，口感無法式龍蝦湯咁滑（因為法式龍蝦湯會加忌廉），但都唔會好似法式龍蝦湯咁有些少腥味。廚師會根據每款湯底，揀選適合嘅麵條，而海龍皇湯就係配幼陽春麵，雖然係幼麵，但都好掛汁，如果係粗麵反而可能略嫌飽滯。面頭仲有蟹肉🦀、帶子、廣島蠔🦪等海鮮，份量都幾多。.黑口黑麵 $90(北海道魷魚 | 墨魚滑 | 墨魚濃湯 | 扁陽春麵)一睇個名就知黑口黑麵⚫️用墨魚汁🐙做湯底啦，雖然睇落黑鼆鼆（黑蚊蚊），但質感唔算好厚，飲落都有海鮮嘅清甜味，唔太覺有腥味，不過👩🏻就飲到有啲似係陽春麵嘅麵粉味，覺得有少少怪怪哋。配料方面有魷魚🦑同墨魚滑，墨魚滑好大嚿，而且超彈牙，現成墨魚丸絕對同依度嘅墨魚滑無得比。.上菜前侍應會問係邊位叫咗黑口黑麵，會提供返圍裙，

這間麵店由大圍進注到銅鑼灣，老公話十分出名好味，叫我一定要帶從英國回來的女兒去試。之前買過一次外賣，麵是生的要回家再煮後加湯。上次買了綿花鷄，湯底濃郁，材料足，一試難忘。今日以為為女兒製造驚喜，便帶她來一試。下午2時半比較空閑，所以一入到去便有位。叫了2款小食：豉油雞翼和鷄絲粉皮，兩款都不錯，冷盤鷄絲粉皮更適合這個炎炎夏日。主食叫了綿花鷄和好頭好尾。不知是否天氣太熱，或者是換了廚房師傅的關係，味道都不太似上次外賣那種驚艷感覺。我叫的好頭好尾，湯濃但味道不特出，牛臉肉和牛尾肉都不太tender，只可以用一般般來形容。女兒的綿花鷄，材料是足料的，但同上次外賣的味道有太大分別，不用說也沒有一試難忘的感覺。女兒麵食只吃了兩小口便放下筷子。一頓午餐4百元，在銅鑼灣來說是非常親民價格，只不過不是我期望期待的，有比較便有失望😞

銅鑼灣呢間新開暫時冇咩人知就黎試吓🫣 平日lunch time 唔使等位，店內客人唔算多。叫左綿花雞$98，以及特飲雪梨黑豆茶$22，綿花雞湯底好正，成碗飲哂。唯一是價錢略貴，同仲有加一，其實食個麵都係幾個字內ga事😅如果可取消加一會更好。

好湯好麵：最出名係海龍皇湯麵！名不虛傳，成碗麵連湯都完美完成；至於另一碗，牛面牛尾麵就中規中矩，不過不失。前菜：芝麻醬海蜇雞絲粉皮，喜歡芝麻醬就完全合格甜品：水中花，個名好靚，打卡亦合格；只是分量太少