好湯好麵 (名店坊)

营业中

休息中

👶🏼帶我食好西yay估唔到係fashion walk都有咁平靚正嘅米線，環境清靜，湯料豐富，我地一滴湯都無剩！👀1️⃣ 花膠佛跳牆 $178 ⭐️8.5/10花膠湯無味精味但比想像中濃郁，用料幾豪華，有花膠（正常味&咬口）鮑魚（入味煙靭）魚肚（爽口）海參（偏硬）帶子（無乜彈性），麵底係扁陽春麵，掛湯又有d彈性，美中不足係唔夠湯，飲晒都未食完啲麵😂 整體對得住價錢👍👍2️⃣ 海龍王湯 $135 ⭐️7.5/10龍蝦湯龍蝦味正常，用蕃茄味點綴，有幾多種海鮮🦞jeng!! 包括海蝦尾（有蝦味但唔夠爽）、北海道魷魚（缺味唔夠彈性）、日本刺身帶子（正常）、廣島蠔肉（正常）🤣份量足夠👩🏻佢呢個係配陽春麵，幼身d咬落去口感輕盈d，而且掛湯d，我鐘意d haha😙--Food: 8/10Environment: 7/10Service: 7/10Price: 7.5/10Overall: 7.5/10💸 ~130pp

好湯好麵喺大圍就好出名終於等到佢開設分店✌🏻位於銅鑼灣名店坊，十分方便 🚌餐廳以上等湯底加上新鮮食材為主打價錢略貴，不過都物有所值仍然推薦大家去試試🐙黑口黑麵從佢個名就可以估到呢個麵係用墨魚汁當做湯底🖤雖然望落去十分黑，但口感唔會好厚湯底飲起黎有清甜嘅海鮮味，唔會腥而且唔會過鹹配料方面有魷魚和墨魚滑墨魚滑好大塊，嫩滑多汁同特別彈牙魷魚就口感清脆🦑扁陽春麵充滿着麵粉香，口感柔軟加埋蔥、薑絲同芽菜絲，讓味道更加豐富，獨具風味🍜🦞 海龍王湯龍蝦湯令人驚豔，一嚟到已經香噴噴蝦油的香味更加讓人垂涎三尺🤤湯裹面有一絲絲滑嫩的蟹肉🦀飲落有啲似龍蝦湯不過少咗嗰種濃郁嘅質感，唔會過於油膩反而清澈又甘鮮嘅感覺麵條有掛汁嘅效果整體食得出係精心炮製誠意之作，令人難忘🫶

同事日講夜講依間舖既湯麵真係好好食，終於有機會試到啦!我地試左蠔皇豬豬同餐廳推薦既海龍皇湯，一試我係冇失望，都係我第一次食完碗麵會飲埋碗湯，飲完都唔口渴，唔油唔鹹冇乜味精，4個人隻碗都見底，好湯!蠔皇豬豬既龍蝦牛油湯味好香，未飲都聞到好濃牛油味，而海龍皇湯係用蝦頭油熬，有海鮮鮮甜味而不漏，所以大家都好積極飲湯lol 餐廳麵食以陽春麵.扁陽春麵為主，麵條唔太淋唔太硬都好掛汁，好麵!至於配料呢，我覺得不過不失，希望好湯好麵之餘有更好既料，帶來更多驚喜啦~蠔皇豬豬既豚肉有4塊到，肉質軟淋帶油脂，鳳尾蝦普通鮮蝦海龍皇湯既海鮮配料，刺身帶子係新鮮，藍蟹肉量可以，北海道魷魚海蝦尾冇乜特別試埋個小食，涼拌麻辣手工豆腐，豆腐夠凍，麻辣醬夠辣而醬汁量唔算多，食唔到辣既朋友可以撥走d醬

平時出街都會選擇食麵，因為份量適中唔會過多，食落又唔會有罪惡感，夜晚食比較輕盈。星期日到銅鑼灣行街，買完一輪衫換季，身心疲累，經過好湯好麵既店見到麻雀雖小，入面客人滿滿。聽朋友講大圍好湯好麵 再上榜《香港澳門米芝蓮指南 2022》，而家係銅鑼灣再開分店實在太好了。平時出街都好少入大圍咁遠，而家不用特別排隊就可以入去食。我就點左海龍皇湯麵。賣相已經好有食欲，望落個湯好濃味，加上有海蝦、帶子、蠔同蟹肉等，十分足料。飲落個湯濃郁鮮甜，唔會油膩又唔會過咸，連埋個上海麵全碗清哂，飲後無感覺到落左味精既口渴。佢地揀上海麵做麵底好夾個湯，唔會滯之餘又唔會搶左個味，下次一定會回頭再試其他湯底！

「好湯好麵」獲得必比登推介後由大圍開到去銅鑼灣，上年七月銅鑼灣店已經開幕，一直未有機會試，次次眼見大排長龍就會放棄排隊嘅念頭😹 今次經過居然唔洗排隊，梗係即刻入去啦😆主廚大有來頭，曾經喺四季酒店Caprice做過副主廚👨🏻‍🍳 湯麵有12款選擇，款款都吸引🙊 價錢由$74-178不等，同食拉麵差唔多價錢💰 選擇困難症嘅我坐喺度諗咗好耐食邊款好，結果就揀咗「棉花雞」🐓 條佬就揀咗限量供應嘅「好頭好尾」🐂♥ 棉花雞 $100湯底好濃好正，唔會過鹹，煮到膠質出哂嚟，飲得出係足料靚老火湯，我最後連湯都飲哂，好yeah🤙🏻雞肉選用日本鹿兒島地雞肉，連皮嘅，肉質有彈性🐔 雲腿絲唔算多，北菇煮到腍身，同魚肚一樣索哂湯汁，掂👍🏻扁陽春麵煙韌掛汁，浸耐咗都唔會過腍🍜♥ 好頭好尾 $110牛骨湯帶有少少辣同香料味，有牛香🐂 本來都擔心川味會唔會好辣，佢呢隻辣度我又接受到喎🌶 入面有川味和牛面頰肉同法式燴牛尾，撈兩撈仲發現有啲牛舌喺嗰底😂 可見擺盤好隨心～澳洲和牛面頰肉同法式燴牛尾都好軟腍入味，不過呢碗整體表現就無咁突出，無飲哂啲湯😗餐廳推薦度：7.5/10會再回頭，會想試埋其他湯麵👍🏻 用料係足料有誠意，

不多說 超級好飲的湯底，勁用心熬製，想試好耐啦，終於喺銅鑼灣開咗分店唔使專登入大圍去試，今次喊左海龍王湯，果然10分出色，淨係個樣已經俘虜咗我個心，湯底用心擺盤都好用心，好足料兩隻大大隻海蝦，帶子，仲有好幾款海鮮全部都好新鮮好好味，面底似上海麵個湯係可以飲晒，沒味精，好好飲，超級鮮，飽到傻，可能係因為新開啲人未知，lunch time竟然都冇乜人，仲有好多款湯底都好想試，下次再嚟食，雖然價錢唔平，但其實係超值，自己煲未必可以咁好飲，仲要煲咁耐，真心推薦！！大圍店係長期都好長條隊，銅鑼灣返工人士有口福了！快啲來食！係咁。

早前喺恆隆商戶購物滿$5,000，會員登記後送$50餐飲優惠券，可以喺名店坊指定食肆使用。朋友食過好湯好麵話好味，咁啱喺到期前一日諗起有優惠券，一於就用嚟試吓好湯好麵😋假期完結前，食返碗招牌🦑黑口黑麵 ($90)應吓景🌚墨魚濃湯味道鮮甜，飲埋湯底都唔會好鹹，墨魚滑彈牙，北海道魷魚亦爽口，扁陽春麵口感不硬不淋，仲可以撈埋表面嘅蔥、薑絲同芽菜絲一齊食，別有一番風味😋 店員好貼心提供圍裙，亦時常添水，服務很好

好湯好麵由大圍開到黎銅鑼灣，呢間看似普通既麵舖其實大有來頭，其中一位老闆係四季酒店米芝蓮三星法國餐廳Caprice前副主廚黎德榮，店舖既12款湯麵都是由黎師傅精心打造，每款湯麵都各具特色銅鑼灣店唔算大，整個格局同裝修都帶有港式麵店既影子，枱放得好密，就好似平時去雲吞麵店咁，所以唔算得上係坐得舒服海龍皇湯海龍皇湯係其中一款人氣湯底，湯底用上魚、蝦、蜆、龍蝦頭等等既海鮮熬製，再加入熬足17小時既高湯而成，最後仲會淋上蝦油先飲啖湯，飲到好鮮甜既海鮮，加左蝦油令到個湯味更加濃，但整碗既湯係好清一d都唔油，麵就選用老字號粉麵廠張榮記既陽春麵，麵質彈牙唔會黏住一餅野咁，不過d海鮮就相對失色，食得出係急凍既海鮮，沒有鮮味可言，最後我真的飲晒成碗海龍皇湯雖然d海鮮比較失色同價錢都唔平，但無可否認湯底真係造得非常出色，呢度侍應都好有禮貌，會不停幫你加茶，下次再黎會試下其餘既11款湯麵😋

蠔皇豬豬🍜扁陽春麵，麵質不算有咬口，應該話唔太喜歡呢個麵質，唔夠掛湯🍜湯係高湯base 加 蠔湯，味道好像不太夾，好分離，第一啖好重蠔味，但食食下感覺好 plain🍜配料: 廣島蠔x2 肉質爽爽地，生熟度不錯。蝦x2 爽口但無味。豬腩肉幾片，都係無乜味。🍜份量偏小🤔食食下啲伙記好好服務係咁加茶，心唸，間野都幾好招呼，到埋單發現，原來有收加一服務費嘅，唔怪之得啦。😟食過 4個口味，唯一呢個唔好食，感覺個豬同蠔無乜啦Lun，如果我第一次就食呢個味應該都幾失望。

今日老細請食lunch，大家一齊決定食左佢隻車🤣好湯好麵由大圍開分店到銅鑼灣，由佢初初開鋪無人識到依家街知巷聞，佢係第一間麵店我係會將個湯清零！啲人話$100食個麵好貴，其實食個拉麵咪又係差唔多😆 但食麵可以飲埋個湯唔係間間都做到好湯好麵 (名店坊) (銅鑼灣)銅鑼灣加寧街9-11號名店坊地下B號舖味道: ⭐️⭐️⭐️⭐️⭐️價錢: 💰💰💰💰💰抵食指數: ⭐️⭐️⭐️⭐️⭐️棉花雞 $100個湯絕對係係我心中第一位，第一次食係飲哂啲湯，之後每次幫襯都湯清零。湯料絕對真材實料！超濃郁湯底😋😋😋👍🏻👍🏻👍🏻所有食材都係頂級素材，份量又夠！連外賣都係非常講究，個麵需要客人自己煮，教學都會放埋係外賣紙到，教你返到屋企點食，餐廳員工態度良好，會問你係咪第一次外賣再教你👍🏻👍🏻超級好嘅餐廳同埋心中第一麵館

打邊爐，就最緊要個爐，一碗好的湯麵，就梗係個湯底啦！今年更加衝出大圍，殺入港島，在銅鑼灣開分店，簡直係港島朋友的福音！！見平日夜晚唔使排隊，就去睇下係唔係真係咁正。🥢棉花雞 $98簡單少少，嗌咗 棉花雞 $98！ 非常推介！高湯湯頭，超香的雞及金華火腿香味，就好似飲緊濃郁的中式雞湯。至於食材，其實非常簡單，用上日本雞、北菇、雲腿絲及魚肚，雞非常彈牙嫩滑，最出色係北菇，非常香腍身又入味，至於魚肚，一向都係索湯之選。一向唔太鍾意食麵條，不過店家用上的扁麵條都不錯，有彈性的，亦不會煮得火太淋。值得一讚，湯底真係不能了，而且仲有12款不同口味的選擇，梗有一款合你口味。鍾意飲湯，唔想飲味精湯的朋友，值得一試！

Heard a lot of good things about this one and finally decided to give it a try.  Location is a bit more difficult to find but once there I knew what I should have done out of CWB MTR.  The queue wasn't huge on a Friday evening but still meant a good 15min wait which somehow built up the expectations.  Once inside and being seated, the ordering process was efficient and my noodle was served pretty quickly, with the side vegetable following shortly after.  Firstly the noodle - full mark for that,

大隻仔今次覓食嘅店舖就係💥 好湯好麵（名店坊）💥 大隻仔上個月試食呢間聞名已久，有多間傳媒訪問過，長期排隊嘅網紅店「好湯好麵」。餐廳出名湯底好飲而且價錢貴，大隻仔試食睇吓餐廳質素係咪對得住個價錢。🤔🤔⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 西班牙紅蝦 $188（ 西班牙紅蝦/藍蟹肉/蝦頭油/皇湯/陽春麵）用上海鮮湯底，味道香濃，但海鮮味唔算突出，至於蟹肉係罐頭蟹肉，陽春麵少少偏冧，至於主角紅蝦係成碗麵嘅敗筆，蝦肉梅，煮過龍，食唔到世界上最好食嘅紅蝦應該有嘅彈性同鮮甜味，只可以講食材質素麻麻，主要靠湯底。🔥 棉花雞 $98（日本地雞肉/魚肚/北茹/雲佩絲/高湯/扁陽春麵）棉花雞比西班牙紅蝦出色，雞湯濃郁而且有少少膠質，雞肉一般唔算好嫩滑，魚肚夠冧，北茹同雲佩絲只係後加上食材，扁陽春麵比陽春麵好食得多。🔥 鹹檸雪碧 $28估唔到飲品比食物更加出色，鹹檸檬唔係一般貨色，應該已經浸泡一段時間，用飲品匙羹篤一下，鹹檸檬即刻

可以一試既食後感.味道有.旦唔夠實在.尼次試左豬手.比較實.根位食唔到.味道未入到5/10棉花雞扁陽春麵.湯味道幾好（微微咸左d)配料.魚肚索晒湯👍🏻.6/10花膠佛跳牆扁陽春麵.湯味道幾好.花膠就未夠淋同唔入味.6/10環境.6/10服務.7.5/10價錢.7/10（CWB來講正常價）要講既重點.湯、料…都唔錯差在個麵…改善下會更好

之前去過大圍總店排左半個鐘一嚐棉花雞湯麵，湯底濃郁好出色。今次趁睇完戲差唔多六點，一於排定隊等吃~揀左推介嘅海龍皇湯，擺盤超吸睛！一嚐湯底即刻覺得值回票價，真係厚實鮮甜，蝦味濃郁，令人愛不釋手！藍蟹肉、海蝦尾、刺身帶子、廣島蠔肉用料上盛，加掛汁而軟綿綿嘅陽春麵真係好正~作為小食嘅意大利黑醋蒜香海蜇頭都有驚喜，海蜇頭索索聲，黑醋酸酸好開胃。加多杯熱雪梨黑豆水，十分滋潤，今餐真係養生又健康~Menu -