好時沙嗲

营业中

休息中

好多年前幫襯過，一路以為已經結業，點知見到朋友打卡，即刻上網查一查，原來又開返，嘩，即刻去食啦！水準保持，仲係一樣咁抵食。今晚得2個人，但都要點返之前喜歡嘅野食。 海南雞飯，肉骨茶(排骨湯)，炒羅白糕，加多加多沙律。雞肉都算嫩，飯好香，但濕身少少，3個醬汁最好味甜豉油，個湯淡味。肉骨茶，有4件排骨幾好味，內有杞子同幾種藥材，味道不濃不淡，剛剛好，勁大碗，應該3個人都夠飲。羅白糕好惹味，有幾隻蝦，大讚😋😋😋食吾停口。加多加多有好多沙葛，正! 個沙嗲好好味。其實我地2個係細食嘅人，但我地竟然係20分鐘就清左呢4碟吾細嘅菜

經典沙爹名店足料補身骨茶惹味蟹汁煎蛋7/10好時沙爹應診起碼有2-30年歷史，孩提時代已經來過。這次和朋友再來回味一下。在更新了的餐牌上找了很久都不見招牌沙爹，覺得很稀奇，原來在封面! 半打之中還可以隨意配搭。我們要了三串豬和三串雞:雖然雞肉不算很驚為天人，但豬肉醃得不錯，亦有肉汁。沙爹醬比起很多其他食肆濃郁和有花生香味，招牌菜確有實力。排骨茶(即我們叫的肉骨茶)是馬來西亞式的，藥材味較濃郁，沒有胡椒味。配料雖然簡單，但我們覺得這排骨茶很讚。有藥材獨特的香味，喝起來很順喉，很能下飯。據說這有去濕的功效，喝完確實覺得挺舒服。第一次吃蟹汁煎蛋。吃了一口之後發覺所謂蟹汁應該是用來炒蟹的汁而不是用蟹熬出來的汁。參巴辣醬加炒洋蔥，小小開胃的辣度和甜味，非常惹味，炒蛋既豐富又嫩滑，是一道很能下飯的菜色。最後追加咖哩角。(忘了拍照...)自家製的咖哩角鬆化之餘毫不油膩，餡料有軟熟的薯茸，香噴噴的咖哩香料和醃得入味的豬肉碎，令人回味。這裡還有很多有趣的南洋菜式，值得一試。

<又到雞飯時🐓>好時沙嗲:海南雞飯$55 _好時沙嗲完全係尖沙咀嘅平民飯堂🤓，海南雞飯全日$55 ，碟雞大到，完全冇骨，雞肉都幾滑，唔會太肥，點特調雞醬同薑蓉食一流，至於油飯有米香，係粒粒飯，加D黑醬油送飯😋正喔，最尾飲埋碗菜湯，$55食雞飯，CP值巧高高☺️

很久沒有光顧的店，再吃還能保持那一份味道真難得。印象中炒蘿蔔糕是我最愛的，今次點些不一樣的看會否帶來驚喜。叫了大大份的海南雞飯，油飯很香，加上醬油、姜蓉和辣醬簡直天衣無縫，不過略嫌雞件不夠嫩滑，配的也似乎不是雞湯，而是普通菜湯。另外的炒貴叼味道與炒蘿蔔糕相似，惹味香口但偏甜，搞笑的是它的配料像尋寶般，要咬著咬著才知道有臘腸。最後點了加多加多，一道印尼華僑應該不陌生的菜色。吃慣了用熟菜做的加多加多，他們放了生菜感覺奇怪，而且醬汁亦是同樣偏甜，令我更懷念家人親自煮的味道

我地今次係兩個人黎食，分別叫左咖哩雞、星洲炒蘿蔔糕、馬拉盞炒通菜、半打沙嗲豬同雞串燒同薄餅roti！兩個人真係食到超飽🤣🤣首先講下個咖喱雞，我地配左薄餅點咖喱汁一齊食！d雞件好嫩滑，好入味，配埋個薄餅一齊食好正💓星洲炒蘿蔔糕其實即係XO醬炒蘿蔔糕，好惹味，仲勁大碟，我覺得夠四個人食D沙嗲串燒有雞、牛、豬揀，今次我地揀雞同豬，d肉稍為乾，不過味道都唔錯馬拉盞炒通菜就唔使講啦，一定唔會出錯，又係一個惹味之選👍🏻

好排經過尖沙咀，隨便同朋友食個埋個lunch先走，係尖東行黎行去唔知食咩好既時候。我朋友忽然醒起有間野話佢以前係尖東返工成日去食既👍點左一個辣星洲炒飯$57，一送上枱已經勁惹味，個炒飯勁香口👍D蝦都算大粒同多。個沙嗲串燒係勁有風味，雞肉又軟身，呢個價錢咁大碟，又有蛋又有串燒，CP值勁高。辣通菜$47，同樣好惹味，D汁入哂通菜個洞，所以淡淡都好濃味，正!Laksa $51，由於太心急同朋友分兩碗，所以得返呢一張相🙈 入面有魚蛋，豆卜，蝦，雞蛋，雞肉，雖然佢本身送上枱個賣相真係唔靚，但係個椰汁咖哩湯底好好味，濃郁得黎唔係死鹹👍 個日試完即刻影底左地址，傳比我D朋友推介👍

來到好時沙嗲吃晚餐，叫了一個小食，兩個主菜，一個甜品。半打沙嗲(半打）（三豬三牛） ： 味道不錯，豬比牛更好吃。肉質腍亦有咬口，如果牛肉味更濃會更好。沙嗲醬惹味，更多花生柆會更好。黃薑香茅雞：香茅味不算濃，有一股特別的味道，雞肉不老。鹹魚銀芽炒飯：最好味，有鑊口，啖啖鹹魚味，而且銀芽落得足夠，減少炒飯的油膩感和增加層次，亦都不會覺得乾爭爭。喳喳： 十分足料，椰香味夠，然且有類似蒟蒻的物體增加口感，與在中式糖水舖的喳喳畈有分別。不過比較甜。總括而言，好時沙嗲的價錢公道味道好，雖然份量不算多，但亦可襯機試多幾味，如果想在尖沙咀吃星馬菜，不失為一個好選擇。

好時沙嗲已經開左三十幾年，係食新加坡菜嘅老店，應該好多人都有食過，菜式都幾多選擇而且價錢合理，係尖沙咀抵食之選！佢地嘅海南雞飯同埋喇沙都好出名，無論午餐定係晚餐黎食都好抵，人均消費一百有找蚊嫁🤑**********<海南雞飯> $55個海南雞飯係用成個托盤上，都幾搞笑，不過個雞就唔係好夠味，所以沾下蒜蓉、甜豉油或者酸辣汁會好味啲，啲雞皮都幾厚所以連皮食嘅話會太油，雞肉就幾滑嘅，同埋啲雞係去曬骨嫁！🐣

見呢間野咁多好評就諗住去試下，入去叫左兩樣野，一個海南雞飯同一個咖哩牛腩飯。海南雞飯話冇油飯，算，要白飯，啲雞淡而無味又唔滑，完全唔知自己食緊嘅原來係雞肉，另外附送一碗湯，個湯超級多雞油而且係凍，上到枱時湯面已經有層膜，個湯唔知係廚房擺左幾耐。另外咖哩牛腩飯，咖哩味係完全冇，超級淡，而且牛腩好碎仲係霉。呢間野用兩個字總結:垃圾！

早幾年去食好時沙嗲，只要係周末近晚餐時間都逼滿曬等位嘅人～🤭大家如果好怕等位，可以揀晏晝黎！今次我哋都係直入架！👻———————————————————💛排骨茶 $65有約4-6舊排骨，F最中意食軟骨。食咗幾舊都冇話煲到好柴好嚡口，幾好！😝O呢就幾中意個湯底，好重中藥味又有小小胡椒味～😋都幾易入口，怕飲中藥嘅朋友應該都接受到！.🧡椰汁辣飯 $52O一見到椰漿飯已經諗都唔諗就order咗！一拎上枱果然無失望，椰漿飯唔會話有太多椰漿，有微微椰漿味，唔黏身。沙嗲醬蝦仁好夠味，送飯真係一流。煎蛋都好香蛋味，F食下食下都食咗半份😋 其餘魚仔，花生同成個飯都好夾，基本上個飯都好令人滿意.🧡炒貴刁 $50炒野最緊要夠味、有鑊氣！呢個貴刁就做得到啦！😍入面有小小蝦、芽菜同碎蛋，唔算好多料但呢個價錢都差唔多～但食到一半會覺得幾油膩下，好在我地叫咗杯 咸檸梳打解下滯👍🏻.今次冇食到 F平時叫開既，星洲醬炒蘿蔔糕～食落呢個貴刁落嘅調味同炒蘿蔔糕都差唔多🥳中意蝦米同煎蘿蔔糕口感嘅朋友可以叫嚟食下～呢樣都可以話係F心中—呢間餐廳嘅代表菜式😏

喺尖沙咀區都算係平價餐廳.唔止價錢平仲要大件夾抵食！肉排茶（$66）：肉排有成4-5塊.仲要件件都好多肉.非常足料！湯水好重藥材味.有好多紀子！因為落左好多胡椒湯水會有啲辛辣！冬天飲依湯就至啱！可補一補！辣星洲炒飯（$57）：星洲炒米就食得多，估唔到星洲炒飯係咁好食！平時星米都幾油下.但星洲炒飯一啲都唔會油.份量仲要有成4飯，足夠兩個人食！仲要配送2串串燒同炸蝦片.沙嗲串燒（$51）：沙嗲汁好失望，偏甜！就連好甜嘅我都覺得太甜！牛肉質感一般，反而雞肉好嫩滑.

來到好時沙嗲 沙嗲是必吃的，叫咗一份共有六支，有雞、有牛、有豬，當中我最鍾意就係食豬肉串，肉塊以醬汁先醃過再烤，配上傳統秘製的沙嗲醬 濃濃的花生香，真係好食到唔停得口。Laksa 叻沙 即是椰汁咖喱米粉 每次都會食，因為個湯非常好味，內裏還有蝦，豆卜，魚蛋和雞肉等，他的賣相就麻麻哋但係好好食。今日個巴東牛肉鹹味就好似淡左少少，牛肉做得好稔，是一件件的，但係有個叉子稍稍加力便完全分開，更可以吸收多啲醬汁，好味非常。加多加多 蔬菜沙律 有蔬菜、薯仔、雞蛋等，開胃又健康。

老友小時候在新加坡生活了一段時間，所以他對新加坡食品非常喜好，尤其是「好時沙嗲」的傳統味道。今日叫咗我哋都好鍾意嘅 香蘭葉包雞，雞肉經香料醃製 再以班蘭葉包裹著炸成，嫩滑的一小口雞件，好味呀。星洲炒蘿蔔糕 惹味非常，這跟我們廣東式的蘿蔔糕食飯不一樣，蘿蔔糕切了一小件一小件，加入肉類 蝦和雞蛋炒成，當然還有好多醬汁，好似黑豉油等，蘿蔔糕香噴噴，烏卒卒，好好食。其實我最鍾意當中的雞蛋，因為吸收左好多醬油的味道，特別好食。印度炒麵是我朋友的最愛，這個南印度式的炒麵酸酸辣辣，除咗麵條還有肉碎，薯仔，番茄，洋蔥和青紅椒，這個麵看上去不太吸引，但味道相當豐富，是一個飽肚的好選擇。Cendol 真多椰汁 超值，只是$21 ，椰汁味道非常濃郁，但綠色的jelly條就少咗啲。

路過尖東，睇完食評就入左呢間食👅雖然佢叫好時沙爹，但聽聞海南雞飯都唔差🐣海南雞飯🐓 $55 （轉髀+ $10）Hainanese Chicken Rice 🍚 肉質滑嫩，唔會老柴，點埋附上的薑蓉、醬油同辣椒醬，d雞味出晒黎😽 個飯唔會油膩，軟硬適中，每粒米都佔上雞油香氣，忍不住扒晒入口🤤個湯就較為普通，可以留肚食其他野😆評分：✿✿✿✿❀（4.5/5）銀魚炒芥蘭🥬 $47 Fried Kale 想食下d菜，就嗌左碟鑊氣小炒芥蘭好甜，加埋咸咸地既魚仔，㗳得開心又食得健康🐟評分：✿✿✿✿❀（4/5）真多椰汁🥥 $21 Cendol 呢個reminds me係沙巴成日飲既味道，佢個椰汁很濃，但對我黎講有d甜，食完熱野飲都好爽既❄️ 評分：✿✿✿❀❀（3.5/5）

本身打算係樓下食日本野，但等得太耐，甘就轉上上面食好時沙嗲。見個個都叫海南雞飯，就試一試，味道真係唔錯，雞都好嫩口～飯有好香既沙薑味，食到停唔到口🥰串燒反而一般，無咩肉味，有d失望～