好時沙嗲

從前很愛食這家店的食物，例如喇沙，加多加多，炒蘿蔔糕，但重開之後再去食，發覺味道已經不一樣，辣度大了，不知道是否要蓋住雪味？ 還是要遷就國內同胞的口味？ 又或是換了一批廚師？ 我們一行三人，點了炒蘿蔔糕，馬拉盞通菜，喇沙，炒貴刁及咖喱雞。當中以咖哩雞最差，咖喱雞以普通砂鍋盛載，鍋中只有三件，其餘的都是咖喱汁，雞肉雖然大件，但雪藏味濃，而且一口咬下去仍是冰的，全無肉質口感可言，向服務員訴說，她的回覆是：我們的咖喱雞就是這樣的呀，若是嫌不夠熱，拿回廚房給你再煮吧！其他食物都偏辣，食得汗流浹背，下次不會再來。…查看更多

每年聖誕前後抵港都會來食，今次真是覺得差左好多，好難五備差評，蘿蔔糕無味，一d窩氣都無！ 炒通菜一般還好，海南雞超肥，蝦湯麵得半只凍品蝦、😮‍💨以往都需要排隊 宜家零星幾個客人，又少了一個特意打卡的地方了…查看更多

呢間店個名聽左好耐 終於的起心肝去食，食完覺得整體OK，未有網上評價咁好味海南雞味道偏淡，冇乜雞味，佢配左三款醬料 (辣椒醬比平時辣同杰身 , 薑蓉好重薑 個人偏好蔥蓉,，甜醬油無特別)同平時食開嘅海南雞醬有D唔同 可能我食唔慣 都係中意平時嘅海南雞醬多D 份量正常 油飯望落OK但食落唔香星洲炒蘿蔔糕個醬汁好濃好適合重口味人士 但就我個人而言蘿蔔糕煎得唔夠脆食落似蒸蘿蔔糕 味道夠但口感欠奉好時沙嗲串燒 半打(豬 牛 雞各2) 呢個串燒最好食係豬肉 反而雞麻麻地 牛肉唔夠嫩 個沙嗲汁偏甜口…查看更多

尖東老字號—好時沙嗲好時沙嗲係好時中心😂 一定唔會去錯 雖然個商場已經冇咩行，懷舊味道夾雜上到一樓已經有陣陣沙嗲味，心情有啲複雜😂 不過Lunch time唔想諗就會去食海南雞飯。因為上菜速度極快，落單後5分鐘就上菜，岩哂趕時間嘅人。一個送餐圓盤放哂，成碗金黃色油飯配上雞肉滑嫩鮮美，雞油香氣撲鼻，唔食油飯仲可以走翼轉白飯。個湯係有椰菜，特製辣椒醬同青bb嘅薑蓉酸辣開胃。不過差左唔係套餐，冇嘢飲😣適合聚餐或獨食👐🏼…查看更多

呢幢時光倒流80年代嘅商業大廈，一直都知道有間好出名嘅餐廳「好時沙嗲」，平日同朋友比較少過嚟尖沙咀呢邊，一直都冇緣食到。今次朋友就提議食完飯之後過對面酒店食糖水，牽起食呢一間餐廳嘅緣份😙呢度個價錢都幾大眾化，最貴嘅粉絲煲都係$125，但係比起其他餸菜嚟講「粉絲蝦煲」感覺就相對平凡好多😣「星洲炒蘿蔔糕」我朋友未到就已經出聲要order😝佢唔似香港嗰啲煎蘿蔔糕比較乾身，呢個蘿蔔糕感覺有少少濕濕地，加埋蛋絲同醬汁，好惹味！「排骨茶」相比起以前食過嘅肉骨茶嚟講，今次嘅排骨茶藥材味就唔算好濃，同埋味道偏濃嘅食物，最好就配碗白飯😜「加多加多」覺得個名幾有趣，就問吓姐姐呢款究竟係乜嘢嚟？原來係用咗生菜底+薯仔+青瓜，同埋最緊要嘅沙嗲醬，混合而成嘅沙律🤯 我真係未食過加沙嗲既沙律，個沙嗲醬+呢個沙律認真唔錯！唔會古怪，推薦！「麻油雞」冇感覺😔唔係好鍾意啲咁杰嘅醬，同我想像嘅麻油雞有啲距離，不過可能新加坡菜就係咁樣（？✦ 星洲炒蘿蔔糕 $70✦ 排骨茶 $75✦ 加多加多 $62✦ 粉絲蝦煲 $125✦ 麻油雞 $66…查看更多

今日冇食晏，好肚餓，下午茶時間經過好時中心，諗起好耐未食過佢，就去食吓。叫咗個喇沙。喇沙個樣係正常嘅，但食落係完全冇味，啲蝦個口感係淋淋地，豆卜米粉完全冇味，魚蛋好少少，我唔想太浪費食物，都食咗大半碗先走。埋單時都忍唔住同個姐姐講話碗喇沙係完全冇味嘅，佢話會同返老細講～$65 話平唔平，話貴唔貴，但我自己覺得係完全嘥錢，因為我已經係喺好肚餓嘅情況之下食都覺得唔好食。食完都好似唔知食咗啲乜可能叫沙嗲會好啲。…查看更多

聽網上好多人讚，最近終於去咗好時沙嗲試咗佢哋嘅海南雞飯同喇沙湯麵，感覺有啲失望。海南雞肉質算嫩，但味道偏淡，冇乜雞油香，底下墊咗生菜，份量唔多。三款醬汁可以稍微補救返啲味道，辣椒醬較突出，薑蓉清新，甜醬油就普通。油飯外觀吸引，粒粒分明，但食落都係唔夠香，冇咗雞飯應有嘅油香。附湯亦比較平淡，好似味精水，完全唔掂！喇沙湯底椰香味重，但味道似開味粉，口味好大眾，冇乜特色。配料有豆卜、魚蛋同蝦：蝦係普通雪藏貨，好細隻，完全冇味；豆卜吸湯尚可；魚蛋就正路野。麵唔係摻摻，麵質偏軟，唔太啱我口味。總結：以尖東地段嚟講，價錢算平，但味道方面未達預期，唔推薦！但如果純粹想醫肚，又唔講究嘅話，可以照食。…查看更多

以前喺呢頭返工成日都嚟食午飯，自從做咗新界人就少咗出嚟食嘢，呢個商場不嬲都冇乜嘢行，有冇其他嘢好食，難得有機會即刻要來食返個海南雞飯，同以前一樣咁好食，尤其係個雞油飯，香到不得了，啲雞又滑又唔會有雪味，啲醬料配合得好好，份量亦都好多，完全冇骨，又唔會有紅色肉～飲品就叫咗杯龍眼冰，正常發揮～而家咁多餐廳搞唔掂，嚟之前幾驚佢執咗繼續支持支持呢度除咗海南雞仲有串燒， $59半打可以豬牛雞各兩串咁叫啲馬來風味嘅飯都好好味…查看更多

好時應該已開咗超過三十年，基本中成個商場嘅人流主要係佢嘅食客，絕對係一間舖撐起成個場。一坐低menu都駛睇menu全家已自動發板：- 海南雞半隻- 串燒一打- 炒蘿蔔糕- 炒通菜- 加多加多海南雞如舊又淋又滑，佢嘅薑蔥蓉剁得好仔細好滑溜，令到本身唔食蔥嘅我都大愛，傳統嘅三色醬（黑豉油，薑蔥蓉同辣醬）係現時已賣少見少。串燒大大串，肉咬落去又淋又juicy, 加上佢塞滿花生碎嘅沙爹醬，絕對係不容錯過。蘿蔔糕炒得軟糯但唔糊口，加埋菜脯有返啲𡁻口，絕對有提味作用。通菜唔算好特別，但炒得香口唔太油，不俗👏👏加多加多材料好普通，但撈埋個沙爹醬確實又會令你停唔到口。六點前仲要飲品半價，可惜叫咗珍多冰太甜，青檸梳打好酸仲要有少少漂白水味，可能杯無洗乾淨，希望舖家留意吓…查看更多

想在尖東吃東南亞風味美食，可以來這間走親民路線的 好時沙嗲。餐廳隱身在舊式商場內，不過標誌性非常鮮明，辨識度高。用餐環境也很明亮，感覺有點像懷舊茶餐廳的配置。最具代表性的當然是沙嗲串燒，所以點了 什錦沙嗲 (HKD 59/半打)有牛、雞、豬三款，入口本身已帶醃料香和焦香的味道。牛和雞的肉質較嫩滑多汁，相對豬乾身點，配招牌沙嗲醬來吃都惹味。🍲巴東牛肉 (HKD 70) 配 薄餅 (HKD 30/2件)這個比沙嗲更驚喜！牛肉炆得夠入味，吃落很香辣惹味。而且是那種帶有濃厚椰香與辛香料的層次感。搭配烘得香脆煙韌的薄餅來吃，非常推薦。🍜叻沙 (HKD 59)湯底夠香辣濃郁，椰奶味平衡得剛好，會讓人想多喝幾口。配料還有雞件、蝦和豆腐卜，都幾豐富。🍃香蘭葉包雞 (HKD 65)剛上桌熱氣騰騰，拆開香蘭葉時要小心燙手。雞肉嫩滑多汁且帶濃郁香料味，還滲出淡淡香蘭清香，愈吃愈惹味。…查看更多

和老婆去吃好時沙嗲，在新加坡讀中學的福建老婆迎來久違的對美食的快樂。翻開菜單，59元6串串燒，75元肉骨茶，65元南雞飯，59元叻沙，這價錢在尖沙咀任何一間稍有名氣的店可能啥也吃不了。點的通菜，南雞飯，福建炒面，水準中上，性價比滿分。話說福建沒有炒飯，但真的是有炒面。1930入座，不用排隊，吃完到8時還是如來時一樣的吉。貪新忘舊是人類的天性，當一眾foodie/YT賣小店情懷辭職創業的故事時，又有多少人看到老店一如以往的穩定水準，日復一日的努力。…查看更多

係其他平台見到，就同屋企人黎試下，叫左：-牛丸湯粉絲我淨係食左牛丸，可能牛肉比例高啲，咬落去比較難啲同彈牙啲，湯偏啖，粉絲份量較少-咖喱雞咖喱偏濃，唔會好水，雞件好大舊，但唔會好柴，唔會好鹹，有少少辣-星洲炒蘿蔔糕會有啲蝦仁，有蛋同菜圃，味道都係偏淡，但食太多會好膩-半打沙嗲可能少食沙嗲，個樣有啲似某牌子微波食品，味度一般，冇乜炭香味，醬正常-馬拉盞通菜唔會好鹹，正常份量連加一$36x上菜時間快，但種類唔算好多，味道都偏淡，偶爾一次都可以，價錢算平，希望種類可以多啲…查看更多

星期日下午同老公兩人叫左海南雞飯同埋星洲炒蘿蔔糕，海南雞飯的雞肉（凍上）肉質鮮嫩，與醬汁10分匹配，都OK；星洲炒蘿蔔糕就帶一點辣，加上有菜甫，有口感之餘又非常惹味。多年前來過，至今味道依然能夠保持！海南雞飯 $65星洲炒蘿蔔糕 $70加一服務後，共$148，人均$74不過好少餐廳 Lunch 有加一服務，所以驚訝了一下！…查看更多

好時沙嗲呢度嘅叻沙真係正到無得彈！一試就知道同喺馬來西亞食開嗰陣味道一模一樣，個口感濃郁又豐富，香噴噴嘅椰漿同各種香料夾埋一齊，簡直配合到絕！成碗叻沙份量超級足，入面包含咗蝦仁、雞肉、魚蛋、炸豆腐、豆芽等配料，堆到成碗都滿晒，食落好滿足，成個胃都暖笠笠！唯一少少麻煩嘅就係鋪頭位置唔太易搵，佢隱藏喺好時大廈一樓嘅角落位，建議大家搭港鐵到尖沙咀或者紅磡站落車，再行多十分鐘左右就到啦～呢度絕對值得專程過嚟試！…查看更多

一間好地道嘅新加坡菜 我係星期六六點幾到 等咗一枱就入得啦 六點幾已經全部坐滿 可以知道呢間嘢究竟有幾旺海南雞飯 $62海南雞飯上到枱已經好滿意 就咁睇啲雞已經知道佢好滑 開頭點黑醬油 佢係滑到好想再食第二嚿 啲飯亦都好大碗好有油香味😋果然係必點炒貴刁 $57炒貴刁好大碟 佢係炒河粉 個醬好出色 有少少辣 而且好惹味會一啖接住一啖咁食😋馬拉盞通菜 $58馬拉盞炒通菜好大碟 蝦醬味好重 但對比起前兩樣菜式 比較一般 好時沙嗲 半打 $57本身以為好時沙嗲係必點 牛羊豬各兩串 但佢啲肉比較乾 唔太建議喇沙 $57喇沙嘅湯底好有馬來西亞嘅味道 佢輕微辣辣地 唔食辣嘅人都唔會覺得好辣冰涼粉 $25佢係涼粉椰汁冰 涼粉好滑而且好軟腍腍 唔似其他嗰啲咁硬掘掘椰汁沙各米 $25即係椰汁西米露 不過加左糖漿係底 撈埋一齊食都幾特別 啲西米原本係一大舊 可成舊食或者篤返散食 唔同口感總結: 海南雞飯 炒貴刁 喇沙都好出色 佢位置有限 所以同隔離枱會痴好埋 出餐都好快 係尖東少數好食嘅餐廳🥰餐廳有加一 但都仲係可接受嘅價錢…查看更多