好時沙嗲

营业中

休息中

和老婆去吃好時沙嗲，在新加坡讀中學的福建老婆迎來久違的對美食的快樂。翻開菜單，59元6串串燒，75元肉骨茶，65元南雞飯，59元叻沙，這價錢在尖沙咀任何一間稍有名氣的店可能啥也吃不了。點的通菜，南雞飯，福建炒面，水準中上，性價比滿分。話說福建沒有炒飯，但真的是有炒面。1930入座，不用排隊，吃完到8時還是如來時一樣的吉。貪新忘舊是人類的天性，當一眾foodie/YT賣小店情懷辭職創業的故事時，又有多少人看到老店一如以往的穩定水準，日復一日的努力。

係其他平台見到，就同屋企人黎試下，叫左：-牛丸湯粉絲我淨係食左牛丸，可能牛肉比例高啲，咬落去比較難啲同彈牙啲，湯偏啖，粉絲份量較少-咖喱雞咖喱偏濃，唔會好水，雞件好大舊，但唔會好柴，唔會好鹹，有少少辣-星洲炒蘿蔔糕會有啲蝦仁，有蛋同菜圃，味道都係偏淡，但食太多會好膩-半打沙嗲可能少食沙嗲，個樣有啲似某牌子微波食品，味度一般，冇乜炭香味，醬正常-馬拉盞通菜唔會好鹹，正常份量連加一$36x上菜時間快，但種類唔算好多，味道都偏淡，偶爾一次都可以，價錢算平，希望種類可以多啲

星期日下午同老公兩人叫左海南雞飯同埋星洲炒蘿蔔糕，海南雞飯的雞肉（凍上）肉質鮮嫩，與醬汁10分匹配，都OK；星洲炒蘿蔔糕就帶一點辣，加上有菜甫，有口感之餘又非常惹味。多年前來過，至今味道依然能夠保持！海南雞飯 $65星洲炒蘿蔔糕 $70加一服務後，共$148，人均$74不過好少餐廳 Lunch 有加一服務，所以驚訝了一下！

好時沙嗲呢度嘅叻沙真係正到無得彈！一試就知道同喺馬來西亞食開嗰陣味道一模一樣，個口感濃郁又豐富，香噴噴嘅椰漿同各種香料夾埋一齊，簡直配合到絕！成碗叻沙份量超級足，入面包含咗蝦仁、雞肉、魚蛋、炸豆腐、豆芽等配料，堆到成碗都滿晒，食落好滿足，成個胃都暖笠笠！唯一少少麻煩嘅就係鋪頭位置唔太易搵，佢隱藏喺好時大廈一樓嘅角落位，建議大家搭港鐵到尖沙咀或者紅磡站落車，再行多十分鐘左右就到啦～呢度絕對值得專程過嚟試！

一間好地道嘅新加坡菜 我係星期六六點幾到 等咗一枱就入得啦 六點幾已經全部坐滿 可以知道呢間嘢究竟有幾旺海南雞飯 $62海南雞飯上到枱已經好滿意 就咁睇啲雞已經知道佢好滑 開頭點黑醬油 佢係滑到好想再食第二嚿 啲飯亦都好大碗好有油香味😋果然係必點炒貴刁 $57炒貴刁好大碟 佢係炒河粉 個醬好出色 有少少辣 而且好惹味會一啖接住一啖咁食😋馬拉盞通菜 $58馬拉盞炒通菜好大碟 蝦醬味好重 但對比起前兩樣菜式 比較一般 好時沙嗲 半打 $57本身以為好時沙嗲係必點 牛羊豬各兩串 但佢啲肉比較乾 唔太建議喇沙 $57喇沙嘅湯底好有馬來西亞嘅味道 佢輕微辣辣地 唔食辣嘅人都唔會覺得好辣冰涼粉 $25佢係涼粉椰汁冰 涼粉好滑而且好軟腍腍 唔似其他嗰啲咁硬掘掘椰汁沙各米 $25即係椰汁西米露 不過加左糖漿係底 撈埋一齊食都幾特別 啲西米原本係一大舊 可成舊食或者篤返散食 唔同口感總結: 海南雞飯 炒貴刁 喇沙都好出色 佢位置有限 所以同隔離枱會痴好埋 出餐都好快 係尖東少數好食嘅餐廳🥰餐廳有加一 但都仲係可接受嘅價錢

前排同老公係尖東睇車之前嚟左呢度食晏，禮拜六中午12點幾嚟到都唔算多人，我哋叫左兩個粉麵share⭐️炒貴刁冇乜配料，超級濃味，都幾油同幾辣，唔啱我哋口味🫣⭐️叻沙餐牌寫住叻沙（椰汁咖喱米粉），幾清晰👍所以嚟到見到湯底係偏黃色而唔係平時食開偏橙紅色果種並唔驚訝😂湯底都香咖喱味，米粉爽口雞肉少少鞋，蝦肉偏細粒普普通通，咁多樣餸之中反而覺得魚魚蛋比較彈牙係最好食😅呢兩樣都覺得一般般，寫緊食評嗰陣見到好多人都推介佢嘅海南雞，睇相又真係幾吸引🤩 下次要再嚟試吓！

開左咁多年第一次食～餐廳有兩邊，多人都唔難搵位。🤍辣椰漿飯椰漿飯乾身，沾點醬拌飯一流。💛喇沙呢個喇沙湯比較稠，有啲似拌麵，喇沙味濃郁；麵可選"摻摻"，米粉＋麵混合，多重嗦粉口感。🦐福建蝦麵蝦湯底清甜，不算很濃；4顆魷魚小丸子和1隻蝦，餸相對較少，蝦湯和"摻摻"幾好食架，算係清淡之選。

位於尖沙嘴好時中心的「好時沙爹」，屹立當地已逾三十年，雖然商場本身冷清，餐廳卻人氣爆棚、門外長龍不絕 👍🏻除了平日大家最愛點的海南雞飯，這次兩人特意點了幾道特色菜式，分享一頓豐富的晚餐 🌟🔥 1. 串燒拼盤（$59）這道菜包括豬肉🐷、雞肉🐔和牛肉🐮各兩串。或許因為抱有太高期待，串燒味道還是稍有些失望 🙈 肉質咬起來有韌勁，而沙爹串燒的靈魂——沙爹汁可更濃稠，整體來說串燒拼盤較普通～🔥2. 辣牛筋通菜煲（$75）牛筋炖得相當軟嫩且份量相當足夠，誠意十足 😋 湯底初入口時帶著微微辣意和濃郁的胡椒香氣，十分開胃🌶️。 至於通菜部分，個人覺得泡在煲內有點像喝湯時的菜湯渣，感覺不如平日炒的好吃😂 🔥 3. 印度炒麵（$59）這道印度炒麵是餐點中的一大驚喜🤭 平時較少聽聞這類炒麵，因此特意點來嘗試，結果發現它的味道非常有趣。配料極其豐富，包括碎肉🥩、薯仔🥔、青紅椒🫑，甚至加入了番茄🍅。特別的是這些食材搭配起來居然意外地和諧。這種獨特的味道在其他菜式很少品嘗到，算值得一試 👍🏻好時沙爹作為一家老牌餐廳，其菜式帶有懷舊氣息 ☺️ 以人均一百多的價格，加上飽足的幾道菜式，性價比算是相當不錯、值得光顧～🤭

屹立3 0多年嘅新加坡菜餐廳《好時沙嗲》，除價錢親民外，味道當然要記一功，仲有好好嘅服務態度，上菜又快，所以我間唔中都會幫襯。🥢排骨茶 $75 ⭐️⭐️⭐️有藥材味亦有胡椒味，排骨夠腍夠入味，阿sir讚好，不過略嫌太油膩。🥢串燒半打 $59 ⭐️⭐️⭐️豬牛雞各二，所有都燒得惹味但乾身咗少少，但花生沙嗲醬足以彌補不足。🥢咖喱牛腩 $70 ⭐️⭐️⭐️⭐️牛腩夠腍無黐牙，𥚃面仲有好好味嘅薯仔同洋蔥，咖喱好香但有少少辣，配薄餅一流。🥢薄餅 $30 ⭐️⭐️⭐️⭐️店員姐姐推介嘅薄餅，要等耐少少，薄餅酥脆熱辣辣超級好食，外脆內軟口感一流，咖喱同薄餅真係絕配。🥢海南雞飯x2 $65x2 ⭐️⭐️⭐️⭐️每枱都會叫海南雞，雞夠香滑又無骨，3款醬料中至愛綠色薑蓉，可選白飯或油飯，建議一試油飯香又唔會油。🥢粉絲蝦煲 $125 ⭐️⭐️⭐️⭐️有兩大隻開邊蝦，蝦爽口鮮甜，粉絲浸耐咗仍然彈牙，吸收埋蝦湯精華，好味。🥢椰汁沙各米 $28 ⭐️⭐️⭐️沙各米其實係壓實咗嘅西米露，食果時都係要整散+椰汁一齊食，同食椰汁西米露無異，無特別。🥢嚤嚤喳喳 $28 ⭐️⭐️⭐️有軟腍嘅芋頭粒、南瓜粒、條狀木薯粉… 配椰汁係好好味，不過呢碗甜品太過甜。🥢黑糯米 $28 ⭐️

聽同事講呢間係老字號，出名咖喱、海南雞飯、喇沙。今日lunch time去試左個所以海南雞飯，再加杯椰汁冰。海南雞飯附上一碗湯、三種醬料以及一碗油飯。個人覺得佢個油花幾特別，好香，但係食唔出係咪用雞油整嘅油飯。嗰杯椰汁冰其實可以唔使點，因為唔係特別出色⋯，

以前聽有人介紹過，依間餐廳係米芝蓮嘅海南雞飯，咁就慕名而來試吓啦我最鍾意食海南雞飯， 成日周圍試唔同嘅海南雞飯餐廳位於係尖沙咀尖東，一個比較有歷史嘅商場，一早開店去嘅時候，已經有唔少人慕名而來小店唔係太大，大概坐到二三十人左右餐廳可以用$6加一支汽水，或者半價加一啲飲品，咁我當然就叫咗最出名嘅海南雞飯啦上枱時，會有連同一個清雞湯裏面有少少雜菜擺盤海南雞飯都有認真處理，外觀幾好第一眼望落去都吸引。雞好滑，配特製綠色醬料食到停唔到口我一得閒都會嚟呢度食個海南雞飯

係香港 好食叻沙無幾多間好時永遠無令人失望過 睇顏色都知湯底勁香勁濃郁 濃到米粉可以掛湯 🥹配料方面有芽菜、白魚蛋、豆卜、蝦同雞肉如果多啲配料同埋有得揀摻摻就更開心 😛(佢個海南雞飯都係一流 必食🤤)食咗一啖先記得影 // #相機無得食先⚡️

工作日中午時段光顧，因為快到2點，所以食客唔多。餐廳裝潢比較舊，但乾淨整潔。我點了椰汁辣飯，名字聽起來十分特別，其實在餐牌上有圖片顯示，是椰漿飯伴有配菜，以前在東南亞餐廳吃過，應該係好家常的菜式。配菜有滑蛋、蝦仁、青瓜、花生、小魚乾，滑蛋好嫰滑，蝦仁上的醬惹味，花生好酥脆，小魚乾是質素比較好的但有點咸，青瓜是生的但很清爽。整體配搭好，吃完感覺好滿足，又唔會覺得油膩。價錢也合理，要付$58再加服務費。整體來說，我也比較滿意，下次還會再來。

出到尖東, 要去試下大島生介紹的海南雞飯, 一坐低店員就問我係咪食海南雞飯, 既然佢咁推介, 當然說好啦, 好在無伏 食物 : 海南雞飯 $62 ~ 成個套餐, 有湯有飯都OK, 雞都幾滑, 唔會好肥, 油飯幾香, 唔會好硬, 個湯好味, 夠濃唔會勁味精, 有三色沾醬, 最特別是綠色的, 原來是姜蔥醬, 其餘兩個是甜豉油及雞醬 飯品 : 真多冰 $11.5 (特價) ~ 味道正常, 但無咩料 環境 : 有歷史的裝修, 但保持乾淨 服務 : 職員有禮貌 價錢 : HK$81 (包加一服務費)

對上一次食呢間餐廳，都真係有10年8年(耐到唔記得😅）想當年係勁多人，而且印象中係好好味。今晚7點幾經開尖東，突然醒起呢間遺忘咗嘅餐廳，一於再食。去到門口竟然無咗當年長長嘅人龍，入到去即刻有位。-炒貴刁：一上枱香噴噴，d料有蝦，臘腸，食落都幾惹味，但就偏油咗d-沙嗲串燒(雞牛豬)：d肉有d鞋🤨而且沙嗲汁又唔太好味，唔推薦😅-椰汁咖喱雞+薄餅：正常發揮，入面有3大舊雞，煮到好淋，d肉一夾就鬆開。食完返屋企好口渴😆要狂飲汽水😂印象中呢間餐廳係好好味㗎，唔知係咪呢咁多年，香港實在有太多更好質素嘅新餐廳，所以比下去，但價錢的確係好抵👍🏻兩個人大約$260，人均$130