好時沙嗲

营业中

休息中

早兩日, 同同事去尖東食晏, 諗起好耐無去嘅好時沙嗲。居然12:30PM 唔使等位, 還記得以前嚟到每次都要等。我們點了串燒蝦雞飯 , 半打沙嗲(牛&豬), 椰青串燒蝦雞飯: 雞好鞋, 油飯有點硬, 味道不夠半打沙嗲(牛&豬): 牛都幾入味, 但豬肉略嫌太乾椰青: 好大個, 好味食物質素比以前下降咗, 有點失望。

好時係我每1-2個星期就會想去食嘅餐廳。以前勁多人, 疫情之下少左好多,但星期五依舊係會開埋另一間房,多d位。海南雞係一定要叫! 每次都叫半隻, 3個醬都好食但最好食係紅色嗰個醬(甜+酸+辣)。黑色醬(甜醬油)我最近都開始鍾意食, 因為佢甜多過醬油味。綠色醬(薑)就永遠係我least favourite。自從前幾次食過炒蘿蔔糕之後, 每次嚟食都會嗌。有蛋有蝦, 勁香勁好食, 不過都幾飽, 一定要share。最後, 懶健康一定會叫個菜, 辣通菜好食, 姐姐話係用馬拉盞炒。

疫情下約同事好幾次終於可以嚟食，剛剛去到開門但已入了三四枱，量度完體温首先點選出名的海南雞飯，加上炒貴刁，最尾就一客沙嗲串燒和飲品。很快地不消五分鐘就遞上海南雞飯，看著已經很豐富，用上雞油飯香味十足， 食落去更肉質新鮮嫩滑，口感令人回味在口中，跟住炒貴刁唔似一般茶餐廳做法，食落去唔太辣，食食下有臘腸，（好似魚片定扎肉切條） 係裡面，感覺幾特色！最尾就係沙嗲串燒，分三種類（豬，牛雞）最正係啲沙嗲醬，本身串燒已好夠味，再點上呢個醬更加出色。頭兩樣份量其實都好多，尤其 係貴刁，lunch夠飽的。在座位因為有兩邊可以坐，不用擔心空間寛敞。所以下次會再去幫襯的

今日出一出尖沙咀行吓，同友人唔知食咩好，突然諗起呢間沙嗲老店，就嚟食吓啦！估唔到已經去到下午茶時間都咁多人🤨因為都幾肚餓，叫咗幾樣野食，喇沙係我指定要叫嘅😆，仲有點可以唔叫嘅沙嗲串燒🤤🤤**********雞、牛、豬沙嗲半打🐔🐮🐷（$51）三款當中個人覺得雞肉最好食，豬肉比較‘鞋’，牛肉有啲韌...可能係燒過龍食串燒重點係點醬嘅沙嗲，佢地嘅沙嗲入面有大量大量大量嘅花生粒🥜**********喇沙（椰汁咖喱米粉）🍜（$51）有別於出面嘅喇沙，因為佢唔使你自己揀要咩餸...喇沙入面有魚蛋、蝦、少量雞件同埋芽菜喇沙配米粉，米粉索哂湯汁，非常掛湯👍🏻湯底非常濃郁，有大量椰汁，辣度適中，好啱香港人口味。**********海南雞飯🐔（$55）配油飯，但油飯太濕，個人唔太鍾意。雞件嫩滑，偏淋值得一讚個椰菜湯，熱辣辣，冇味精辣薑蓉就唔太辣，普通薑蓉同甜豉油就正常👍🏻**********椰青（$32）清甜解渴飲完仲可以挖到好多椰肉出嚟食，大熱天時飲最啱👍🏻

🎀熊妹去尖咀做面面扮靚靚，難得出到嚟就梗係順便食埋個晚飯啦。📌茶記、西餐食得太多，今次樹熊同熊妹嚟到《好時沙嗲》試吓另類啲嘅東南亞新加坡菜。📌位於尖沙咀好時中心，招牌菜主打沙嗲串燒，所以叫《好時沙嗲》個名一啲都唔難估丫！📌店舖環境唔算太大，根據政府嘅限聚令，主要間隔為四人枱。📌餐牌設計得都頗有心思💕，簡單易明，圖文並茂，特別係顏色上面嘅配搭令人望落感覺好舒服。📌食物分類有湯🍵、牛肉🐮、雞🐥、麵🍜同海鮮🦀。📌另一邊有沙嗲🍢、蔬菜🥦、飯🍚同飲品🍹。海南雞飯，$55📌樹熊不嬲都喜愛海南雞飯，當然要試吓啦。海南雞份量都唔少，有一大碟雞胸位，下邊就有生菜絲🥬承托住。雞肉有啲位嫩滑，有啲位實啲鞋口啲，味道唔係好出，都係要靠三款典型醬汁：酸辣醬、醬油同薑蔥調味。海南雞飯另外嘅經典就係碗雞油飯🍚，最緊要夠熱，撈上雞油，非常可口美味。仲有跟上一碗椰菜清湯，味道淡淡的，可以中和下雞油嘅油膩。星洲炒蘿蔔糕，$61樹熊鍾意食蘿蔔糕，又鍾意食星洲炒米，呢碟星洲炒蘿蔔糕仲唔係非佢莫屬？星洲炒蘿蔔糕味道偏甜，唔係平時食星洲炒米嘅咖喱辣味，不過同樣地有星洲炒米配料嘅蛋絲🥚、肉碎🐷同埋蝦🦐。一嚿嚿蘿蔔糕就係一嚿嚿粉團，

=========================📍尖沙咀星馬菜老店 -- 好時沙嗲🌶尖沙咀好時中心呢到隱藏咗一間開業超過三十年嘅老店，主打正宗星馬菜😍上個星期小編就同男朋友一齊去試下🤪餐廳喺走廊嘅盡頭，有少少難搵，我哋嗰日都要問下管理員先搵到🤣餐廳環境簡約乾淨，無太多花巧，以食物取勝👍🥰------------------------------⭐️喇沙（$51）小編其實係衝住呢個喇沙而嚟🥰🥰首先真係超大碗，米粉嘅份量好多！兩個人share食應該都無問題🤭喇沙湯底濃厚，飲落咖哩同椰味好突出好香，後勁滲出陣陣微辣，好惹味🥰惟欠缺蝦香有少少扣分🤭呢間嘅麵底只用上米粉，無加埋油麵🙈米粉好掛湯，啖啖索盡湯底嘅精華😆不過相比之下配料方面就略為失色，蝦好細粒所以唔係好食到蝦味，豆卜亦都麻麻哋，油益味有啲重😂魚蛋就正正常常唔太特別🙈整體嚟講小編覺得湯底同麵底都唔錯嘅，份量亦夠多，不過係配料有少少失色🙈------------------------------⭐️海南雞飯（$55）海南雞份量同樣好多，而且仲去晒骨啖啖肉🤪🤪加上薑蓉配埋油飯一齊食真係perfect match!-------------

大人今日好介紹，去左呢間新加坡菜餐廳--好時沙嗲。位置唔難搵，尖東好時中心1樓，5點多去到食下午茶，門面有d眼熟。。。人唔多，探完熱搵個位坐低，望一望餐紙，好眼熟，懷疑應該十年前黎過，有緣，哈😄睇餐牌，價錢公道，叫個炒蘿蔔糕，同埋大家最愛的沙嗲串燒(半打)，雞/牛/豬各2串，加杯珍多冰！好快上菜，先黎蘿蔔糕，有咬口，醬汁味濃，仲要有蝦仁，好食！然後串燒，唔算大串，但好食，沙嗲汁更加絕配！珍多冰，椰奶超滑，好飲，跟野食仲要半價！埋單連加一$135，平靚正。👍🏻另外想讚一下樓面姐姐，服務好👍🏻

2人食，埋單只是$150!之前係網上玩遊戲拎到《生命之光》的免費換領券2張，見戲院開返，即刻帶屋企人去尖沙咀睇，順便係尖沙咀食下雪糕和食埋晚餐先回程，無意中發現左呢間抵食的店!屋企人叫咗海南雞飯，我就叫咗喇沙金邊粉，另外叫咗杯椰汁珍多冰和一份甜品--椰汁沙各米。👉🏻《海南雞飯》有飯有湯，雞下面仲超多生菜，多到食唔晒，屋企人唔咪好食菜，所以我把大部分生菜用來拌喇沙湯汁食😂👉🏻《喇沙金邊粉》湯底好濃，但是鮮味不多，有小型雞肉塊、蝦、豆卜、魚蛋等配料，金邊粉係超幼身的，而且份量真係好大碗，女仔一個人一定食唔晒，而且多到可以2個女仔share食添啊！我都是分左一半左右比屋企人食😆👉🏻《椰汁沙各米》由於餐牌無甜品樣睇，出於好奇而選了呢款甜品，來到先發現係椰汁西米露，但分別在於佢底部係放左焦糖，不過我無完全混合晒來食，因為焦糖多，會勁甜，只是把少少焦糖淋上面食就好了，寧願留返部分焦糖係底，食到最後因為太甜而食剩少少。👉🏻《椰汁珍多冰》由於我學過煮泰菜，當時學整珍多冰時覺得好甜，而且啲紅紅綠綠的啫喱又唔好食，所以每次都一定唔會叫珍多冰飲，今次都是屋企人叫的。但呢杯椰汁珍多冰改變左我對珍多冰的印象，飲

海南雞飯 $55 好入味好滑既無骨雞肉，加上雞油飯，超香！好妹！醬料正宗，飯有少少濕，但絕對唔會失望！炒貴刁 $51有鑊氣，夠熱夠火喉！香口入味，重口味少少！東南亞感覺返晒黎！好大碟！星洲炒蘿蔔糕 $61 蘿蔔糕同粉比例岩岩好，加埋香料，香口，份量足料，有少少油膩，川好夠鑊氣！。。📍即叫即炒，新鮮可口，食到老店既感覺。📍位置有少少難揾，係角落頭鬼鼠位，有時會唔開門。📍2個人叫2碟野就夠，份量都好多，好大碟。

又想食平，又想食多餸，又想異國風情，最後揀咗呢個香港星馬菜老店：好時沙嗲。對上果次食已經係兩年前，因為位置遠離尖沙咀市中心，人流唔算多，好快入座。同友人都係大胃王，叫左唔少餸。HKD61 巴東牛肉：醬汁creamy，肉質夠鬆散易入口，亦非常入味，餸飯一流。HKD52 椰汁咖喱雞：有好多雞肉，雞肉嫩滑，椰汁份量多，淡淡椰汁味，唔同平時食開既泰式日式咖喱，味覺衝擊特別，又係餸飯一流！HKD51 半打Satay雞牛豬串燒：串燒燒得比較乾身粗糙，鎖唔住肉汁，但花生味醬汁夠濃，點綴不少。HKD52 楊洲炒飯：有蛋有蝦有蔥，賣相好好，食落飯香淡，食完重口味既餸會唔太特出。HKD10 香飯：叫太多餸，汁撈飯食一流。

放工等女友做完treatment，當然就要去醫肚，本身諗住求其食，打開去搜尋附近有啲咩好嘢食，第一版就見到好時沙嗲有好多正評，價錢又合理，所以去試吓。去到環境感覺都幾懷舊， 好有90年代快餐廳格局，開頭仲以為係先坐低再去收銀處買飛，點知原來都會有店員為你點菜，比個格局fake咗😅再評價下食物，味道超出我嘅預期，先講下個海南雞飯，雞肉相當嫩滑，雞皮同雞肉之間有透明啫喱，而且另附上三款醬汁，我特別喜愛佢自家製蔥油，配上雞肉一絕！再講下個油飯，飯濕度適中，不會很油，而且口感不錯有咬口，我女朋友不是米飯控都想叫多一碗！至於例湯就普通咁多星洲炒蘿蔔糕，相當野味，不會很辣，份量很多，而且吃完亦不會很滯，配上炒蛋說同蝦仁一起炒配搭很好。最後薑汁芥蘭比想像中少油，薑味都出，很好！整體來講性價比很高！下次會再返嚟試下沙爹！

同男朋友去完k11 仲煩惱食咩啦好 😖😖😖就去openrice到search一search，男朋友就話食好時沙嗲，因為好耐都冇食過，而我係冇食過既😀😀😀之後係帶路嘅時段，位置我覺得係有啲偏僻既，係一個舊式商場入面餐廳格局都係普通茶記咁~我哋就叫咗一碗喇沙，海南雞飯同埋半打沙嗲串燒海南雞飯我覺得中規中矩， 油飯唔係“ 孖寶”咁化學黄。反而喇沙有驚喜好濃味 最驚喜就係沙嗲串燒，沙嗲嘅花生味好濃好突出，豬同雞我就覺得最好食價錢以hea食黎講都係中等~ 有機會再食

尖沙咀一帶一向有唔少食海南雞既選擇，今次同同事黎到位於尖東好時中心嘅好時沙嗲，係間主打星馬菜式既老式餐廳。位置上非常方便，就有尖東站旁邊幾分鐘路途就能抵達。店內環境也算寬敞，由兩個鋪位分開兩個堂食區。而我這次點的當然是海南雞飯。佢成個飯包一個清湯同三碟醬料。先講飯方面，可以選擇油飽或者白飽，而我選擇了後者，份量都算係幾多，所以我都叫左少飯；湯方面就算係正正常常不過不失；而海南雞方面都做得相當不錯，去骨雞件都微微泛出雞油，食落口十分嫩滑，而且份量夠多。唯獨用作伴碟的菜有點多，感覺有點浪費。以尖東一帶黎講，好時沙嗲算係性價比唔錯既平民快餐，想要飽滿感，係lunch唔錯既選擇。

今日晏晝自己一個舊地重遊，個裝修點佈置就唔使多講啦，之前都介紹過，同樣都係好時沙嗲，但係今次要食嘅唔係廣為人知嘅海南雞飯而係巴東牛肉，咁就好快咁嚟到喇，即刻試一啖，再試多一啖白飯夾呢個真係冇得頂，極力推介呢個巴東牛肉

有好幾年沒有來過「好時沙嗲」，這間老店之前有裝修過，但裝修後格局依然和以前差不多！海南雞的上菜速度依然和以前一樣快，基乎一點就來！雞肉依然嫩滑，無骨，啖啖肉，雞皮好薄，脂肪不多，吃了也沒有罪惡感，用來伴吃的醬油是靈魂，好香好好味😋！同時點了白飯和油飯，油飯充滿雞油香，略嫌有點過油，雞油下得重手了！「排骨茶」是我們經常叫的「肉骨茶」，湯太淡味，只有少許藥材味，一丁點胡椒味也沒有，排骨肉質很軟，夠入味！用瓦煲上枱，湯內只有3塊排骨，煲反而大，搞笑！因為有小朋友，點不了辣的通菜，店員建議可點「蒜蓉炒雜菜」，味道不錯，有鑊氣，但用料不行，炒雜菜內竟然有青瓜、沙葛，很奇怪！紅蘿蔔🥕太硬身！我很喜歡吃串燒，基本上夠入味，燒得夠香，我就滿意！這次我是第一次吃到難吃的串燒！記憶中以前來時它是必點菜式，這次很失望喔！點了雞肉和豬肉相併，兩樣的肉質吃起來都「霉霉地」，配串燒同吃的沙嗲醬味道偏酸，有點怪！吃了兩串就放棄了！只能說，這兒已經大不如前，只有海南雞飯仍然出色。