好時沙嗲

呢幢时光倒流80年代嘅商业大厦，一直都知道有间好出名嘅餐厅「好时沙嗲」，平日同朋友比较少过嚟尖沙咀呢边，一直都冇缘食到。今次朋友就提议食完饭之后过对面酒店食糖水，牵起食呢一间餐厅嘅缘份😙呢度个价钱都几大众化，最贵嘅粉丝煲都系$125，但系比起其他𩠌菜嚟讲「粉丝虾煲」感觉就相对平凡好多😣「星洲炒萝卜糕」我朋友未到就已经出声要order😝佢唔似香港𠮶啲煎萝卜糕比较干身，呢个萝卜糕感觉有少少湿湿地，加埋蛋丝同酱汁，好惹味！「排骨茶」相比起以前食过嘅肉骨茶嚟讲，今次嘅排骨茶药材味就唔算好浓，同埋味道偏浓嘅食物，最好就配碗白饭😜「加多加多」觉得个名几有趣，就问吓姐姐呢款究竟系乜嘢嚟？原来系用咗生菜底+薯仔+青瓜，同埋最紧要嘅沙嗲酱，混合而成嘅沙律🤯 我真系未食过加沙嗲既沙律，个沙嗲酱+呢个沙律认真唔错！唔会古怪，推荐！「麻油鸡」冇感觉😔唔系好钟意啲咁杰嘅酱，同我想像嘅麻油鸡有啲距离，不过可能新加坡菜就系咁样（？✦ 星洲炒萝卜糕 $70✦ 排骨茶 $75✦ 加多加多 $62✦ 粉丝虾煲 $125✦ 麻油鸡 $66…查看更多

今日冇食晏，好肚饿，下午茶时间经过好时中心，谂起好耐未食过佢，就去食吓。叫咗个喇沙。喇沙个样系正常嘅，但食落系完全冇味，啲虾个口感系淋淋地，豆卜米粉完全冇味，鱼蛋好少少，我唔想太浪费食物，都食咗大半碗先走。埋单时都忍唔住同个姐姐讲话碗喇沙系完全冇味嘅，佢话会同返老细讲～$65 话平唔平，话贵唔贵，但我自己觉得系完全嘥钱，因为我已经系喺好肚饿嘅情况之下食都觉得唔好食。食完都好似唔知食咗啲乜可能叫沙嗲会好啲。…查看更多

听网上好多人赞，最近终于去咗好时沙嗲试咗佢哋嘅海南鸡饭同喇沙汤面，感觉有啲失望。海南鸡肉质算嫩，但味道偏淡，冇乜鸡油香，底下垫咗生菜，份量唔多。三款酱汁可以稍微补救返啲味道，辣椒酱较突出，姜蓉清新，甜酱油就普通。油饭外观吸引，粒粒分明，但食落都系唔够香，冇咗鸡饭应有嘅油香。附汤亦比较平淡，好似味精水，完全唔掂！喇沙汤底椰香味重，但味道似开味粉，口味好大众，冇乜特色。配料有豆卜、鱼蛋同虾：虾系普通雪藏货，好细只，完全冇味；豆卜吸汤尚可；鱼蛋就正路野。面唔系掺掺，面质偏软，唔太啱我口味。总结：以尖东地段嚟讲，价钱算平，但味道方面未达预期，唔推荐！但如果纯粹想医肚，又唔讲究嘅话，可以照食。…查看更多

以前喺呢头返工成日都嚟食午饭，自从做咗新界人就少咗出嚟食嘢，呢个商场不嬲都冇乜嘢行，有冇其他嘢好食，难得有机会即刻要来食返个海南鸡饭，同以前一样咁好食，尤其系个鸡油饭，香到不得了，啲鸡又滑又唔会有雪味，啲酱料配合得好好，份量亦都好多，完全冇骨，又唔会有红色肉～饮品就叫咗杯龙眼冰，正常发挥～而家咁多餐厅搞唔掂，嚟之前几惊佢执咗继续支持支持呢度除咗海南鸡仲有串烧， $59半打可以猪牛鸡各两串咁叫啲马来风味嘅饭都好好味…查看更多

好时应该已开咗超过三十年，基本中成个商场嘅人流主要系佢嘅食客，绝对系一间舖撑起成个场。一坐低menu都驶睇menu全家已自动发板：- 海南鸡半只- 串烧一打- 炒萝卜糕- 炒通菜- 加多加多海南鸡如旧又淋又滑，佢嘅姜葱蓉剁得好仔细好滑溜，令到本身唔食葱嘅我都大爱，传统嘅三色酱（黑豉油，姜葱蓉同辣酱）系现时已卖少见少。串烧大大串，肉咬落去又淋又juicy, 加上佢塞满花生碎嘅沙爹酱，绝对系不容错过。萝卜糕炒得软糯但唔糊口，加埋菜脯有返啲𡁻口，绝对有提味作用。通菜唔算好特别，但炒得香口唔太油，不俗👏👏加多加多材料好普通，但捞埋个沙爹酱确实又会令你停唔到口。六点前仲要饮品半价，可惜叫咗珍多冰太甜，青柠梳打好酸仲要有少少漂白水味，可能杯无洗干净，希望舖家留意吓…查看更多