天天海南雞飯 (ELEMENTS圓方)

营业中

休息中

一直久仰天天海南雞飯既大名，事關佢地係新加坡非常出名，而且仲拎過米芝蓮推介添！今日終於有機會試到啦，可能因為係平日夜晚既關係，所以唔算多人。餐廳既環境舒適，裝潢以深色為主調，都頗有情調。職員安排左我地坐卡位，位置都相當寬敞，而且啲餐具、燈飾都幾精緻，情侶黎date都唔失禮！見到佢地而家做好多唔同既promote，有幾款唔同既二人餐。選擇困難症既我地揀左新加坡米芝蓮二人餐～✨海南沙律有無花果，士多啤梨同番石榴，個樣又紅又綠咁，超靚！啲生果好新鮮，上面加左少少梅粉定南薑，令到成個味道提升左好多，吊哂啲生果既香甜味道出黎，係一道好開胃既前菜！✨鳳梨涼瓜干貝燉龍骨雖然用左苦瓜，但味道一啲都唔會苦，反而甜甜地，仲飲到少少黎自菠蘿既果香。入面見到有唔少豬肉、仲有蜜棗、苦瓜同菠蘿，非常足料，係絕對有誠意既燉湯～✨黑松露墨魚蝦多士呢個小食真係好好食，上面既蝦滑飽滿彈牙，咬開件鬆脆既多士，見到入面釀左一層唔算厚既墨魚滑，有淡淡既墨魚香味。而上面既黑松露醬唔會喧賓奪主，反而同多士既香味相輝映，令到成個小食更加可口。✨天天海南雞同平時既海南雞唔係好同，上面淋左秘制雞汁，令啲雞暖暖地更易入口。而啲雞肉皮薄肉滑

🎀天天海南雞飯⭐天天海南雞（中份）⭐黑椒鵝肝醬花膠⭐黑松露墨魚蝦多士⭐雞油飯（1-2 人份） 新加坡嘅名物 ㄧㄧ 天天海南雞飯。 一直都好想試一次, 咁啱呢排去圓方行街, 真係冇理由唔試一試。首先叫左必點嘅中份天天海南雞, 雞皮爽脆、雞肉嫩滑, 配埋自身調配嘅三色醬, 係一份幾有水準嘅海南雞。 食海南雞唔少得雞油飯, 同朋友點左一個1-2人份, 點知黎到發現佢其實係3-4人份先啱呀！滿滿一窩雞油飯, 食落雞湯味好香濃, 而且又唔會太油膩, 成功2個人ko 左佢！ 除左2樣招牌之外, 黑松露墨魚蝦多士都好好食, 黑松露醬唔會落得太多, 配埋新鮮蝦肉同香脆多士, 真係冇得唔好食。 最後嘅黑椒鵝肝醬花膠亦都令我好有驚喜, 花膠炆到好軟嫩, 但係食落又有d 咬口, 而且食落好入味, 屬於下次黎會再encore 嘅美食。  Address:#food #foodie #foodhk #foodiehk #尖沙咀 #美食 #尖沙咀美食 #沙田 #沙田美食 # #hkrestaurant #hongkong #foodlover #香港

今日黎圓方就係為左天天海南雞啦！黎到見到有套餐，所以我地就叫左呢個新加坡米芝蓮2人套餐$499有前菜，小食，燉湯，海南雞，蔬菜，飯同飲品，咁多樣野覺得真係好抵！前菜-海南沙律酸酸甜甜既酸梅粉配上番石榴、無花果同士多啤梨，好特別既味道！好開胃啊小食-黑松露墨魚蝦多士一上台係熱辣辣架～ 一咬開充滿墨魚同蝦滑，炸到好香口！仲有一陣陣黑松露香味，好好食架！燉湯-鳳梨涼瓜干貝燉龍骨初初睇以為會苦既，但點知飲落係甜甜地，因為有蜜棗啦，同埋好足料！好好飲海南雜菜煲呢個雜菜煲包含好多唔同既菜，又有菇類粉絲，個湯底都好正，索曬d湯好好食！海南雞方面叫左天天海南雞，咁有咩分別呢？就係有秘製汁淋係上面既，所以配埋嫩滑雞肉真係好夾既～o(^▽^）配埋雞油飯同埋海南雞配既醬汁真係好快食曬碗飯😂😂食完一碗又一碗啊！雞油飯亦都好好食！！飲品方面有得係50 年代系列揀既！我就叫左恐龍美祿另外朋友叫左凍奶茶真係食到好飽啊❤️❤️

喺2013年，我第一次去新加坡旅行誤打誤撞去到一個熟食中心食到一間叫做天天海南雞，當其時我覺得隻雞好好食，但係就唔使排隊，我唔肯定佢當時出咗名未，但係我第二次去新加坡嘅時候就排晒長龍，所以食唔到，後來知道佢會喺香港開分店，都諗住去試，一直未找到機會，上一次去食嘅時候天天海南雞同埋雞油飯就賣晒，所以當時就食咗一隻正宗海南雞，麻麻哋，所以我一直好期待再次食到天天海南雞，前幾日去開圓方，終於有機會再去天天海南雞食，我去到門口即刻問個店員有冇嘢買晒？佢當其時答我冇，咁我就即刻入去食午餐，叫咗一份天天海南雞、一個雞油飯、然後叫咗個沙律唔記得咗叫咩名，跟住就同個店員講落咗單先，我再睇吓有咩要。然後我再睇中咗一個餸好似叫做雞油叉燒，我在再次落order，幫我落order嘅係一位男店員，佢首先去行過嚟嘅時候態度令到你覺得佢好差，可能佢樣衰，但係事實佢嘅態度真係好差，然後我講俾你聽要加多一個叉燒，佢回覆我嘅語氣係想撩交打，佢答我：「無嗱！」然後我直程唔想答佢，所以冇理佢。食食吓飯之後我哋個壺茶無曬水，我叫咗一位女服務員幫我加水，然後佢拎起嘅時候整跌咗個壺蓋落地，然後佢將個茶壺放喺水吧枱，我一直望住個茶壺

榮獲米芝蓮推介嘅天天海南雞飯真係名不虛傳👍🏻食物質素絕對有保證餐廳裝修走深藍色💙格調整體環境感覺好高尚卡位坐得好舒服所用嘅杯、碟同茶壺🫖都好靚食物方面當然一定要試吓佢嘅海南雞飯🐔佢有天天海南雞同正宗海南雞兩款我地今次就揀咗半隻正宗海南雞（$199)用嘅係文昌雞一入口雞皮勁爽脆雞肉好嫩滑而且比較紮實好有口感另外仲配埋秘製辣醬🌶、黑醬油同薑蓉醬料同海南雞嘅味道好夾點完醬汁更加惹味細煲雞油飯（$39)油飯用石窩裝可以保持溫度食落好香而且米飯🍚粒粒分明又唔會好油膩份量勁多兩個人完全食唔晒辣子雞翼（$79)呢個雞翼好有驚喜外皮炸得好酥脆雞翼醃得好入味好鹹香之餘仲有炸蒜🧄香味食到停唔到口我仲落咗少少炸蒜撈飯食真係好出色🤣火焰椰子🥥冬陰湯（$69)賣相勁精緻同餐牌上嘅圖片相符一上枱店員仲會點火🔥充滿儀式感冬陰湯濃郁之餘仲帶有少少椰香配料方面青口同蝦🦐都勁大隻仲有大量車厘茄同雜菌相當豐富鳳梨🍍涼瓜乾貝燉龍骨（$59)湯底超清甜一啲都唔腥唔油膩絕對係清熱滋潤嘅好選擇另外仲叫咗兩杯飲品🍹都份量十足勁大杯分別係水果茶（$38)水果茶酸甜味適中仲有好多生果🍎好清新豆花恐龍美祿（$32)面頭有大量美祿粉成杯嘢飲

這是個極差的體驗！！！强烈建議評分可以給0星！！！經Dining City預訂了11月15日下午1點２位(Chill-Eat：237元/位午餐)，提早12:25到店，門口接待處，有位中年肥先生(看服飾，是位管理層，他說話極其權威！)，拒絕安排入座，原因：1)他從來冇聽過Dining City；2)天天海南雞飯從來不接受網上訂座。我向他出示手機訂座紀錄。肥阿叔睇都冇睇，就話：我都要check吓點解你會book到位？從來冇聽過Dining City (再重複了３次！)帶着媽媽，老人家不想換地方，我就問肥阿叔，冇我Dining City booking，我就點餐牌上其他菜，請安排入座。肥阿叔話：過咗12點，未試過walk in有位嘅！肥阿叔擺明趕客！惟有走人，換地方吃午餐！

同新同事食迎新飯，兩個人都唔想去太遠，於是揀咗公司樓下嘅餐廳，貪佢舒服體面得嚟又就腳，又可以順便介紹埋公司附近嘅餐廳俾新同事。今次係我第一次係天天食晚餐，晚餐餐牌都好多選擇，最驚喜就係有蛇羹套餐，中意食蛇羹嘅朋友可以嚟試下。新加坡米芝蓮二人餐鳳梨涼瓜乾貝燉龍骨湯菠蘿炒餸就食得多菠蘿燉湯都係第一次，湯水睇落夠清唔油，可能菠蘿抵消咗苦瓜嘅苦味，飲落味道唔酸唔苦甜甜哋幾開胃，而且好足料，飲完仲即時暖笠笠。海南沙律沙律顏色好靚，主要係水果為主有無花果、番石榴、士多啤梨，面果浸我估係酸薑梅粉，同啲番石榴好夾，不過同事就唔欣賞啦，佢食咗一舊就冇再食過，結果我食晒我將個沙律留到最後食用嚟解油飯嘅油膩。黑松露墨魚蝦多士食落味道好豐富，鬆脆而又唔乾，而且口感好有層次，食得出多士嘅香味蝦同墨魚嘅爽彈，同事同我都認為呢個多士好好食。 本人就覺得表面嘅木魚同沙律菜可以唔使咁多，蓋過咗個主角，可以簡化下個擺盤。正宗海南雞&雞油飯套餐有天天海南雞同正宗海南雞選擇，侍應介紹前者特色係啖啖肉但雞味較淡，後者就用文昌雞相對雞味較濃。中意雞味濃所以揀咗後者，可惜雞味唔係我哋預期咁濃而且有骨，懶得「論」骨嘅朋友唔建議揀，海

本身book左18:30 但係泊車遲咗，店員好有禮貌，等左一陣就有位。鋪頭裝修設計好有特色，門口有個mini bar。一坐底就俾啲好靚餐具吸引左。坐底就即刻有壹靚茶，嘆住茶慢慢揀食物。食物方面我哋叫咗天天海南雙拼、火焰椰子海鮮冬陰功、雞油飯、青檸汁明爐魚。🌟天天海南雞相拼配雞油飯一次過可以試晒兩款雞，海南雞好滑有雞味，而炸子雞就香口。份量都幾多，夠2-3人份量。我地簡左雞油飯，都一樣出色，雞油香而不膩。🌟青檸汁明爐魚我同朋友都鍾意食魚，特登試吓明爐魚。青檸汁酸酸甜甜好開胃，條魚都多肉唔會腥。🌟火焰椰子海鮮冬陰呢個火焰椰子冬陰功好有驚喜，上枱既時侯店員會點火，燒完岩岩好夠熱飲。椰子🥥睇落細細個，但入面好足料。食物份量好夠，滿足既一餐。

位於九龍站上蓋的圓方商場，每次行都會迷路，金木水火土五大區域，攪到我頭暈轉向，好彩朋友方向感強，帶著我周圍逛，還帶我食平靚正的美食。朋友帶我來到新加坡餐廳「天天海南雞」食晚飯，6點多已坐無虛席，可見受歡迎程度。餐牌上見到「新加坡米芝蓮2人餐」非常豐富，有選擇困難症的我們，一於不用多想。《海南沙律》有別於一般的沙律菜，這碟「海南沙律」令人眼前一亮，有新鮮的紅石榴、無花果和士多啤梨，上面灑上話梅粉，石榴加話梅粉是新加坡獨有的食法，酸酸甜甜，非常開胃。《斑斕汁椰香鱈魚》新加坡特產斑斕蛋糕，相信大家一點都不陌生，鱈魚細緻粒炸到香脆可口，點些斑斕混合椰香的汁，味道層次馬上提升了，很美味的一碟前菜。《鳳梨涼瓜干貝燉龍骨》非常足料清甜的湯，喝上一口就停不了，雖然加了肉一齊燉，但湯面完全沒有油，連盛湯的碗具都一絲不苟。《天天海南雞》「天天海南雞」和「正宗海南雞」二選一，今晚先試「天天海南雞」。專用的碟子盛著海南雞和三款不同的醬料，薄薄的白色雞皮爽口有彈性，完全沒有肥脂肪，雞肉較為結實，有嚼口，雞味濃。《雞油飯》食海南雞當然要配雞油飯，雖然寫1-2人份量，我覺得3個人都夠食，飯用木蓋蓋著，美觀雅緻，飯粒

其實成為米芝蓮指南推介嘅要求準則係點？食物質素？服務質素？尋日同朋友想食一餐午飯然後上班，就去咗附近圓方搵一間普普通通嘅餐廳餐廳，點知去到門口接待處，她的接待員的説話的語氣同態度，已經令我唔太好想食哩間餐廳，他說暫時未有位要等四張你等唔等？等嘅就留個聯絡電話畀我哋啦！有位就打畀你！噉我照留我手提電話畀佢，跟住等咗15分鐘，我朋友也到了，我說不如去其他餐廳食吧！然後我們去咗食韓國菜，由離開果刻至到我返工放工…都無一個電話打畀我發短信通知我！所以我唔知佢哋嗰個米芝蓮星級指南推介係點樣得嚟？！可能由新加坡嘅熟食檔嘅級數…想去到香港成為高級食店…係需要的過程嘅…

尋晚去西九睇show,咁當然要係九龍站搵食啦個frd介紹咗依間鋪大約6點幾入去食，唔使點等位。因為我哋總共4個人，咁就揀個4人餐食✌🏻佢有兩款4人餐㗎，今次我哋叫既係大menu入面個set前菜有沙律，隻碟果然配合返佢個米芝連🤣🤣主菜我哋揀咗肉骨茶，佢係胡椒風味既肉骨茶。想食藥材味既可能就失望，不過好淋好好食㗎之後仲有炒通菜&蠔餅&炸魚小食，炒通菜幾大份食極都仲有，而且幾好味😋但蠔餅同行都應該係唔好食，食唔出蠔味而且成口油，每一啖都係食油咁。最後淨低咗一舊講完配角就講主角，佢主打海南雞㗎嘛。我哋嗰嗰係天天海南雞（即係冇骨海南雞）配燒雞。佢有另一款海南雞係有骨㗎海南雞好滑但有少少鹹，我覺得燒雞好食啲，好片好香😋另外佢個雞油飯好正，不過可以早啲上連埋其他餸一齊食就更好最後甜品係桂花糕，但原來係白糖糕feel再配桂花糖漿。仲以為係酒樓式既凍食桂花糕😄😄全個餐都好多嘢食，本身個餐係$999/4人用，連埋茶位（每個$40）， total 埋單$12xx唔算好貴既米芝連餐廳

話晒新加坡名牌，一開就想嚟試但一直冇機會，今日路過就試一下。嘢食完全不符合水準，飯唔熱、凍湯麵、菜唔熟、雞水準好差仲要有”Pat”芡喺面服務仲得人驚，可以由一入門口到點菜埋單4個人都可以一致咁差，下晝Last Order問我地加唔加嘢，諗住加個咖央多當甜品都話賣晒（麵包同醬都冇就等如賣雞飯冇飯一樣），跟本就唔想你落單，馬上伸張單出嚟你埋，快啲俾錢走人。可能係店 Training 嘅特色，咁嘅價錢大把選擇，Element 求其一間都俾佢好（包括大快活）！我從來未寫話 Review，第一次激發我寫！我只好講祝你好運!

朋友提議我去尖沙咀柯士甸道西ELEMENTS圓方的一間米芝蓮推介嘅天天海南雞飯食店吃晚飯，我便應約前去。我哋叫咗飯店裏面出名嘅正宗海南雞， $199一份（大份），雞出名係冇乜脂肪嘅，果然名不虛傳🤗最欣賞佢嘅醬汁，有醬油、薑蓉、海南雞汁，酸酸辣辣嘅海南雞醬汁開胃惹味，雞有雞味，可以加錢配雞油飯，唔食飯嘅可以唔加配，自由度幾大。我們叫咗個沙嗲串燒，腌製咗的雞肉、牛肉、豬肉各有兩串，好有東南亞風味，嗰個沙嗲醬汁花生味濃厚，實在太好食。我哋又叫咗個雜菜煲，雜菜煲裏面有菜，好多粉絲、菇、蝦米，最特別係佢有新鮮嘅雞腎、雞肝。椰奶黑金龜苓膏都好好味，用少少粉煎香左龜苓膏，加上椰香味濃厚嘅椰汁，少少苦味嘅龜苓膏食落去口感甚佳，我就好鍾意啦！招牌超級水果茶，🍏🍎🍊只係$38 ，覺得非常抵飲，賣相又靚，可以打卡，味道又好，有新鮮嘅蘋果、熱情果、橙，唔怪得咁多人order ！🤭閒日都坐滿人，係有原因嘅。

來了第三次了，因為孩子喜歡來吃，但是這一次，他們的二人套餐的鳳利涼瓜乾貝燉龍骨湯裡竟然出現一隻小蟑螂，很生氣，湯已經喝了一半了，快噁心死了。老闆過來說換一碗湯，可是再怎麼樣也是和剛才一鍋湯煲出來的，再換也沒有意義。我們拒絕了換湯以後，老闆說全單9折，然後再沒有任何的跟進處理，沒有道歉，也沒有解釋，更沒有人來安慰顧客，這種處理態度很難看到一點誠意。吃完飯心情全無，也不再來他們家了，後廚是要有多髒，才會煲湯煲隻蟑螂進去。飲食業和服務業真是江河日下。

琴晚公司係圓方附近有活動，收工之後順便係附近覓食。又大又豪華的商場人卻很少，轉了不少彎才找到一間望落幾好味的餐廳🍴。剛去到人不多，兩個人坐左卡位，舒舒服服的！精緻的茶杯茶壺，翻開餐牌，肚仔即刻就打鼓，快速點左幾個啱口味的菜！海南雞有分大佬推介同二弟推介，店員話大佬推介係有骨，風味較多，二弟推介就無骨味道偏淡，喃住有醬，味道淡d都冇問題，所以簡左二弟推介！天天海南雞：白白的雞肉面淋左一層濃縮的高湯醬，望落唔多吸引，但入口味好香，同店員講的一樣，味道偏淡，要點甜醬油/辣椒醬/薑絨，甜醬油比普通的還要濃縮，辣椒醬好辣，反而薑絨味道有點淡，加多少少鹽就正啦！黑松露墨魚蝦多士：非常推薦！薄薄兩層脆多士夾著墨魚蝦餅，多士上淋上一層濃郁香醇的黑松露沙律醬，上面舖上菜絲，啖啖香脆美味份量不很多，足夠回味米芝蓮推薦石鍋蘿蔔黑磨豉豬軟骨：豬軟骨已經係入口即溶地步，每一舊蘿蔔都吸收曬所有醬汁的精華，但係豬瘦肉口感就麻麻。火焰海鮮耶青冬陰功湯：冇喃過可以打下卡，上菜仲會火一把！濃濃的冬陰功清海鮮辣味，伴有淡淡的葉子香葉，仲有少少的酒精味，除了豐富的口感仲會令人食慾大開！好正呀！原味豆腐花：冇叫嘢飲，就點左個普