大安茶冰廳

营业中

休息中

今日撞正要去油麻地辦事，甘岩搵到個好地方醫肚，雖然餐廳的門面比較「舊」而不起眼，但再細看才知道餐廳內有乾坤，其實係上一手舊有的茶餐廳業主要移民，好彩店舖最後得到一班年青人承繼後再沿用店名去經營，但就將內部格局由茶餐廳轉變成為當下潮流的西式Cafe。門外特意保留50年代舊有茶餐廳風格，至於內部的裝潢、間隔、卡座、水吧位置和餐牌都很有跨時代的風味，非常有特色。今日帶埋囡囡肥甄過嚟一齊食午餐，連佢都感受到餐廳的內部設計和一般的西餐廳感覺很不一樣，令人耳目一新。西檸雞牛油檸檬汁意粉（$84）將牛油加入意粉水乳化，過程中就算無落忌廉都可以令質地好似忌廉一樣咁Creamy，而且意粉充滿住牛油香，再加上檸檬汁甜甜酸酸，彈牙口感又夠fresh。西檸雞肉質嫩嫩不嚡口，同樣帶點酸酸的味道，整體係一道適合夏日的fusion菜。臘腸冬菇奶油意大利飯 （$92）中式煲仔飯就食得多，但今次竟然內裡係裝住既係臘腸冬菇奶油意大利飯。充滿奶油的creamy柔滑的味道，但意大利飯有D被瓦煲焗得偏淋，米粒中未有帶點煙韌的嚼口，口感卻不失不失。雖然加上臘腸帶有點點油香，但整體偏淡口，個人始終偏向喜愛煲仔飯有種甜豉油咸香和焦香

最近去咗大安食飯，成個經歷令人無言。啱啱入到去，冇人招呼，似乎冇咩心機，好似做嘢只係打發時間。等咗好耐都冇人嚟落單，明明一個餐都要成九十蚊以上，點解服務質素可以咁差？最失望嘅係，連食物質素都無力。嚟到嘅嘢飲、嘢食完全唔出色，味道淡而無味，好似冇心思去準備。咁嘅表現，真係令人反思：「係咪完全無心做餐廳？」作為客人，花錢花時間，本應期待一餐開心飯，但結果只係換嚟自助拎餐具同水嘅態度同十分一般嘅食物。總結一句，建議大家選擇光顧重視顧客同真正用心經營嘅地方，唔好浪費期待同金錢。

1️⃣煙鴨胸菠蘿包真係好特別！包身鬆軟，外面有啲微微脆，煙鴨胸的味道濃郁，搭配菠蘿包的甜香，口感十分平衡，食落去好開心。就算有啲人對煙鴨唔太習慣，都會覺得好味。平時配菠蘿油可能會有d膩，但呢個除咗有煙鴨胸之外，仲有蔬菜，飽而不膩。2️⃣蛋撻(唔記得影相)餅底好香脆，配上滑順的蛋漿，甜度啱啱好，咬一口就感受到蛋香四溢，真係令人欲罷不能。我平時係鍾意食曲奇皮嘅，但朋友話一定要試，所以就叫咗葡撻，結果冇令我失望！呢間除咗貴少少之外，味道冇得挑剔~

個蔥油叉燒蛋撈麵 收八十蚊，真係呢！你味道對得住先係呀。真係普通到無朋友，仲要80蚊，純粹只係靠個懷舊做賣點😂😂價格已經貴，食物真係普通到呢，呢啲譜店打卡一次就夠

這間冰廳老店，現在要茶餐廳，裏邊啲咖啡好好飲，每次入去用餐都好感受到老闆對店舖的熱誠，內裏還掛着附近舖頭各特色老店。食品都是舊同新的拼合，每人菜式各有特色。每次帶朋友嚟，大家都會有難忘的印象，所以每次與朋友相聚都好自然地想起這間舖頭。下次繼續去試其他嘢，我仲未試薑汁番薯巴斯克蛋糕。仲買左環保袋同帽做記念👍🏼

見到社交平台大推的五香肉丁滑蛋多士，今天特意慕名而來。原本以為他們只是一般有新意的冰室，怎料原來是徹頭徹尾的一間Cafe。裝潢富特色及人情味，環境十分乾淨，讓人有種走進時光隧道的錯覺。點了五香肉丁滑蛋牛肉多士，蜜糖叉燒太陽蛋蔥油撈麵，以及在玻璃櫥窗十分搶眼的特色蛋撻之一焙茶黑糖麻糬蛋撻。這個我心心念念的五香肉丁滑蛋多士，將我最愛的茶餐廳名物放在一隻碟上，大癲，而且份量超大，一個女孩子食完絕對飽到嘔；五香肉丁的份量比平時五香肉丁公仔麵上的份量還要多一倍，滑蛋雖然蛋香唔太強，但質感仍然軟滑，並且完美地鎖住五香肉丁及其肉汁，本以為加上花生醬會有點九唔搭八，但反而出奇地夾，讓我有種食緊沙嗲牛的錯覺，而且粒粒花生非常香脆，增加了整體的口感，半溶的花生醬更令到夾住的生菜吃起來有種特色風味的沙律的感覺，整體層次豐富，每一啖都令人十分滿足。蜜糖叉燒太陽蛋蔥油撈麵，主角叉燒當然比不上傳統燒臘舖烤得焦香鬆脆，但仍然10分入味，肉質軟腍，味道偏甜，很適合女孩子的口味。反而焙茶黑糖麻糬蛋撻沒有太大驚喜，但總算是一般Cafe的水準，仲有胃口的可以一試。

成日都鍾意發掘新嘢食今日去油麻地的茶餐廳之前睇OpenRice，見到早餐都成六、七十蚊一個早餐嘅茶餐廳，真係覺得好鬼貴。不過又想試吓。我哋點奶茶，冇奶茶。點檸檬茶，又冇檸檬茶。我個心諗咁搞笑嘅，就問佢你哋淨係得咖啡㗎咋咩？跟住佢就笑笑口，先至反轉個餐牌話俾我聽可以點特色咖啡。🤣 任揀$40以下嘅價錢咖啡，多個就補差價。咁我個心諗唔怪得你收成$70一個早餐咁鬼貴啦。原來呢間係懷舊嘅Fusion Cafe。唔講咁多，你哋自己過嚟食，因為有誠意嘅年輕人懷舊咖啡廳。一定再嚟多次食埋佢個lunch & Tea。

最近在佐敦發現一間超特別的咖啡店！這裡完美融合了傳統冰室的懷舊風格和現代咖啡廳的Crossover元素，讓人忍不住想一試再試！✨- Fusion菜單：香港味道搭配西式煮法，絕對讓你驚喜連連！🍽️- 性價比超高：下午茶set只需$58，包括蛋撻和一杯原價$40的咖啡，真是划算到驚！💸- 獨特裝飾：店內有趣的茶餐廳術語書籍，讓人不禁莞爾，絕對是拍照打卡的好地方！📸如果你也想體驗這份新舊交融的美味，快來大安茶冰廳吧！我已經迫不及待想再訪了！💖

香港最好吃的一顿腊肠东菇奶油意大利饭 好吃到失语了，重焙茶麻薯蛋挞 腊肠东菇奶油意大利饭 低头就是猛吃。🍦浓郁的奶香和香肠的辣味厚重的结合，在口中黏糊浓稠的包裹着米饭，散发出有层次的香气，又腻又爽💦重焙茶麻薯蛋挞 焙茶的温润香气和麻薯的软糯弹牙仿佛天然就很配，在嘴里连绵碰撞，香香酥酥的留下回味盤鹽話梅肥仔水 味道很有冲突，酸甜咸香，属于有特点但不好喝排队也值得，我觉得好吃‼️

少有的真。懷舊冰室，而且價錢公相宜，食物質素很好，員工年輕有禮貌，毫無傳統茶記的趕客態度。這間冰室由去年已經開始接觸。第一次喝他們的薄荷朱啡就愛上了，從未在其他Cafe喝到過這麽特別的咖啡風味。之前太太懷孕時，雖然我們來過幾次吃飯，但她一直沒能品嘗這里的咖啡，所以始終不明白我為什麽喜歡這里。直到昨天她終於點了一杯Flat White，喝第一口就讚不絕口，還笑著說家里的即溶咖啡可能要失寵了。這家冰廳會定期更換主題裝飾，所以每次來都能看到不同的佈置。昨天去的時候，正巧遇上他們與扶康會合作的小型畫展。他們的創新甜品也很有心思，在今次主題下他們以傳統姜汁撞奶和蛋撻結合成"姜汁撞奶麻糬蛋撻"。外皮酥脆，內餡是Q彈的麻糬和帶著姜汁香氣的蛋漿，一口咬下去，既有港式甜品的懷舊風味，又有新穎的口感層次。除了特色飲品和甜點，這里的食物也很出色，價格卻十分親民。每次來都能看到不同年齡層的食客，有老街坊獨自看報喝茶，也有年輕人相約聚餐說笑，這種新舊交融的氛圍特別溫馨。在節奏飛快的都市里，能找到這樣一家保留著舊時人情味，又能不斷帶來新驚喜的冰廳，實在難得。

最近發現佐敦有間超特別嘅咖啡店——大安茶冰廳！前身係傳統冰室，由一班後生仔接手後保留懷舊裝修，但轉型做Cafe，完美融合新舊風格。今次試完真心想encore，性價比高到嚇親！ ☕ 高質咖啡 + 超抵套餐我哋叫咗兩個餐： - 全日早餐（$78）- 午餐肉番茄通粉常餐（$68）最驚喜係兩個餐都跟**迷你菠蘿油**，仲包埋咖啡！加$4就可以升級**薄荷朱古力咖啡**，先生飲到上癮，話水準keep到第三次幫襯都一樣正。我杯Flat White仲好飲過Starbucks，$78有齊主食、菠蘿油同高質咖啡，真係抵到爛！ 🍽️ **懷舊與創新兼備** ▪️ 裝修保留舊冰室格局，但每3個月換一次牆上畫作，成間Cafe變身小型展覽空間，打卡一流！ ▪️ **兒童鴛鴦麻薯撻**（跟餐+$20）絕對要試！麻薯餡滑溜唔太甜，口感超正。 🍍 總結： 大安茶冰廳完美平衡懷舊同新派元素，食物高質得嚟價錢合理，$70幾就食到豐富套餐+精品咖啡，仲有驚喜迷你菠蘿油同期間限定甜品。如果想搵間有特色又抵食嘅Cafe，呢度絕對值得一試再試！

食客對呢間茶餐廳嘅評價兩極分化，所以我都冇帶好高期待去食，就點咗佢哋招牌蛋撻同咖啡☕朱古力咖啡🥄抹茶紅豆麻薯蛋撻本來睇到其他食客嘅返圖杯咖啡拉花好靚好精緻，我呢杯就些許失望💧朱啡味道也一般般蛋撻味道仲可以，甜度啱啱好，外皮好脆，抹茶同紅豆麻薯都几match🔔下午茶set蛋撻加杯原價$40嘅咖啡係$58，超過40就補差價最吸引我反而係台面本寫茶餐廳術語嘅書📚 好得意🤣

雖然掛住「茶餐廳」嘅名，但係發現佢哋竟然完全冇港式飲品淨係得咖啡類☕有啲似Cafe同茶餐廳嘅混合體🤔【叉燒太陽蛋蔥油撈麵🍜 】叉燒真係大得誇張，每啖都係肉，肉質厚實🍖食落去滿足感十足！太陽蛋煎得啱啱好，蛋黃流心，撈埋麵一齊食，口感豐富~但遺憾嘅係，麵就坨埋曬一舊，撈得唔夠勻啦！食嘅時候就覺得叉燒、太陽蛋🥚同個麵好似各自為政，冇咩融合感，總體就係算無功無過，冇乜驚喜...😐【奶茶蛋撻🥧】蛋撻個頭算大，而且奶茶味都幾濃郁不過個撻皮就有啲欠缺黃油嘅香氣，食到後面有啲滯😣作為一間新式茶餐廳，食物質素算係中上，但定價偏高，而且缺乏傳統港式飲品，可能會令一啲鍾意懷舊風味嘅食客有少少失望啦😞

今日得閒，心血來潮決定去試下呢間好hit嘅大安茶冰廳，門面有種濃濃嘅港式復古風。招牌鹹蛋黃雞翼雞翼炸得金黃酥脆，外皮好似裹咗一層薄薄嘅金衣，上面還均勻地鋪滿咗金黃色嘅鹹蛋黃碎，鹹香十足，而雞肉本身又保持住嫩滑多汁，鹹蛋黃嘅味道完全滲入咗雞肉入面。薯條炸得外脆內軟，外層嘅脆度剛剛好，而裡面嘅薯仔肉綿綿嘅，口感非常好。而且唔使點茄醬，單純食已經有好香嘅薯仔味。最後嘅肉丁滑蛋多士都令人印象深刻。多士烤得表面金黃，微微焦香。切開嚟，裡面夾住豐富嘅肉丁同嫩滑到好似布丁咁嘅滑蛋。一口咬落去，多士嘅香脆、肉丁嘅鮮美同滑蛋嘅嫩滑完美融合，口感層次豐富。肉丁炒得好入味，滑蛋又夠晒香滑。

最近返查香港越來越少懷舊嘅餐廳，喺網上見呢間餐廳感覺行懷舊風，所以專登嚟呢間餐廳試吓，可能因為早嘅關係，中午12點前，亦因為我一個人嘅關係，所以唔需要等位就可以直接入座。本來諗住對面個座位都會比其他食客坐，但係侍應並冇叫其他人坐我對面個位，大概食咗一個鐘頭，都係冇人坐我對面。雖然食物價錢有啲貴，餐牌大部份食物都係一啲非主流嘅配搭，其實感覺似一間Cafe多個似一間懷舊冰廳。壹加壹咖啡可以比食客一次試過兩種唔同嘅咖啡口味，感覺唔錯，黑啤肉醬配牛脷酥呢個配搭好特別，之前未試過，但係食得多會比較膩。整體上嚟講食物質素OK價錢偏貴少少。