今日撞正要去油麻地办事，甘岩揾到个好地方医肚，虽然餐厅的门面比较「旧」而不起眼，但再细看才知道餐厅内有干坤，其实系上一手旧有的茶餐厅业主要移民，好彩店舖最后得到一班年青人承继后再沿用店名去经营，但就将内部格局由茶餐厅转变成为当下潮流的西式Cafe。门外特意保留50年代旧有茶餐厅风格，至于内部的装潢、间隔、卡座、水吧位置和餐牌都很有跨时代的风味，非常有特色。今日带埋囡囡肥甄过嚟一齐食午餐，连佢都感受到餐厅的内部设计和一般的西餐厅感觉很不一样，令人耳目一新。西柠鸡牛油柠檬汁意粉（$84）将牛油加入意粉水乳化，过程中就算无落忌廉都可以令质地好似忌廉一样咁Creamy，而且意粉充满住牛油香，再加上柠檬汁甜甜酸酸，弹牙口感又够fresh。西柠鸡肉质嫩嫩不嚡口，同样带点酸酸的味道，整体系一道适合夏日的fusion菜。腊肠冬菇奶油意大利饭 （$92）中式煲仔饭就食得多，但今次竟然内里系装住既系腊肠冬菇奶油意大利饭。充满奶油的creamy柔滑的味道，但意大利饭有D被瓦煲焗得偏淋，米粒中未有带点烟韧的嚼口，口感却不失不失。虽然加上腊肠带有点点油香，但整体偏淡口，个人始终偏向喜爱煲仔饭有种甜豉油咸香和焦香的口感。若然煲仔饭能加多点中式的特色会更好。脆炸咸蛋黄鸡翼配薯条沙律（$68）虽然写明系轻食，但份量一啲都唔轻，肥美大只的炸鸡翼，炸得恰到好处，表面沾满咸香脆口的咸蛋黄，再配埋炸薯条，新鲜热辣辣甘炸起、邪恶满分。一碟就有六只炸鸡翼，一定要同人哋share，边可以「自肥」架。姜汁撞奶麻糬蛋挞($28)用了香港品牌的十字牌牛奶调制而成，非常有香港特色。虽然姜汁的味道较淡而不辣，反而牛奶的奶味相对较突出，小朋友都会钟意。重点系麻糬做得非常厚身，口感烟烟韧韧，同脆口的曲奇蛋挞底非常配合。冻儿童鸳鸯 ($46)用阿华田同好立克冲泡而成的儿童鸳鸯，两款口味都咁好味，又冇咖啡因成份，表面再洒上阿华田粉和燕麦碎大大增加口感，肥甄当然难以抗拒。啡立刻（冻$50）咖啡加入好立克的小玩意，虽然习惯饮开斋啡的我，好惊咖啡味唔够强，好彩询问一下员工，原来咖啡系用Double shot，虽然第一下饮落去，好立克味会比较强，但之后咖啡的甘香就慢慢渗出黎。黑牛（$48）黑牛系八十年代初香港特色饮品。虽然唔系我出生嘅年代，但系起我细细个都仲记得有可乐玻璃樽饮。今次难得有得再点返，仲要系经典版的玻璃樽可乐，再加埋一球冰冻的维记云呢拿味雪糕同Sparkling朱古力脆脆，童年回忆就返晒嚟。杏霜巴斯克焦烤芝士蛋糕（$46）蛋糕做得好厚身，中间的软心做得超出色，creamy柔滑，杏霜的味道真系超突出，一下子就笼罩住整个味蕾。爱杏霜的人一定要试。不过个人唔太受得杏霜的味道，反而加埋碟旁的碎曲奇，味道平衡返又接受到㖞。大安茶冰厅油麻地广东道830号地舖…查看更多
叫左个义烧煎蛋葱油捞面，味道还可以，不过太油，葱唔够香，煎蛋干脆，唔系流心蛋，幸好义烧够软腍有味。
鲜奶咖啡唔错，始终都系佢地既卖点，稳定野。
环境干净，装修以怀旧风格设计，呢种冰厅冇几多间，加上餐单中西合璧，都几吸引。
价钱略高，我本地人都要当自己系游客先舍得入嚟食义面。
服务态度年青化，醒醒目目的服务员，不打扰食客，不吹速落单。
建议价钱略微下调配合一下 《下调中的市道》会更好。
