大安茶冰廳

营业中

休息中

雖然掛住「茶餐廳」嘅名，但係發現佢哋竟然完全冇港式飲品淨係得咖啡類☕有啲似Cafe同茶餐廳嘅混合體🤔【叉燒太陽蛋蔥油撈麵🍜 】叉燒真係大得誇張，每啖都係肉，肉質厚實🍖食落去滿足感十足！太陽蛋煎得啱啱好，蛋黃流心，撈埋麵一齊食，口感豐富~但遺憾嘅係，麵就坨埋曬一舊，撈得唔夠勻啦！食嘅時候就覺得叉燒、太陽蛋🥚同個麵好似各自為政，冇咩融合感，總體就係算無功無過，冇乜驚喜...😐【奶茶蛋撻🥧】蛋撻個頭算大，而且奶茶味都幾濃郁不過個撻皮就有啲欠缺黃油嘅香氣，食到後面有啲滯😣作為一間新式茶餐廳，食物質素算係中上，但定價偏高，而且缺乏傳統港式飲品，可能會令一啲鍾意懷舊風味嘅食客有少少失望啦😞